Morgunblaðið - 16.06.2002, Blaðsíða 20

        

 
    

      


 
þingismaður sem einnig hélt dag-
bók sem komið hefur út á prenti.
Hugmyndin að leiðangri Shaff-
ners hafði áður verið kynnt í Þjóð-
ólfi og er þó nokkrar heimildar að
finna um hann hér á landi, sé tím-
inn hafður í huga. „Það er til dæmis
óskað eftir því í Þjóðólfi að lands-
menn taki vel á móti honum þegar
hann komi. Þá eru líka fréttir af
þessu í Norðra þannig að Íslend-
ingar virðast hafa haft ákveðinn
áhuga á þessu. Það hefði líka gjör-
breytt þróuninni ef sæsímastrengur
hefði verið lagður um Ísland árið
1860, en ekki næstum hálfri öld síð-
ar. Því á þessum tíma eru menn í
takmörkuðu sambandi við umheim-
inn og fá ekki fréttir frá útlöndum
nema nokkrum sinnum á ári,“ út-
skýrir Inga Lára.
Það voru 68 myndir sem fundust
í eigu Konunglega landfræðifélags-
ins, en skrár Wood gefa til kynna
að myndir hans, sem eru númerað-
ar, hafi verið alls 154 talsins. Ís-
landsmyndir Wood eru eingöngu
frá Djúpavogi og Reykjavík og ná-
grenni. En ákveðið hafði verið að
koma strengnum hér á land á
Djúpavogi og fara með hann að Brú
á Jökuldal til Möðrudals á Fjöllum
síðan með byggðum Eyjafjarðar,
fram Eyjafjarðardal og upp á Varn-
hjallaveg og Kjöl og niður í byggðir
í Biskupstungum og þaðan í gegn-
um Þingvöll til Reykjavíkur. Hluti
leiðangursmanna steig því á land á
Djúpavogi og ferðaðist landleiðina
norður yfir. Aðrir, m.a. Wood og
Arnljótur, voru hins vegar kyrrir
um borð í Fox og sigldu með hon-
um til Reykjavíkur.
Frá dvöl þeirra fyrir austan land
og sunnan hafa varðveist margar
mynda Woods.
„Það er góð myndasyrpa frá
Djúpavogi og nágrenni í safni
Woods og einnig er gaman að
myndum hans frá Reykjavík og
Hafnarfirði. Hafnarfjarðarmyndirn-
ar eru til dæmis þær elstu sem til
eru frá bænum, og í raun má segja
það sama um Grænlands- og Fær-
eyjamyndirnar. Myndirnar frá
Reykjavík eru þó ekki síður merki-
legar og þar má sjá skemmtileg og
jafnvel illþekkjanleg sjónarhorn af
bænum, auk myndasyrpu af þjóð-
búningum íslenskra kvenna. Þær
myndir eru ekki hvað síst merki-
legar fyrir það að vera teknar á
þeim tímum er Sigurður Guð-
mundsson málari kemur fram með
hugmyndir sínar um endurnýjun
faldbúningsins sem hátíðarbúning
kvenna. Þetta eru því í raun sögu-
legar heimildir sem segja má um
leið að séu fyrstu tískumyndir
landsmanna.“
Ljósmynd/ © Royal Geographical Society
Þórshöfn í Færeyjum 3. ágúst 1860. Fyrsta myndin sem tekin var í leiðangrinum 3. ágúst 1860 og
jafnfram fyrsta myndin sem vitað er til að hafi verið tekin í Færeyjum. Sumar ljósmynda Wood voru
merktar og öðrum hefur hann gefið lausleg heiti, lýst veðri og jafnvel hve sáttur hann sé við útkom-
una. Myndheiti Woods eru þó ekki áreiðanleg og segir hann þessa mynd t.d. af Reykjavíkurhöfn.
Kristín Jónsdóttir Krabbe í skautbúningi og Hólmfríður Björnsdóttir í peysufötum í gamla kirkju-
garðinum í Reykjavík. Sjónarhornið er óþekkt af öðrum myndum, en horft er til sjávar frá þeim stað
þar sem viðbygging við hús Símans er nú. Húsið aftan við konurnar er Austurstræti 2 og gatan á
milli húsanna er Veltusund. Myndin er hluti af þjóðbúningamyndröð Woods.
20 SUNNUDAGUR 16. JÚNÍ 2002 MORGUNBLAÐIÐ