Morgunblaðið - 18.08.2003, Blaðsíða 4

KNATTSPYRNA
4 B MÁNUDAGUR 18. ÁGÚST 2003 MORGUNBLAÐIÐ
FÓLK

RUUD van Nistelrooy setti tvö
met með marki sínu gegn Bolton á
laugardaginn. Hann skoraði mark í
níunda leik sínum í röð í ensku úr-
valsdeildinni, og skoraði jafnframt í
ellefta leiknum í röð fyrir Manchest-
er United.

TIM Howard, bandaríski mark-
vörðurinn, stóð í marki Manchester
United á laugardaginn. Hann sýndi
góð tilþrif og ljóst er að Fabian Bart-
hez á fyrir höndum erfiða baráttu,
ætli hann að ná stöðunni af Howard
á ný.

GARETH Barry, miðjumaður
Aston Villa, kom mikið við sögu und-
ir lokin þegar lið hans tapaði, 2:1,
fyrir Portsmouth. Hann skoraði
mark Villa 8 mínútum fyrir leikslok
en var síðan rekinn af velli fyrir að
segja aðstoðardómara til syndanna.

LORENZO Amoruso, fyrrverandi
fyrirliði Glasgow Rangers, skoraði
fyrsta mark Blackburn á tímabilinu
og gaf tóninn í 5:1-sigri liðsins á
Wolves.

STEFFEN Iversen, norski sókn-
armaðurinn, skoraði einnig í fyrsta
leiknum með nýju félagi. Hann gerði
mark Wolves, en það breytti litlu um
gang leiksins í Blackburn.

JUNICI Inamoto, japanski miðju-
maðurinn, skoraði með miklum
þrumufleyg þegar Fulham sigraði
Middlesbrough, 3:2, í London.

EDWIN Van der Sar, markvörður
Fulham, varði vítaspyrnu frá
Malcolm Christie í leiknum.

FREDDY Adu, bandaríski táning-
urinn sem hefur vakið gífurlega at-
hygli að undanförnu, er nú sterklega
orðaður við Manchester United.
Ensk blöð skýrðu frá því í gær að
ensku meistararnir hefðu hafið við-
ræður við fjölskyldu Adu um að fá
hann í raðir félagsins þótt hann sé
aðeins 14 ára gamall. Adu hefur farið
á kostum með drengjalandsliði
Bandaríkjanna, undir 17 ára, og
skoraði á dögunum þrennu í leik
gegn Suður-Kóreu.

HARRY Redknapp, knattspyrnu-
stjóri Portsmouth, kveðst sannfærð-
ur um að Teddy Sheringham muni
taka við af Paul Merson sem leiðtogi
liðsins. „Merson átti stóran þátt í að
koma okkur upp í úrvalsdeildina og
ég er viss um að Sheringham mun
hafa svipuð áhrif í vetur og hjálpa
okkur að halda okkur í deildinni,“
sagði Redknapp. Merson yfirgaf
Portsmouth í sumar og leikur nú
með Walsall í 1. deild.

