Morgunblaðið - 26.01.2003, Blaðsíða 6
6 B SUNNUDAGUR 26. JANÚAR 2003 MORGUNBLAÐIÐ
ferðalög
Hverjir skipulögðu ferðina?
„Ferðin var skipulögð og farin af sundhópnum í Kópa-
vogi í samvinnu við félagsstarf aldraðra í Kópavogi.
Þátttakendur í ferðinni voru 40 og síðan vorum við
tvær með fararstjórnina, Jóhanna Arnórsdóttir, sem
leiðir sundhópinn í Kópavogi, og ég. Á hverjum
áfangastað fengum við síðan leiðsögn heimamanna.
Ferðin tók fimm daga en við gistum fjórar nætur.“
Hvers vegna ákváðuð þið að fara á Langanes?
„Það var nú aðallega vegna þess að við vorum beðin
um það af félögum í sundhópnum sem langaði til að
koma á þennan stað. Svo kom það á daginn að okkar
rúta var fyrsta rútan til að fara út á nesið sem var
skemmtileg tilviljun.“
Hvernig tókst svo ferðalagið?
„Þetta er eftirminnileg ferð, hún tókst frábærlega í
alla staði, meðalaldur þátttakenda var rúmlega 77 ár
en engum varð misdægurt og allir skemmtu sér kon-
unglega.“
Hvað er efst í huga frá ferðinni?
„Það eru án efa þær hlýju móttökur sem við fengum í
ferðinni, það var alveg sama hvar við komum, fólk var
svo alúðlegt og gestrisið.“
Sigurbjörg segir að sér sé einnig minnisstæður reka-
viðurinn sem hún sá á Langanesi. „Ég hef ferðast vítt
og breitt um landið en aldrei á ævinni séð eins mikinn
rekavið og þarna.“
Þegar hópurinn var kominn út á Langanes segir Sig-
urbjörg að svalt sjávarloftið hafi tekið vel á móti
þeim. „Við gæddum okkur á harðfiski, hákarli og
brennivíni þegar út á nesið var komið. Við komumst
hins vegar ekki út að Skálum eins og ætlunin var því
það skall á dimm þoka.“
Í fyrrasumar fór 42 manna hópur úr Kópavogi á besta aldri í ferðalag á Langanes.
Sigurbjörg Björgvinsdóttir, forstöðumaður félagsstarfs aldraðra í Kópavogi, segir að elsti
ferðalangurinn hafi verið 92 ára.
Hluti af Skoruvíkurbjargi.
Hópurinn við rútuna út við Skoruvík á Langanesi.
Fyrsta rútan á Langanes
Eftirminnileg ferð
KONAN á næstu hæð fyrir neðan
mig er andvaka um nætur. Þá álykt-
un dreg ég af því að klukkan þrjú á
nóttunni þegar hún hefur gefið upp
alla von setur hún þvottavélina á fullt
og ég hrekk upp með andfælum því
þessi þvottavél lætur duglega í sér
heyra. Og þar sem konan vill greini-
lega deila andvökunóttum sínum
með öðrum íbúum hússins vakna ég
náttúrlega þegar þetta gerist og hef
ekki hugsað mjög hlýlega til konunn-
ar fyrr en nótt nú nýlega.
Þá uppgötvaði ég sum sé mér til
nokkurrar umhugsunar að það var
kynleg lykt í íbúðinni minni og fór á
stúfana til að kanna málið og rauk þá
hressilega úr innstungu rafmagns-
ofnsins míns og var ekki annað sýni-
legt en eldur væri í þann veginn að
brjótast út og ekkert slökkvitæki eða
brunastigi og voru nú góð ráð dýr
fyrir jafn rafmagnsskelfda mann-
eskju og mig.
Meðan ég var að velta fyrir mér til
hvaða ráða ég ætti að grípa heyrði ég
þó þennan hávaða í vélinni á næstu
hæð og fannst hann mun meira
traustvekjandi en áður: ég gæti
kannski hlaupið þangað og fengið að-
stoð. Að vísu tala þau hjónin bara
frönsku en þau hlutu að hafa einhver
ráð. Ég klæddist skóm með gúmmí-
sólum, vel að merkja, og bjóst til að
hlaupa niður en sá þá að enn hafði
aukist reykurinn svo ég signdi mig
og stikaði síðan einörð og ákveðin í
göngulagi að og reif úr sambandi. Og
viti menn, ég fékk ekki rafmagns-
sjokk og smám saman hætti að rjúka
úr innstungunni.
En þar sem mér var engu að síður
ekki alveg rótt opnaði ég fram og alla
glugga og loftaði út svækjuna og þá
kom konan fram á dyrapallinn í nátt-
kjól og flókaskóm og sagði glaðlega
og á arabísku meira að segja: Er
eitthvert vandamál, kæra frú?
Og þegar hún fann lyktina og sá
reykinn rauk hún að ná í manninn
sinn sem kom stökkvandi upp þessi
fáu þrep og hann gleymdi líka að tala
frönsku og sagði guði sé lof nú hefði
ekki mátt miklu muna og konan kom
líka og hallaði sér að manninum og
sagði og nú á frönsku að guð minn
góður. – Við hefðum brunnið inni,
ástin mín. Hann tók hughreystandi
utan um konuna sína. Svo rannsak-
aði hann verksummerki og lofaði
hugprýði mína og ég bætti við að eig-
inlega væri þetta allt þvottavélinni
þeirra að þakka og svo fengum við
okkur te og vorum öll dálítið skjálf-
andi um stund.
