Morgunblaðið - 20.02.2003, Síða 6
6 C FIMMTUDAGUR 20. FEBRÚAR 2003 MORGUNBLAÐIÐ
NFRÉTTIR VUR
V I
ÐS
K IP
TAÞJÓNUSTA
U
TA
N
R Í K I S R Á Ð U N
E Y
T I
S
I N
S
í verki með íslenskri útrás
www.vur.is
Latibær á
alþjóðlegan
markað
„Þegar ákveðið var að fara með
Latabæ á alþjóðlegan markað hafði
ég samband við VUR í Reykjavík
og New York. Það kom mér á
óvart hversu vel diplómatískir
fulltrúar reyndust við að ná athygli
hjá stórum erlendum fyrirtækjum. Við
fengum aðstoð með fyrstu skrefin og
það reyndist okkur vel að skilgreina
markhóp, verkefni og markmið í
upphafi. Aðstoð VUR við að koma
okkur á rétta leið var ómetanleg og
í framhaldi höfum við séð um að
klára spretthlaupið við að finna réttan
erlendan samstarfsaðila.
Þeir hjá VUR hafa haldið áfram að
fylgst með okkur og láta vita af
spennandi tækifærum sem gætu
hentað okkur. Það er traustvekjandi
að vita af aðstoð VUR í sendiráðum
Íslands víða um heim.“
Magnús Scheving,
frkvstj. Latabæjar
E
F
L
IR
/
H
N
O
T
S
K
Ó
G
U
R
V
U
R
6
0
3
-0
3
EIGNIR innstæðudeildar Trygg-
ingasjóðs innstæðueigenda og fjár-
festa fullnægir ekki lögboðnum kröf-
um um a.m.k. 1% eignarhlut af
meðaltali tryggðra innstæðna í við-
skiptabönkum og sparisjóðum á
næstliðnu ári. Í ársreikningi sjóðsins,
sem viðskiptaráðherra staðfesti í
byrjun mánaðarins, kemur fram að
eigið fé sjóðsins er 3.233 milljónir
króna eða einungis 0,8975% af með-
altali tryggðra innstæðna sem voru
samkvæmt bráðabirgðatölum töl-
fræðisviðs Seðlabanka Íslands 360
milljarðar að meðaltali árið 2002 og
hækkaði um 14% á milli ára.
Í fréttatilkynningu frá Trygginga-
sjóði segir að innheimta þurfi því hjá
viðskiptabönkum og sparisjóðum þá
fjárhæð sem vantar til þess að eignir
innstæðudeildar nái því lágmarki sem
lögboðið er. Hér er um að ræða eigi
lægri fjárhæð en 369 milljónir króna
að því er segir í tilkynningunni.
Í tilkynningunni kemur einnig
fram að talið sé sennilegt að verð-
bréfadeild Tryggingasjóðs verði fyrir
fjárútlátum vegna Burnham Inter-
national á Íslandi hf., en það varð
gjaldþrota í lok nóvember 2001.
Eignir inn-
stæðudeildar
Trygginga-
sjóðs of litlar
SÆNSKA símafyrirtækið LM
Ericsson sendi 1.200 starfsmönnum
upplýsingatæknideildar félagsins
uppsagnarbréf nýlega og sagði þörf
fyrir umsjón tölvukerfa hafa minnk-
að vegna samdráttar í rekstri.
„Starfsmönnum okkar hefur
fækkað úr 107.000 í um 64.000 sem
þýðir að við sendum færri tölvupósta
en áður. Af þeim sökum þurfum við
færri netþjóna og þar af leiðandi
færra fólk til að annast þá,“ sagði
Åse Lindskog, talsmaður Ericsson,
við sænska sjónvarpsstöð.
Af uppsögnunum ná um 700 til
starfsmanna Ericsson í Svíþjóð en
500 í öðrum löndum.
Ericsson segir
upp 1.200 manns
HAGNAÐUR Kögunar eftir
skatta var samtals 33 milljónir króna
á síðasta fjórðungi ársins 2002 en var
41 milljón fyrir sama tímabil árið
2001. Rekstrartekjur Kögunar voru
252 milljónir á tímabilinu og rekstr-
argjöld 225 m.kr. fyrir sama tímabil.
