Morgunblaðið - 28.05.2003, Blaðsíða 2
FRAMHALDSMYND Fast and the
Furious, 2 Fast 2 Furious, verður
frumsýnd hér á landi 20. júní nk.
Myndin verður veisla fyrir unnendur
hraðskreiðra bíla og spennandi at-
burðarásar. Leikstjóri myndarinnar er
John Singleton, sem hefur verið til-
nefndur til Óskarsverðlauna og gerði
m.a. myndirnar Boyz N the Hood og
Baby Boy.
Fyrri myndin var umtöluð fyrir
mikinn hraða frá upphafi til enda og
naut mikilla vinsælda þegar hún var
sýnd árið 2001. Aðalhlutverkið lék
Vin Diesel, virtasti kappaksturstöffari
strætanna, en hann er fjarri góðu
gamni í seinni myndinni. Þar leika
stór hlutverk bílarnir sem leikstjórinn
valdi af kostgæfni til að endurspegla
bílamenningu þar vestra.
700 mættu með bíla sína
Aðstandendur myndarinnar aug-
lýstu eftir bílum í myndina á Netinu.
Eigendum bílanna var boðið að koma
á þeim á bílastæði í Santa Monica í
Los Angeles. Þar sem aðeins var gef-
inn 36 klukkustunda frestur áttu
menn vart von á fleiri en 100 bílum en
þar skjátlaðist þeim hrapallega. Um-
ferðaröngþveiti myndaðist á svæðinu
þegar um 700 bílar svöruðu kallinu
og sumir komu alla leið frá Seattle.
Ólíkt fyrri myndinni gerist 2 Fast 2
Furious á götum Miami-borgar. Á göt-
um úthverfanna í stærstu borgum
Bandaríkjanna hefur sérstök menn-
ing hraðaksturs fest rætur og þar er
keppt um peninga í skjóli nætur, í
óþökk yfirvalda. Þessi menning hefur
getið af sér sérfræðinga sem eyða
miklum tíma og fjármunum í að
breyta bílum sínum og gera þá sem
best fallna til að taka þátt í atinu.
Það eru hins vegar áhættuleikarar
sem aka bílunum fyrir leikarana í
hættulegustu atriðunum, þar á meðal
Oakley Lehman, Kevin Jackson og
Debbie Evans, sem vann verðlaun
sem besti kvenáhættuleikarinn í
heimi fyrir þátt sinn í fyrri myndinni.
Í Fast and the Furious var sjónum
einkum beint að innfluttum og „upp-
tjúnuðum“ bílum en í 2 Fast 2 Fur-
ious er áherslan á alla hraðskreiða og
fallega bíla. Alls eru bílarnir í mynd-
inni um 150 en auk þess 400 aðrir
bílar sem gegndu hlutverki „aukaleik-
ara“. Sumir fundust í bílakirkjugörð-
um og voru endursmíðaðir og málaðir
í skrautlegum litum á innan við einni
viku, en alls unnu við framleiðslu
myndarinnar 40 bílasérfræðingar í
fullri vinnu, bæði sérfræðingar í yf-
irbyggingum og tækni. Sumir bílarnir
voru smíðaðir úr fjórum samskonar
bílum.
Breytingar sem gerðar voru á
mörgum bílanna koma ekki í veg fyrir
að þeir séu löglegir á götunum, jafnvel
þótt hestaflafjöldinn sé kominn upp í
500 hestöfl.
Aðeins 15 bílar „leika“ aðal-
hlutverkin í myndinni. Þessir bílar eru
m.a. Nissan Skyline GTR, Mitsubishi
EVO 7, 1970-árgerð Hemi Dodge
Challenger, 1969-árgerð Yenko Cam-
aro, 1998-árgerð BMW M3, 2003-
árgerð Dodge Viper, Chevrolet Corv-
ette, Toyota Supra ’94, Mazda RX7
’94, Honda S2000, árgerð 2001, og
Acura NSX, árgerð 1993.
Við birtum hér myndir af nokkrum
þessara bíla og bendum um leið les-
endum á að í samstarfi við Sambíóin
efnum við til getraunar sem nánar
verður kynnt 4. júní nk.
