Morgunblaðið - 07.09.2001, Blaðsíða 8

FRÉTTIR
8 FÖSTUDAGUR 7. SEPTEMBER 2001 MORGUNBLAÐIÐ
Sest í stjórn Alþjóðagjaldeyrissjóðsins
Starfsemi
sjóðsins gagnsæ
ÓLAFUR Ísleifs-son, fram-kvæmdastjóri al-
þjóðasviðs Seðlabanka
Íslands, tekur sæti í fram-
kvæmdastjórn Alþjóða-
gjaldeyrissjóðsins í Wash-
ington DC um tveggja ára
skeið frá næstu áramót-
um. Hann var spurður um
hvað hið nýja starf fæli í
sér.
„Starfið felur í sér að
vera fulltrúi átta ríkja í
framkvæmdastjórn
Alþjóðagjaldeyrissjóðs-
ins. Ríkin eru Norður-
löndin fimm og Eystra-
saltsríkin þrjú. Fulltrúinn
stýrir jafnframt skrifstofu
Norðurlanda og Eystra-
saltsríkja hjá sjóðnum.“
– Hvaða mál koma helst
til kasta framkvæmdastjórnar
Alþjóðagjaldeyrissjóðsins?
„Alþjóðagjaldeyrissjóðurinn
er aðalvettvangur heimsbyggð-
arinnar á sviði efnahagsmála.
Enda eiga nánast öll ríki heims
aðild að honum – eða 183 að tölu.
Framkvæmdastjórnin fjallar um
efnahagsmál í einstökum löndum
og heimsbúskapinn. Eins tekur
stjórnin ákvarðanir um lánveit-
ingar til einstakra landa. Eitt af
stærstu verkefnum sjóðsins um
þessar mundir er að létta skuld-
um af örbjarga þjóðum, einkum í
Afríku, í samvinnu við systur-
stofnun sína, Alþjóðabankann.“
– Þú hefur áður komið að
starfi Alþjóðagjaldeyrissjóðsins
– hvert var hlutverk þitt þá?
„Bæði hef ég unnið á skrifstofu
Norðurlanda hjá sjóðnum og eins
tekið þátt í samstarfi Norður-
landa og Eystrasaltsríkja um
málefni sjóðsins fyrir utan að
sitja ýmsa fundi hans. Samstarf-
ið felur m.a. í sér að samræma
sjónarmið og móta sameiginlega
stefnu í þeim málum sem fjallað
er um í framkvæmdastjórninni.“
– Hvað brennur mest á þér í
sambandi við Norðurlönd og
Eytrasaltsríkin varðandi sjóð-
inn?
„Sem betur fer erum við ekk-
ert síður veitendur en þiggjend-
ur í þessu samstarfi. Ísland fékk
síðast lán hjá sjóðnum árið 1982
en við eins og önnur aðildarríki
njótum góðs af efnahagsráðgjöf
sjóðsins, hingað koma sendi-
nefndir frá sjóðnum árlega og
taka út þjóðarbúskapinn. Ná-
grannar okkar á Norðurlöndum
veita miklu fé í þróunaraðstoð,
þess vegna láta þau sig varða
hvað sjóðurinn fyrir sitt leyti
hefst að á því sviði. Eystrasalts-
ríkin hafa notið atbeina Alþjóða-
gjaldeyrissjóðsins við að reisa
við efnahag sinn. Norðurlöndin
og Eystrasaltsríkin hafa með sér
náið samstarf þar sem öll ríkin
eru jafnrétthá, þetta kjördæmi
má telja einstakt að þessu leyti.
Af hinum 24 stjórnarmönnum
eru nú átta sem eru fulltrúar fyr-
ir eitt land en hinir eru fulltrúar
fyrir ríkjahópa.“
– Hvernig eru
fulltrúar kjörnir?
„Norðurlöndin
skiptast á um að til-
nefna fulltrúa og situr
hver í tvö ár. Eystra-
saltsríkin komu inn í sjóðinn
snemma á tíunda áratugnum og
gengu þá inn í kjördæmi Norð-
urlanda sem var fyrir. Þeir til-
nefna menn á skrifstofuna. Það
sést af þessu hve náið og lýðræð-
islegt samstarf ríkjanna er að Ís-
land, sem er með minnstu aðild-
arríkjum í sjóðnum, skuli eiga
þess kost að tilnefna fulltrúa í
stjórn Alþjóðagjaldeyrissjóðsins
en þetta er gert í krafti sam-
starfs Norðurlandanna þar sem
allir eru jafnréttháir.“
– Hefur Ísland áður tilnefnt
fulltrúa í stjórn sjóðsins?
„Ísland er í hópi stofnenda
sjóðsins og tilnefnir nú í fjórða
sinn aðalfulltrúa í stjórn hans.
Ísland tekur jafnframt í fyrsta
sinn við forystu um mótun stefnu
í einstökum málum innan kjör-
dæmisins. “
– Eru ekki blikur á lofti í
heimsbúskapnum?