Ég hafði uppi á vegg hjá mér
símanúmerið hjá slökkviliðinu en
komst að því að það hefði farið fyrir
lítið því síminn var dottinn út eins og
honum hættir ansi mikið til að gera
við ólíklegustu tækifæri. Svo ég verð
að taka undir það að það er ekki al-
vont að á hæðinni fyrir neðan mig er
kona sem er andvaka um nætur og
notar tímann til að þvo.
Og svo kom rafvirki og fór ham-
förum í íbúðinni og sagði að það væri
kraftaverk að ekki hefði kviknað í
fyrir löngu og það væri óttalegt að
sjá þessi vinnubrögð og gaf mér sím-
ann sinn ef eitthvað kæmi upp á. Það
fannst mér gott mál einkum ef hann
virkar þegar ég þarf á honum að
halda.
Dagbók frá Damaskus
Nú kólnar mjög snögglega hér á bæ og menn eru dúðaðir
frá hvirfli til ilja þó að Íslendingi þyki þetta bara notalegt,
skrifar Jóhanna Kristjónsdóttir, nema helst á kvöldin
því húsin hafa litla upphitun og getur því verið gott að hafa
þennan líka gæðarafmagnsofn til að orna sér í svalanum.
Andvaka kona og rjúk-
andi rafmagnsleiðslur
Í SUMAR munu Heimsferðir fljúga
vikulega til Bologna og Veróna á Ítalíu.
Andri Már Ingólfsson, forstjóri
Heimsferða, segir að um fimm þúsund
farþegar hafi flogið með Heimsferðum
til Ítalíu í fyrra en nú muni sætum
fjölga enn frekar þar sem áætlað sé
að hefja vikulegt flug fyrr en í fyrra og
einnig verði flugi hætt síðar í haust
Flogið verður til Veróna á mið-
vikudögum og heim á mánudögum
sem þýðir að farþegar geta valið um
5, 12 eða 19 daga ferðir. Til Bologna
verður flogið vikulega á mið-
vikudögum. Þegar Andri Már er
spurður hvort farþegar geti flogið til
Bologna og heim frá Veróna eða öfugt
segir hann að ef sætafjöldi sé nægur
sé ekkert því til fyrirstöðu en far-
gjaldið verði þá eitthvað hærra.
Hann segir að auk þess sem far-
þegar á leið til Rímíni fljúgi til Bologna
þá noti margir borgina sem byrj-
unarreit til að ferðast um Ítalíu, því
hún sé í hjarta landsins og stutt í allar
áttir.
Smáhýsi við Gardavatn
Í sumar bjóða Heimsferðir upp á
gistingu í smáhýsum við Sirmione við
Gardavatn en margir farþega til Ver-
óna halda einmitt á þann áfangastað.
Hann segir að sá gististaður sé tilval-
inn fyrir fjölskyldufólk.
„Þetta er staður þar sem þjón-
ustustigið er hátt og margt sem
stendur til boða fyrir fjölskyldufólk.
Auk þess verðum við svo með
þriggja og fjögurra stjarna hótel við
vatnið sem fram til þessa hafa verið
mjög vinsæl hjá okkur og við getum
boðið á góðu verði.“
Andri Már segir að Heimsferðum
hafi tekist að lækka verð á bíla-
leigubílum í sumar um 30%.
„Við gerðum mjög góðan samning
við bílaleiguna Avis sem við kynnum
nú í sumar. Daggjald fyrir ódýrasta
bílinn er 2.100 krónur á dag með öll-
um gjöldum.“ Þegar Andri Már er
spurður hvað það kosti fjögurra
manna fjölskyldu að leigja bíl eins og
Opel Astra í viku segir hann að viku-
leiga sé 26.000 krónur.
Fargjöldin til Ítalíu eru á sama verði
og í fyrra og ódýrustu sætin kosta
24.900 krónur með sköttum.
Vikusiglingar frá Feneyjum og Genúa
Heimsferðir hafa fengið umboð fyr-
ir siglingar stærsta skipafélagsins í
Miðjarðarhafi, Costa Cruises.
„Við munum nú bjóða skemmtisigl-
ingar þar sem siglt verður frá Fen-
eyjum eða Genúa. Þetta eru aðallega
vikusiglingar og frá Feneyjum er siglt
til Grikklands og Tyrklands en frá
Genúa er siglt til Napóli, Palermo,
Túnis, Palma, Barcelona og aftur til
Genúa.“ Andri segir að vikusiglingar
með skipafélaginu kosti 99.000 krón-
ur og þá er allt innifalið.
Morgunblaðið/Ómar
Lækka verð á bíla-
leigubílum um 30%
Nánari upplýsingar um
skemmtisiglingar eru á slóð-
unum: www.heimsferdir.is /
siglingar og
www.costa.it
Ítarlegri upplýsingar um smá-
hýsi eru á slóðinni
www.gardavillage.it
Heimsferðir bjóða siglingar frá Feneyjum og Genúa
Flogið verður vikulega til Veróna á Ítalíu í sumar.