Morgunblaðið - 30.01.2003, Blaðsíða 9

MORGUNBLAÐIÐ FIMMTUDAGUR 30. JANÚAR 2003 C 9








































































































NÚR VERINU LOFOTEN - NOREGI
Væröy frystigeymsla ehf.
Værøy fryselager AS
8063 Værøy, Noregi.
Frystilagerinn vestast í Lofoten.
Góð lega - í miðju hafi
Góður valkostur fyrir fiskiflotann.
-
Sími: +47 926 95 111. Fax: +47 760 95 460.
Frekari upplýsingar á íslensku: www.fryselageret.no
UM nýliðin áramót voru þrjátíu
ár liðin frá því að Kristján Helga-
son, hafnarvörður í Ólafsvík, hóf
störf sem hafnarvörður. Fréttarit-
ari settist yfir kaffibolla með Krist-
jáni og spurði hann hvenær hann
hóf störf sem hafnarvörður. „Í des-
ember 1972 var mér boðin vinna við
höfnina og átti að hefja vinnu 2. jan-
úar 1973. Þá var Olgeir Gíslason
hafnarvörður og var hugmynd
hafnarnefndar að bæta við manni.“
Var mikið um að vera á höfninni
þá?
„Já, það voru mikil umsvif hjá
höfninni á þessum tíma, bæði af
bátum og skipum, skipstjórarnir
máttu þá fiska eins og þeir gátu og
var þá róið frá því eldsnemma á
morgnana og lent seint á kvöldin.
Mikil örtröð var við þær bryggjur
sem þá voru, en það var þá Norð-
urgarðurinn og trébryggjan, bátar
margir og stórir og margir menn
við hvern bát. Þá hafði hver útgerð
sína föstu bíla sem lönduðu úr bát-
unum og var oft mikil umferð á tré-
bryggjunni. Þó man ég ekki eftir
neinum meiri háttar slysum á
mönnum eða á ökutækjum.“
Komu mörg skip til lestunar þá?
„Já, já, í mörg ár sáum við um út-
skipun á fiski og fiskafurðum í skip-
in, það var algengast að við skip-
uðum út svona 300 til 500 tonnum
af fiskafurðum á mánuði. Svo komu
olíuskip og strandferðaskip, þá var
oft þröngt í höfninni. Síðan komu
togararnir og var mikið um land-
anir úr þeim, við töldum þá kassana
sem upp komu úr þeim.
Þetta er búinn að vera ágætur
tími, margt skemmtilegt gerst og
stundum árekstrar en allir komist
heilir frá því.“
Að lokum vildi Kristján geta þess
að það eru góðir strákar við stjórn-
völinn á bátunum og þeir skilja vel
það sem hafnarverðirnir eru að
gera og fara eftir því.
Morgunblaðið/Alfons
Kristján Helgason á vigtinni, þar sem hann hefur starfað í 30 ár og segist alltaf hafa haft nóg að gera.
Þrjátíu ár sem
hafnarvörður
Ólafsvík. Morgunblaðið.
FISKVÉLAR ehf. í Garðabæ
hafa hannað og smíðað nýja gerð
af hausara fyrir sjófrystiskip.
Hausarinn hefur þegar verið sett-
ur um borð í tvö skip, Sléttbak EA
og Vestmannaey VE, auk þess sem
tækið verður settur um borð í Þór
HF.
Að sögn Alberts Svavarssonar,
fjármálastjóra Fiskvéla, er í haus-
aranum, sem er af tegundinni
F-402, að finna ýmiskonar nýjung-
ar. M.a. er í honum stillanlegur
halli á hníf sem Albert segir að
gefi tækifæri á betri nýtingu, sér-
staklega í bolfiski. Fiskur komi
venjulega hallandi á færibandi að
hausaranum, sem skeri þar af leið-
andi alltaf aðeins meira af öðru
flakinu og dragi þannig úr nýtingu.
Með því að geta stillt hallann á
hnífnum, komi hann beint á fiskinn
og skilji jafn mikið eftir á báðum
flökum.
Þá eru í hausaranum mun færri
slitfletir en í eldri gerðum. Í henni
eru þrír vatnsheldir og ryðfríir
mótorar sem Albert segir að hafi
reynst vel. Á hausaranum er
hraðastilling á færibandi og öllum
mótorum og því hægt að breyta af-
kastahraða eftir því hvaða hráefni
er unnið. Albert segir að til dæmis
þurfi að auka hraðann í karfa-
vinnslu en hægja á afköstunum
þegar unninn er þorskur.
Við hausarann er stillanlegt inn-
mötunarborð, auk þess sem sugu-
op, fyrir sog á slógi, er stillanlegt.
Þá eru á vélinni ýmsar lausnir sem
bjóða upp á að mjög fljótlegt er að
opna mikið inn á vélina sem eykur
þægindi við þrif, auk þess sem hún
er öll úr tæringarþolnum efnum.
Virkar samkvæmt óskum
Albert segir að fyrirtækið bindi
miklar vonir við að hausarinn muni
bæta afkomu þeirra skipa sem eru
að taka hann í notkun. Sama megi
segja um þær útgerðir sem nú hafi
ákveðið að taka hann í notkun sem
megi sjá af þeirri staðreynd að
jafnvel nýlegum hausurum, af öðr-
um gerðum, hafi verið skipt út fyr-
ir þennan. „Þeir sem vinna með
vélarnar um borð í skipunum,
„Baader-mennirnir svokölluðu, láta
mjög vel af vélinni og segja okkur
að hún sé að virka samkvæmt okk-
ar ýtrustu óskum,“ segir Albert.
