Morgunblaðið - 15.11.2001, Qupperneq 2

FRÉTTIR
2 FIMMTUDAGUR 15. NÓVEMBER 2001 MORGUNBLAÐIÐ
Fylgstu
með
nýjustu
fréttum
www.mbl.isBirgir Leifur byrjar vel
á Spáni/B3
Bad Schwartau vill Ólaf
Stefánsson aftur/B1
4 SÍÐUR20 SÍÐUR
Sérblöð í dag
VIÐSKIPTABLAÐ MORGUNBLAÐSINS
S É R B L A Ð Á F I M M T U D Ö G U M U M V I Ð S K I P T I , S J Á V A R Ú T V E G & A T H A F N A L Í
Á FIMMTUDÖGUM
EKKERT miðaði í samkomulags-
átt á fundi samninganefnda tónlist-
arskólakennara og launanefndar
sveitarfélaga í húsakynnum Ríkis-
sáttasemjara í gær að sögn Sigrún-
ar Grendal Jóhannesdóttur, for-
manns Félags tónlistarskólakenn-
ara. Verkfall tónlistarskólakennara
hefur nú staðið á fjórðu viku eða
frá 22. október sl. en það nær til
um 620 tónlistarskólakennara víða
um land sem eru félagar í Félagi
tónlistarskólakennara (FT) og í
Félagi íslenskra hljómlistarmanna
(FÍH).
Fulltrúar FT og FÍH afhentu
fulltrúum bæjarstjórnar Seltjarn-
arness áskorun félagsmanna í gær-
dag þar sem segir m.a. að stuðla
þurfi að því að samið verði hið
fyrsta við tónlistarskólakennara og
þeim tryggð „sambærileg laun og
öðrum kennurum“, eins og segir í
áskoruninni.
Fleiri áskoranir
Segir Sigrún að áður hafi fulltrú-
ar FT og FÍH afhent sams konar
áskorun bæjarstjórnum Kópavogs
og Hafnarfjarðar og á morgun
standi til að afhenda bæjarstjórn
Garðabæjar aðra eins áskorun.
Kjaradeila tónlistarskólakennara
Ekkert miðar í
samkomulagsátt
Morgunblaðið/Árni Sæberg
Fulltrúar tónlistarkennara afhentu bæjarfulltrúum á Seltjarnarnesi mótmælaskjal fyrir bæjarstjórnarfund.
RAFMAGNSTRUFLUNUM vegna
sjávarseltu á Vesturlandi linnti í gær
og segir Björn Sverrisson, umdæm-
isstjóri RARIK á Vesturlandi, að
seltan hafi verið á hröðu undanhaldi í
gær og þar hafi rigningin hjálpað
mikið til. Í gærmorgun urðu smá-
vægilegar bilanir í Kjós og einn not-
andi í Staðarsveit tilkynnti bilun, en
að öðru leyti virðast bilanirnar yfir-
staðnar.
Björn segir ekki ljóst ennþá hversu
umfangsmiklar skemmdirnar eru.
Verið er að fara yfir kerfið og rann-
saka skemmdirnar á Vatnshömrum
sem urðu vegna yfirskots á elding-
arvara sem splundraðist. Þá hafa þeir
notendur sem urðu fyrir tjóni verið
að kalla til sín rafverktaka og segir
Björn að tekin verði saman skýrsla
um öll tilvikin. „Þetta er í vinnslu og
við erum bara að reyna að ná áttum
núna.“
Selta greindist
norður í Bárðardal
Ástæða þess að svo mikil selta sett-
ist m.a. utan á raflínur og spennivirki
er mikið særok sem fylgdi óvenju
hvassri suðvestanátt á laugardag.
Vindurinn rífur upp stórar öldur úti á
rúmsjó og þá verður til sjávarlöður
sem blandast lofti og getur særokið
náð upp í 300 til 500 metra hæð. Í
þessu tilviki virðist það hafa borist
hærra, samkvæmt upplýsingum Veð-
urstofunnar, en tilkynnt var um seltu
allt norður í Bárðardal. Að sögn Boga
Þórs Jónssonar, háloftafræðings hjá
Veðurstofunni, er um litlar agnir að
ræða sem geta borist mjög langt í há-
loftunum.
Bogi segir að verulega þurfi að
hvessa til þess að særokið verði svo
mikið sem raun bar vitni, en særok er
algengara en menn taka yfirleitt eft-
ir. Nokkuð langt er síðan jafn hvöss
vestanátt gekk yfir vestanvert landið
og á sjónum, þar sem særokið verður
til, var vindhraði um 25 til 30 metrar á
sekúndu og eitt skip tilkynnti vind-
hraða upp á 35 metra á sekúndu. Við
slíkar aðstæður getur talsverð sjáv-
arselta fokið á land.
Rafmagnstruflunum
linnir á Vesturlandi
ÞRIGGJA daga allsherjarverkfalli
sjúkraliða hjá Sjúkraliðafélagi Ís-
lands lauk á miðnætti og snúa því
sjúkraliðar aftur til vinnu í dag.
Náði verkfallið til um 1.200 sjúkra-
liða hjá ríkisstofnunum, sjálfseign-
arstofnunum og sveitarfélögum
víða um land. Hvorki hefur gengið
né rekið í samningaviðræðum
sjúkraliða við samninganefnd rík-
isins síðustu daga en á þriðjudag
var fundi deilenda í húsakynnum
ríkissáttasemjara frestað til kl. 14 í
dag.
