Tíminn - 07.08.1968, Blaðsíða 14
TIMINN
14
MIÐVIKUDAGUR 7. ágúst 1968.
Fjórii hver ísiendingur...
Framhald af bls. 16
arástand skapast þótt komið
hefðu fimm þúsund manns í
viðtoót. „Þetta er heppilegasta
svæði sem ég veit um f.yrir sam
komur sem þess’ar", sagði Vil-
hjólmur. Vatnið sem þarna er,
er m.jög gott neyzluvatn, og
jarðvegsbotninn sem er hraun
ið, er mjög ákjósanlegt. Á
laugardeginum fengum við úr
hellisrigr;ingu, mest allan dag
inn, sagði Vilhjálmur ,og veg-
irnir sem við höfðu lagt um
svæðið voru blautir af aur,
en bílar „spóluðu“ ekki og er
það að þakka hinu þunna jarð
vegslagi, sem er ofan á hraun
inu, og þar undir er jarðvegur
inn fastur fyrir. Það er talið
áð um fimmtán þúsund manns
hafi komið í Húsafell, en það
er langt frá því að það sé sú
tala fólks sem við seldum að-
gang. f því sambandi ber þess
að geta, að allir ófermdir ungl
ingar í fylgd með foreldrum
sínum fengu ókeypis aðgang.
Alls munu hafa starfað á staðn
um hátt á annað hundrað
manns í sambandi við mótið.
Vilhjálmur sagði að forráða-
mönnunum hefði fundizt að
of mi’kið áfengi hefði verið á
samkomustaðnum á laugardeg
inum - það er of há prósenttala
fólks sem var undir áhrifum.
Til þess að bæta úr þvi, er
heppilegast, að foreldrar komi
í ríkari mæli með unglingun-
um, en hópferðir voru hvaða-
næfa að, sem ungUngar komu
með.
Það er margt sem þarf að
huga að, sagði Villhjálmur, þeg
ar á tveim dögum rís í Húsa-
fellsskógi og nágrenni næst
stærsti bær á íslandi. Til
marks um það, má geta þess
að sorphreinsunarbíll og sorp
hreinsunarmenn frá Borgar-
nesi störfuðu á staðnum, og
sögðu þeir að sorpmagnið hefði
verið álíka og mánaðarsorp í
Borgarnesi. Allmikið rusl er
enn á svæðinu, en þó er það
minna en var í fyrra. Munu
ungmennafélasar úr Borgar-
firði vinna að hreinsun sam-
komusvæðisins nú næstu kvöid.
Yfirleitt var umgengni fólks
góð. en þó bar nokkuð á
slæmri umgengni hjá ungling
unum. í tjaldbúðum þeirra.
Hinar nýju framkvæmdir
sem lagt var í nú fyrir þessa
helgi reyndust vel, sagði Vil-
hjálmur, danspallurinn við
Lamtohúsalindina og raflínan,
sem lögð var um hátíðasvæðið.
Greinilegt var að Hljómar
úr Keflavík voru stærsta „núm
erið“ á hátíðinni, og voru það
bæði ungir og gamlir sem söfn
uðust saman þar sem þeir léku.
Annars voru í Húsafellsskógi
úrval landsþekktra skemmti-
krafta, sem allir stóðu sig með
ágætum og gerðu meira en gert
hafði verið ráð fyrir. Gunnar
Eyjólfsson leikari hljóp í skarð
ið við að kynna atriði á mótinu,
og leysti það vei'k vel af hendi.
Að sögn löggæzlumanna, ge'kk
umferðin að og frá staðnum
slysalaust og dreifðist hún vel
á alla vegi, sem er mjög þýð-
ingarmikið.
Engin óhöpp sem um er tal
andi urðu á mótinu, og það
mesta varð, þegar ungur piltur
var að æfa sig í þrístökki, en
hann snéri sig á ökla.
Síðustu gestirnir voru að
fara af stáðnum í dag, sagði
Vilhjálmur, og staðurinn að
færast í samt lag á nýjan leik,
en alltaf eru einhverjir dvalar
gestir þar efra, bæði í sumar
húsunum sem Kristleifur á
Húsafelli leigir þarna út, og
svo eru alltaf einhverjir í
tjöldum.
Hvort aftur verður haldin há
tíð sem þessi, er undir Æsku-
lýðsnefnd og Ungmenna-
sambandi Mýrasýslu og
Borgarfjarð'arsýslu komið,
sagði Vilhjálmur og mér finnst
að áhuginn hér í héraðinu sé
mikill, að halda myndarlega
samkomu, þar sem öllum regl
um sé hlýtt til fullnustu.
