Morgunblaðið - 18.08.2003, Blaðsíða 3

ÍÞRÓTTIR
MORGUNBLAÐIÐ MÁNUDAGUR 18. ÁGÚST 2003 B 3
JÓHANNES Karl Guðjónsson, landsliðsmaður í knatt-
spyrnu, er kominn aftur til Real Betis á Spáni eftir að hafa
æft með Dortmund í Þýskalandi að undanförnu. Hann er
ekki bjartsýnn á að um semjist á milli félaganna en Real
Betis virðist vilja fá fyrir hann hærri upphæð en þýska fé-
lagið er tilbúið til að greiða.
„Ég hef ekkert heyrt í nokkra daga og er smeykur um að
þessar viðræður séu komnar í strand. Ég fór aftur til Spán-
ar og hef æft undanfarna fimm daga með Real Betis en veit
ekki hvert framhaldið verður. Það styttist í 1. september
þegar markaðnum er lokað og ég vona að eitthvað gerist
fyrir þann tíma. Spánverjarnir hljóta að fara að slaka á
kröfum sínum,“ sagði Jóhannes Karl við Morgunblaðið í
gær en hann kom til Þórshafnar í Færeyjum síðdegis eins
og ríflega helmingur íslensku landsliðsmannanna.
Jóhannes Karl spilaði á laugardaginn síðari hálfleikinn
með Real Betis þegar liðið gerði jafntefli gegn Cadiz á æf-
ingamóti. Áður lék liðið þar við Atletico Madrid en þar
fékk Jóhannes ekki tækifæri. „Það var gott að fá að spila,
og veitti ekki af til að halda sér í æfingu,“ sagði Jóhannes
Karl Guðjónsson.
Jóhannes Karl
kominn aftur
til Real Betis
ÓLYMPÍU- og heimsmeistarinn í 800 m hlaupi kvenna,
Maria Mutola frá Mosambik, á nú góðan möguleika á að
tryggja sér ein gullpott Alþjóðafrjálsíþróttasambands-
ins. Hún fagnaði sigri í 800 m hlaupi á fimmta gull-
mótinu, stigamóti sambandsins, sem fór fram í Zürich á
föstudagskvöld. Aðeins eitt gullmót er eftir og fer það
fram í Brussel í Belgíu 5. september. Ef henni tekst að
fagna sigri þar, þá fær hún gullstangir í verðlaun að ver-
mæti 80 milljónir ísl. kr.
Þessi glæsilega hlaupakona, sem hefur fagnað sigri í
sextán 800 m hlaupum í röð, fékk harða mótspyrnu frá
Stephanie Graf frá Austurríki í Zürich, en var sterkari á
endasprettinum, síðustu 50 metrunum, og kom í mark á
1.59,93 mín. Graf kom í mark á 2.00,52 mín. og þýska
stúlkan Claudia Gesell var þriðja á 2.01,03 mín.
Í fyrra skiptu fjórir frjálsíþróttamenn gullpottinum á
milli sín.
„Ég get ekki annað en verið ánægð, en ég á fram-
undan erfiðasta hlaup mitt fram til þessa á keppnis-
ferlinum – það verður háð í Brussel,“ sagði Mutola, sem
verður á undan í sviðsljósinu á heimsmeistaramótinu í
París 24. til 31. ágúst.
Reuters
Maria Mutola á ferðinni í Zürich.
Getur tryggt
sér gullstangir
fyrir 80 millj. kr.
BJARTSÝNI ríkir í herbúðum ís-
lenska landsliðsins í knattspyrnu
um að Lárus Orri Sigurðsson geti
leikið með liðinu gegn Færeyingum
í undankeppni EM í Þórshöfn á mið-
vikudaginn. Lárus gat ekki leikið
með WBA í ensku 1. deildinni á
laugardaginn gegn Burnley vegna
meiðsla. Hann kom til Þórshafnar í
gær og fór þá undireins í skoðun
hjá Stefáni Stefánssyni, sjúkraþjálf-
ara íslenska landsliðsins. Stefán
sagði í samtali við Morgunblaðið í
gærkvöldi að hann væri bjartsýnn á
að Lárus yrði klár í slaginn.
