Morgunblaðið - 15.11.2001, Síða 18

FRÉTTIR
18 FIMMTUDAGUR 15. NÓVEMBER 2001 MORGUNBLAÐIÐ
KAU
PBÆTIR
Gljái á varir
allra kvenna
Kaupir þú tvennt
frá Oroblu, fylgir
Varagljái frá
ROSE CHANDAL
Tilboð í
öllum
verslunum
LYFJU
Kynning í dag, fimmtud., 15. nóv. kl. 14-18
í LYFJU Lágmúla
Á morgun, föstud., 16. nóv. kl. 14-18
í LYFJU Laugavegi
Laugard. 17. nóv. kl. 12-16
í LYFJU Garðatorgi
FLUGLEIÐIR efndu til hug-
mynda- og sparnaðarsamkeppni
meðal starfsmanna í síðasta mán-
uði. Besta hóptillagan var að
starfsmönnum félagsins verði
boðið að lækka laun sín í eitt ár
um allt að 10% en tengja sam-
bærilega upphæð við verð hluta-
bréfa í Flugleiðum. Þetta var að
mati dómnefndar, sem skipuð var
fulltrúum starfsfólks, mjög
áhugaverð tillaga sem gæti leitt
til mikils sparnaðar og jafnframt
aukið þátttöku starfsmanna í
rekstrinum en tillagan kom frá
upplýsingatæknideild Flugleiða.
Munum skoða
hugmyndina vandlega
Áætlaður sparnaður fer eftir
þátttöku starfsmanna en gæti
orðið 300–400 milljónir króna á
einu ári. Ávinningur starfsmanna
felst í því að þegar gengi félags-
ins hækkar getur starfsmaðurinn
fengið hærri upphæð til baka en
hann gaf eftir í launum.
Að sögn Guðjóns Arngríms-
sonar, upplýsingafulltrúa Flug-
leiða, er framkvæmd tillögunnar
háð þátttöku starfsmanna og
samþykki stjórnar félagsins auk
þess sem hún kallar á talsverða
undirbúnings- og þróunarvinnu,
þar sem skoða þarf t.d. samn-
ingamál, hlutabréfamál, skattaleg
áhrif og ýmis tæknileg útfærslu-
atriði. „Við munum hins vegar
skoða þennan kost vandlega en
ég tek fram að þarna er um
nokkuð flókið mál að ræða sem
þarfnast verulegrar vinnu.“
Guðjón segir að búið hafi verið
að leggja drög að keppninni í
sumar en atburðirnir vestra hafi
ýtt undir að hraða framkvæmd-
inni. Hann segir tilgang keppn-
innar einkum vera þann að skapa
vettvang fyrir starfsfólkið til þess
að koma hugmyndum og skoð-
unum á framfæri nú þegar unnið
er að heildarútekt á rekstri fyr-
irtækisins en árangurinn hafi
verið framar vonum.
Frumlegasta tillagan var sú að
kynna aukna áherslu á netsölu
með því að setja netfang Flug-
leiða á flugvélarnar með stórum
og áberandi stöfum. Tillagan kom
frá Kristjáni Svavarssyni í við-
haldsdeild.
Einfaldasta tillagan um að
hætta að senda jólakort til starfs-
manna og viðskiptavina og hætta
að gefa jólagjafir til viðskipta-
vina kom frá Rögnu Björk Þor-
valdardóttur í þjónustudeild,
Guðrúnu Hannesardóttur í upp-
lýsingatæknideild og Sigrúnu
Ólafsdóttur í fjarsölu.
Besta tillagan frá einstaklingi
var um að draga úr aðkeyptri
þjónustu á áfangastöðum í Evr-
ópu, m.a. með því að hætta áfyll-
ingu vatns og með niðurskurði
fleiri þátta. Áætlaður sparnaður
er átta til níu milljónir króna á
ári en breytingin hefur engin
áhrif á þjónustu félagsins. Til-
lagan kom frá Sturlu Ó. Braga-
syni flugþjóni.
Sparnaðarsamkeppni starfsfólks Flugleiða
Hugmyndir um að tengja
laun gengi bréfa félagsins
Vinningshafar í sparnaðarsamkeppninni með forstjóra Flugleiða.
DAGUR íslenskrar tungu verður
haldinn hátíðlegur á fæðingardegi
Jónasar Hallgrímssonar, 16. nóv-
ember, samkvæmt venju undan-
farinna fimm ára. Þá verða völdum
einstaklingi veitt Verðlaun Jónasar
Hallgrímssonar og veittar verða
viðurkenningar fyrir störf í þágu
móðurmálsins. Verðlaunin verða
að þessu sinni veitt í Reykholts-
kirkju. Þá mun Námsgagnastofn-
un gefa út nýja alfræðibók ís-
lenskrar tungu á tölvutæku formi
og er það nýmæli hér á landi. Sama
dag hefst hin árlega stóra upplestr-
arkeppni 7. bekkinga og stendur
keppnin fram á vor.
Ingibjörg B. Frímannsdóttir,
verkefnisstjóri dags íslenskrar
tungu, segir að svo virðist sem dag-
ur íslenskrar tungu hafi fest sig í
sessi meðal landsmanna, en dag-
urinn var fyrst haldinn hátíðlegur
árið 1996. „Mér finnst áhuginn
hafa vaxið heilmikið. Ég veit ekki
hvort það er af því að dagurinn er
að festa sig í sessi eða hvort menn
finna fyrir einhverri þörf fyrir
þennan dag. Það er mikil virðing
borin fyrir þessum degi, held ég.“
Að sögn Ingibjargar ýtir þetta
við fólki og hvetur til umræðu um
stöðu íslenskrar tungu og framtíð
hennar þar sem menn velta því
fyrir sér hvort móðurmálið sé
einhvers virði og hvað það kostar
okkur að tala íslensku. „Mér finnst
í raun spennandi að velta því fyrir
sér hvert gildi íslenskunnar er og
hvers virði er að við tölum hana.
