Morgunblaðið - 06.01.2003, Blaðsíða 5

KNATTSPYRNA
MORGUNBLAÐIÐ MÁNUDAGUR 6. JANÚAR 2003 B 5
IPSWICH var ekki í teljandi vandræðum
með að sigra utandeildaliðið Morecambe,
4:0, og tryggja sér með því sæti í 4. umferð
ensku bikarkeppninnar. Hermann Hreið-
arsson lék allan leikinn með Ipswich og
var nokkrum sinnum ágengur við mark
gestanna. Hann komst næst því að skora
seint í fyrri hálfleiknum, átti þá hörku-
skalla á mark en varnarmaður
Morecambe náði að bjarga á
marklínu sinni. Einn leikmanna
gestanna var rekinn af velli
eftir 20 mínútna leik og það
gerði Ipswich enn auðveld-
ara fyrir. Þrjú markanna
komu þó ekki fyrr en
nokkuð var liðið á síðari
hálfleik og skoraði vara-
maðurinn Darren Bent
tvö þeirra. Til marks um
yfirburði Ipswich átti lið-
ið 29 skot á mark gest-
anna í leiknum. Hermann Hreiðarsson
Auðvelt hjá Ipswich
DANNY Carroll, barnaskólakennari í bænum
Farnborough, er hetja staðarins þessa dagana.
Hann kom utandeildaliðinu Farnborough Town í
4. umferð ensku bikarkeppninnar á laugardag-
inn með því að skora tvívegis í fræknum útisigri
á 3. deildar liði Darlington, 3:2.
„Draumur okkar rættist svo sannarlega. Það
var líka eins gott að við unnum leikinn, annars
hefðu krakkarnir ekki tekið vel á móti mér í
skólanum á mánudaginn,“ sagði Carroll sem
kom liði sínu í 2:1 í fyrri hálfleiknum og skoraði
sigurmarkið í þeim síðari.
Farnborough er í 8. sæti í úrvalsdeild ut-
andeildaliðanna en er 21 stigi á eftir toppliðinu,
Yeovil, og á því vart raunhæfa möguleika á að
vinna sér sæti í 3. deildinni á þessari leiktíð.
Annað utandeildalið, Dagenham & Redbridge,
á möguleika á að komast í 4. umferð eftir jafn-
tefli, 2:2, við 2. deildarlið Plymouth á útivelli.
Dagenham & Redbridge er í 11. sæti í úrvals-
deild utandeildaliðanna.
Kennarinn
skoraði tvö
MATT Jansen, sóknarmaður Blackburn, skoraði sín
fyrstu mörk á tímabilinu á laugardaginn, tvö mörk í
fræknum útisigri liðsins á Aston Villa, 4:1, í 3. umferð
ensku bikarkeppninnar. Jansen er nýkominn á ról
eftir að hafa lent í alvarlegu mótorhjólaslysi í Róma-
borg síðasta sumar en hann varð þá fyrir slæmum
áverkum á höfði.
Graeme Souness, knattspyrnustjóri Blackburn,
var hæstánægður fyrir hönd Jansens, sem var kom-
inn inn í enska landsliðshópinn síðasta vetur. „Síð-
ustu mánuðir hafa verið honum erfiðir. Höfuðmeiðsli
eru alltaf slæm, ekki síst þegar enginn veit hvaða
áhrif þau hafa til lengri tíma. Það er stórkostlegt að
sjá hann aftur á sínum stað,“ sagði Souness. Dwight
Yorke skoraði hin tvö mörk Blackburn á sínum gamla
heimavelli en hann lék með Aston Villa á sínum tíma
áður en hann gekk til liðs við Manchester United.
Jansen
mættur
Wenger æfur út í FIFA
Danny Dichio skoraði þrennu áfyrstu 19 mínútunum, á 15
mínútna kafla, þegar WBA vann 1.
deildar lið Bradford á sannfærandi
hátt, 3:1, í ensku bikarkeppninni á
laugardaginn. Lárus Orri Sigurðs-
son lék allan leikinn í vörn WBA.
Dichio hefur verið á sölulista hjá
WBA í nokkurn tíma en hann hef-
ur lítið sýnt með liðinu þar til í síð-
ustu leikjum. Hann hefur nú gert 6
mörk í 7 leikjum en þar á undan
tók Gary Megson, stjóri WBA,
hann út úr leikmannahópnum í
fimm leiki og setti hann á sölulista.
„Við ætlum ekki að selja Dichio.
Það þurfti að hrista upp í kollinum
á honum þar sem hann lék illa
framan af vetri, og það tókst. Nú
er hann loksins farinn að leika eins
og sæmir manni sem við greiddum
1.250 þúsund pund fyrir á sínum
tíma,“ sagði Megson.
Dichio, sem skoraði fyrstu bik-
arþrennu WBA í 21 ár, hrósaði fé-
lögum sínum fyrir þeirra þátt. „Ég
fæ margar góðar sendingar til að
vinna úr, sérstaklega frá Jason
Koumas,“ sagði Dichio. Hann til-
einkaði þrennuna föður besta vinar
síns, Dons Hutchisons hjá West
Ham, sem lést á dögunum.