Lárus tognaði á brjóstvöðva
hægra megin fyrir rúmri viku.
Tognunin gerir það að verkum að
hann á afar erfitt með að anda
djúpt þar sem því fylgja mikil sár-
indi og getur þar af leiðandi ekkert
hlaupið. Strax við komuna til Þórs-
hafnar fór Lárus í meðferð hjá Stef-
áni, sem reiknar með að Lárus
mæti fjórum til fimm sinnum á
nuddbekkinn í dag þar sem haldið
verður áfram að mýkja upp vöðv-
ann. „Þá kemur í ljós hvernig hann
bregst við meðferðinni, en ég er
nokkuð bjartsýnn á að hann verði
með á miðvikudaginn, ég geri að
minnsta kosti allt sem í mínu valdi
stendur til að koma Lárusi Orra í
lag fyrir leikinn,“ sagði Stefán.
Bjartsýni
ríkir um
Lárus Orra
hann og Logi með sérstaka fundi með
landsliðsmönnum þar sem hópurinn
verður brotinn upp og rætt við hvern
hóp fyrir sig, s.s. sérfundur með
markvörðum, varnarmönnum og svo
framvegis. Þannig telji hann að betri
árangur náist, fundir verða styttri og
markvissari. „Þessi aðferð hefur gef-
ist vel hjá okkur Loga til þessa. Ég
held að mönnum líki hún vel og sé
hluti af því sem koma skal, knatt-
spyrnumenn eru ekki duglegir að
sitja langa fundi og hlusta á annað en
þeir eiga nákvæmlega sjálfir að hafa í
huga. Síðan veður einn sameiginlegur
fundur skömmu fyrir leikinn þar sem
síðustu strengirnir verða stilltir sam-
an
Þetta verður því svipaður undir-
búningur og við Logi höfum verið
með síðan við tókum við landsliðinu í
vor. Leikmenn vita að hverju þeir
ganga, yfir þau atriði var farið vel fyr-
ir leikina við Færeyinga og Litháa í
vor. Nú erum við með nærri því sama
hóp í höndunum og því á ekkert að
koma mönnum á óvart.“
Erum betur undirbúnir en í vor
Áttu von á svipuðum leik og þegar
þjóðirnar mættust á Laugardalsvelli í
vor?
„Um það er erfitt að segja. Að
minnsta kosti tel ég íslenska liðið nú
vera betur í stakk búið að takast á við
Færeyinga en það var í vor. Leik-
menn eru í betri leikæfingu en þá, þar
sem flestir voru komnir í sumarleyfi
hjá sínum félagsliðum.
Vegna þessa reikna ég með að við
tökum frumkvæðið í leiknum á mið-
vikudaginn. Sennilega munu Færey-
ingar opna sinn leik meira en í vor
sem verður líklega til þess að um opn-
ari leik verður að ræða sem verður
vonandi til þess að okkar góðu leik-
menn geti gert það sem gera þarf til
þess að vinna. En til þess að vinna
leikinn verðum við skilyrðislaust að
nýta þau marktækifæri sem gefast,
ekki lenda í sömu vandræðum og
Þjóðverjar lentu í í vor hér í Þórshöfn
þegar þeir fengu aragrúa marktæki-
færa en tókst ekki að nýta neitt
þeirra fyrr en tvær mínútur voru eft-
ir. Færeyingar eru erfiðir, það er
ljóst, þeir hafa mest fengið á sig tvö
mörk í leik á heimavelli í undan-
keppninni til þessa.
Með því að keyra upp hraðann
strax er það mitt mat að við eigum að
geta haft yfirhöndina í leiknum þegar
á hann líður, við erum með betri
mannskap og í betra formi en þeir.
Því meiri sem hraðinn verður því
fleiri færi fáum við þegar á leikinn líð-
ur. Um leið mun reyna verulega á þol-
inmæði okkar, gangi erfiðlega að
skora.