Ég hjó eftir því hjá Ingjaldi
Hannibalssyni í Silfri Egils að
hann lagði tvennt til; að við gengj-
um í Evrópubandalagið og yrðum
tvítyngd. Menn í sal sögðu ekki orð
og enginn gerði athugasemd við
þetta. Það er eins og þetta sé sjálf-
sagður hlutur, en er t.d. tilefni til að
ræða á degi íslenskrar tungu,“ seg-
ir Ingibjörg.
Ekki skáldaverðlaun
Hún segir að veitingu Verðlauna
Jónasar Hallgrímssonar sé alltaf
beðið með óþreyju, þ.e. hver hljóti
verðlaunin í hvert skipti en tónlist-
armaðurinn Megas hlaut verðlaun-
in á síðasta ári. Verðlaununum er
jafnan úthlutað til einstaklinga
sem taldir eru hafa unnið íslenski
tungu gagn en Ingibjörg segir að
þetta séu ekki skáldaverðlaun fyrir
bókmenntaverk.
„Margir standa í þeirri trú að
þetta séu einhver skáldaverðlaun
en það er af og frá. Það fær enginn
þetta fyrir að vera skáld. Þetta fólk
fær þessi verðlaun fyrir að hafa
unnið íslenskunni eitthvert gagn á
öðrum sviðum, en það er einhvern
veginn eins og skáld taki þetta
hlutverk svolítið að sér.“
Dagur íslenskrar tungu
Virði íslenskr-
ar tungu vegið
og metið
HÉRAÐSDÓMUR Reykjaness
dæmdi í gær rúmlega þrítugan karl-
mann fyrir kynferðisbrot með því að
hafa haft 120 myndir með barnaklámi
í vörslu sinni. Hann var dæmdur til að
greiða 100 þúsund krónur í sekt.
Í febrúar krafðist sýslumaðurinn í
Kópavogi þess að húsleit yrði gerð hjá
manninum eftir að sett hafði verið
fram kæra gegn honum vegna meints
kynferðisbrots. Við húsleitina lagði
lögregla hald á tölvu, myndavélar,
farsíma og 174 geisladiska. Rannsókn
lögreglu á geisladiskunum leiddi í ljós
að á þremur þeirra var umtalsvert
magn af klámefni. Meðal þess sem
fannst voru 120 skjámyndir með
barnaklámi.
Í dómnum kemur fram að margar
undirskrár voru merktar með heitum
eins og „teens“ (unglingar) og „ung-
ar“.
Sagðist ekki hafa
séð myndirnar
Við yfirheyrslu hjá lögreglu sagðist
maðurinn aldrei hafa séð umræddar
skjámyndir og kvaðst ekki viss hvern-
ig þær hefðu borist til sín. Líklegast
væri að hann hefði fengið þær af ein-
hverjum netsíðum en hugsanlegt
væri að hann hefði skipst á geisladisk-
um við einhvern kunningja sinn.
Varnir hans byggðust á því að hann
hefði ekki vitað að barnaklám væri á
geisladiskunum. Hann hefði ekki
skoðað allt efnið á diskunum og ekki
gert sér grein fyrir því að barnaklám
gæti leynst í undirskrám án þess að
viðkomandi möppur gæfu slíkt til
kynna. Ásetning hefði því skort til
brotsins.
Í dómnum segir að óumdeilt sé að
umræddar 120 myndir hafi verið í
vörslu mannsins og þær hafi komið til
hans fyrir hans eigin tilstuðlan. Hann
hefði því gerst sekur um það brot sem
hann var ákærður fyrir. Maðurinn
hafði sjö sinnum hlotið dóma eða und-
irgengist sáttir fyrir brot á áfengis-
og umferðarlögum en einnig fyrir lík-
amsárás og skemmdarverk.
Auk sektarinnar var manninum
gert að greiða skipuðum verjenda sín-
um, Brynjari Níelssyni hrl., 90.000
krónur í málsvarnarlaun. Greiði hann
ekki sektina innan fjögurra vikna bíð-
ur hans 20 daga fangelsi.
Gunnar Aðalsteinsson, héraðsdóm-
ari kvað upp dóminn en Sigríður Frið-
jónsdóttir sótti málið fyrir hönd
ákæruvaldsins.
Dæmdur fyrir
vörslu barnakláms
LÚÐVÍK Ólafsson, settur
landlæknir, segir að hann muni
ekkert láta hafa eftir sér á op-
inberum vettvangi að svo
stöddu um mál Högna Óskars-
sonar geðlæknis.
Í Morgunblaðinu í gær er
birt yfirlýsing Högna þar sem
fram kemur að lögmaður hans
hafi krafist þess að settur land-
læknir dragi til baka áminningu
sem hann veitti Högna fyrir að
hafa brotið 11. gr. læknalaga.
Í yfirlýsingu Högna kemur
fram að áminningin hafi verið
veitt án þess að kæruatriði
væru skilgreind og án þess að
Högna hafi gefist kostur á að
koma við þeirri vörn í málinu
sem nauðsynleg sé. Þar sé aug-
ljóslega um að ræða alvarlegt
brot á stjórnsýslulögum.
Lúðvík Ólafsson,
settur landlæknir
Tjáir sig
ekki að
svo
stöddu