Að lokum sagðist Vilihjálmur
vilja þakka þeim fjölmörgu sem
höfðu unnið við sum’arhátíðina
í Húsafellss'kógi, og ekki sízt
hinum fjölmörgu gestum, sem
hefðu trúað þeim fyrir að
skipuleggja helgina fyrir sig.
Bindindismótið í Galtalækj-
arskógi um verzlunarmanna
helgina sóttu um 5 þúsund
manns og fór mótið vel fram
að öllu leyti. Forráðamenn
mótsins róma mjög framkomu
mótsgesta. er virtust skemmta
sér prýðilega Þetta var 9.
bindindismótið, en það var,
eins og kunnugt er, haldið á
vegum Umdæmisstúkunnar nr.
1 og Tslenzkra ungtemplara.
Mótið var sett á laugardags
kvöld af formanni mótsnefnd-
ar, Gissuri Pálssyni, en öðrum
fyrirhuguðum dagskráratr-
iðum var frestað vegna óhag-
stæðs veðurs. Dansað var af
miklu fjöri á tveimur stöðum,
í gríðarstóru samkomutjaldi
og á stórum palli, og lét fólk-
ið veðrið ekki hafa áhrif á sig,
enda fór það batnandi eftir
því sem leið á nóttina. Fjór-
ar hljómsveitir léku fyrir dans
inum, Roof Tops, Mods og Ma‘
estro, sem léku fyrir nýju
dönsunum, en Stuðla-tríóið
fyrir gömlu dönsunum.
Á sunnudag hélt mótið á-
fram í ágætu veðri. Guðsþjón
usta hófst ki 2, séra Björn
Jónsson í Keflavík prédikaði.
Að guðsþjónustu lokinni hófst
dagskrá: Los Aztecas-tríóið frá
Mexíkó lék og söng, Sigurjón
Pálsson, bóndi að Galtalæk
flutti staðarlýsingu, þrjár ung
ar stúlkur frá Keflavík sungu
við gítarundirleik m.a. Galta-
lækjarljóð við hinar beztu und
irtektir. Guðmundur Snæland
lék á munnhörpu. Síðar var í-
þróttakeppni og áttust m.a.
við handknattleikslið frá ung-
templarafélögunum Hrönn í
Reykjavík og Árvakri í Kefla-
vík og sigruðu hinir síðar-
nefndu.
Á sunnudagskvöld hófst
kvöldvaka kl. 8 með ræðu Jóns
R. Hjálmarssonar, skólastjóra
í Skógum, Ketill Larsen og
Davíð Oddsson fluttu þrjá
skemmtiþætti, Kristín Sig-
tryggsdóttir söng þjóðlög ung
templarahljómsveitin Ma‘
estro úr Kópavogi lék nokkur
lög, Karl Helgason, félagi í
Ilrönn skemmti með tveimur
gamanþáttum og „Skotturnar“
fjórar ungar blómarósir frá
Keflavík sungu nokkur lög. Að
kvöldvökunni lokinni var stig-
inn dans af enn meira fjöri
en kvöldið áður. Um miðnætti
var gert hlé á dansinum ög
kveiktur varðeldur á eyrunum
fast við Ytri-Rangá og flugeld
um skotið. Og söngurinn
hljómaði og hughrifin voru
sterk við bálið. Mótinu var
slitið um nóttina Frásögn
mótsgests, er gömlu dönsunum
var slitið þá um nóttina
greindi frá áhrifaríku augna-
bliki, þegar ejnn hljómsveit-
armanna flutti kveðjur frá
hljómsveitinm fyrir frábæra
viðkynningu, enda dansað af
mikilli ánæg.iu, og bað alla
tengjast höndum og syngja
ættjarðarlög. I
Eins og fyrr segir, sóttu;
bindindismótið um 5 þúsund |
manns á öllum aldri. Auk sér-j
staks tjaldbúðarsvæðis ung-j
menna, var fjölskyldutjald-'
búðasvæði, ei þar fékk fólk j
tækifæri til að hafa bifreiðirj
sínar hjá tjöldunum Margir, \
sem nú komu í fyrsta skipti
í Gaitalækjarskóg, létu orð
falla, að þeim þætti staður
inn fallegur og einkar heppi
legur til slíks samkomuhalds.
Engir lögreglumenn voru í
Galtalækjarskógi, en skipu-
lögð gæzla fór ailan tímann
fram á vegum félaga i bind-
indinssamtökunum. Og þann
ig hefur það verið á öllum
fyrri omdindismótum.
Kynnir á bindindismótinu í
Galtaiækjarskógi var séra
Björn Jónsson
Þórarinn Kr. Eldjárn,
hreppEtjóri, Tjörn i SvarfaSardal,
lézt sunnudaginn 4. ágúst. Jarðarförin fer fram að Tjörn laugar-
daginn 10. ágúst kl. 2.
