Morgunblaðið - 19.09.2001, Qupperneq 12

HÖFUÐBORGARSVÆÐIÐ
12 MIÐVIKUDAGUR 19. SEPTEMBER 2001 MORGUNBLAÐIÐ
Skipholti 35
sími 588 1955
King
Koil
Ein mesta selda heilsudýnan í heiminum
Alþjóðasamtök Chiropractora mæla með
King Koil heilsudýnunum.
Amerískar lúxus
heilsudýnur
Tilboð!
Verðdæmi:
King áður kr. 184.350 nú kr. 136.420
Queen áður kr. 134.900 nú kr. 99.840
ÞAÐ getur verið býsna erfitt fyr-
ir sex ára snáða að læra allt það
nýja sem krakkar í grunnskól-
anum þurfa að kunna. Svo þarf
að kynnast nýjum krökkum og
nýjum kennurum og burðast með
þungar skólatöskur um alla
skólaganga sem getur tekið þó
nokkuð á. Hann Daníel, sem er
nýbyrjaður í 1.-D. í Melaskóla var
að minnsta kosti alveg dauð-
uppgefinn eftir eril dagsins þar
sem hann sat og beið eftir því að
mamma kæmi að sækja hann í
skólann í gær. Það hefur sjálf-
sagt verið notalegt að skríða inn
í hlýjan bíl með mjúkum sætum
enda undirlagið á stéttinni fyrir
utan skólann í harðara lagi.
Morgunblaðið/Ásdís
Dottað á
stéttinni
Vesturbær
FRÁ ÁRINU 1986 hefur Hollustu-
vernd ríkisins mælt þurrefni, s.s.
svifryk og blý, í lofti í Reykjavík
og frá 1991 hefur Heilbrigðisteft-
irlit Reykjavíkur staðið fyrir sam-
bærilegum mælingum á gasteg-
undum. Nú hafa þessir tveir aðilar
leitt saman hesta sína og í gær var
undirritaður samningur þeirra á
milli sem felur í sér stórauknar
loftgæðamælingar og samvinnu
um úrvinnslu gagna. Reykjavíkur-
borg mun fjárfesta í mælitækjum
upp á 25 milljónir króna en rekst-
ur mælistöðvanna verður greiddur
af Hollustuvernd.
Mælistöðvarnar verða tvær,
önnur verður við mikla umferð-
argötu þar sem mengun er hlut-
fallslega mikil en hin verður stað-
sett þannig að hún mæli loftgæði í
borginni óháð tilteknum umferð-
argötum.
„Með þessum nýju mælitækjum
fást upplýsingar um bæði þurrefni
og lofttegundir í andrúmslofti,“
segir Þór Tómasson, verkefna-
stjóri hjá Hollustuvernd ríkisins.
Nýju mælitækin, sem eru sjálf-
virk, munu m.a. hafa það fram yfir
þau sem þegar eru fyrir hendi að
þau veita upplýsingar um loftgæð-
in strax, en áður þurfti að bíða í
nokkra daga eftir niðurstöðum
mælinga. Með þessum hætti verð-
ur hægt að miðla upplýsingum um
loftgæði til almennings jafnóðum,
að sögn Þórs. Upplýsingarnar
munu liggja frammi á Netinu.
Með nýju mælitækjunum er
hægt að gera fólki viðvart áður en
og þegar loftmengun fer yfir
heilsuverndarmörk. „Ef það gerist
verða upplýsingar um það birtar
og gefin út tilkynning sem segir
hvar og í hverju mengunin að-
allega felist. Fólk er misjafnlega
viðkvæmt fyrir ákveðinni tegund
mengunar, til dæmis sökum sjúk-
dóma, og nú getur þetta fólk feng-
ið upplýsingarnar um leið,“ segir
Þór.
Mælingarnar munu fyrst í stað
veita upplýsingar um ástand and-
rúmsloftsins í Reykjavík en þess
er vænst að með því að tengja nið-
urstöður loftgæðamælinganna öðr-
um upplýsingum, t.d. hvað varðar
veður og bílaumferð verður lagður
grunnur að kortlagningu loftgæða
á öllu höfuðborgarsvæðinu.