JERMAINE Pennant hefur verið
lánaður frá Arsenal til Leeds í tvo
mánuði. Margir höfðu spáð því að
Pennant fengi loks tækifæri með
Arsenal í vetur þar sem félagið hélt
að sér höndum á leikmannamark-
aðnum í sumar. Hann var keyptur á
2 milljónir punda þegar hann var að-
eins 15 ára gamall en hefur lengst af
spilað annars staðar sem lánsmaður
síðustu árin, aðallega með Watford.
GUÐJÓN Þórðarson, knattspyrnustjóri
Barnsley, sagði að varnarleikurinn væri
höfuðverkurinn hjá sínu liði eftir að það
gerði jafntefli, 2:2, við Bournemouth á úti-
velli í ensku 2. deildinni á laugardaginn.
„Þetta var spennandi leikur fyrir áhorf-
endur en við gáfum þeim tvö ódýr mörk og
verðum að bæta varnarleik okkar. En liðið
sýndi mikinn styrk í seinni hálfleiknum
með því að vinna sig inn í leikinn og ná í
stig. Allir gera mistök en við verðum að
læra af þeim,“ sagði Guðjón eftir leikinn.
Barnsley er með 4 stig eftir tvo fyrstu
leikina í 2. deildinni en liðið vann Colchest-
er, 1:0, í fyrstu umferðinni. Dean Gorre,
sem Guðjón fékk frá Ajax í Hollandi, skor-
aði bæði mörkin gegn Bournemouth.
Guðjón
óhress með
varnarleikinn ARSENE Wenger knattspyrnustjóri ætlar að áminna markaskorarann
sinn magnaða, Thierry Henry, fyrir það hvernig hann fagnaði marki
sínu gegn Everton í ensku úrvalsdeildinni á laugardaginn. Henry kom
10 leikmönnum Arsenal yfir úr vítaspyrnu, klæddi sig úr treyjunni,
hljóp í átt að stuðningsmönnum Everton og fagnaði fyrir framan þá.
Viðbrögðin í þeim hópi voru að vonum ekki góð og plastglösum og leik-
skrám var grýtt í áttina að franska sóknarmanninum. Hann slapp við
gult spjald enda þótt dómurum hafi verið uppálagt að taka hart á leik-
mönnum sem æsi upp stuðningsmenn andstæðinganna.
„Ég mun ræða þetta mál við Henry því það er æskilegra að fagna
fyrir framan sína eigin aðdáendur, það er áhættuminna. En þetta var í
hita leiksins og ég tel að knattspyrnusambandið þurfi ekki að rannsaka
málið frekar. Það væri kannski best að engir væru á okkar leikjum
nema fulltrúar knattspyrnusambandsins,“ sagði Wenger.
„Ég veit ekkert um þetta, ég fagnaði bara eins og ég hef svo oft
gert,“ sagði Thierry Henry.
David Moyes, knattspyrnustjóri Everton, sagði að fyrirmæli hefðu
verið gefin um að fagna ekki fyrir framan stuðningsmenn mótherj-
anna. „Okkur var sagt að menn fengju spjöld fyrir slíkt,“ sagði Moyes.
Wenger áminnir
Thierry Henry
CRISTIANO Ronaldo, strák-
urinn sem sló svo eftirminnilega
í gegn með Manchester United
gegn Bolton á laugardaginn, er
í landsliðshópi Portúgals í
fyrsta skipti, fyrir vináttuleik
gegn Kasakstan sem fram fer á
miðvikudagskvöldið. Alex
Ferguson, knattspyrnustjóri
United, er yfirleitt ekki hrifinn
af því að hans menn fari í lands-
leiki en í þetta skiptið er hann
ánægður.
„Það er gott mál að hann
skuli spila fyrir Portúgal. Nú
fær hann tækifæri til að spjalla
við leikmenn á borð við Luis
Figo og Rui Costa, og sú reynsla
verður honum dýrmæt þegar
hann snýr aftur til okkar,“ sagði
Ferguson eftir „sýningu“ stráks-
ins á Old Trafford.
Ronaldo, sem er fæddur 5.
febrúar 1985, hefur verið umtal-
aður í heimalandi sínu allt frá 8
ára aldri en hann er frá eyjunni
Madeira, undan strönd Portú-
gals. Sextán ára gamall lék
hann í fyrsta skipti með aðalliði
Sporting Lissabon, þar skoraði
hann tvö mörk í fyrsta deilda-
leik sínum og hefur síðan verið í
aðalhlutverki í firnasterkum
yngri landsliðum Portúgals.
Ferguson ánægður
með landsliðsframann
Ronaldo krækti fljótlega í víta-spyrnu sem reyndar nýttist
ekki því Jussi Jääskeläinen, mark-
vörður Bolton, varði glæsilega frá
Ruud van Nistelrooy. En portúgalski
strákurinn hélt áfram að hrella varn-
armenn Bolton með hraða sínum og
leikni, og hann átti stóran þátt í
marki númer tvö sem Giggs skoraði
einnig. Paul Scholes og Ruud van
Nistelrooy bættu við mörkum undir
lokin en allra augu beindust að unga
stráknum með stóra nafnið, sem
reyndar er sagður skírður í höfuðið á
Ronald Reagan, fyrrverandi forseta
Bandaríkjanna.
„Það lítur út fyrir að stuðnings-
menn okkar hafi eignast nýja hetju.
Þetta var stórkostleg byrjun hjá hon-
um, nánast ótrúleg. Ég hafði það á til-
