Morgunblaðið - 17.07.2001, Side 7

MORGUNBLAÐIÐ ÞRIÐJUDAGUR 17. JÚLÍ 2001 B 7
PÉTUR Guðmundsson, HSK, á
bæði Íslands- og landsmótsmet í
kúluvarpi. Íslandsmet hans er
21,26 metrar og það setti hann árið
1990 eins og landsmótsmetið sem
er 20,66. Pétur var meðal kepp-
enda í kúluvarpinu á Egilsstöðum
þrátt fyrir að tvö ár séu síðan hann
hætti. Hann gerði sér lítið fyrir og
sigraði með 17,64 metra kasti.
„Það var gaman að sjá skiltið
sem sýndi Íslandsmetið, en ég á
ekki von á að ég nái að varpa
kringlunni svona langt enda er ég
hættur,“ sagði Pétur glaðbeittur
eftir verðlaunaafhendinguna en
þar tók hann við gullpeningi úr
hendi Hreins Halldórssonar, for-
vera hans sem besta kúluvarpara
Íslands.
Pétur hefur
litlu gleymt
„Það er ekki hægt að segja nei
þegar gamla félagið manns kallar
á mann.
Þetta er fimmta landsmótið mitt
og ég get vel ímyndað mér að ég
eigi eftir að koma á þau nokkur til
viðbótar þó svo ég nái líklega ekki
að ná 14 mótum eins og Guð-
mundur Hallgrímsson, ég missti
nokkur mót úr þegar ég var á fullu
í kúlunni. Það er alltaf jafngaman
að keppa í kúlu og ég er sáttur við
árangurinn, ég kann þessar hreyf-
ingar sem þarf til. Hins vegar vant-
ar tilfinnanlega einhvern sem kast-
ar álíka langt og ég gerði og ég bíð
eftir þeim manni. Þegar hann kem-
ur fram á sjónarsviðið ætla ég að
reyna að aðstoða hann eins og ég
get,“ sagði Pétur Guðmundsson.
FÓLK

VIÐ setningu 23. landsmótsins
voru haldin nokkur ávörp. Auk for-
manns UMFÍ og forseta Íslands töl-
uðu Björn Bjarnason menntamála-
ráðherra, Jón Kristjánsson
heilbrigðis- og tryggingamálaráð-
herra og Katrín Ásgrímsdóttir, bæj-
arstjóri Austur-Héraðs. Fyrir hönd
keppenda var það Hulda Elma Jóns-
dóttir, blakkona frá Neskaupstað,
sem flutti ávarp.

UMFERÐ um götur Egilsstaða
var nokkuð þung um helgina en
heimamenn höfðu vaðið fyrir neðan
sig og gerðu einstefnu hringinn í
kringum íþróttasvæðið. Til að það
gæti orðið þurfti að setja um 60 ný
umferðarmerki, aðallega merki sem
bönnuðu mönnum að beygja til
hægri eða vinstri eftir því úr hvaða
hliðargötum komið var. Umferðin
gekk vel, ekki síst vegna þess að
fjöldi heimamanna notfærði sér veð-
urblíðuna og hafði bílinn heima og
gekk þess í stað.

ÞAÐ eru margir sem fá verð-
launapeninga á landsmóti, sumir
fleiri en aðrir eins og gengur, en alls
voru framleiddir tæplega 900 verð-
launapeningar fyrir 23. landsmót
UMFÍ. Keppendur voru um 1.500
þannig að hefði verðlaunapeningun-
um verið jafnt skipt á milli manna
hefði góður helmingur keppenda
fengið verðlaunapening.

VEL var mannað á frjálsíþrótta-
vellinum síðasta daginn þegar meðal
annars var keppt í kúluvarpi, þrí-
stökki og spjótkasti. Kaststjóri í
kúluvarpinu var Hreinn Halldórsson
kúluvarpari, Vilhjálmur Einarsson
sá um að stjórna þrístökkskeppninni
og sonur hans Einar Vilhjálmsson
var kaststjóri í spjótkastinu. Allir
þrír meðal bestu íþróttamanna sem
þjóðin hefur átt.

HINN glæsilegi íþróttavöllur á
Egilsstöðum heitir eftir Vilhjálmi
Einarssyni og er nefndur Vilhjálms-
völlur. Gárungarnir á Egilsstöðum
voru samt ekki lengi að snúa aðeins
út úr því nafni og kalla hann „Villa
Park“.

TJALDSTÆÐI keppenda á Egils-
stöðum var hið ágætasta og þar
væsti ekki um neinn. Mönnum brá þó
aðeins þegar þeir komu á tjaldstæðið
eftir að keppni var lokið á sunnudag-
inn, dálítið rigndi á íþróttasvæðinu
en á tjaldstæðinu hafði snjóað. Já,
upp við flest tjöldin mátti sjá að gert
hafði smáhaglél, en þar sem hiti var
nærri fimmtán gráðum festi snjóinn
ekki, enda miður júlí.

