Morgunblaðið - 30.05.2002, Qupperneq 1

125. TBL. 90. ÁRG. FIMMTUDAGUR 30. MAÍ 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 30. MAÍ 2002
HALLDÓR Ásgrímsson utanrík-
isráðherra heilsar Ariel Sharon,
forsætisráðherra Ísraels, á fyrsta
degi heimsóknar sinnar til Mið-
Austurlanda í gær. Að auki hitti
Halldór Moshe Katzav, forseta Ísr-
aels, og Shimon Peres utanrík-
isráðherra auk nokkurra þing-
manna. Halldór segir ljóst vera að
engar hugmyndir séu á borðinu
sem séu líklegar til að leiða til
lausna á næstunni. „Ísraelar eru
meira að leita að bráðabirgðalausn-
um sem geta gefið tíma og stöðvað
þessi hryðjuverk,“ sagði hann í
samtali við Morgunblaðið í gær-
kvöldi.
„Ég hef að sjálfsögðu vottað sam-
úð vegna þeirra atburða sem hér
hafa átt sér stað. Í mínum huga er
engin afsökun fyrir hryðjuverk-
um,“ sagði Halldór er blaðamaður
Morgunblaðsins ræddi við hann eft-
ir fund hans með Sharon í gær-
kvöldi. „Það er alveg ljóst að fólk er
djúpt snortið vegna þessara at-
burða.“
Halldór segir að það sem hafi
komið sér mest á óvart séu þær full-
yrðingar sem alls staðar hafi komið
fram að palestínskir ráðamenn geti
stöðvað hryðjuverk ef þeir vilji og
að þar sé lykilinn að lausn málsins
að finna.
Halldór Ásgrímsson hittir ísraelska ráðamenn
AP
Engin lausn á deilum í sjónmáli

Engin afsökun/34
Jerúsalem. Morgunblaðið.
FLOKKARNIR þrír, sem nú eiga í
stjórnarmyndunarviðræðum í Hol-
landi, hafa komið sér saman um
strangar reglur um innflytjendur og
hælisleitendur. Kristilegi demókrata-
flokkurinn, hægriflokkur Pims
Fortuyns, er féll fyrir morðingja-
hendi, og frjálslyndi flokkurinn VVD
samþykktu „stranga en sanngjarna
stefnu í málefnum hælisleitenda“,
sagði Mat Herben, nýr leiðtogi flokks
Fortuyns (LPF).
Meðal þess sem flokkarnir hafa
ákveðið er að hælisleitendur fái ekki
að krefjast pólitísks hælis í Hollandi
hafi þeir komið inn í landið án skil-
ríkja. Hollenska blaðið Algemeen
Dagblad greindi frá því í gær, að um
80 af hundraði þeirra sem leituðu hæl-
is í landinu kæmu þangað án skilríkja.
Nú er að hefjast í Róm fundur Evr-
ópuríkja þar sem rætt verður um
herta stefnu í innflytjendamálum, og
sagðist yfirmaður flóttamannahjálpar
Sameinuðu þjóðanna (UNHCR) hafa
áhyggjur af svona aðgerðum, því þær
sköpuðu hættu á að lögmætu flótta-
fólki, sem væri að flýja ofsóknir, yrði
skipað á bekk með ólöglegum inn-
flytjendum. Hollendingar fengu
32.580 beiðnir um hæli í fyrra, 25%
færri en árið á undan, samkvæmt töl-
um UNHCR.
Kristilegir demókratar, VVD og
LPF samþykktu einnig aðgerðir
gegn innflytjendum og hælisleit-
endum sem fái fjölskyldur sínar til
Hollands þegar þeir séu sjálfir búnir
að fá landvistar-
leyfi. Framvegis
muni Holland
veita „eins fáum
innflytjendum og
mögulegt er“ leyfi
til að koma til
landsins, sagði
Herben. Hann
bætti því við, að
flokkarnir þrír
hefðu komið sér saman um nýju
stefnuna í grófum dráttum, en eftir
væri að ganga frá henni í smáatriðum.
Hugmyndum LPF um að veita
landvistarleyfi tilteknum hælisleit-
endum sem hefði verið synjað um
leyfi en byggju nú ólöglega í Hollandi
var hafnað. Sagði Herben að flokkur
sinn hefði viljað veita leyfi ólöglegum
innflytjendum sem hefðu búið í land-
inu í meira en fimm ár, töluðu hol-
lensku og hefðu hreint sakavottorð.
En væntanlegir samstarfsflokkar
hefðu neitað að samþykkja þetta.
Kostnaður Norðmanna
Norska blaðið Aftenposten greindi
frá því í gær að metfjöldi hælisleit-
enda í Noregi í fyrra hefði kostað rík-
ið samtals sem svarar um 60 milljarða
íslenskra króna. Sé þessi tala byggð á
upplýsingum um hvað það í raun kosti
að taka á móti hælisleitendum, veita
þeim bráðabirgðaheimili, senda úr
landi þá sem fái synjun og finna síðan
þeim, sem fái landvistarleyfi, framtíð-
arheimili.
Væntanlegir stjórnarflokkar í Hollandi þokast nær samstarfssamningi
Samþykkja strangar
reglur um innflytjendur
Kostnaður vegna hælisleitenda um
60 milljarðar í Noregi í fyrra
Haag. AFP.