Kristín Á. Guðmundsdóttir, for-
maður Sjúkraliðafélags Íslands,
segir að viðræðurnar strandi á
launalið samningsins en sjúkraliðar
hafa gert þá kröfu að byrjunarlaun
hækki úr um 89 þúsund kr. á mán-
uði í um 150 þúsund kr. við lok
samningstímans árið 2004. Hún
kveðst hvorki bjartsýn né svartsýn
á að skriður komist á viðræðurnar í
dag.
Auk þess sem sjúkraliðar munu
hitta samninganefnd ríkisins í dag
munu forsvarsmenn sjúkraliða hitta
heilbrigðis- og trygginganefnd Al-
þingis fyrir hádegi þar sem áhrif
verkfalls sjúkraliða verða m.a.
rædd. „Við munum hlusta á sjúkra-
liðana en ekki taka afstöðu til
krafna þeirra í kjaradeilunni,“ segir
Jónína Bjartmarz, formaður heil-
brigðis- og trygginganefndar, m.a. í
samtali við Morgunblaðið.
Þriggja daga verkfall sjúkraliða,
sem lauk á miðnætti, hefur haft
áhrif á starfsemi og þjónustu heil-
brigðisstofnana víða um land.
Þurfti m.a. að loka átta deildum á
Landspítala – háskólasjúkrahúsi og
skerða þjónustu á ýmsum öðrum
deildum. Undanþágunefnd Sjúkra-
liðafélagsins hefur veitt undanþág-
ur til einstakra stofnana frá vakt til
vaktar, þannig að hægt væri að
sinna lágmarksþjónustu, en einung-
is þrjár stofnanir hafa starfað sam-
kvæmt svokölluðum öryggislistum
sem sjúkraliðar og viðkomandi
stofnanir hafa komið sér saman um.
Þær stofnanir eru Landspítalinn –
háskólasjúkrahús, öldrunarheimilið
Garðvangur í Garði og hjúkrunar-
og dvalarheimilið Grund.
Hjá Heilsugæslunni í Reykjavík
fengust þær upplýsingar að verkfall
sjúkraliða hefði raskað verulega
heimahjúkrun nærri 1.500 skjól-
stæðinga Heilsugæslunnar í
Reykjavík og Kópavogi. Flestir
þessara skjólstæðinga eru aldraðir
eða fatlaðir sem margir hverjir
þurfa á daglegri umönnun að halda,
til dæmis við að komast á fætur og/
eða fara í bað.
Sjúkraliðar snúa til vinnu
í dag að loknu verkfalli
Verkfallið bitnaði á nærri 1.500
skjólstæðingum Heilsugæslunnar
HANNES Hlífar Stefánsson
hélt áfram sigurgöngu sinni á
Evrópumótinu í skák í gær
þegar hann vann albanska stór-
meistarann Dervishi. Hannes
Hlífar hefur þar með hlotið 5,5
vinninga í 8 skákum. Jón Viktor
Gunnarsson og Stefán Krist-
jánsson unnu einnig sínar skák-
ir gegn Albönum en Bragi Þor-
finnsson tapaði. Karlarnir sigr-
uðu því Albana 3–1.
Kvennasveitin tapaði hins
vegar gegn liði Ítala 0,5–1,5.
Vegna góðrar frammistöðu
sinnar á Harpa Ingólfsdóttir
eigi að síður möguleika á al-
þjóðlegum áfanga kvenna sigri
hún í síðustu umferðinni sem
fram fer á morgun.
Níunda og síðasta umferð
verður tefld í dag.
Skáklands-
liðið vann
Albaníu
VEÐURSTOFA Íslands spáir allt
að átján stiga hita á Norðurlandi
í dag en í gær fór hitinn hæst í
um sextán stig á Austfjörðum.
Fara þurfti mjög sunnarlega í
álfuna til þess að komast í svipuð
hlýindi. Í Kaupmannahöfn fór hit-
inn hæst í fjögur stig, þrjú stig í
Ósló og hann var um frostmark í
Stokkhólmi. Í Róm var mesti hiti
svipaður og á Eskifirði og litlu
meiri eða átján stig á Malaga
syðst á Spáni.
Hrafn Guðmundsson, veð-
urfræðingur á Veðurstofunni,
segir að hlýindi á þessum árstíma
séu ekki einsdæmi þótt vissulega
sé óvanalegt að spá átján stiga
hita um miðjan nóvember en hita-
metið í nóvember sé þó vænt-
anlega yfir tuttugu stigum. Hrafn
segir að eiginlega megi lýsa
ástandinu sem svo að hlýtt loft
„pompi“ niður fyrir norðan og
austan: „Loftið yfir landinu kem-
ur af suðlægum breiddargráðum
og í meira en eins kílómetra hæð
er það mjög hlýtt og þegar það
sígur niður hlémegin við hálendið
hækkar hitinn mikið. Vest-
anmegin við hálendið var loftið
ekki nema sex til átta gráður
þannig að þessi miklu hlýindi eru
reyndar mjög staðbundin.“
Það verða áfram hlýindi þótt
hitinn nái væntanlega hámarki
síðdegis á morgun. Áfram verða
suðlægar og suðvestlægar áttir
og fremur milt veður eða fimm til
tíu stiga hiti.
Hitabylgju spáð
á Norðurlandi