Rekstrarhagnaður fyrir fjármagns-
liði nam 27 milljónum eða 10,7% af
rekstrartekjum. Á sama tímabili á
árinu 2001 voru rekstrartekjur 265
milljónir, rekstrargjöld 227 milljónir
og rekstrarhagnaður fyrir fjár-
magnsliði nam 38 milljónum eða
14,3% af rekstrartekjum.
Eigið fé Kögunar er í árslok 2002
samtals 608 milljónir og hefur það
aukist um 34 milljónir eða 5,9% á
þriggja mánaða tímabili sem jafngild-
ir 25% hækkun á ársgrundvelli.
Veltufé frá rekstri nam rúmum
25,3 milljónum
Tekjur undir áætlunum
Í tilkynningu frá félaginu kemur fram
að tekjur félagsins eru lítillega undir
áætlunum á síðasta ársfjórðungi. „Ís-
lenskt efnahagsumhverfi hefur ekki
enn náð þeirri uppsveiflu sem áætl-
anir félagsins gerðu ráð fyrir og hefur
það leitt til nokkuð lægri sölutekna
innanlands. Jafnframt hefur hópur
starfsmanna sinnt undirbúningi
Link-16 verkefnisins sem ekki skilaði
tekjum á ársfjórðungnum,“ segir í
frétt Kögunar en Link-16 verkefnið
er verkefni sem Kögun stendur að
ásamt bandarísk-franska fyrirtækinu
Thales-Raytheon Systems og felst í
smíði nýs fjarskiptakerfis fyrir örugg
þráðlaus samskipti er tengist loft-
varnarkerfi Íslands ( IADS). Tekna af
verkinu er ekki að vænta fyrr en í
fyrsta lagi í maí–júní nk. samkvæmt
tilkynningunni.
Hagnaður Kögunar minnkar
FIMMTÍU og þrír endurskoðendur úr
hinum ýmsu atvinnugreinum mættu á
stofnfund Félags um innri endurskoðun á
Hótel Loftleiðum á dögunum en sam-
kvæmt fréttatilkynningu frá félaginu er því
ætlað að vera samstarfsvettvangur þeirra
sem starfa við innri endurskoðun á Íslandi
auk þess sem það stefnir að aðild að The
Institute of Internal Auditors Inc. (IIA) í
Bandaríkjunum og því að taka þátt í evr-
ópsku og norrænu samstarfi á sínu sviði.
Í tilkynningunni kemur fram að mæt-
ingin á fundinn hafi farið fram úr björtustu
vonum undirbúningshóps, sem sýni að
mikil þörf sé fyrir slíkt félag.
Í fréttatilkynningunni kemur fram eft-
irfarandi skilgreining IIA á innri endur-
skoðun: „Innri endurskoðun er óháð, ár-
angursríkt og ráðgefandi matsferli sem er
virðisaukandi og bætir rekstur fyrirtækja
og stofnana. Með kerfisbundnum og ög-
uðum vinnubrögðum leggur innri endur-
skoðun mat á og bætir virkni áhættustýr-
ingar, eftirlits og stjórnunaraðferða og
styður þannig viðkomandi rekstur í því að
ná sínum markmiðum.“
Jafnframt segir að innri endurskoðun og
ytri endurskoðun séu ólíkar að mörgu leyti.
Ytri endurskoðun er framkvæmd af löggilt-
um endurskoðendum með það að mark-
miði að láta í ljós álit sitt á ársreikningi fé-
lags eða stofnunar m.a. til notkunar fyrir
utanaðkomandi aðila. Innri endurskoðun
er aftur á móti hluti af innra starfi stærri
fyrirtækja og stofnana.
Félag um innri
endurskoðun
stofnað
GJALDDAGAR á framvirkum
skiptasamningum um kaup á hluta-
bréfum í Íslenskum aðalverktökum,
sem Joco, félag fjárhagslega tengt
Jóni Ólafssyni, gerði á síðasta ári,
hafa verið framlengdir.
Fram kemur í tilkynningu til
Kauphallar Íslands að samningarnir,
sem gerðir voru 5. júní, 2. september
og 16. október 2002, hafi gert ráð
fyrir kaupum Joco á hlutabréfum í
Íslenskum aðalverktökum samtals
að nafnverði 67.475.743 krónur.