Við erum ekki komnir hingað til að
vinna stórsigur eins og krafan var
fyrir tíu til tuttugu árum. En við er-
um komnir til að vinna.“
klum Evrópuleik
iben@mbl.is
Ég hef ekki sagt Felix fyrir verk-um hjá Stuttgart – hvorki hvaða
leikmenn hann ætti að vera með í
hópnum hjá sér eða láta leika inni á
vellinum. Við Felix getum rætt um
allt á milli himins og jarðar, en eitt er
þó á hreinu. Það er ég sem tek
ákvörðun um það hverjir eru valdir
til að leika fyrir hönd Þýskalands. Ég
stend og fell með því sem ég geri,“
sagði Völler, en Magath gagnrýndi
hann fyrir að hafa valið Benjamin
Lauth hjá 1860 München í staðinn
fyrir Kuranyi í leikmannahópinn fyr-
ir leikinn gegn Ítalíu á miðvikudag-
inn í Stuttgart.
Þjóðverjar mæta Íslendingum í
Evrópukeppninni á Laugardalsvell-
inum 6. september. Það má fastlega
reikna með að hópurinn sem Völler
valdi fyrir leikinn gegn Ítalíu, verði
svipaður og kemur til Íslands, en eft-
irtaldir leikmenn eru í þýska hópn-
um:
Markverðir: Oliver Kahn (Bayern
München), Jens Lehmann (Arsenal).
Varnarmenn: Frank Baumann
(Werder Bremen), Arne Friedrich
(Hertha Berlín), Michael Hartmann
(Hertha Berlín), Marko Rehmer
(Hertha Berlín), Andreas Hinkel
(Stuttgart), Tobias Rau (Bayern
München).
Miðjumenn: Michael Ballack (Bay-
ern Münhen), Jens Jeremies (Bayern
Münhen), Paul Freier (Bochum),
Sebastian Kehl (Dortmund), Christi-
an Rahn (Hamborg), Carsten Ramel-
ow (Leverkusen), Bernd Schneider
(Leverkusen)
Framherjar: Fredi Bobic (Hertha
Berlín), Miroslav Klose (Kaiserslaut-
ern), Benjamin Lauth (1860 Münch-
en), Oliver Neuville (Leverkusen).
Reuters
Rudi Völler, til hægri, ræðir við Michael Ballack á landsliðsæfingu.
Þjóðverjar hita upp í leik gegn Ítalíu áður en þeir
mæta til leiks á Laugardalsvellinum
Völler sendir kalda
kveðju í hitanum
RUDI Völler, landsliðsþjálfari Þýskalands, sendi Felix Magath, þjálf-
ara Stuttgart, kalda kveðju í hitanum í Þýskalandi, eftir að Magath
gagnrýndi landsliðsval Völlers – að hann hefði ekki valið miðherjann
hjá Stuttgart, Kevin Kuranyi, í landsliðið sem mætir Ítalíu á mið-
vikudaginn. „Það angrar mig að Felix hafi fallið í þessa gryfju,“
sagði Völler í viðtali í Þýskalandi – og var hann ekki yfir sig ánægður
með Felix.
GEIR Þorsteinsson, fram-
kvæmdastjóri Knattspyrnu-
sambands Íslands, (KSÍ), flutti með
sér málverk til Færeyja, þegar
landsliðið hélt þangað í gær og
gætti hann þess sem sjáaldurs auga
síns alla ferðina þangað til komið
var inn á Hotel Föroyar, þar sem
hópurinn dvelur. Málverkið, sem er
eftir Pétur Friðrik og er rúmlega
einn metri á hæð og annað eins á
breidd, verður gjöf KSÍ til Knatt-
spyrnusambands Færeyja þegar
það opnar formlega nýjar höf-
uðstöðvar sínar á miðvikudaginn.
Meðal gesta við opnunina verður
Sepp Blatter, forseti Alþjóðaknatt-
spyrnusambandsins, FIFA, en höf-
uðstöðvarnar eru m.a. byggðar fyr-
ir styrk frá FIFA. Byggingin er hin
reisulegasta, upp á fjórar hæðir og
stendur við þjóðarleikvanginn sem
fyrr er getið. Eggert Magnússon,
formaður KSÍ, verður einnig á
meðal gesta en hann er vænt-
anlegur til Færeyja á morgun.
Geir flutti
listaverk til
Færeyja