Morgunblaðið - 02.05.2003, Side 4

4 B FÖSTUDAGUR 2. MAÍ 2003 MORGUNBLAÐIÐ
Kemísk vatnssalerni fyrir sumarbústaði,
hjólhýsi, báta og ferðabíla.
Atlas Ísgata hf., Borgartúni 24,
105 Reykjavík, sími 562 1155
Ferðasalerni
F
ERÐAÞJÓNUSTA bænda hf.
er ferðaskrifstofa í eigu
bænda og hefur starfað í
tólf ár að markaðssetningu
og sölu á þjónustu. Hlut-
verk ferðaskrifstofunnar er einkum
að bóka gistingu fyrir einstaklinga og
hópa, ásamt bókun á annarri þjón-
ustu fyrir ferðamenn. Um hundrað og
tuttugu ferðaþjónustuaðilar til sveita
markaðssetja og selja þjónustu sína
undir merkjum „Ferðaþjónustu
bænda“ og er áhersla lögð á vand-
aða þjónustu, virkt gæðaeftirlit og
meðvitaða umhverfisstefnu.
Framkvæmdastjóri ferðaskrifstof-
unnar er Sævar Skaptason og segir
hann helsta hlutverk ferðaskrifstof-
unnar að selja bændagistingu til er-
lendra ferðamanna og veita upplýs-
ingar í formi bæklinga og á Netinu til
Íslendinga milliliðalaust.
„Við seljum ferðir til Íslands og
gistingu beint til ferðaskrifstofa er-
lendis sem selja hópferðir hingað í
stórum stíl – og til einstaklinga sem
koma hingað á eigin vegum, hvort
heldur sem þeir ferðast á eigin bílum
um landið eða á bílaleigubílum.“
Seljið þið ekki í gegnum ferðaskrif-
stofur á Íslandi?
„Við erum ferðaskrifstofa. Bænd-
ur stofnuðu þetta fyrirtæki á sínum
tíma til þess að standa vörð um sín
séreinkenni. Þegar við erum að selja
bændagistingu erum við að selja
undir merkjum samtakanna og gest-
gjafans. Við erum ekki að selja
svæði heldur hvern gestgjafa fyrir
sig.“
Sækja útlendingar mikið í bænda-
gistingu?
„Já, það má segja það. Mesti
vaxtarbroddurinn í ferðaiðnaði hér
hefur verið í ferðum einstaklinga
sem eru hér á eigin vegum. Það er al-
gengt að þeir leiti að annars konar
gistingu en hótelgistingu og annars
konar upplifun en hann á kost á
heima hjá sér.“
Hvernig tryggið þið gæði þjónust-
unnar?
„Á aðalfundi Félags ferðaþjónustu-
bænda á síðasta ári var samþykkt
tímamóta viljayfirlýsing um að fé-
lagar tækju tillit til umhverfismála í
sínum rekstri. Þar var ákveðið að
sem flestir móti sér umhverfisstefnu
innan tveggja ára og yrðu ferðaþjón-
ustubændur þannig komnir í farar-
brodd í umhverfisvænni ferðaþjón-
ustu á Íslandi. Einnig var lagt til að
fenginn yrði þriðji aðili til þess að
votta umhverfisstefnu ferðaþjón-
ustubænda og nú er komið á sam-
starf við Hólaskóla sem er formlegur
vottunaraðili alþjóðlegu vottunar-
samtakanna Green Globe 21 á Ís-
landi.
Umhverfisstefnan getur tekið til
ótal þátta, allt frá því að nota ekki of
mikið þvottaefni til þess að draga úr
mengun.“
Hvernig verðleggið þið gistinguna?
„Við erum með þrjá verðflokka í
uppbúnum rúmum. Í fyrsta flokki er
einföld gisting í góðum herbergjum
án nokkurs íburðar. Þá er búið um
rúm gesta og herbergi ræst daglega
ef óskað er. Hreint handklæði fylgir
hverju rúmi og það verður að vera
hægt að læsa herberginu innan frá. Í
öðrum flokki verður að uppfylla öll
skilyrði fyrsta flokks, en að auki eru í
herberginu handlaug og fataskápur.
Einnig þarf þægileg setustofa að
vera fyrir gesti og aðgangur að síma.
Í þriðja flokki verða öll þessi skilyrði
að vera fyrir hendi, auk þess sem
herbergi í þessum flokki eru með
sérbaðherbergi.
Í bændagistingu er einnig boðið
upp á svefnpokapláss. Þau geta ver-
ið í herbergjum af venjulegri stærð,
fyrir einn til fjóra einstaklinga, eða í
sal. Svefnpokagisting er aðallega í
rúmum, þótt svo dýnur séu oft not-
aðar í sal, eða ef þarf að bæta inn
aukarúmi.
Við erum einnig með sumarhús og
sumarbústaði innan okkar félags.
Allir bústaðir eiga að uppfylla kröfur
ferðaþjónustu bænda varðandi
snyrtimennsku, bæði innanhúss og
utan.
