Morgunblaðið - 15.11.2001, Blaðsíða 21

HÖFUÐBORGARSVÆÐIÐ
MORGUNBLAÐIÐ FIMMTUDAGUR 15. NÓVEMBER 2001 21
REYKJAVÍKURBORG er ekki
með sérstakar persónutryggingar
vegna skólabarna í Reykjavík. Frá
árinu 1995 hafa hins vegar verið í
gildi reglur um meðferð slysa skóla-
barna þar sem kveðið er á um
greiðslur borgarsjóðs vegna meiðsla
barna í skóla og á skólalóð á skóla-
tíma.
Þetta er meðal þess sem kom fram
á fundi fræðsluráðs í vikunni í svari
forstöðumanns fjármálasviðs við
fyrirspurn fulltrúa Sjálfstæðisflokks
í ráðinu. Segir í svarinu að Reykja-
víkurborg sé með ábyrgðartrygg-
ingu hjá Sjóvá-Almennum hf. sem
tekur til líkamstjóna og munatjóna
sem rakin verða til saknæmra at-
hafna eða athafnaleysis Reykjavík-
urborgar eða starfsmanna hennar.
Njóta skólabörn tryggingavernd-
ar samkvæmt þessari tryggingu en
undirstrikað er í svarinu að Reykja-
víkurborg beri einungis ábyrgð á
þeim tjónum sem rakin verði til van-
búnaðar skólahúsnæðis/lóðar/tækja
eða gáleysis starfsmanna skólans.
Þá kom fram í svarinu að árið 1995
hafi Skólaskrifstofa Reykjavíkur
útbúið sérstakar reglur um meðferð
slysa skólabarna. Þar sé m.a. gert
ráð fyrir að borgin greiði reikninga
vegna komu nemenda á slysadeild
vegna meiðsla sem orðið hafa í skóla
eða á skólalóð í skólatíma og í ferð-
um/ferðalögum á vegum skóla.
Sé um tannbrot að ræða greiðir
borgin allt að 100 þúsund krónur
óháð því hvort rekja má meiðslin til
vanbúnaðar eða gáleysis starfs-
manna eða ekki.
Skólabörn
ekki per-
sónutryggð
Reykjavík
GÖTUMYND Strandgötu í Hafn-
arfirði hefur tekið stakkaskiptum
eftir að hafist var handa við að rífa
gamla Hafnarfjarðarbíó. Gert er
ráð fyrir að verkinu verði að fullu
lokið í næstu viku en það eru starfs-
menn Þjónustumiðstöðvar Hafn-
arfjarðarbæjar sem annast fram-
kvæmdina.Morgunblaðið/RAX
Ný ásýnd
Strandgötu
Hafnarfjörður
NÚ geta Grafarvogsbúar nálgast all-
ar helstu upplýsingar um hverfið sitt
á einum stað því nýlega var opnaður
upplýsingavefur um Grafarvog sem
er með slóðina grafarvogur.is.
Í fréttatilkynningu frá Miðgarði –
fjölskylduþjónustunni í Grafarvogi,
sem sér um vefinn, segir að þar sé að
finna upplýsingar um íþrótta- og
tómstundaframboð, dagmæður í
hverfinu, uppbyggingarstefnuna,
menningarviðburði, stofnanir, félög,
félagasamtök og fleira. Þá eru á
vefnum fréttir af því helsta sem ger-
ist í hverfinu.
Upplýsingar
um hverfið
á Netinu
Grafarvogur
♦ ♦ ♦