Morgunblaðið - 20.02.2001, Blaðsíða 2

ÍÞRÓTTIR
2 B ÞRIÐJUDAGUR 20. FEBRÚAR 2001 MORGUNBLAÐIÐ
„ÞETTA er búinn að vera hrikalega
erfiður dagur og ég þurfti því að
fara áfram á þrjóskunni en loksins
gekk það upp hjá mér,“ sagði
Brynja Pétursdóttir úr TBR, sem
sigraði í einliða- og tvenndarleik
auk þess að fá silfur í tvíliðaleik.
„Ég klikkaði í tvíliðaleiknum þegar
þreytan sat í mér og það voru einn-
ig mjög erfiðir leikir í undan-
úrslitum í morgun og svo erfiður
einliðaleikur. Það er ekki hægt að
bóka neinn sigur, það var hægt en
framfarirnar hafa verið mjög mikl-
ar og mun meiri breidd en undan-
farin ár enda var þetta hryllilega
erfitt mót. Oftast hafa ein eða tvær
staðið upp úr en núna voru þær
fjórar eða fimm, sem er mjög gott
fyrir íþróttina. Þessir bikarar eru
því ekki gefnir, það er búið að taka
mig allt að fimm ár að vinna fyrir
þeim en ég var í úrslitum í tvö ár í
röð,“ bætti Brynja við en hún byrj-
aði að æfa fyrir 15 árum á Akranesi,
flutti síðan átján ára til að einbeita
sér að íþróttinni því það voru ekki
nógu margir, sem æfðu á Akranesi.
Þraukaði á þrjóskunni
Mótið var hið skemmtilegastaog var keppt í þremur deild-
um, meistaraflokki ásamt A og B
flokki. Keppendur
voru alls 78 og var
góð blanda af ung-
um upprennandi
stjörnum í bland við
eldri garpa sem slá hvergi af. Sá
yngsti var tólf ára og sá elsti rúm-
lega fimmtugur en að því var ekki
spurt þegar spaðinn fór á loft.
Úrslit í meistaraflokki karla og
kvenna hófust á sunnudeginum.
Fyrst í einliðaleik karla en þar
hafði Tómas öruggan sigur í tveim-
ur lotum á Tryggva Nielsen en
þreyta sat í honum eftir erfiða við-
ureign við Njörð Ludvigsson í und-
anúrslitum. Í kvennaflokki var
spennan meiri en þar hafði Brynja
sigur á Rögnu Ingólfsdóttur í
tveimur lotum, 13:12 og 11:9, en
jafnt var á flestum tölum fram eftir
leiknum. Sama var upp á teningn-
um í tvíliðaleik karla þegar Njörður
og Helgi Jóhannesson veltu úr
sessi meisturunum frá í fyrra,
Tryggva og Sveini Sölvasyni með
15:8 og 15:11 sigri en þar var einnig
jafnt fram eftir öllum leik. Í tví-
liðlaleik kvenna voru Vigdís Ás-
geirsdóttir og Ragna Ingólfsdóttir
öruggar með 15:7 og 15:8 sigur á
Brynju og Söru Jónsdóttur. Þá var
komið að tvenndarleiknum og ljóst
að Tómas og Brynja yrðu að hafa
mikið fyrir því að verja titilinn.
Njörður og Elsa unnu fyrstu lotuna
7:15 en Tómas og Brynja sneru við
blaðinu með 15:10 og 15:12 sigri eft-
ir tæplega klukkustundar leik.
Enginn í áskrift lengur
„Það er góð breidd í íþróttinni og
fleiri gera nú tilkall til titlanna svo
það má lítið út af bera, sérstaklega
eru komnar fram margar góðar
stúlkur svo áskrift að titlum er
runnin út,“ sagði Broddi Kristjáns-
son landsliðsþjálfari við mótslok.
Hann hafði í mörg horn að líta á
mótinu því fimm keppendur búa er-
lendis og komu heim til að keppa en
telur hann mikinn mun á þeim sem
æfa á Íslandi og hinum? „Já og nei,
auðvitað er mjög gott fyrir
badminton-fólk að fara utan en það
er ekki nóg að fara bara út. Nú eru
margir, sem æfa erlendis, í erfiðu
námi og hafa því fækkað æfingum
eitthvað og það eru margir ungir
hérna heima að sækja á. Nú er liðið
mjög ungt og það er nokkuð bil í
okkur þessa eldri en það hefðu mátt
vera árgangar þarna á milli. Hins
vegar hafa þessi yngri sýnt góða til-
burði til að taka við og nú þurfa þau
að taka málin í sínar hendur,“ sagði
Broddi. Næsta verkefni landsliðs-
ins er heimsmeistarakeppnin í vor
en þjálfarinn vonast til að einnig
verði keppt á opnum einstaklings-
mótum í Evrópu.
Morgunblaðið/Kristinn
Brynja Pétursdóttir úr TBR og Tómas Viborg úr Víkingi eru hér með afraksturinn úr Meistaramótinu í badminton um helgina.
Hvort fyrir sig vann einliðaleikinn og saman unnu þau tvenndarleikinn.
Tómas og Brynja
unnu tvöfalt
GRÓSKAN er mikil í badminton á Íslandi og það kom greinilega í ljós
á Meistaramóti Íslands, sem fram fór í húsi TBR um helgina. Aðeins
Tómasi Viborg tókst að verja báða titla sína – einliðaleik og í
tvenndarleik með Brynju Pétursdóttur en þau tvö unnu hann einnig
í fyrra. Brynja gerði nú gott betur og sigraði í einliðaleik og náði
silfri í tvíliðaleik.
Stefán
Stefánsson
skrifar
„ÉG ætlaði mér að vinna
þetta og setti því pressuna á
mig sjálfur, jafnvel meira
en ég átti að gera svo að ég
segi: Loksins er þetta búið
og pressunni aflétt,“ sagði
Tómas Viborg, sem varði
tvo titla, einliðaleikinn sem
hann hefur unnið þrjú ár í
röð og tvenndarleikinn
tvisvar. „Ég veit ekki hvort
þetta var erfiðara nú en áð-
ur en það var mun skemmti-
legra því við erum svo
margir jafnir. Til dæmis í
tvíliða- og tvenndarleik, það
er enginn sigur gefinn svo
að þetta var mjög erfitt og
þreytan mjög mikil.“ Tómas
býr í Umeå í Svíþjóð, sem er
að sögn hans mjög norðar-
lega og á sömu breiddar-
gráðu og Reykjavík. Hann
spilar þar með félagi sínu
auk þess að vinna hálfan
daginn og æfa að jafnaði
tvisvar á dag fjóra daga
vikunnar. „Það er mun
meiri breidd í Svíþjóð og
því sterkari spilarar. Við
erum að spila í efstu deild
svo að það eru margir góðir
leikir enda nokkrir af þeim
bestu í heimi í mínu félagi.
Samt er erfitt að keppa
hérna en margir góðir,“
bætti Tómas við.
Pressunni
loks aflétt
FYLKIR beið lægri hlut fyrir
bandaríska liðinu New York/New
Jersey Metrostars, 2:0, í þriðja og
síðasta leik sínum í æfingaferðinni
til Spánar. Fylkismenn töpuðu því
öllum þremur leikjum sínum á
Spáni en áður höfðu þeir tapað fyr-
ir Lyn frá Noregi, 2:1, og fyrir Pog-
on Szczecin frá Póllandi, 3:0.
Þriðja tap
Fylkismanna