Morgunblaðið - 06.01.2003, Blaðsíða 9

ÍÞRÓTTIR
MORGUNBLAÐIÐ MÁNUDAGUR 6. JANÚAR 2003 B 9
KEITH Vassell lék ekki með Hamarsmönnum í
gær gegn fyrrverandi félögum sínum í KR.
Vassell kom til landsins fyrir helgina, en var
vísað til baka þar sem hann hafði ekki atvinnu-
og dvalarleyfi. Hann kemur hins vegar til
landsins í fyrramálið og þá verða allir papp-
írar í lagi. Hann verður því tilbúinn í slaginn
þegar Hamar mætir Ármanni/Þrótti í bik-
arkeppninni á miðvikudaginn.
Keith Vassell
kom og fór
SYSTKININ Ivica og Janica Kostelic skráðu
nöfn sín í sögubækurnar í gær þegar þau
sigruðu bæði á heimsbikarmóti í svigi, en
það hefur aldrei gerst áður að systkin vinni
heimsbikarmót sama daginn. Janica vann á
Ítalíu en Ivica klukkutíma síðar í Slóveníu.
Janica hélt upp á 21 árs afmæli sitt í gær
og gerði það með eftirminnilegum hætti,
með enn einum sigrinum í svigi. Hún hafði
mikla yfirburði og hin unga Elisabeth Görgl
frá Austurríki, sem varð önnur eftir að hafa
verið í áttunda sæti eftir fyrri ferðina, kom
í mark 2,08 sekúndum á eftir meistaranum.
Það hefur ekki verið svona mikill munur á
keppendum í svigi kvenna síðan 1973 þegar
Daniella Debernard kom 2,12 sekúndum á
undan Hanni Wenzel frá Liechtenstein í
mark á móti í Japan.
„Ég var dálítið stressuð fyrir keppnina
enda gekk mér illa í risasviginu á laug-
ardaginn. Þetta voru þó óþarfa áhyggjur
því ég náði mér vel á strik og þetta var
nærri fullkomið hjá mér – þó það sé auðvit-
að ekki til neitt sem kalla má fullkomið,“
sagði Janica eftir sigurinn og bætti við að
þetta væri frábær dagur fyrir fjölskylduna.
Janica gaf sér ekki langan tíma til að
fagna, fékk köku og kampavín hjá Ítölunum
og flýtti sér síðan ásamt Ante, föður sínum,
sem jafnframt þjálfar hana, til að fylgjast
með sjónvarpsútsendingu frá svigkeppninni
í Slóveníu þar sem Ivica bróðir hennar sigr-
aði.
Ivica er með forystu í svigkeppni heims-
bikarsins og jók hana með sigrinum í gær.
Hann var með besta tímann í fyrri ferðinni
og einnig í þeirri síðari.
Heimsmeistarinn í svigi, Mario Matt frá
Austurríki, var meðal keppenda en þetta er
fyrsta mót hans í tæpt ár. Í fyrra varð hann
í öðru sæti í Slóveníu en meiddist á öxl
skömmu síðar og þurfti tvær skurðaðgerðir
til að laga hana. Hann varð í 15. sæti í gær.
Kostelic-
systkinin fóru
á kostum
Reuters
Janica Kostelic frá Króatíu gat ekki
annað en brosað eftir sigurinn í
Bormio í gær.
LANDSLIÐIÐ í íshokkí, skipað leikmönnum
20 ára og yngri, tryggði sér áframhaldandi
sæti í 2. deild heimsmeistaramótsins með því
að sigra Mexíkó, 4:1, í lokaleik sínum í Novi
Sad í Júgóslavíu. Áður hafði íslenska liðið gert
jafntefli við Spánverja en tapað fyrir Hollend-
ingum, Ungverjum og Júgóslövum. Það voru
Jón Gíslason, Guðmundur Björgvinsson,
Brynjar Þórðarson og Snorri Rafnsson sem
skoruðu mörkin gegn Mexíkó.
Íshokkíliðið
hélt sér uppi
Það var aldrei nein spenna í leik ÍBV ogVals í Vestmannaeyjum. Eyjastúlkur
mættu ákveðnar til leiks og skoruðu fyrstu
fimm mörk leiksins og hleyptu gestunum
aldrei nær sér eftir það. Vals-
stúlkur skoruðu fyrsta mark
sitt eftir níu mínútna leik.