Gjalddagar samninganna voru 28.
febrúar og 15. apríl 2003. Hinn 15.
nóvember 2002 voru samningarnir
sameinaðir í einn samning með
gjalddaga (lokadag) 14. febrúar
2003. Þeir hafa nú samkvæmt til-
kynningunni verið framlengdir til 14.
apríl 2003.
Breytingarnar á samningunum
hafa ekki áhrif á hluthafaskrá félags-
ins.
Hlutabréfakaup
Joco í ÍAV
Breyting gjalddaga á skiptasamningum
TAP af rekstri norska fjarskipta-
félagsins Telenor á árinu 2002 nam
um 5 milljörðum norskra króna, jafn-
virði um 56 milljarða íslenskra króna.
Árið áður var hagnaður félagsins um
10,3 milljarðar norskra króna eða um
115 milljarðar íslenskra króna.
JyllandsPosten segir að kostnaður
Telenor á síðasta ári vegna endur-
skipulagningar í rekstri hafi verið
mikill. Þá hafi afskriftir á bókfærðu
verði hlutabréfa félagsins í ýmsum
farsímafélögum verið töluverðar.
Samanlagður kostnaður vegna þessa
hafi numið um 7,6 milljörðum norskra
króna eða um 85 milljörðum íslenskra
króna.
Afskriftir Telenor voru mestar
vegna verðlækkunar á hlutabréfum
félagsins í ýmsum farsíma- og net-
félögum. Þar munaði mest um Sono-
fon í Danmörku, DiGi.com í Malasíu,
og Total Access Communication í Taí-
landi.
Mikið tap hjá fjarskipta-
fyrirtækinu Telenor
UPPLÝSINGASTJÓRNUN er lykillinn að
stjórnun nútíma fyrirtækja, segir Ragnar Bjart-
marz, framkvæmdastjóri ráðgjafar- og hugbún-
aðarfyrirtækisins Information Managemet
(IM). Hann telur að fyrirtæki hér á landi séu al-
mennt með nokkuð góð tök á öðrum helstu þátt-
um rekstrarins, svo sem fjármálastjórnun, lag-
erstjórnun og framleiðslustjórnun. Upplýsinga-
stjórnun þurfi hins vegar að vera skilvirk til að
tryggja arðsemi og samkeppnishæfni, en í þeim
efnum megi mörg fyrirtæki gera betur en nú.
„Upplýsingastjórnun gengur út á það að
virkja réttar upplýsingar fyrir starfsmenn og
stjórnendur, eftir þörfum þeirra starfsviðs,
þannig að viðskiptaferlar séu skilvirkir og að
stjórnendur hafi betri upplýsingar til ákvarð-
anatöku,“ segir Ragnar. „Oftast eru þessar upp-
lýsingar til með einum eða öðrum hætti í fyr-
irtækjum, en það þarf að útfæra leiðir til að þær
nýtist fyrirtækjunum betur. Sérhæfni IM er
þekking á viðskiptaferlum fyrirtækja og mikil
reynsla í að útfæra skilvirkar hugbúnaðarlausn-
ir fyrir þau. Ástæðan fyrir okkar velgengni und-
anfarin ár er þessi sérhæfni ásamt því að IM er
þekkt fyrir vönduð vinnubrögð, sem hefur orðið
til þess að viðskiptavinir velja IM framyfir önn-
ur hugbúnaðarhús til að byggja upp þeirra innri
upplýsingakerfi.“
Um 30% af tekjum erlendis frá
IM var stofnað árið 1999 og hefur frá upphafi
sérhæft sig í að aðstoða fyrirtæki á alþjóðavísu
með upplýsingastjórnun. Ragnar segir að rekst-
urinn hafi gengið mjög vel og fyrirtækið hafi frá
upphafi skilað hagnaði. Hagnaðurinn hafi aldrei
verið meiri en á síðasta ári, en þá hafi veltuaukn-
ing fyrirtækisins verið um 70%. Árið áður hafi
veltuaukningin verið um 20%. Þetta segir hann
að sé í raun ótrúlega góður árangur á því sam-
dráttarskeiði sem verið hafi á tölvu- og hugbún-
aðarmarkaðinum undanfarin misseri. Fyrirtæk-
ið hafi vaxið jafnt og þétt frá stofnun og
starfsmenn séu nú 17 en hafi verið 4 í byrjun.