GUÐMUNDUR Hrafnkelsson
landsliðsmarkvörður brá sér í hlut-
verk dómara í síðasta handboltaleik
landsmótsins þar sem kvennalið
HSK og UÍA áttust við. Guðmundur
var á ferðalagi um Austurland og var
gripinn glóðvolgur og látinn dæma.
Morgunblaðið/Þorkell
kell
HSK, Héraðssambandið Skarphéð-
inn, sigraði í stigakeppni sam-
banda, hlaut 1.881 stig, en Skarp-
héðinsmenn, sem eru hér á
myndinni með sigurlaun sín, hafa
verið iðnastir allra í gegnum tíð-
ina.
UMSK varð í öðru sæti, hlaut
1.632,5 stig, heimamenn í UÍA
hlutu 1.463 stig í þriðja sætið. Alls
kepptu 25 sambönd að þessu sinni
og Skarphéðinsmenn voru þeir
einu sem hlutu stig fyrir allar
greinar, sigruðu í glímu, íþróttum
fatlaðra og golfi.
HSK sigraði
í heildar-
keppninni
ÞRETTÁN keppendur mættu til
leiks í þeirri list að dekka borð.
Borðin voru hvert öðru glæsi-
legra og dómararnir voru því
ekki öfundsverðir að skera úr
um hvert þeirra skyldi hljóta
fyrstu verðlaun.
Það var greinilegt að áhorf-
endur höfðu mestan áhuga á
borði Vígþórs Sjafnars Zophaní-
asson, sem starfar sem þjónn á
Hallormsstað. Borðið sitt nefndi
hann Veisluborð hinna íslensku
súrrealista og þar var hug-
myndaflugið nýtt til hins ýtrasta.
Hann notaði ýmislegt sniðugt til
að skreyta borðið og meðal ann-
ars gúmmískó sem flöskustanda
og á miðju borði var lambhrúts-
beinagrind. Gríðarlega skemmti-
leg hugmynd hjá Vígþóri Sjafn-
ari sem var eini karlmaðurinn í
keppninni og það dugði honum
til 4.–5. sætis í keppninni.
Súrrealískt borð
Jón Arnar varð stigahæstur karl-anna í frjálsum á þessu lands-
móti, rétt eins og á síðustu tveimur
landsmótum. „Ég er
þokkalega ánægður
með árangurinn mið-
að við hvernig æf-
ingaálagið er þessa
dagana. Langstökkið kom vel út og
líka grindin þrátt fyrir mótvindinn.
Stöngin er öll að koma, ég er með
nýjar stangir þannig að ég á eftir að
þróa það aðeins. Nú taka við æfingar
hjá mér fram að HM og þetta var fín
æfing fyrir það,“ sagði Jón Arnar.
Hann tók fyrst þátt í landsmóti á
Húsavík 1987 og hefur jafnan staðið í
ströngu enda keppt í mörgum grein-
um. Hann sagði þetta fína æfingu því
hann væri nokkuð einbeittur allan
daginn; að hita upp, hlaupa niður,
skipta um skó og sokka, klæða sig í
og úr keppnisgallanum og taka á
móti verðlaunum. „Þetta er líka góð
æfing fyrir mig því maður verður að
fylgjast með og vita hvað um er að
vera,“ sagði Jón.
Hann sagði alltaf jafn gaman að
keppa á landsmótum. „Þegar ég flutti
suður kom í rauninni ekki til greina
að fara í FH, ÍR eða Ármann vegna
þess að þau eru ekki með á lands-
móti,“ sagði tugþrautarkappinn, sem
hefur alltaf gist í tjaldi á landsmóti
þar til núna. „Ég kom viku fyrr hing-
að austur til að fá góð ráð hjá Hreini
Halldórssyni varðandi kúluvarpið og
við fengum íbúð hér í bænum,“ sagði
Jón Arnar og hrósaði vellinum mikið,
sagði engan völl á landinu hafa eins
fallega umgjörð og Vilhjálmsvöllur.
Morgunblaðið/Þorkell
Jón Arnar með syni sína Krister Blæ og Tristan Frey, og Kristín Lára Hauksdóttir, lítil frænka.
JÓN Arnar Magnússon úr UMSK
hafði í nógu að snúast á lands-
mótinu þar sem hann keppti í
fimm greinum, sigraði í þremur
einstaklingsgreinum og að auki
í 1.000 metra boðhlaupi og
sveitin náði öðru sæti í 4x100
metra hlaupinu.
Skúli Unnar
Sveinsson
skrifar
Jón Arnar
með fjög-
ur gull og
eitt silfur
LANDSMÓTIÐ Á EGILSSTÖÐUM