Bílarnir í 2 Fast 2 Furious
Mazda RX-7:
1,3 l Rotary, tvær forþjöppur.
350 hestöfl við 6.500 sn./mín.
336 Nm við 5.000 sn./mín.
5 gíra beinskipting.
0—60 mílur á 4,9 sekúndum.
Kvartmíla á 13,6 sekúndum.
Hámarkshraði 225 km/klst.
18" Toyo-dekk og Roja-felgur.
Chevrolet Camaro árgerð 1969:
427 kúbiktommu vél.
425 hestöfl við 5.000 sn./mín.
644 Nm tog við 4.000 sn./mín.
4ra gíra Muncie beinskipting.
0—60 mílur á 6,7 sekúndum.
Kvartmíla á 14,9 sekúndum.
Hámarkshraði 216 km/klst.
15" BF Goodrich-dekk og Weld Racing Cragar-felgur.
Mitsubishi Eclipse Spyder 2002:
3ja lítra vél.
210 hestöfl við 5.500 sn./mín.
287 Nm tog við 4.000 sn./mín.
0—60 mílur á 6,7 sekúndum.
Kvartmíla á 15,5 sekúndum.
Hámarkshraði 225 km/klst.
20" Nitto-dekk og
Lowenhart-felgur.
Panasonic-geislaspilari og -sjónvarp.
Lightning-hátalarar.
Volk-keppnisstýri.
Sparco-sæti.
Honda S2000 árgerð 2000:
2ja lítra V-Tec-vél.
Paxton-forþjappari.
360 hestöfl við 8.300 sn./mín.
315 Nm tog við 7.500 sn./mín.
Sex gíra beinskipting.
0—60 mílur á 5,3 sekúndum.
Kvartmíla á 13,1 sekúndu.
Hámarkshraði 232 km/klst.
18" Toyo-dekk á Montegi-felgum.
Rockford Fosgate-hljómtæki,
Panasonic-sjónvarp.
Lightning-hátalarar.
Toyota Supra 1993:
3ja lítra Greddy með tveimur forþjöppum.
654 hestöfl við 5.600 sn./mín.
735 Nm tog við 4.000 sn./mín.
6 gíra beinskipting.
0—60 mílur á 4,5 sekúndum.
Kvartmíla á 11,9 sekúndum.
Hámarkshraði 280 km/klst.
19" Toyo-dekk á Oz Super Leggera-felgum.
Mitsubishi Evo 2002:
2ja lítra vél.
280 hestöfl við 6.5000 sn./mín.
301 Nm tog við 4.500 sn./mín.
Fimm gíra beinskiptur.
0—60 mílur á 4,9 sekúndum.
Kvartmíla á 13,8 sekúndum.
Hámarkshraði 225 km/klst.
18" Toyo-dekk á Montegi Racing-felgum.
Brembo-bremsur.
Nissan Skyline árgerð 1999:
2,6 lítra vél með tveimur for-
þjöppum.
505 hestöfl við 6.000 sn./mín.
621 Nm tog við 5.500 sn./mín.
Drif á öllum hjólum.
Stýring á öllum hjólum.
6 gíra beinskipting.
0—60 mílur á 4,1 sekúndu.
Kvartmíla á 12,1 sekúndu.
Hámarkshraði 288 km/klst.
19" Toyo-dekk á HRE 446-felgum.
Clarion-hljómtæki og -sjónvarp.
2 B MIÐVIKUDAGUR 28. MAÍ 2003 MORGUNBLAÐIÐ
bílar
Borgartún 26
sími 535 9000
Stærð 92x47x51 cm.
Verð kr. 14.691,- Stærð 87x46x35 cm.
Verð kr. 29.799,-
Stærð 182 lítrar
Verð kr. 11.753,-
Stærð 30 lítrar
Verð kr. 2.490,-
12v stærð 28 lítrar
Verð kr. 8.595,-
12v stærð 45 lítrar
Verð kr. 22.849,-Geymslu- og kælibox
Fyrir húsbílinn, fellihýsið,
tjaldvagninn og sumarbústaðinn