Húsgögn og búnaður verða að
vera í góðu ástandi. Við gerum síðan
kröfu um lágmarksstærð og að
reglum um fjölda gesta sé fylgt. Nýj-
asta tegundin af húsnæði í bænda-
gistingu er síðan smáhýsi og þau
verða sífellt vinsælli. Þau hafa raf-
magn, heitt og kalt vatn, eldunar-
aðstöðu, borð, stóla og rúm fyrir þrjá
til fjóra gesti.“
Nota Íslendingar bændagistingu
að ráði?
„Það er að færast í aukana. Þetta
er góður kostur, einkum fyrir fjöl-
skyldufólk og þá sem vilja hafa kyrrð
og ró í kringum sig.“
Friðsæld og
fegurð í ís-
lenskri náttúru
Morgunblaðið/Golli
Morgunblaðið/Golli
Bændagisting er góður kostur
sem býður upp á fjölbreytta
möguleika í gistingu, segir
Sævar Skaptason, fram-
kvæmdastjóri Ferðaþjónustu
bænda.
Umhverfismál eru í brennidepli hjá Ferðaþjónustu bænda, segir Sævar Skapta-
son, en umhverfismálin taka til ótal ólíkra þátta.
Sævar Skaptason ásamt starfsfólki hjá Ferðaþjónustu bænda, en ferðaþjónustan á nú tólf ára sögu að baki.
VEITINGAHÚS sem þjónaferðamönnum sérhæfa sig ísíauknum mæli í því hráefni
sem hendi er næst á hverjum stað
– og því kannski ekki óeðlilegt að
finna víða um land veitingahús
sem sérhæfa sig í sjávarfangi. Og
ef einhvers staðar er fjölbreytt
sjávarfang, er það í Breiða-
firðinum og því ekki óeðlilegt að
finna veitingahús sem ber heitið
Fimm fiskar í Stykkishólmi.
Eigandi og matreiðslumeistari
er Sumarliði Ásgeirsson, sem kom
til Stykkishólms fyrir um tuttugu
og þremur árum til þess að sjá um
matreiðslu á hótelinu í plássinu.
Eftir tíu ára starf þar, skipti Sum-
arliði um gír og réð sig á Baldur,
sem hann segir hafa boðið upp á
fjölskylduvænni vinnutíma – og
ekki veitti af, þar sem maðurinn
var kominn með þrjú börn.
En fyrir tæpum fjórum árum
bauðst Sumarliða að kaupa veit-
ingareksturinn sem var í húsinu
þar sem Fimm fiskar eru núna – og
sló til. „Það eru allir kokkar með
veitingahús í maganum,“ segir
hann, „og ég hefði nagað mig í
handarbökin ef ég hefði ekki próf-
að þetta.
Ég var spurður á sunnudegi
hvort ég vildi kaupa staðinn og
skrifaði undir á miðvikudegi.“
Hefur gengið vel?
„Já, ég hef aldrei séð eftir þess-
um viðskiptum. Þetta hefur verið
heilt ævintýri.“
Og víst er að þeir sem fá sér
einn af sjávarréttum Sumarliða sjá
heldur ekki eftir því að hafa snætt
þá máltíð, en á matseðlinum er
fjölbreytt úrval sjávarrétta.
„Ég ákvað að leggja meg-
ináherslu á sjávarrétti,“ segir
hann. „Ég er með níu til tíu fisk-
rétti á seðlinum en aðeins tvo
kjötrétti á kvöldin. Síðan er ég
með létt, ódýrt hlaðborð í hádeg-
inu.
Svo býð ég auðvitað líka upp á
samlokur, hamborgara og pitsur,
allt þetta almenna skyndibitafæði
– og er reyndar eini aðilinn í pláss-
inu sem býður upp á pitsur.“
Eru ferðamenn duglegir við að
borða fiskinn hjá þér?
„Já, en þó eru útlendingar uppi-
staðan í viðskiptunum. Síðastliðið
sumar afgreiddum við um tíu þús-
und manns hérna og það má segja
að áttatíu af hundraði þeirra hafi
verið útlendingar. Þeir eru einnig
mun duglegri að borða fiskinn. Ís-
lendingar og bæjarbúar eru meira í
skyndibitanum.“
Það er synd, þar sem fiskrétt-
irnir hjá þér eru sérlega ljúffengir.
Hvert er leyndarmálið?
„Ég er lítið í kryddum, heldur
leyfi fiskinum að njóta sín númer
eitt tvö og þrjú. Ég er með eðal-
hráefni hérna úr Breiðafirðinum og
ber það fram með ferskasta græn-
meti sem á boðstólum er og sós-
um – sem eru að vísu eilítið krydd-
aðar.“
Eðalhrá-
efni úr
Breiða-
firði
Morgunblaðið/Súsanna Svavarsdóttir
Veitingamaðurinn Sumarliði Ásgeirsson við Fimm fiska í Stykkishólmi.