„Það ríkir ákveðinn uggur nú
um stundir við samdrátt og viss-
ar áhyggjur af framvindu efna-
hagsmála í Bandaríkjunum, Evr-
ópu og Japan. Það má búast við
að mál þessu tengd komi mjög til
kasta framkvæmdastjórnarinnar
á komandi misserum. Af málum
sem hafa verið ofarlega á baugi í
fréttum má nefna aðstoð við lönd
á borð við Argentínu. Ríkt hefur
ákveðinn ótti við að sá vandi sem
þar er við að etja breiðist út um
Suður-Ameríku.“
– Hafa orðið miklar breytingar
á starfi sjóðsins síðan þú kynnt-
ist því fyrst?
„Já, annars vegar nær nú sjóð-
urinn til heimsins alls eftir að
lönd eins og fyrrver-
andi sovétlýðveldi og
Sviss gengu í hann.
Frá því ég starfaði við
sjóðinn hefur hann
orðið að alheimsstofn-
un. Hins vegar er
starfsemi sjóðsins orðin gagn-
særri en hún var og miklar upp-
lýsingar um hana að fá á heima-
síðu hans og í ritum. Sjóðurinn
hefur sömuleiðis stuðlað að því
að koma upp leiðbeinandi reglum
um gagnsæi í stjórn peningamála
og hagstjórn yfirleitt, sem er
auðvitað mjög í takt við tíðarand-
ann.“
Ólafur Ísleifsson
 Ólafur Ísleifsson fæddist 10.
febrúar 1955 í Reykjavík. Hann
lauk stúdentsprófi frá Mennta-
skólanum í Reykjavík 1975 og
BS-prófi í stærðfræði frá Há-
skóla Íslands árið 1978. Meist-
araprófi í hagfræði lauk hann frá
Hagfræðiskóla London árið
1980. Hann hlaut réttindi til
verðbréfamiðlunar 1998. Hann
hefur starfað í Seðlabankanum
frá árinu 1983 með hléum, með-
an hann starfaði hjá Alþjóða-
gjaldeyrissjóðnum 1985 -1987 og
hefur setið ársfundi sjóðsins sl.
15 ár.Hann var efnahagsráðgjafi
ríkisstjórnar Þorsteins Páls-
sonar 1987 til 1988. Hann hefur
stýrt alþjóðasviði Seðlabankans
frá 1991. Ólafur er kvæntur
Dögg Pálsdóttur hæstarréttar-
lögmanni og eiga þau einn son.
Ísland tekur í
fyrsta sinn
forystu um
mótun stefnu
DAVÍÐ Oddsson forsætisráðherra
hóf í gær skyndihjálparátak Rauða
kross Íslands og fékk um leið af-
henta fyrstu bílatöskuna sem inni-
heldur sjúkragögn, en slíkar bíla-
töskur verða seldar um land allt.
Ráðherrann kom töskunni fyrir á
áberandi stað í ráðherrabílnum. Al-
menningur er hvattur til að fá sér
slíkar bílatöskur og koma fyrir í
bílum sínum.
Á morgun, laugardag, verður
haldinn Evrópudagur í skyndihjálp
í Kringlunni, en á þeim degi ætla
evrópsk Rauða kross félög að
minna á mikilvægi skyndihjálpar.
Rauði krossinn mun selja bíla-
töskuna í Kringlunni, en hún er
einnig seld í apótekum um land allt.
Hluti átaksins er samstarfssamn-
ingur við Lyfjaverslun Íslands um
framleiðslu á bílatöskunni. Í tösk-
unni eru ýmsar nýjungar m.a. sér-
stakur bílbeltahnífur, sem nota á til
að skera bílbelti utan af fólki eftir
slys ef ekki er unnt að losa beltin
með eðlilegum hætti. Þá er í tösk-
unni blásturshlíf til að koma í veg
fyrir ýmiss konar smit þegar beita
þarf munn við munn aðferð og ein-
nota hanskar. Sjúkragögn í tösk-
unni eru vel vatnsvarin og vatns-
heldur leiðbeiningabæklingur
fylgir með.
Í skýrslu Rannsóknarnefndar
umferðarslysa „Banaslys í umferð-
inni 1999“ kemur fram að þegar al-
varleg slys eiga sér stað séu veg-
farendur oft fyrstir til aðstoðar og
aðhlynningar á vettvangi. Almenn
kunnátta í skyndihjálp geti þá
reynst dýrmæt, meðan beðið er eft-
ir lögreglu, sjúkraflutningamönn-
um og læknum. Segir í skýrslunni,
að í nokkrum málum frá árinu 1999
sem nefndin hafi farið yfir, hefðu
nærstaddir átt að bregðast við með
öðrum hætti en raun varð á. Kunn-
áttu almennings á Íslandi í skyndi-
hjálp virtist því ábótavant og væri
brýnt að bæta úr.
Morgunblaðið/Kristinn
Davíð Oddsson með bílatöskuna og Sigrún Árnadóttir, framkvæmdastjóri Rauða kross Íslands.
Sala á bílatöskum með sjúkragögnum hafin
Bílataska í ráðherrabílinn