Alla Gorkorian fór fyrir
Eyjastúlkum fyrstu mínút-
urnar og skoraði fjögur mörk áður en hún
varð að fara af leikvelli vegna meiðsla um
miðbik hálfleiksins. Inn á fyrir hana kom Ana
Perez og er ekki ónýtt fyrir Eyjaliðið að hafa
svo öfluga handknattleikskonu á bekknum.
Vigdís var í miklu stuði í markinu og varði
fjórtán skot í fyrri hálfleik. Staðan í hálfleik
13:6 og staða Vals átti eftir að versna til muna
í síðari hálfleik.
Eyjastúlkurnar juku forskot sitt hægt og
rólega og var sóknarleikur Valsliðsins í mol-
um í leiknum og aðeins Drífa Skúladóttir sem
ógnaði Eyjamarkinu að einhverju marki.
Ingibjörg Jónsdóttir, fyrirliði ÍBV, fór fyrir
sínu liði í seinni hálfleik og þrátt fyrir að Alla
Gorkorian kæmi ekki meira við sögu í leikn-
um kom það ekki að sök og sást það vel í þess-
um leik hversu breiðum hópi ÍBV hefur á að
skipa. ÍBV náði tíu marka forystu um miðbik
seinni hálfleiks og upp úr því ákvað Unnur
Sigmarsdóttir, þjálfari ÍBV, að gefa vara-
mönnum liðsins tækifæri, það breytti litlu,
forystan jókst og lokastaðan fjórtán marka
sigur ÍBV, 27:13, og Eyjaliðið því aðeins tap-
að einu stigi í fjórtán leikjum deildarinnar.
Vigdís Sigurðardóttir var í banastuði í
marki ÍBV, varði 25 skot, þar af 4 víti. Einnig
var Ingibjörg Jónsdóttir öflug, bæði í vörn og
sókn. Hjá gestunum var fátt um fína drætti,
það var helst Drífa Skúladóttir sem reyndi
mikið og uppskar fimm mörk og reyndar
rauða spjaldið undir lok leiksins fyrir þrjár
brottvísanir. Berglind Hansdóttir varði tólf
skot.
Arfaslakar eins og dómararnir
Guðríður Guðjónsdóttir, þjálfari Vals, var
ekki sátt í leikslok. „Við vorum arfaslakar í
þessum leik og getum sjálfum okkur um
kennt hvernig við fórum með leikinn en dóm-
ararnir voru í sama gæðaflokki og mitt lið,“
sagði hún og var greinilega mjög ósátt við þá
Hörð Sigmarsson og Þóri Gíslason.
„Það voru sams konar brot báðum megin
en alltaf féllu dómar mínu liði í óhag. Ég er
ekki að afsaka mitt lið, eins og ég sagði þá
vorum við slakar, en svona dómgæsla bætir
ekki úr skák.“
Guðríður sagðist hafi lagt upp með að
skjóta uppi á Vigdísi markvörð ÍBV. „Ég vil
meina að við höfum verið að skjóta í Vigdísi
en ekki á, ég sagði stelpunum að skjóta uppi
en fyrstu átta skotin í leiknum eru niðri og
við vitum að hún er sterk í skotum þar. Það er
mikill munur á þessum liðum en ekki fjórtán
mörk, það er á hreinu.“ Spurð um framhaldið
sagði Guðríður að þær væru á svipuðum slóð-
um og þær hafi ætlað sér í upphafi og stefnan
væri enn sú sama. „Við stefnum á fjórða sæt-
ið í deildinni, við förum norður um næstu
helgi og það er mjög mikilvægur leikur fyrir
okkur,“ sagði Guðríður.
Enn mikið eftir af mótinu
Þetta small vel í dag, vörn og markvarsla,
við sáum að við erum með frábæran mark-
mann sem að mínu mati var besti maður vall-
arins,“ sagði Unnur Sigmarsdóttir, þjálfari
ÍBV. „Við æfðum vel í jólafríinu og tókum
þátt í æfingamóti á milli jóla og nýárs og
komum því vel stemmdar til leiks.“
Unnur bætti því við að nú tæki við talsverð
törn þar sem leiknir verða fjórir leikir á viku.
