Morgunblaðið - 10.04.2003, Blaðsíða 12
)<E?EF )<44<GHF 4<EICJK?)<K4JLJ9#4JI 2<K8#)<K4J H##EF
2@ 2
)3 $')'-$
$* A$ '' +"
,
-
+!
+
-
+
)-K<M<F)<K4J I<F9<NO
-
+#
#2<K8#)<K4J #<9LFPJ
FYRIRTÆKI Stefáns heitir
Músiknet ehf., en vinna hefur staðið
yfir undanfarna 15 mánuði við
heimasíðuna, tonlist.is. Verkefnið er
viðamikið, því stefnt er að því að
nánast öll íslensk tónlist verði þar
geymd og gerð aðgengileg þeim
sem fyrir hana vilja greiða. Ráðgert
er að heimasíðan verði tilbúin nú um
miðjan apríl. Til að byrja með verð-
ur þjónustan aðeins á íslensku, en í
júní verður hún einnig á ensku.
Stefán segir að vinnan hafi verið í
fullum gangi síðan síðasta sumar, en
lögð var fram viðskiptaáætlun í
haust. Í byrjun árs var klárað að
fjármagna verkefnið. „Fjármögn-
uninni lauk þegar Nýsköpunarsjóð-
ur atvinnulífsins ákvað að veita okk-
ur áhættulán, núna í febrúar,“ segir
Stefán.
Samningur við Samtón
Rétt fyrir áramót gerði Músiknet
samning við Samtón, heildarsamtök
tónlistariðnaðarins á Íslandi, um
sameiginlega skráningu á gagna-
grunni íslenskrar tónlistar. „Samn-
ingurinn felur í sér að við sjáum um
að skrá öll lög og allar grunnupplýs-
ingar um þau inn í gagnagrunninn.
Samtónn hyggst varðveita gögnin
og hafa upplýsingarnar tiltækar
fyrir bransann, en við höfum hins
vegar rétt til að selja lögin á Netinu
og eftir þeim dreifileiðum sem fram-
tíðin mun bjóða upp á,“ segir Stef-
án.
Að sögn Stefáns gerir ný tækni
söluna kleifa. Þar er um að ræða
svokallaða DRM-tækni, sem tengist
Windows Media Audio, frá Micro-
soft-fyrirtækinu. Með þessari tækni
kom loks möguleikinn á að læsa lög-
um; vita hvert þau fara og gefa
ákveðin leyfi um notkun þeirra. Þá
er til að mynda hægt að leyfa not-
anda að spila lag fjórum sinnum,
spila það eins oft og hann vill í tvær
vikur og þar fram eftir götunum.
Notandinn þarf aðeins nýjustu út-
gáfuna af Windows Media Player.
Búið er að setja 15.000 lög inn í
gagnagrunninn, ásamt gögnum um
þau. Við opnun vefjarins verða þau
orðin 20.000 talsins, eða 40–50% af
allri íslenskri tónlist sem gefin hef-
ur verið út. „Við seljum þau á vef-
síðunni, en þar verður ekki bara
hægt að nálgast lögin sjálf, heldur
til dæmis myndbönd, fréttir, upp-
lýsingar um listamennina og
fleira,“ segir Stefán. Markvisst
verður haldið áfram að bæta lögum
við gagnagrunninn eftir opnun.
„Á síðunni verður tvenns konar
þjónusta í boði. Forsíðan verður
opin öllum og þar verða tónlistar-
fréttir. Markmiðið er að tonlist.is
verði „forsíða íslenskrar tónlistar“
á Netinu. Þar verða einnig sex ís-
lenskar útvarpsstöðvar, skipt í
flokka eftir tegund tónlistar. Á for-
síðunni verður einnig hægt að
kaupa stök lög, á hlutfallslega sama
verði og lög á geisladiskum í versl-
unum,“ segir Stefán.
Ótakmarkaður aðgangur
Meginþáttur starfseminnar snýst
þó um áskrift. „Með því að gerast
áskrifendur fær fólk notið þjónust-
unnar alveg að fullu. Þá fær það
ótakmarkaðan aðgang að allri ís-
lenskri tónlist, sem verður í gagna-
grunninum. Áskrifendur geta
„streymað“ lögin, þ.e. hlýtt á þau
án þess að geyma þau á tölvunni
sinni. Við verðum með svipað kerfi
og bóksalan amazon.com; fylgj-
umst með því hvaða tónlist áskrif-
endur hlusta á og mælum með ann-
arri tónlist sem þeir væru líklegir
til að vilja hlýða á,“ segir Stefán.
Áskrifendur geta einnig hlaðið lög-
unum niður á eigin tölvur, en að-
eins á meðan þeir greiða áskrift-
argjaldið. „Boðið er upp á þann
möguleika til að þeir þurfi ekki sí-
fellt að vera tengdir Netinu, en þeir
þurfa hins vegar að tengjast því
einu sinni í mánuði, svo kerfið geti
fylgst með því að þeir hafi greitt
gjaldið,“ segir Stefán.