AP
Lárus Orri Sigurðsson, leikmaður WBA, á hér í höggi við Andy
Gray, leikmann Bradford City, í bikarleiknum á laugardaginn.
Snögg þrenna
hjá Dichio
GUÐNI Bergsson, fyrirliði Bolton, var hvíldur ásamt
mörgum öðrum fastamönnum eftir erfiða leikjatörn
um áramótin þegar lið hans mætti Sunderland, 1:1.
Michael Ricketts kom Bolton yfir en Kevin Phillips
náði að jafna fyrir Sunderland. Sam Allardyce, knatt-
spyrnustjóri Bolton, gerði níu breytingar á liði sínu
frá síðasta deildaleik en samt gátu leikmenn Bolton
nagað sig í handarbökin yfir því að hafa ekki nýtt gull-
ið tækifæri til að fagna sigri.
„Ég er líklega með elsta liðið í úrvalsdeildinni og
leikmenn á borð við Guðna Bergsson, Per Frarndsen,
Simon Charlton og Mike Whitlow þurftu á hvíldinni að
halda. Í staðinn notaði ég unga stráka sem hlupu og
börðust allan tímann, og það eru mikil vonbrigði að
þeir skyldu ekki vinna leikinn því færin voru fyrir
hendi,“ sagði Allardyce.
Bolton hvíldi
gömlu mennina
STOKE City vann sinn þriðja
leik í röð á laugardaginn og er
komið í 4. umferð ensku bik-
arkeppninnar eftir 3:0 sigur á
Wigan, toppliði 2. deildar.
Bjarni Guðjónsson lagði upp
fyrsta markið fyrir Chris Green-
acre, sem einnig skoraði þriðja
markið, en Chris Iwelumo sá um
mark númer tvö. Brynjar Björn
Gunnarsson var nálægt því að
skora í þriðja leiknum í röð en
hann lék allan tímann og þótti
einn af bestu mönnum vallarins.
Bjarna var skipt af velli undir
lokin en Pétur Marteinsson sat á
varamannabekknum hjá Stoke.
„Ég er mjög ánægður því
leikurinn var jafnari en marka-
talan gæti gefið til kynna. Wig-
an er mjög gott lið sem var búið
að vinna níu leiki í röð. Sjálfs-
traustið hjá okkur fer stöðugt
vaxandi, strákarnir hafa lagt mjög hart að sér á æf-
ingum, og nú er það farið að skila sér í leikjunum,“
sagði Tony Pulis, knattspyrnustjóri Stoke.
Þetta er í fyrsta skipti í níu ár sem Stoke kemst í
4. umferð bikarkeppninnar.
Sannfærandi
sigur Stoke
ARSENE Wenger, knattspyrnustjóri Arsenal, er æfur
út í Alþjóða knattspyrnusambandið fyrir að stækka
Álfukeppni landsliða og halda hana seinnipart júnímán-
aðar, í miðju sumarfríi leikmanna. Hann segir að ef
þetta nái fram að ganga muni allt að sjö leikmenn hans
missa af sumarfríinu og þá verði sumir þeirra búnir að
leika knattspyrnu samfellt í þrjú ár án þess að fá telj-
andi hlé. „Úrvalsdeildinni lýkur um miðjan maí og æf-
ingar fyrir næsta tímabil hefjast 5. júlí. En okkar leik-
menn í landsliðum Brasilíu og Frakklands þurfa að spila
í Álfukeppninni 18.–29. júní. Ef ég gef þeim fimm vikna
frí að henni lokinni koma þeir æfingalausir í ágúst og
þar með mætir Arsenal með óundirbúið lið til keppni í
úrvalsdeildinni. Ef þeir fá ekki frí, verða sumir þeirra
búnir að spila samfellt í þrjú ár, og
síðan er Evrópukeppnin 2004
framundan sumarið á eftir,“ sagði
Wenger, sem sagði ennfremur í
viðtali við News of the World í gær
að svona mótshald á vegum FIFA
ýtti undir hugmyndir stærstu fé-
laganna í Evrópu um að rjúfa sig
frá knattspyrnusamböndum landa
sinna og stofna eigin úrvalsdeild.
„Þetta endar með slíku uppgjöri.
18 félög komin í samband stærstu
félaga álfunnar, er þetta orðin
raunveruleg ógn. Það kemur að
því að félögin neita að láta leik-
menn sína lausa í mót sem skipta
engu máli og þeir vilja ekki taka
þátt í. Þýskaland, Ítalía og Spánn
höfnuðu öll þátttöku í þessari Álfu-
keppni en Frakkland mun spila við
Nýja-Sjáland. Afar spennandi!
Einn daginn segir FIFA að leik-
menn spili of marga leiki og næsta
dag skipuleggur sambandið eitt
mót til viðbótar,“ sagði Wenger.