Alþýðublaðið - 06.02.1996, Blaðsíða 4

4
ALÞÝÐUBLAÐK)
ÞRIÐJUDAGUR 6. FEBRÚAR 1996
v i ð t a I
■ Guðrún Pétursdóttir lífeðlisfræðingur, forstöðumaður Sjávarútvegsstofnunar Há-
skólans og húsmóðir í Þingholtum tilkynnti þjóðinni á laugardag að hún gæfi kost á
sér sem fimmti forseti lýðveldisins. Hrafn Jökulsson tók hús á frambjóðandanum
Það er ekkert í lífi
mínu sem ekki
þoiir dagsljós
Það er sunnudagskvöld við
Freyjugötu. Ætla mætti að forseta-
kosningar væru um garð gengnar:
blóm á öllum borðum, skeytabunki á
eldhúsborðinu, síminn hringir án af-
láts. Ólafur Hannibalsson hitar te
meðan Guðrún talar við konu á Vest-
fjörðum sem hringir til að lýsa yfir
stuðningi. Systumar Asdís og Marta
stytta mér stundir; þær eru sex, bráð-
um sjö, og þriggja, bráðum fjögurra.
Asdís er ákaflega stolt yfir lausri
framtönn en Marta segir mér dýra-
sögur. Kötturinn Siggi lygnir augum
útí horni. Það er einsog hann sé strax
farinn að láta sig dreyma um fugla-
lífið á Álftanesi.
Konur skelfa
Viðtalið virðist ætla að fara fyrir
ofan garð og neðan. Um leið og sím-
tólið er lagt á gellur ný hringing. Ól-
afur tekur að sér símvörslu og heim-
ilishald meðan Guðrún Pétursdóttir
lífeðlisfræðingur, húsmóðir og for-
setaframbjóðandi svarar spumingum
Alþýðublaðsins. Fyrst er spurt um þá
tvo daga sem liðnir eru síðan Guðrún
efndi til blaðamannafundar á Hótel
Borg og tilkynnti framboð sitt.
„Þeir hafa verið afskaplega
skemmtilegir, það hefur ekki staðið
síminn. Og það sem hefur verið
skemmtilegast við þau símtöl er að
svo margt fólk hefur hringt í mig
sem ég þekki ekki neitt. Þetta fólk
hefur þurft að hafa fyrir því að berj-
ast í gegnum hljóðmúrinn - það er
alltaf á tali. Fólk utan af landi; bænd-
ur, fiskverkafólk, sjómenn, af-
greiðslufólk í búðum, fólk sem vinn-
ur á spítulum: allskonar fólk sem
endurspeglar íslenska þjóð. Þetta er
slík hvatning, að þú getur ekki
ímyndað þér það.
Svo fór ég líka í skemmtilega leik-
húsferð í gærkvöldi, og sá leikritið
Konur skelfa. Mér finnst alltaf dálít-
ið hátíðlegt í leikhúsi og það setti
skemmtilegan blæ á daginn að fara
og sjá kraftmikið, íslenskt verk eftir
gamla vinkonu, Hlín Agnarsdóttur,
og verða vitni að frábærum leik.“
Yfirskrift þjóðlífsins
Hvaðfinnsl þér um forsetaembœtt-
ið?
„Mér fmnst þetta mikilvægt emb-
ætti. Vegna þess að það setur vissan
tón, það er einsog yfirskrift þjóðlífs-
ins; samnefnari. Það skiptir máli
hvaða blær er yfir forsetaembættinu.
Það skiptir máli fyrir heildina, það
eru ekki völdin í embættinu heldur
blærinn."
Tónn, segirðu. Hvaða tón œtlar þú
að slá sem síðan myndi óma áfram í
mannlífinu?
Hún velur orðin vandlega. „Tón
víðsýni, hlýju, hleypidómaleysis og
fágunar. Vona ég. Ef vel tekst til.“
Davíð Oddsson sagði í viðtali við
Alþýðublaðið á föstudag að engin
ástœða vœri til að tilkynna framboð
strax, enda œtti kosningabaráttan
ekki að taka nema rnánuð. Fólk sem
þyrfti hálft ár til að kynna sig hefði
greinilega ekki verðleika til að
gegna embœttinu. Það er nokkuð
Ijóst hverjum þessi pilla var œtluð.
„Þessu vil ég svara þannig, að
menn geta kosið að vera þekktir með
mismunandi hætti. Sumir eru víð-
kunnir og geta verið það að góðu eða
að endemum. Aðrir kjósa að afla sér
fyrst viðurkenningar og trausts í
miklu þrengri hóp. Hópi þeirra sem
þeir virða mest - og það held ég að
eigi oft við um vísindamenn. Maður
vill öðlast virðingu þeirra sem maður
metur mest, þeirra sem vita flest á
því sviði sem maður fæst við. Og
það er slík viðurkenning sem raun-
verulega skiptir máli. Að sækjast sí-
fellt eftir því að vera í sviðsljósinu
finnst mér ekkert sérlega spennandi.