F. h. fjölskyldunnar
Hjörtur Eldjárn Þórarinsson.
Faðir okkar,
GuSjón Þorsteinsson, I
trésmíðameistari, Hellu, Rangárvöllum,
lézt sunnudaginn 4. ágúst s. I. að sjúkrahúsinu Sólvangi í Hafnarf.
Börn hins látna.
Þökkum hjartanlega auðsýnda vináttu og hluttekningu við fráfall
og jarðarför,
Nínu Guðrúnar Gunnlaugsdóttur
09
Steingríms Björnssonar,
sem létust af slysförum hinn 15. júlí s. I. Sérstakar þakkir faerum
við öllum þeim, sem þátt tóku í leitinni að hinum látnu.
Guð blessi ykkur.
Aðstandendur.
Vestm annaev jar.
Aðkomufólk var með færra
móti á þjóðhátíðinni í Eyjum
að þessu sinni. Bar minna á
ölvun en oft áður og er það
ekki sízt að þakka viðvörun
lögreglunnar og þeirra aðila,
sáu um mótið, um að eftirlit
yrði haft með óeðlilegum „vín-
innflutningi".
Gizkað er á, að um 4—5 þús.
manns hafi verið á hátíðinni,
en hún hófst á föstudag og
láuk á sunnudagskvöld. Tvær
hljómsveitir léku fyrir dansi,
Logar og hljómsveit Ólafs
Gauks, sem jafnframt sá um
skemmtiatriði ásamt Svavari
Gests. Má geta þess, að einn
af hljómsveitarmeðlimunum
varð fyrir því óhappi að detta
niður af sviðinu og handleggs-
brotna, en hann lét það ekki
á sig fá og spilaði áfram eins
og ekkert hcfði í skorizt eftir
að gert hafði verið að meiðsl-
um hans.
Veður var fremur óhagstætt
fyrsta daginn, en á laugardag
og sunnudag var komið ágætis
veður, sól og blíða og undi
fólkið sér vel í góða veðrinu.
Löggæzlumenn eru sammála
um, að mein menningarblær
hafi verið yfir þessari þjóð-
hátíð en þeim, sem haldnar
hafa verið á undanförnum ár-
um.
Bjarkarlundur.
Að venju mgðu margir leið
sína í Bjarkarlund, og að sögn
hótelstjórans þar töldu lög-
reglumenn að um 2500 manns
hefðu verið á staðnum um
helgina. Dansað var þar á
palli tvö kvöld, og einnig
voru skemmtiatriði á sunnu-
daginn. Nokkuð bar á ölvun
þarna, en ekki svo að nein
vandræði hlytust af Er þetta
álíka mannfjöldi og verið hef-
ur í Bjarkarlundi um verzlun-
armannahelgina undanfarin
þrjú ár.
Flúði vegna hita úr Ásbyrgi.
Mikið var af tjöldum í Ás-
byrgi og við Hljóðakletta um
helgina. Veður var méð ein-
dæmum gott þar, og naut fólk
náttúrufegurðarinnar og góða
veðursins í ríkum mæli. Mátti
sjá bíla úr nær öllum sýslum
landsins þarna. Svo mikill hiti
var í Ásbyrgi að fólk hrein-
lega hélzt þar ekki við, og fór
á staði þar sem hitinn var
ekki eins mikill.
Velheppnuð sumarliátíð í Atla
vík.
Um helgina héldu Fram-
sóknarmenn á Austurlandi
sína árlegu sumarhátíð í Atla-
vík í Hallormsstaðaskógi, og
sóttu hana á þriðja þúsund
manns. Skemmtidagskrá var
mikil og vönduð, og naut fólk
verunnar í Atlavík mjög vel.
Veður var mjög ákjósanlegt,
aðeins kom skúr á laugardag-
Framhald á bls. 11.
HESTAMÓT
Framhald af bls. 7.
frægðar mnnar pvi aó á þessum
fjórum árum heíur honum aldrei
tekizt að slá hið gamla íslands-
met Glanna fyrr en nú. Síðasta
keppnisgreinin er 800 metra
brokk, en brokk er tiltölulega ný
keppnisgrein.
Það er orðið kvöldsett, þegar
kcppnisgreinunum er lokið, og
mótsgestir fara yfirleit* til tjalda
sinna og fá sér eitthvað í svang-
inn. Flestir nota kvöldið til að
spretta úr sp^ori á góðum gæðing
um og pegar líða tekur á kvöld-
ið má hvarvetna heyra jódyn og
gleðihlácra. Það er stór hópur
mótsgesta. sem stormar í sam-
komuhúsiri að Iðavöllum og Egils
stöðum, og þar er nú heldur en
ekki glatt á hjalla. Hljómsveitir
leika dunandi danslög, og ungir
og gamlir hestamenn og konur
hringsnúast í takt við músíkkina,
en yfirleitt snúast samræður
manna og kvenna um blessaða
hestana. Ungur maður, dálítið
slompaður, horfir brosandi á
stúlku eina og segir: — Mikið
værirðu falleg og yndisleg hryssa,
svona viðkvæm, kvik og frá, eins
og þú ert.
