Morgunblaðið - 27.07.2003, Blaðsíða 11
með að bjóða morgun- og kvöldverð
og móttökurnar voru slíkar að við
ákváðum að gera slíkt hið sama á
Kanarí. Buana Ventura er hótel á
Ensku ströndinni. Herbergin eru um
40 fermetrar með ísskáp og kaffivél
er hægt að panta. Þá er skemmtidag-
skrá fyrir gesti hótelsins. Tvær vikur
á þessu hóteli kosta frá 77.800 á mann
ef miðað er við hjón og þá er allt inni-
falið. Dýrast fer verðið upp í 89.000. Á
Melanoras bjóðum við upp á svipaðan
möguleika á hótelinu H10 Playa Mel-
oneras Palace, sem er nýtt fimm
stjörnu hótel.“
Lækkuðu verðið um 30%
Heimsferðir bjóða rúmlega fjögur
þúsund sæti til Kanaríeyja í ár með
Futura-flugfélaginu og hefja flug
þangað 21. október. Síðasta flugið
verður síðan 20. apríl.
Andri Már Ingólfsson, forstjóri
Heimsferða, segir að í ár muni
Heimsferðir auka sætaframboð sitt til
Kanaríeyja þar sem bókanir eru mun
meiri nú en í nóvember í fyrra og ný-
lega var bætt við fjórðu ferðinni þang-
að um jólin. Verðið hefur lækkað um
30% og jafnvel meira segir hann. „Við
lækkuðum verðið því gengið er búið
að vera hagstætt og við náðum lækk-
un á öllum samningum okkar í gist-
ingu og flugi. Þá á aukin samkeppni á
markaðnum einnig þátt í verðlækk-
uninni.“ Heimsferðir kynna nokkra
nýja gististaði til sögunnar t.d. Las
Faluas og Valentin Marieta sem báðir
hafa verið endurnýjaðir. Þá eru
Heimsferðir nú með ný smáhýsi, Los
Tunos á ensku ströndinni. Andri segir
að mikið sé um að roskið fólk með
rúman tíma fari frá 3 vikum og upp í 8
vikna frí en hann segir að undanfarin
ár hafi yngra fólk verið að sækja til
Kanaríeyja í auknum mæli og það
velji styttri ferðir. Fjölskyldur fara
svo til Kanaríeyja um jól og páska.
„Við tökum einnig eftir því að ung
pör og jafnvel vinahópar fara saman í
vikuferðir, kjósa þá að vera á góðum
hótelum og hafa það notalegt.“
Ungt fólk fer í vikuferðir
Guðrún Sigurgeirsdóttir, markaðs-
og framleiðslustjóri hjá Úrval-Útsýn,
segir að búið sé að selja Kanaríeyja-
ferðir í 2–3 vikur sem sé mjög
snemmt miðað við síðastliðin ár.
„Fólk er farið að bóka miklu fyrr í
ferðir en venjulega og líklega erum
við að færast nær öðrum Evrópuþjóð-
um hvað það snertir en þar hefur
lengi tíðkast að fólk skipuleggi frí sín
með góðum fyrirvara. Þá hefur sam-
keppnin einnig verið að aukast og það
kann að spila inn í hversu fljótt við er-
um á ferðinni núna.“ Guðrún segir að
Úrval-Útsýn bjóði lægra verð á ferð-
unum til Kanaríeyja en í fyrra og þrjú
ný hótel hafa bæst við.
„Íbúðahótelið Amazonar er gott
þriggja stjörnu hótel á Ensku strönd-
inni sem við bjóðum nú.
Þá erum við með mjög skemmtileg
og nýtískuleg smáhýsi, Cay Beach
Meloneras á Mas Palomas. Að lokum
er það íbúðagisting sem við erum afar
stolt af þ.e. Carolina San Augustin.
Þetta eru gríðarlega fallegar íbúðir
og þær flottustu sem við höfum fengið
til þessa á Kanaríeyjum.“ Guðrún
bendir á að í ár fjölgi Úrval-Útsýn
ferðum fyrir ferðaklúbbinn Úrvals-
fólk en í honum er fólk sextugt og
eldra. „Við höfum yfirleitt boðið upp á
þrjár ferðir en í ár eru þær sex.
Ástæðan er mikil eftirspurn.“ Guðrún
segir að Úrval-Útsýn ásamt Plúsferð-
um bjóði um 5.000 sæti til Kanaríeyja
í ár og hún er bjartsýn á að það takist
að fylla þau sæti. „Það er mikill áhugi
á Kanaríeyjaferðum í ár, roskið fólk
sækir þangað í auknum mæli en við
finnum ekki síður áhuga hjá ungu
fólki núna sem kýs þá að skella sér í
vikufrí í sól og sumar í mesta skamm-
deginu.“
ð ir bæst við
Margir dvelja einn eða tvo mánuði á ári á Kanaríeyjum.
Plúsferðir
www.plusferdir.is
Sumarferðir
www.sumarferdir.is
Heimsferðir
www.heimsferdir.is
Úrval-Útsýn
www.uu.is
gudbjorg@mbl.is
MORGUNBLAÐIÐ SUNNUDAGUR 27. JÚLÍ 2003 B 11
ferðalög
Ódýrt að
ferðast
til Balí
Ferðamenn eru farnir að snúa
sér aftur að Balí en ferða-
mannastraumurinn dróst
verulega saman eftir hryðju-
verkin þar í október í fyrra.