Mat Herben
VLADIMÍR Pútín, forseti Rúss-
lands, gagnrýndi í gær harðlega evr-
ópska leiðtoga vegna væntanlegra
krafna um vegabréfsáritanir fyrir
íbúa rússneska Eystrasaltshéraðs-
ins Kalíníngrad, og varaði Pútín við
því að þetta mál gæti haft alvarleg
áhrif á samskipti Rússa og Evrópu-
sambandsins.
Kalíníngrad liggur að Eystrasalti,
á milli Póllands og Litháens, og því
landfræðilega skorið frá Rússlandi.
Hafa Rússar látið í ljósi áhyggjur af
aukinni einangrun héraðsins þegar
Pólland og Litháen verða aðilar að
ESB. Tillögur Rússa um að tryggðar
verði óheftar samgöngur milli Kal-
íníngrad og annarra hluta Rússlands
eftir stækkun ESB í austur hafa
„mætt fullkomnu skilningsleysi“ hjá
leiðtogum ESB, sagði Pútín.
„Viðræður fara í hringi“
Mál þetta „á sér langa sögu, en því
miður fara nú viðræðurnar í hringi“,
sagði Pútín. Rússar hafa farið fram á
að komið verði upp sérstökum lest-
arleiðum þar sem ekki yrði krafist
vegabréfsáritana þannig að íbúar
Kalíníngrad, sem eru um ein milljón,
geti farið á milli héraðsins og ann-
arra landshluta, en þessu hefur ESB
hafnað.
Bæði Pólverjar og Litháar hafa
leyft íbúum Kalíníngrad að fara um
löndin án sérstaks leyfis, en bæði
ríkin hyggjast krefjast vegabréfs-
áritana frá og með júlí á næsta ári,
og er það liður í undirbúningi
ríkjanna fyrir inngöngu í ESB. Kraf-
an um vegabréfsáritun er óhjá-
kvæmileg vegna þess að um leið og
Pólland og Litháen verða aðilar að
ESB skrifa ríkin undir Schengen-
samninginn, en íbúar þeirra ríkja
sem eru aðilar að honum geta farið
án vegabréfs milli aðildarríkjanna.
Pútín
gagnrýn-
ir ESB
Moskvu, Kalíníngrad. AFP.
INDVERJAR og Pakistanar skipt-
ust áfram á skotum á landamærum
ríkjanna í Kasmír í gær og hermdu
fregnir að sjö manns hefðu fallið í
indverska hluta héraðsins. Fyrr um
daginn hafði Pervez Musharraf, for-
seti Pakistans, varað Indverja við því
að ef hermenn þeirra færu yfir landa-
mærin í Kasmír myndu Pakistanar
„leysa storm úr læðingi“. Sagði hann
að ef Indverjar hæfu styrjöld gegn
Pakistan myndu þarlend stjórnvöld
umsvifalaust svara af fullri hörku.
Langvinnar deilur ríkjanna vegna
Kasmírhéraðs hafa harðnað verulega
undanfarið og hafa þau samtals flutt
um milljón hermanna til héraðsins.
Bæði ríkin búa yfir kjarnavopnum.
Jack Straw, utanríkisráðherra
Bretlands, sagði í gær að staðan í
samskiptum Indlands og Pakistans
væri „hættuleg“ en tók fram að stríð
væri ekki óumflýjanlegt. Straw hefur
á undanförnum dögum heimsótt
bæði Pakistan og Indland í því
augnamiði að lægja öldurnar, en deil-
endur hafa tekið hugmyndum hans
um beinar friðarviðræður heldur fá-
lega. Sagðist Straw þó ráða af við-
ræðum sínum við Musharraf og Atal
Behari Vajpayee, forsætisráðherra
Indlands, að hvorugur deilenda vildi
stríð.
Árás yrði
„svarað
af hörku“
Islamabad, Nýju-Delhí. AFP.
SPOR eftir óþekkta risaeðlu-
tegund hafa fundist á Sval-
barða, að því er norska blaðið
Aftenposten greinir frá. Eru
sporin 70 cm löng. Nú er leitað
að beinum úr eðlunni og segir
Jørn Hurum, sem starfar við
Háskólann í Ósló og er eini
risaeðlufræðingur Noregs, að
steingerð bein hljóti að vera að
finna í sandsteini.
Hurum fann sporin, sem eru
steingerð, fyrr á þessu ári. Í
ljósi þess sem vitað er um
myndun Svalbarða má ætla, að
sporin séu um 123 milljóna ára
gömul. Á þeim tíma lá Sval-
barði á 60. breiddargráðu,
u.þ.b. þar sem Ósló er núna.
Hafa athuganir á sporunum
leitt í ljós, að þau eru eftir áður
óþekkta risaeðlutegund.
Á sjöunda áratugnum vakti
það heimsathygli er fjöldi risa-
eðluspora fannst á Svalbarða.
Þau spor, og spor sem fundist
hafa þar síðan, staðfesta að til
hafi verið „heimskautarisaeðl-
ur“ sem hafi lifað í snjó og
kulda. Hafa einnig fundist risa-
eðluleifar í Alaska.
Svalbarði
Spor
óþekktrar
risaeðlu