Lög til eignar
Hinn þáttur þjónustunnar er að
áskrifendur geta keypt lög til eign-
ar og brennt á geisladisk. „Þá
borga áskrifendur aukalega fyrir
það, en ekki nema um helming af
því sem hinn almenni viðskiptavin-
ur myndi þurfa að greiða. Fólk get-
ur búið til plötur með uppáhalds
lögum sínum, allt eftir smekk,“
segir Stefán, „í framtíðinni mun
fólk svo geta fært tónlistina yfir á
stafrænan spilara, horft á mynd-
bönd og svo framvegis.“
Að sögn Stefáns hefur stofn-
kostnaður verið í kringum 20 millj-
ónir króna. „Og að auki reiknum við
með að þurfa að fjármagna um 10
milljónir til viðbótar þar til að
tekjur ná gjöldum, sem ætti að ger-
ast í kringum næstu áramót,“ segir
hann.
Stefán á 75% í fyrirtækinu, en
með honum er Ársæll Hreiðarsson
verkfræðingur, sem sér um tækni-
málin, með hin 25 prósentin. Þá
lánaði Nýsköpunarsjóður atvinnu-
lífsins sex milljónir króna til verk-
efnisins, sem er hámarks áhættu-
lán og með breytirétti í 10% hlut í
fyrirtækinu.
Ný (og gömul) íslensk
lög, ekki ný dönsk
Stefán Hjörleifsson
tónlistarmaður, sem
þekktastur er sem
gítarleikari hinnar
ástsælu hljómsveitar
Nýrrar danskrar,
ætlar að setja ís-
lenska tónlist á Net-
ið. Slóðin er tonlist.-
is, nema hvað.
Morgunblaðið/Halldór Kolbeins
Stefán Hjörleifsson hyggst bjóða íslenska tónlist til kaups á tonlist.is.
VIÐSKIPTI með skuldabréf í
Kauphöll Íslands hafa aldrei verið
meiri en í gær, þegar heildarvelta
nam 16 milljörðum króna. Mest
viðskipti voru með húsbréf, fyrir
sjö milljarða króna, og lækkaði
ávöxtunarkrafa þeirra töluvert.
Eftir því sem ávöxtunarkrafan
lækkar hækkar verðgildi skulda-
bréfa og afföll minnka.
Afföll húsbréfa voru komin niður
í 1,8–2,9% í gær. Þegar þau voru
mest, fyrir rúmu ári síðan, voru
þau um 12%. Húsbréf að hámarks-
fjárhæð, 8 milljónir króna til 40
ára, var um 6,99 milljóna króna
virði í mars 2002 en nú fást 7,85
milljónir króna fyrir bréfið. Því er
bréfið um 850 þúsundum króna
verðmætara en síðastliðið vor.
Snorri Jakobsson, sérfræðingur
hjá Kaupþingi, segir að þessa
auknu skuldabréfaveltu megi rekja
til aukins áhuga erlendra og inn-
lendra fjárfesta. „Veltan hefur auk-
ist með hverjum ársfjórðungi. Selj-
anleikinn hefur aukist og
upplýsingagjöf til erlendra fjár-
festa hefur haft sitt að segja,“ segir
hann. Snorri segir einnig að fjár-
festingar innlendra lífeyrissjóða
hafi aukist. „Svo hefur lækkun á
bindiskyldu bankanna ef til vill haft
sitt að segja, en hún hefur gert að
verkum að þeir hafa haft meiri fjár-
muni til ráðstöfunar,“ segir hann.
Snorri segir að miklir peningar
hafi að undanförnu verið á milli-
bankamarkaði og vextir þar lágir,
eða undir 5%. Ef til vill hafi eitt-
hvað af því fjármagni ratað inn á
skuldabréfamarkaðinn.
Spurður um
horfur segir
Snorri erfitt um
þær að spá. „Ég
tel þó að líklegra
sé að ávöxtunar-
krafan eigi eftir
að lækka, frekar
en hitt. Til lengri
tíma spáum við
því að raunvextir
hér á landi fari
lækkandi og þá
um leið ávöxtun-
arkrafa húsbréfa,“ segir hann.
„Þá hefur það sitt að segja að líf-
eyrissjóðir á Íslandi hafa þanist
gríðarlega út og eiga líklega eftir
að gera það áfram næstu 20-30 ár-
in. Á meðan þessi vöxtur heldur
áfram heldur þessi þróun áfram.
