Morgunblaðið - 16.01.2003, Síða 9
MORGUNBLAÐIÐ FIMMTUDAGUR 16. JANÚAR 2003 B 9
NÚR VERINU S K E L F I S K B Á T A R
SKELFISKBÁTAR
Nafn Stærð Afli Sjóf. Löndunarst.
GRETTIR SH 104 210 38 5 Stykkishólmur
KRISTINN FRIÐRIKSSON SH 3 104 44 5 Stykkishólmur
ÞÓRSNES II SH 109 146 27 5 Stykkishólmur
ÞÓRSNES SH 108 163 36 5 Stykkishólmur
TÍU nemendur luku skipstjórn-
arprófum við Stýrimannaskólann í
Reykjavík á haustönn. Skipstjórn-
arprófi 3. stigs eða farmannaprófi
luku 8 nemendur og 2 luku skip-
stjórnarprófi 1. stigs. Skipstjórn-
arpróf 3. stigs veitir alþjóðleg rétt-
indi til skipstjórnar á flutninga- og
farþegaskip. Eftir breytingu á
námstilhögun yfir í áfangakerfi ár-
ið 1998 er nám til loka skipstjórn-
arprófa 3. stigs ein önn að loknu
skipstjórnarprófi 2. stigs, sem flest-
ir ljúka að vori. Til þess að ljúka
skipstjórnarprófi 3. stigs verður
viðkomandi af hafa lokið skip-
stjórnarprófum 1. og 2. stigs og
ljúka sumir nemendur prófinu sam-
hliða 3. stigs prófinu.
Við Stýrimannaskólann eru frá
gamalli tíð fjölmörg hefðbundin
verðlaun sem velunnarar skólans
og gamlir nemendur hafa gefið í
111 ára sögu skólans síðan 1891. Af
þeim nemendum sem luku nú far-
mannaprófinu náði Guðmundur
Rúnar Jónsson, Mosfellsbæ, bestum
námsárangri og hlaut hann í verð-
laun Farmannabikarinn og verð-
launapening Eimskip, sem gaf á
sínum tíma bikarinn sem far-
andverðlaun. Guðmundur Rúnar
hlaut einnig verðlaunaúr, áletrað
armbandsúr af bestu gerð, úr sjóði
Guðmundar B. Kristjánssonar,
fyrrv. siglingafræðikennara við
Stýrimannaskólann í 40 ár. Guð-
mundur Rúnar fékk einnig verð-
laun úr Verðlaunasjóði Páls Hall-
dórssonar, skólastjóra
Stýrimannaskólans frá 1900–1937,
fyrir „kunnáttu, háttprýði og
skyldurækni“ við námið.
Eins og undanfarin ár færði
Skerpluútgáfan öllum útskrift-
arnemum áritað eintak af Sjó-
mannaalmanaki Skerplu fyrir árið
2003.
Í stuttu ávarpi, sem skólameist-
ari flutti áður en skírteini voru af-
hent minntist hann á söguleg tíma-
mót í sögu Stýrimannaskólans í
Reykjavík, þegar Tómas Ingi Ol-
rich menntamálaráðherra undirrit-
aði hinn 5. desember sl. þjónustu-
samning á milli
menntamálaráðuneytisins og
Menntafélagsins ehf. til 5 ára, sem
tekur gildi 1. ágúst nk. Að Mennta-
félaginu standa Landssamband ís-
lenskra útvegsmanna (LÍÚ), Sam-
tök íslenskra kaupskipaútgerða
(SÍK), og Samorka, samtök orku-
framleiðenda í landinu. Auk full-
trúa þessara fyrirtækja eiga forseti
Farmanna- og fiskimannsambands
Íslands og formaður Vélstjóra-
félags Íslands sæti í stjórn félags-
ins. Af þessu leiðir að starfsemi
skólanna á vegum mennta-
málaráðuneytisins verður lögð nið-
ur og öllum fastráðnum starfs-
mönnum skólanna verður sagt upp
störfum með a.m.k. þriggja mán-
aða fyrir og eigi síðar en 1. maí
2003.
Öllu starfsfólki hefur eftir undir-
skrift samningsins verið sent bréf,
þar sem því er boðin endurráðning
hjá hinu nýja félagi á þeirra for-
sendum og því heitið, að skólarnir
muni að öðru leyti en nýjum rekstr-
araðila og breyttri yfirstjórn starfa
eins og verið hefur. Forsvarsmenn
fyrrgreindra félaga sögðu við und-
irskrift samningsins hinn 5. desem-
ber sl., að markmið þeirra með
breytingu á rekstrarformi væri
fyrst og fremst að efla skólana,
treysta og auka tengslin við at-
vinnulífið og námið verði áfram
undir eftirliti starfsgreinaráðs
sjávarútvegs og siglinga og
menntamálaráðuneytisins.