„Eins og nafn fyrirtækisins gefur til kynna
vinnur IM, eða Information Management, á al-
þjóðlegum markaði,“ segir Ragnar. „Tekjur er-
lendis frá eru að meðaltali um 30% af heildar-
tekjum IM. Um þessar mundir er unnið að því
að auka sölu hugbúnaðar, sem IM hefur þróað,
gegnum erlenda samstarfsaðila. Þetta mun skila
mikilli arðsemi á komandi árum þar sem allur
þróunarkostnaður er þegar gjaldfærður og
framleiðslukostnaður er svo til enginn.“
Frosti Jónsson, markaðsstjóri IM, segir að
fyrirtækið hafi ekki verið áberandi útávið. Góð-
an árangur fyrirtækisins megi fyrst og fremst
þakka því hvað mikil áhersla sé lögð á vönduð og
markviss vinnubrögð við að útfæra skilvirkar
lausnir fyrir viðskiptavinina. Þá hafi sitt að
segja að IM leggi áherslu á að ráðgjöf og lausnir
fyrirtækisins byggist fyrst og fremst á þeirri
þekkingu og þeim upplýsingakerfum sem þegar
hefur verið fjárfest í og fyrir eru hjá viðskipta-
vinunum. Þetta geti oft skipt miklu máli fyrir þá
því útkoman sé oft mun betri en ef verið er að
fjárfesta í nýjum og stórum upplýsingakerfum
sem séu ætluð mun stærri fyrirtækjum en þekk-
ist hér á landi.
Dæmi um gagnsemi
Ragnar segir að sem dæmi um hvar upplýs-
ingastjórnun geti hjálpað til við rekstur fyrir-
tækja megi nefna störf sölustjóra. Ekki sé nægj-
anlegt fyrir sölustjóra að vita hver salan var á
ákveðnu tímabili heldur þurfi hann einnig að
vita hvað það var hjá sölumönnunum sem gerði
að verkum að sala tókst eða mistókst. Þannig sé
með upplýsingastjórnun hægt að bæta sölu- og
markaðsmálin til að ná betri árangri.
Annað dæmi um gagnsemi upplýsingastjórn-
unar segir Ragnar að megi nefna að fyrir gæða-
stjóra fyrirtækis sé ekki nóg að taka á móti
kvörtunum heldur verði hann að vita hvort til-
tekin kvörtun sé einsdæmi eða ekki. Þá verði
hann að eiga möguleika á að geta fundið orsakir
kvartana. Skilvirk upplýsingastjórnun geti
hjálpað mjög til í þessum efnum.
Þá nefnir Ragnar að mikilvægt sé hverju fyr-
irtæki að miðla stefnu og markmiðum þess til
starfsmannanna auk þess sem hvernig til tekst á
hverjum tíma að ná markmiðunum. Ef ekki sé
notast við virka upplýsingastjórnun til að fram-
fylgja stefnu og markmiðum sé hætt við að ein-
hver af markmiðunum gleymist og stefnan verði
ekki eins virk og ætlast er til. Í þessum efnum sé
upplýsingastjórnun nauðsynleg.
Leiðandi hér á landi
Allar hugbúnaðarlausnir sem IM gerir byggjast
á Microsoft.Net aðferðafræðinni. Þetta segir
Ragnar að geri auðveldara en ella að nýta upp-
lýsingar milli upplýsingakerfa, hvort sem þær
séu innanhúss eða hvar sem er annars staðar í
heiminum, ef því sé að skipta. Hann segir að
þessi aðferðarfræði sé mikið að ryðja sér til
rúms í dag og spáir því að hún verði allsráðandi í
þessum efnum eftir tvö ár eða svo. Til að mynda
muni mörg bókhaldskerfi byggjast á þessum
grunni, sem muni gera upplýsingastjórnun enn
auðveldari.
„Nú þegar hefur IM tveggja ára reynslu af
.Net aðferðarfræðinni og er leiðandi í henni hér
á landi. Þetta er mikill styrkur fyrir fyrirtækið
og gerir okkur kleift að sækja enn frekar inn á
markaðinn,“ segir Ragnar.
Upplýsingastjórnun er lykillinn
Morgunblaðið/Sverrir
Ragnar Bjartmarz, framkvæmdastjóri IM, og Frosti Jónsson, markaðsstjóri IM.
Veltuaukning ráðgjafar- og
hugbúnaðarfyrirtækisins
Information Management
á síðasta ári var um 70%
◆