Það er langt liðið á nóttu, þeg-
ar kyrrð færist yfir mótssvæðið,
og sumir eru ekkert að eyða þess
um skemmtilega tíma í svefn.
Það er spilað á gítara, sungin
ættjarðarlög, „og guðaveigar lífga
sálaryl“. Margir nota alla nótt-
ina til útreiða. Þetta er fögur
nótt og björt og lofar. góðu um
næsta dag.
Dómalýsingar og verðlaunaaf-
hendingar hefjast næsta dag kl.
10 árdegis, en síðan er hlé til
kl. 14. Koma þá hestamenn að-
ildarfélaganna 'oeggja ríðandi í
hóp inn á svæðið, fyrst Héraðs-
búar, og þar er að sjálfsögðu
fremstur í flokki Pétur á Egils-
stöðum. Síðan koma Hornfirðing
ar. Hér getur svo sannarlega að
líta úrva! gæðinga, þeir eru hver
öðrum glæstari og gangliprari.
Séra Ágúst Sigurðsson prestur í
Vallanesi flytur ræðu og síðan
flytur Einar G.E. Sæmundsen, for
maður Landssambands Hesta-
mannafélaga ávarp.
Það er 6 vetra góðhestur,
Svipur frá Jaðri í Suðursveit, sem
hlýtur fyrstu verðlaun sem gæð-
ingur. Umsögnin um hann hljóð-
ar þannig: Mjög glæsilegur í reið,
lundljúfur, fjöripikill, fjölgengur,
en skortir nokkuð þjálfun. Léttir
í Stóru-Lág í Hornafirði er nr. 2,
en nr. 3 er Blakkur frá Jaðri í
Suðursveit. Högni frá Brunnum
í Suðursveit hlýtur fyrstu verð-
laun klárhesta, en Sörli frá Breiða
bólsstað í Suðursveit er nr. 2.
Kl. 17 fer' fram síðasti liður-
inn á dagskrá mótsins, þ.e. úrslit
kappreiðanna. Þar bera aðkomu-
hestar yfirleitt hærri hlut. Buska
er fyrst í skeiði, en nær þó ekki
tilskildum tíma til að hljóta verð-
laun, Gula-Gletta úr Reykjavík
er fyrst í 300 metra stökki með
tímann 22,7, Sprettur frá Tóka-
stöðum, S.-Múl, og verðlaunagæð
ingurinn Svipur frá Jaðri eru
fyrstir í 250 metra folahlaupi á
20.4 sekúndum. í 800 metra stökki
urðu þrír hestar úr Reykjavík
fyrstir. Þytur varð nr. 1, en
hafði þó heldur lakari tíma en
í undanrás, eða 64.3 og næstir
urðu Reykur og Blakkur, með
tímana 65 sek. og 65.6 sek.
Þytur frá Eiðum var fyrstur í
800 metra brokki og setti ís-
landsmet. Tími hans var 2.08.0.
Tekið er allmjög að hvessa,
þegar keppnisgreinum er lokið,
og mótsgestir halda heim á leið,
léttir í skapi eftir skemmtilega
daga. Allir eru sammála um, að
mótið hafi farið hið bezta fram,
og enda þótt ekki hafi blásið
mjög byrlega fyrir þeim Frey-
faxamönnum, sem stóðu straum
af kostnaði við undirbúning móts
ins, eru þeir ánægðir með, hversu
allt tókst vel til, og ekki síður
ánægðir með völlinn sinn, sem
reýndist hinn bezti í hvívetna. Á
þessum velii verða væntanlega
haldin mörg skemmtileg og vel
heppnuð mót í framtíðinni.
Ekki er allt fengið við að fá
verðlaun eða viðurkenningu fyr-
ir hesta sína, og ekki er mér
kunnugt um, að töfrahesturinn
fagri hati fengið nokkuð slíkt. Ef
til vill nefur hann ekki einu sinni
verið á keppnisskrá, og það er
heldur ekki víst að hann sé neitt
sérstakur að dómi fagmanna. En
hann gerir þó bað sem mest er
um vert. Hann dreifii huga eig-
anda. síns frá hinu hversdagslega
amstri óg áhyggjum, veitir hon-
um gleði 'og ánægju. Fyrir hon-
um er hann því töfrahestur.
gþe.