Hausari bætir nýtingu
Morgunblaðið/Golli
Elliði Hreinsson, framkvæmdastjóri Fiskvéla, og Albert Svavarsson fjármálastjóri
við nýja hausarann sem þeir segja að geti bætt verulega nýtingu í bolfiskvinnslu.
VERKFRÆÐISTOFA Sigurðar
Thoroddsen hf. og Línuhönnun hf.
hafa tekið upp samstarf með það í
huga að samnýta þá sérfræðiþekk-
ingu sem starfsmenn fyrirtækjanna
búa yfir og hyggjast bjóða íslenskum
fiskeldisfyrirtækjum alhliða þjón-
ustu á sviðum umhverfis- og öryggis-
mála auk hagnýtra rannsókna fyrir
fiskeldi. Markmið samstarfsins er að
samnýta í þágu fiskeldisfyrirtækja á
Íslandi þá þekkingu og reynslu sem
liggur innan fyrirtækjanna, m.a. á
sviði umhverfisráðgjafar og um-
hverfisvöktunar, efnamælinga, rann-
sókna, fiskifræða, straumfræðilegra
athugana, ölduálags, fiskeldis al-
mennt og köfunar.
„Vöxtur þorskeldis á Íslandi hefur
verið nokkuð hraður síðustu árin þó
svo að enn sé ekki um að ræða mjög
umfangsmikla atvinnugrein. Segja
má að vöxtur þekkingar og reynslu
þjónustufyrirtækja innan fiskeldis
hafi ekki vaxið sömu skrefum. Með
þessu samstarfi verður til öflug líf-
fræðileg og tæknileg ráðgjafarþjón-
usta á breiðu sviði, en fyrirtækin
telja að fiskeldisfyrirtæki þurfi á
slíkri ráðgjöf að halda við undirbún-
ing og skipulagningu framkvæmda,
vegna starfs- og rekstrarleyfa og al-
mennt við rekstur eldisstöðva.
Innan þróunar- og umhverfissviðs
VST er afar öflug þekking á sviði
straumfræða og dreifingar mengun-
ar í sjó og vötnum, og þar starfa sér-
fræðingar á sviði umhverfismála og
fiskifræði. VST hefur unnið að verk-
efnum á sviðum sem tengjast fiskeldi
og mun að auki sinna beinum mæl-
ingum á straumum sem fyrirtæki í
einkageiranum hér landi hafa ekki
sinnt til þessa.
Umhverfis- og öryggissvið Línu-
hönnunar hefur unnið að fjölbreytt-
um verkefnum og verið leiðandi ráð-
gjafaraðili hér á landi á sviði
fráveitumála og einnig mengunar-
mála í sjó og vötnum. Línuhönnun
rekur eigin rannsóknastofu þar sem
efnafræðingar sinna sýnatökum og
efnagreiningum auk þess að hafa
sjávarlíffræðing innanborðs,“ segir
meðal annars í frétt um samstarf
fyrirtækjanna.
Bjóða þjónustu á
sviði umhverfis-
og öryggismála
SMÁBÁTURINN Víkurberg SK frá Haga-
nesvík í Fljótum hefur verið seldur Fisk-
kaupum hf. með öllum aflaheimildum.
Fiskkaup er fyrirtæki á vegum Jóns Ás-
björnssonar hf.
Víkurberg SK hefur á undanförnum ár-
um lagt upp afla sinn á Siglufirði en með
skipinu fylgdi kvóti sem nemur um 50
þorskígildistonnum, að mestu þorskur.
Skipamiðlunin Bátar & kvóti annaðist
sölu á skipinu. Eggert Sk. Jóhannesson,
framkvæmdastjóri Báta & kvóta, sagði
að söluverð skipsins væri trúnaðarmál.
Byggðaráð sveitarfélagsins Skagafjarðar
ákvað á fundi sínum hinn 10. janúar sl.
að nýta sér ekki þann forkaupsrétt sem
sveitarfélagið hefur samkvæmt lögum.
Morgunblaðið/Hafþór Hreiðarsson
Víkurberg SK
selt með kvóta FISKISTOFNAR þola beturveiðar Færeyinga, en þær veiðar
sem Danir og aðrar þjóðir við
Norður-Atlantshaf stunda. Þetta
kemur fram í niðurstöðum rann-
sóknar sem tveir kanadískir
fræðimenn hafa gert. Hafa þeir
borið saman veiðar ellefu þjóða
við Norður-Atlantshaf og halda
því fram að Færeyingar gangi
minnst á fiskistofnana og að veið-
ar þeirra séu sjálfbærari en ann-
ars staðar.
Fjallað er um skýrslu Kanada-
mannanna á heimasíðu Norður-
landaráðs. Fræðimennirnir segja
að torvelt geti verið að reikna út
hvað sjálfbærar veiðar séu, því
kanna þurfi vistvænar, félagsleg-
ar og efnahagslegar hliðar veið-
anna ásamt öðrum þáttum. Fær-
eyingar fengu þó flest stig fyrir
sjálfbærar veiðar þegar bornar
voru saman ólíkar hliðar fisk-
veiða. Grænlendingar voru í öðru
sæti og Norðmenn í því þriðja.
Fiskveiðar Íslendinga lentu í
fjórða sæti.
Færeyingar voru einnig í efsta
sæti í skýrslu sem gerð var um
fiskveiðar í vestnorrænu ríkjun-
um, í Evrópusambandinu og í
Eystrasaltsríkjunum. Þeir voru
þar fremstir í flokki fyrir að
stunda hagkvæmustu veiðarnar
og jafnframt fyrir mestan vöxt í
sjávarútvegi á árunum 1996–
2002.
Færeyingar
fremstir
í fiskveiðum