Um þetta sagði Guðjón Ármann
Eyjólfsson skólameistari við braut-
skráningu nemendanna: „Við verð-
um að treysta því að staðið verði
við gefin fyrirheit og með því að at-
vinnuvegirnir bera meiri ábyrgð
verði hér boðið upp á enn fjöl-
breyttara nám og meiri möguleika
fyrir ungt fólk sem vill snúa sér að
sjávarútvegi en er í dag. Með öðr-
um orðum að námið fái meiri
breidd en verið hefur. Sú breidd
sem hefur t.d. verið í námi vél-
stjórnarmanna hefur verið lykillinn
að því að fleiri nemendur hafa sótt
Vélskóla Íslands á undanförnum
árum en nám í Stýrimannaskól-
anum.“ Guðjón ræddi síðan þá hug-
mynd, að í Sjómannaskóla Íslands
yrði komið upp Háskóla sjávar-
útvegs og siglinga eða Fræðasetri
sjómanna og allra þeirra sem koma
að þessum atvinnuvegi, bæði til
lands og til sjávar. Þarna yrði að-
setur skipstjórnar- vélstjórnar- og
tæknináms, fiskvinnslu, haffræði,
fiskifræði, náms í veiðarfæragerð,
veiðarfærarannsóknir, flutn-
ingafræði kaupskipa, (shipping),
markaðsfræði sjávarafurða, hafn-
arstjórn, nám í alþjóðlegu skipaeft-
irliti og hafnarríkisskoðun og t.d.
fyrstu áfangar í vélaverkfræði í
vélasölum Vélskóla Íslands. Sumt
af þessu námi yrði hugsanlega að-
eins ein önn, en val og fjölbreytni
gæti gefið mikla möguleika og
myndi laða ungt fólk að.
Nemendur og kennarar við Stýrimannaskólann í Reykjavík á haustönn 2002. Talið frá vinstri: Jóhann Elíasson, stundakennari og fjármálastjóri, Tryggvi Gunnarsson kenn-
ari, Eysteinn Sigurðsson kennari, Ásgeir Guðbjartur Guðbjartsson, lauk 3. stigi, Jón H. Magnússon kennari, Bergþór Hávarðsson, lauk 2. og 3. stigi, Hjörleifur Hjörleifsson
kennari, Örvar Ólafsson, Bjarni Rúnar Baldursson, lauk 3. stigi, Benedikt Blöndal kennari, Jón Þór Bjarnason, kennari og áfangastjóri, Pálmi Jónsson, Guðmundur Birkir
Agnarsson, Guðmundur Richard Guðmundsson, Ágúst Þorsteinsson kennari, Guðjón Ármann Eyjólfsson skólameistari.
Tíu ljúka skipstjórnarprófum
RAÐAUGLÝSINGAR
TIL SÖLU
Útgerðarmenn — skipstjórar
Allt til netaveiða
Erum með á lager mikið úrval af þorska-, ufsa-
og ýsunetum. Gott verð.
Gerum tilboð í magninnkaup.
Vorum að fá ódýru grásleppunetin.
Upplýsingar í síma 520 7309.
ATVINNA
Skipstjóri óskst
Skipstjóri óskast á 220 tonna dragnótabát sem
gerður er út frá Suðurlandi og Suðausturlandi.
Upplýsingar í síma 864 2692.
SALA Icelandic UK, dótturfyr-
irtækis SH í Bretlandi, gekk vel á
síðasta ári að sögn framkvæmda-
stjórans Magna Þórs Geirssonar.
Hann segir að veltan hafi verið
svipuð og árið 2001, en aukningin í
veltu milli áranna 2000 og 2001 var
veruleg, fór úr 31 milljón punda í
41, eða úr fjórum milljöðrum í 5,3.
Icelandic UK selur fyrst og
fremst sjófryst þorskflök og rækju,
en auk þess sjófrysta ýsu og land-
frystar afurðir. Fiskurinn fer að
langmestu leyti í þjóðarrétt Breta,
fisk og franskar.
Magni segir að sala á rækju hafi
í magni talið aukizt um 10% á síð-
asta ári og telji hann það góðan ár-
angur því markaðurinn hafi verið
þungur. Því miður hafi verð á
rækju lækkað nokkuð á síðasta ári
og því sé ekki um verðmætaaukn-
ingu að ræða á heildina litið.
Tekið á gæðamálunum
„Salan á sjófrystu flökunum hefur
gengið vel. Við leggjum mikla
áherzlu á vörumerkið okkar Ice-
landic og það hefur skilað góðum
árangri, einkum vegna þess að við
höfum tekið mjög vel á gæðamálum
heima á Íslandi í samvinnu við SH
þjónustu, sem við rekum að hluta
til. Við tókum upp þá nýbreytni nú
um áramótin að veita sérstök
gæðaverðlaun fyrir sjófrystar af-
urðir og þetta allt hefur leitt til
mikilla gæða. Gæðin leiða svo aftur
til þess að betur gengur að selja
flökin. Salan var mjög góð í desem-
ber, enda borða Bretar þá mikið af
fiski og frönskum. Janúar er lakari
sölumánuður, en þó að mikið af
flökum hafi komið frá Íslandi um
áramótin hefur salan gengið vel hjá
okkur, einkum í þorskinum.