„Ég er með breiðan hóp og hef því ekki
áhyggjur þótt leikmenn geti ekki spilað alla
leikina, samanber Öllu Gorkorian í dag sem
lék aðeins fyrstu fimmtán mínúturnar.“
Nú hefur ÍBV liðið farið í gegnum fjórtán
leiki án taps og hefur örugga forystu á toppi
deildarinnar, er ekki erfitt að halda einbeit-
ingu hjá stelpunum?
„Það er oft erfitt að vera á toppnum en það
er mitt hlutverk að halda stelpunum á þeim
stað sem þær eru og tryggja að þær hafi trú á
því að þær geti verið þar áfram. Það er mikið
eftir af mótinu, við getum lent í meiðslum og
það er ýmislegt sem getur komið upp á og
ekkert hægt að bóka fyrirfram í þessu.“
Góður Stjörnusigur
Í Garðabænum voru gestirnir úr Hafnar-firði í vandræðum með vörnina framan af.
Fyrir vikið var sóknarleikur FH-stúlkna
brokkgengur, mikið var reynt að koma bolt-
anum inná línumanninn sem
var í góðri gæslu. Björk Æg-
isdóttir tók þá yfirleitt af
skarið og kom í veg fyrir að
Garðbæingar styngju af. Jóna
Margrét Ragnarsdóttir var óstöðvandi og
skoraði hvert markið á fætur öðru fyrir
Stjörnuna. Munurinn var aldrei mikill, sem
sést á því að þegar sex sóknir Garðbæinga
fóru í súginn, var forskot FH aðeins þrjú
mörk í leikhléi, 14:11.Eftir hlé tóku Stjörnu-
stúlkur Björk úr umferð og markvörður
þeirra Jelena Jovanovic fór að verja, var ekki
aftur snúið hjá þeim. Þegar tíu mínútur voru
eftir var staðan 25:18 fyrir Garðbæinga og
virtust margir þá telja björninn unninn. Svo
var ekki því með fimm mörkum FH í röð á
fjórum mínútum varð munurinn aðeins tvö
mörk og komin spenna í leikinn á ný. Meira
að segja Jelenu leist ekkert á blikuna og tafði
leikinn svo að hún fékk tveggja mínútna
brottvísun. En minnugar síðasta leik liðanna,
sem lauk með jafntefli eftir góðan sprett FH,
tóku Stjörnustúlkur við sér og tryggðu sér
sigur á lokasprettinum.
„Þetta var erfið fæðing hjá okkur – við náð-
um ekki að hrista þær af okkur,“ sagði Jóna
Margrét, sem skoraði 11 af mörkum Stjörn-
unnar. Björk Ægisdóttir var ekki ánægð með
varnarleik FH-liðsins. „Það hélst í hendur,
slakur varnarleikur og um leið ekki nægilega
góður sóknarleikur. Undir lok leiksins small
vörnin saman og við fengum hraðaupphlaup,
en misstum síðan allt út úr höndum okkar.“
Morgunblaðið/Sigfús Gunnar Guðmundsson
Þórsteina Sigurbjörnsdóttir, leikmaður ÍBV, er komin framhjá Valsstúlkunni Örnu Grímsdóttur og skorar.
Eyjastúlkurnar
gefa ekkert eftir
EYJASTÚLKUR slá hvergi af og í gær voru Valsstúlkur fórnarlömb þeirra í 14
marka sigri, 27:13, í Eyjum. Haukastúlkur lögðu nýliða Fylkis/ÍR 29:22 í Hafnarfirði
og Víkingur hafði 27:23 sigur á Gróttu/KR í Víkinni. Í Garðabænum leit lengi vel út
fyrir öruggan sigur Stjörnunnar á FH en Hafnfirðingar tóku góðan sprett í lokin og
minnkuðu muninn en tókst ekki að fylgja því eftir og töpuðu 30:25.
Stefán
Stefánsson
skrifar
Sigursveinn
Þórðarson
skrifar