En það segir sig sjálft, að vegna
þeirrar leiðar sem ég hef valið, þarf
ég mun meiri tíma til að kynna mig;
svo fólk geti metið sjálft um hvaða
manneskju er verið að ræða. Mér
finnst það bara sjálfsögð kurteisi við
kjósendur að ætla sér góðan tíma til
að kynna sig.“
Stend ekki í ritdeilum
nái ég kjöri
Þú ert nú meðal annars þekkt
vegna þess að þið Davi'ð hafið eldað
grátt silfur. “
„Já.“
Ertu ekkert hrœdd við að það komi
þér í koll?
„Nei, mér dettur það ekki í hug.
Eg er í rauninni friðsemdarmann-
eskja og mikill mannasættir, einsog
samstarfsmenn mínir geta borið um,
og kemur meðal annars fram í ágætu
meðmælabréfi sem þeir skrifuðu
þegar ég sótti um síðasta starf mitt
sem forstöðumaður Sjávarútvegs-
stofnunar.
En það kemur fyrir að réttlætis-
kennd minni er misboðið svo alger-
frá 1. febrúar 1996
Heimilislæknir og heilsugæslustöð: Koma á læknastofu á dagvinnutíma Almennt gjald: kr. 700 Lífeyrisþegar: kr. 300 *
Koma á læknastofu utan dagvinnutíma kr. 1.100 kr. 500 *
Vitjun læknis á dagvinnutíma kr. 1.100 kr. 400
Vitjun læknis utan dagvinnutíma kr. 1.600 kr. 600
Rannsóknir og greiningar: Krabbameinsleit kr. 1.500 kr. 500
Koma til röntgengreiningar eða rannsókna með beiðni kr. 1.000 kr. 300
Sérfræðingar og sjúkrahús: Koma til samningsbundins sérfræðings, kr. 1.400 + 40% kr. 500 + 13.3%
á göngudeild, slysadeild eða bráðamót- af umfram- af umfram-
töku sjúkrahúss kostnaði kostnaði
*Börn og unglingar undir 16 ára (í öðrum tilvikum greiða þau almennt gjald).
ATHUGIÐ!
Þeir sem hafa verið atvinnulausir lengur en sex mánuði greiða eftir gjaldskrá
fyrir lífeyrisþega. Sýna þarf staðfestingu frá Atvinnuleysistryggingasjóði.
Ellilífeyrisþegar yngri en 70 ára greiða almennt gjald, nema þeir hafi verið
örorkulífeyrisþegar fram til 67 ára aldurs eða hafi óskertan ellilífeyri. Sýna
þarf skírteini sem send verða frá Tryggingastofnun í febrúar.
TRYGGINGASTOFNUÍM^ RÍKISINS
lega að ég get ekki orða bundist. Það
hefur ekki gerst oft að ég hef mund-
að pennann á opinberum vettvangi.
Ég vona að ég haldi réttlætiskennd
minni verði ég kjörin til þessa emb-
ættis. Hinsvegar samrýmist það ekki
forsetaembættinu að standa í opin-
berum ritdeilum, svo ég geri ráð fyrir
því að ég kæmi gagnrýni minni á
framfæri með öðrum hætti.“
Aldrei spáð í áhuga
eða áhugaleysi Davíðs
Oddssonar
Þú varst oddviti þeirra sem börð-
ust gegn ráðhúsinu, og bakaðir þér
þarmeð reiði Davíðs Oddssonar.
Hefurðu fundið fyrir eftirköstum
þess?
„Nei, enda hafa okkar leiðir ekki
legið sarnan."
En varla er hann nú mjög áhuga-
samur um að sjáþig á Bessastöðum?
„Þú verður að spyrja hann um
það.“
Hyað heldurþú?
„Ég veit það ekki. Ég hef í raun-
inni aldrei spáð í áhuga eða áhuga-
leysi Davíðs Oddssonar.“
En svo við höldum okkur nú samt
við áhugamál hans, þá sagði Davíð í
áðurnefndu viðtali að ceskilegt vœri
að forseti lýðveldisins hefði reynslu
af stjómmálum. Hvað finnst þér?
„Þar er ég ósammála. Lykilþáttur í
mínu framboði felst í því að það er
ekki af flokkspólitískum toga. Ég tel
að það sé ókostur að menn hafi verið
umdeildir stjórnmálaleiðtogar ef þeir