Mælingar nokkrum
sinnum farið yfir viðmið
Samkvæmt evrópskum stöðlum
og reglugerðum ber yfirvöldum
skylda til að upplýsa borgarana
um ástands andrúmsloftsins
hverju sinni. „Með samvinnu þess-
ara tveggja aðila er betur hægt að
uppfylla þessar kröfur og koma
upplýsingum fljótt og vel til al-
mennings,“ segir Davíð Egilsson,
forstjóri Hollustuverndar ríkisins,
en nýju tækin verða kærkomin
viðbót við þau mælitæki sem þegar
eru í notkun. Verið er að setja
samevrópsk heilsuverndarmörk
sem Íslendingar munu styðjast við
í framtíðinni.
Nær samfelldar mælingar hafa
verið á svifryki og blýi í andrúms-
loftinu á vegum Hollustuverndar
frá árinu 1986. Að sögn Þórs hafa
mælingar nokkrum sinnum farið
yfir þau viðmið sem sett eru um
heilnæmi loftsins. Ýmsar aðstæður
geta orðið til þess að andrúms-
loftið er óheilsusamlegt og er til
dæmis talið að um samtvinnun
veðurfars og slits á malbiki sökum
bílaumferðar og loftmengunar
vegna hennar sé að stórum hluta
um að kenna. „Upplýsingarnar
sýna að fjöldi rykdaga er talsvert
meiri en talið var í upphafi. Við
sjáum stórborgaráhrif á loftgæð-
um hér á landi,“ segir Davíð.
Siv Friðleifsdóttir umhverfisráð-
herra og Ingibjörg Sólrún Gísla-
dóttir borgarstjóri undirrituðu
samninginn fyrir hönd Hollustu-
verndar ríkisins og Heilbrigðiseft-
irlits Reykjavíkur í Höfða í gær.
Búist er við að nýi mælingabún-
aðurinn verði tekinn í notkun strax
á næsta ári.
Auknar loftgæðamælingar í höfuðborginni á næsta ári
Upplýsingar jafnóð-
um til almennings
Morgunblaðið/Golli
Ingibjörg Sólrún Gísladóttir borgarstjóri og Siv Friðleifsdóttir um-
hverfisráðherra undirrita samning um auknar loftgæðamælingar fyrir
hönd Hollustuverndar ríkisins og Heilbrigðiseftirlits Reykjavíkur.
Reykjavík
TÍMABUNDIN vistun hunda
innan borgarmarkanna verður
bönnuð samkvæmt drögum að
samþykkt um hundahald sem
voru einróma samþykkt í um-
hverfis- og heilbrigðisnefnd
Reykjavíkur í síðustu viku. Þá
er gert ráð fyrir breytingu á
reglum um hundahald í fjöl-
býlishúsum.
Að sögn Hrannars B. Arnars-
sonar, formanns umhverfis- og
heilbrigðisnefndar er með
breytingunum verið að einfalda
reglugerðina og draga úr gráum
flötum sem gáfu möguleika á
mistúlkunum og voru orsaka-
valdar nágrannaerja og ill-
deilna. „Eitt af því sem breytist
ef þetta verður niðurstaðan er
að þeir sem eru í fjöleignarhús-
um þurfa í framtíðinni ekki að
leita eftir samþykki annarra eig-
enda fyrir hundahaldi þegar um
sérinngang er að ræða. Það á
bæði við um blokkir, raðhús og
önnur fjölbýlishús. Hins vegar
eru hertar reglur varðandi um-
gang um sameiginleg rými eins
og garða, þvottahús, hjóla-
geymslur og annað slíkt og um-
gangur hunda um slík rými er
bannaður.“
Áður hægt að hafa
hund í viku án leyfis
Hrannar segir einnig verið að
taka á reglum varðandi tíma-
bundnar vistanir hunda innan
borgarmarkanna. „Þær reglur
voru mjög rúmar en eru hertar
enda voru þær misnotaðar til
þess að hafa hunda án leyfa. Áð-
ur höfðu menn leyfi til að vera
með hunda í viku án þess að
sækja um sérstök leyfi en nú
verður það einfaldlega bannað.“
Hann segir að með þessu sé
verið að gera reglugerðina ein-
faldari og skilvirkari og segir
hugmyndina einfaldlega þá að
skapa sátt um hundahald í borg-
inni. Drögin voru sem fyrr segir
samróma samþykkt í umhvefis-
og heilbrigðisnefnd í síðustu
viku en áður en þau taka gildi
sem ný reglugerð þarf borgar-
stjórn að fjalla um þau.
Reglum
um hunda-
hald breytt
Reykjavík