Árið 2001 var innflæði iðgjalda um-
fram útflæði lífeyris 40 milljarðar
króna, en inni í þeirri upphæð eru
ekki afborganir af skuldabréfum
svo dæmi sé nefnt, þannig að á því
ári höfðu lífeyrissjóðir um á að
giska 60 milljarða króna til að fjár-
festa,“ segir Snorri. Að sögn
Snorra er viðbúið að áhugi er-
lendra fjárfesta muni enn aukast, í
takt við aukna fjárfestingu inn-
lendra aðila og lækkun raunvaxta
hér á landi.
Metvelta á skuldabréfamarkaði í gær
Hámarkshúsbréf 850.000 kr. verðmeiri en fyrir ári.
Afföll komin niður í 1,8–2,9% en voru 12% fyrir ári.
! %
.
%"#/0
&120.34(
STJÓRN Sölumið-
stöðvar hraðfrystihús-
anna hf. hefur sam-
þykkt viljayfirlýsingu
sem undirrituð hafði
verið af dótturfélagi
hennar, Icelandic
USA Inc., um kaup á
eignum og skuldum
fyrirtækisins Ocean to
Ocean Seafood Sales,
L.L.C. Ocean to
Ocean (OTO) er
bandarískt fyrirtæki
með höfuðstöðvar á
Virginia Beach í Virg-
iníuríki og söluskrif-
stofur víðar um
Bandaríkin og Kan-
ada. Velta OTO, sem
fyrst og fremst byggist á frystri
heitsjávarrækju og öðrum skelfisk-
afurðum, nam ríflega 110 milljónum
dollara, 8,6 milljörðum króna á síð-
asta ári.
Fyrirtækið, sem stofnað var 1982
af Sandler-fjölskyldunni og Dave
Brockwell, er í hópi stærri innflytj-
enda og dreifenda á sínu sviði.
Reksturinn hefur gengið vel; æðstu
stjórnendur hafa starfað hjá fyr-
irtækinu frá byrjun og munu gera
það áfram. Neysla á rækju hefur
farið ört vaxandi í Bandaríkjunum.
Þannig tvöfaldaðist hún á síðustu
fimmtán árum og er rækja nú í
fyrsta sæti hvað varðar neyslu á
sjávarafurðum. Um 85% allrar
rækju er innflutt.
Aukin fjölbreytni
„OTO hefur byggt upp sterk lang-
tímasambönd við birgja í mörgum
löndum Asíu og vinnur með sér-
stökum umboðsmönnum í hverju
landi, en mikilvægur hluti starfs
þeirra er að tryggja stöðug gæði
vörunnar.
Icelandic USA Inc. á að baki
langan feril í Bandaríkjunum og
hefur byggt upp eitt sterkasta
vörumerki á sínu sviði á veitinga-
markaðnum þar. Fyrirtækið er
bæði þekkt fyrir flök sem og unnar
vörur úr hvítfiski, laxi og fleiru.
Auk sölu inn á veitingamarkað hef-
ur þáttur smásölunnar farið vax-
andi. Viðskiptavinirnir eru margir
hverjir stórir og þróunin er í áttina
að færri birgjum sem bjóða upp á
breiðara vöruval og meiri þjónustu.
Með samkomulaginu um kaup á
OTO er stigið mikilvægt skref í átt-
ina að aukinni fjölbreytni í vöruvali.
Endanlegt samkomulag er háð
því að gengið hafi verið frá fjár-
mögnun og áreiðanleikakannanir
gerðar. Búist er við að því verki
ljúki í mánuðinum,“ segir í frétt frá
SH. segir í frétt frá SH
OTO byggir starfsemi sína að
stórum hluta á sölu inn á smá-
sölumarkaðinn í Bandaríkjunum og
Kanada, en er einnig með talsverð-
an hluta sölu sinnar inn á veit-
ingamarkað. Gunnar Svavarsson,
forstjóri SH, segir að í þessu felast
mikil tækifæri og samlegð. „Ice-
landic USA getur boðið viðskipta-
vinum sínum í veitingaþjónustu
skelfiskafurðir og sterk staða OTO
í smásölunni opnar tækifæri fyrir
fleiri vörur til verslana. Bæði fyr-
irtæki geta þannig boðið viðskipta-
vinum sínum breiðara vöruval.
Jafnframt sjáum við möguleika á
umfangsmeiri vöruþróun úr þeim
tegundum sem fyrirtækin selja og
byggja þannig upp virðisaukandi
vörur. Einn af styrkleikum OTO er
innkaupakerfi fyrirtækisins og það
mun nýtast öðrum fyrirtækjum
okkar annarsstaðar í heiminum.“
Gunnar bendir á að rækjuneysla
sé mikil í Bandaríkjunum, árið 2001
hafi hún verið nærri tvö kíló á
mann en þá hafi þorskneysla verið
innan við hálft kíló á mann.
SH kaupir
bandarískt
fyrirtæki
Velta fyrirtækisins nam um 8,6 milljörðum
króna á síðasta ári. Rekstur hefur gengið vel.