Mikið framboð af ýsu
Staðan í ýsunni er verri. Framboð
á sjófrystri ýsu hér í Bretlandi hef-
ur verið að aukast, en markaðurinn
er bæði svæðisbundinn og tak-
markaður. Færeyingar hafa aukið
ýsuveiðar og kvótinn á ýsu á Ís-
landi hefur verið aukinn sem og í
Barentshafi. Þá er rétt að benda á
það að sjófrysta ýsan frá Íslandi
hefur lengst af nær eingöngu farið
til Bandaríkjanna. Sá markaður er
nú orðinn yfirfullur og því leitar
ýsan í auknum mæli hingað,“ segir
Magni.
Áhrif til lengri tíma
Spurður um áhrif niðurskurðar á
þorskkvótanum í Norðursjó segir
Magni að til lengri tíma litið muni
niðurskurðurinn hafa einhver áhrif
á markaðinn, mest þá á þann hátt
að verð haldist uppi. Bretar hafi
veitt mjög lítið af þorski síðustu ár-
in, aðeins um 40.000 tonn og sá
fiskur hefur nær eingöngu farið
ferskur í dreifingu og hefur því
ekki verið í beinni samkeppni við
okkur í fyrsta fiskinum. „45% nið-
urskurður á 40.000 tonnum er held-
ur ekki mikið magn, þó að hann
komi mjög illa við marga, sér í lagi
þá sem stunda veiðarnar hér,“ seg-
ir Magni Þór Geirsson.
Gæðin hjá Icelandic UK
greiða fyrir sölunni
„STJÓRN Eldingar mótmælir
harðlega aðför Hafrannsóknastofn-
unarinnar að útgerð línubáta á norð-
anverðum Vestfjörðum. Samkvæmt
fréttum af fiskiríi allt í kringum land-
ið er óvenjumikið um smáfisk í aflan-
um. Það er því athyglisvert að af sex
fyrstu lokunum á þessu ári eru þrjár
á línubáta á norðanverðum Vestfjörð-
um, til viðbótar tveimur reglugerðar-
hólfum sem eru á svæðinu. Við velt-
um því fyrir okkur hvort þetta sé svar
Hafró við gagnrýni okkar á stjórn
stofnunarinnar.“
Þetta segir m.a. í ályktun stjórnar
Smábátafélagsins Eldingar á norðan-
verðum Vestfjörðum. Þar er mót-
mælt skyndilokun á Vestfjarðarmið-
um, þar sem hlutfall smáþorsks, eða
þorsks undir 55 sentimetrum, við
mælingu á afla þriggja báta var
hærra en 25%. Félagið hefur sent
Hafrannsóknastofnuninni bréf þar
sem fram koma efasemdir um að
þorskur á þessu kaldsjávarsvæði,
sem er á bilinu 45-55 sentimetrar,
hafi ekki náð 4 ára aldri. Nauðsynlegt
sé að vanda til verka, þegar ákvörðun
sé tekin um að loka á allar línuveiðar
hjá bátum sem gerðir eru út frá
byggðarlögum, enda eigi þeir allt sitt
undir útgerð þeirra. Í bréfinu er þess
farið á leit við Hafrannsóknastofn-
unina að sendur verði eftirlitsmaður
til frekari athugana á svæðinu. Nauð-
synlegt sé aldursgreina fiskinn þann-
ig að enginn vafi leiki á að ekki sé ver-
ið að loka á veiðar þar sem fiskur er
eldri en 4 ára, þó hann sé undir lengd-
arviðmiðunarmörkum.
Í ályktuninni segir ennfremur að á
undanförnum öldum hafi það verið al-
kunn staðreynd, að fiskur hafi alist
upp á Vestfjarðamiðum, en jafnframt
hafi miðin verið nýtt af heimamönn-
um og útlendingum. „Á undanförnum
árum hafa Vestfirðingar verið að
byggja upp flota smábáta og aflað sér
fiskveiðiheimilda í þeim flokki. Það
hefur því mjög alvarlegar afleiðingar
fyrir atvinnulíf á svæðinu ef banna á
línuveiðar meira og minna innan við
16 mílur. Það er með öllu óviðunandi
að útgerð og fiskvinnsla, sem eru
undirstöðuatvinnuvegur hér, eigi það
undir duttlungum örfárra manna
hvernig þeir beita því valdi sem þeim
er fært með lögum um skyndilokanir
vegna smáfisks í afla,“ segir í ályktun
Eldingar.
Mótmæla
skyndi-
lokunum
Smábátafélagið Eld-
ing vill að smáfiskur
verði aldursgreindur