Yfirvöld á Balí hafa gert
gangskör í að auka öryggi
ferðamanna á eyjunni og sam-
kvæmt frétt í Jyllandsposten
hefur flugfélagið Singapore
Airlines nú ákveðið að bjóða
ferðaskrifstofum sem flug-
félagið er í samstarfi við sér-
staklega hagstæð fargjöld frá
ágúst og fram í október.
JÚLÍ–ÁGÚST
30.
Gönguferð á vegum Þjóðgarðsins Snæ-
fellsjökuls
Þátttakendur hittast kl. 14 við vegamót í
Eysteinsdal. Gönguleið ræðst af veðri og
vindum. Gangan tekur 2-3 klst. Þátttaka
er gestum að kostnaðarlausu.
Barnastundir í boði á laugardag og
sunnudag og einnig gönguferð 2. ágúst.
31.
Kvöldganga við Hreðavatn.
Gengið um og fræðst um Hreðavatn og
umhverfi þess á vegum UMSB og Veiði-
málastofnunar við Hreðavatn.
31.–3.
Síldarævintýrið á Siglufirði
Fjölskylduhátíð með skemmtidagskrá.
Börnum gefst kostur á að fara á hest-
bak, farið verður á kajak og fleira gert sér
til skemmtunar. Síldarsöltun á Síldar-
minjasafninu og ýmsar skemmtanir á
veitingahúsum bæjarins.
31.–4.
Kotmót í Fljótshlíð.
Fjölskyldumót með skemmtidagskrá og
viðburðum. Sérstök unglingadagskrá og
barnamót sniðin að hverjum aldurshóp
fyrir sig. Varðeldur, tónleikar og margt
fleira verður í boði
1.
Bleikjuveiðikeppni á Hólum í Hjaltadal.
1.–3.
Mannrækt undir jökli
Snæfellsmótið, Mannrækt undir jökli,
verður haldið í fimmtánda sinn og boðið
upp á námskeið, miðilstíma, lestur í spil,
jóga, fyrirlestra og fleira.
1.–3.
Rokk og reykur á Flateyri.
Tónlistarhátíð á Flateyri. Á hátíðinni stíga
hljómsveitir á Flateyri á svið og rifja upp
stemninguna á Flateyri um árin. Böll,
pöbbakvöld. tónleikar og fleira.
1.–3.
Þjóðhátíðin í Vestmannaeyjum
1.–4.
Fjölskylduhátíðin Ein með öllu á Ak-
ureyri. Ýmsar uppákomur fyrir alla fjöl-
skylduna.
1.–3.
Fjölskylduhátíð á Kirkjubæjarklaustri
Ferðamálafélag Skaftárhrepps, Kirkju-
bæjarstofa og Upplýsingamiðstöð
Skaftárhrepps skipuleggja dagskrá
fjölskylduhátíðar á Kirkjubæjarklaustri og
nágrenni.
1.–4.
Bindindismótið í Galtalækjarskógi.
1.–4.
Iðandi dagar á Flúðum.
Fjölbreyttar uppákomur og afþreying fyrir
alla fjölskylduna.
2. Gönguferð og hlaðborð á Hólum í
Hjaltadal.
Gönguferð í Gvendarskál, leikir í lauginni,
náttúrurölt, fornleifarölt og gamaldags
kökuhlaðborð.
2.
Sandkastalakeppni
Í Holti í Önundarfirði er komin hefð á að
halda sandkastalakeppni fyrsta laugar-
dag í ágúst.
2.–3.
Kántrítónleikar og Gospelmessa á
Skagaströnd.
3.
Söguferðir Sæmundar á Hellissandi.
Gengið á slóðir Víglundarsögu. Gangan
tekur 4–5 klst. en hægt er að skipta
henni í styttri áfanga.
Vikan framundan
Morgunblaðið/Sigurður Sigmundsson
Eflaust verða margir í tjaldi um næstu helgi, verslunarmannahelgina, en þá er mikið um að vera víða um land.
Með AVIS kemst þú lengra
Veist þú að Avis = Leiga á bílum? Erum í 173 löndum og á 5000 stöðum í heiminum.
Kynntu þér tilboð Avis á bílaleigubílum um allan heim.
Pantaðu AVIS bílinn áður en þú leggur af stað – Það borgar sig
Hringdu í Avis sími 5914000
Knarrarvogur 2 – 104 Reykjavík – www.avis.is
Munið tilboð til korthafa Visa
VESTURLAND
Fimmtudaginn 31. júlí fylgir Morgunblaðinu blað um Vesturland.
Blaðið verður í stærðinni 26x39, prentað á 60 gr. pappír.
Skilafrestur er til kl. 12 mánudaginn 28. júlí.
Blaðinu er dreift um allt land.
Meðal efnis: Hellaskoðun, þjóðgarður, Danskir dagar í Stykkishólmi, Fjör í Flatey, veitingahús, gisting og ótal ævintýri
Hafið samband við auglýsingadeild Morgunblaðsins
í síma 569 1111 eða á augl@mbl.is
AUGLÝSINGADEILD
netfang: augl@mbl.is eða sími 569 1111