finningunni að hann gæti gert gæfu-
muninn fyrir okkur í þessum leik. En
við verðum að fara varlega með
drenginn, þið verðið að átta ykkur á
því að hann er aðeins 18 ára gamall,“
sagði Alex Ferguson, knattspyrnu-
stjóri Manchester United.
„Stóri Sam“ Allardyce, stjóri Bolt-
on, viðurkenndi að innkoma Ronal-
dos hefði gjörbreytt leiknum. „Þetta
var vendipunktur, framlag hans réð
úrslitum. Þegar hann fékk boltann
var hann í sérflokki á vellinum. Alex
mun nota hann meira þegar hann er
tilbúinn en þetta voru magnaðar 20
mínútur hjá honum,“ sagði Allardyce.
Ryan Giggs sagði að Ronaldo
minnti sig á Eric Cantona. „Hann er
geysilegt efni og á eftir að sýna
marga svona leiki eins og í dag.“
Tíu leikmenn Arsenal
sigruðu Everton
Þótt leikmenn Arsenal væru manni
færri í heilan klukkutíma gegn Ever-
ton létu þeir ekki slá sig út af laginu á
Highbury og sigruðu, 2:1. Sol Camp-
bell var rekinn af velli eftir 25 mín-
útna leik fyrir að brjóta á Thomas
Gravesen en samt skoruðu Thierry
Henry og Robert Pires og komu Ars-
enal tveimur mörkum yfir. Tomasz
Radzinski minnkaði muninn skömmu
fyrir leikslok en rétt á eftir fékk kín-
verski miðjumaðurinn Li Tie rauða
spjaldið fyrir sitt annað brot á Ray
Parlour á átta mínútna kafla, og liðin
voru bæði með tíu menn síðustu mín-
úturnar.
„Það var ekkert við þessu að gera,
Sol var aftasti varnarmaður og braut
af sér. Hann sagði mér það sjálfur í
hálfleik að þetta hefði verið réttur
dómur. Ég veit að Sol er heiðarlegur,
viðurkennir öll sín brot og biðst af-
sökunar. Þegar hann fékk rauða
spjaldið gegn Manchester United í
fyrra vissi ég að hann var saklaus, og
þess vegna varði ég hann á þeim
tíma. Ég er mjög ánægður með þann
anda sem mínir menn sýndu eftir að
við urðum manni færri,“ sagði Ar-
sene Wenger, knattspyrnustjóri Ars-
enal.
Dunn skoraði fyrsta markið
David Dunn skoraði fyrsta mark
úrvalsdeildarinnar á nýju tímabili
þegar Birmingham lagði Tottenham
að velli, 1:0, um hádegið á laugardag-
inn. Dunn, sem Birmingham keypti
fyrir metfé frá Blackburn í sumar,
skoraði markið úr vítaspyrnu. Glenn
Hoddle, knattspyrnustjóri Totten-
ham, vandaði dómaranum, Rob Styl-
es, ekki kveðjurnar eftir leikinn.
„Hann var í vandræðum eftir að hafa
rekið leikmann Birmingham af velli í
æfingaleik um daginn og það sást frá
fyrstu mínútu í dag að hann ætlaði að
bæta það upp,“ sagði Hoddle.
Sheringham skoraði og
Portsmouth sigraði
Teddy Sheringham er ekki dauður
úr öllum æðum þótt hann sé orðinn 37
ára gamall og Hoddle teldi sig ekki
hafa not fyrir hann hjá Tottenham.
Nýliðar Portsmouth fengu hann til
sín án greiðslu í sumar og Shering-
ham launaði fyrir sig með því að
skora fyrra markið í sigri á Aston
Villa, 2:1. Portsmouth sýndi
skemmtilega takta í leiknum og virð-
ist til alls líklegt í vetur. Patrik Berg-
er, fyrrverandi leikmaður Liverpool,
skoraði síðara markið á glæsilegan
hátt. „Þessi sigur léttir ákveðinni
pressu af okkur og nú getum við
mætt afslappaðir í næsta leik. Við
ætlum bara að halda áfram að safna
stigum og sjá hvert það leiðir okkur,“
sagði Sheringham eftir leikinn.
Úlfarnir steinlágu
í Blackburn
Úlfarnir frá Wolverhampton voru
ekki í sama gír í fyrsta leik sínum í
efstu deild í 19 ár og steinlágu í
Blackburn, 5:1. Þrumufleygar frá
David Thompson og Brett Emerton
komu Blackburn í 3:0 og Andy Cole
skoraði tvö mörk á lokakaflanum. Ív-
ar Ingimarsson var ekki í leikmanna-
hópi Wolves þrátt fyrir að marga
leikmenn vantaði vegna meiðsla.
Nýliðar Leicester byrjuðu með lát-
um gegn Southampton og voru
komnir í 2:0 eftir aðeins 9 mínútur.
En „Dýrlingarnir“ bitu frá sér að lok-
um og seint í leiknum skoruðu Kevin
Phillips og James Beattie sitt markið
hvor og jöfnuðu metin, 2:2. Phillips
gerði sitt mark með þrumuskoti af 30
metra færi og nú bíða margir spennt-
ir eftir því hvernig honum og Beattie
tekst upp saman. Phillips gekk ekk-
ert að skora fyrir Sunderland í fyrra
en Beattie skordaði grimmt fyrir
Southampton.
Ný hetja
númer 7
á Old
Trafford
STUÐNINGSMENN Manchester United eignuðust á laugardaginn
nýja hetju í keppnistreyju númer 7. Mikið hefur verið fjallað um
hvaða áhrif brotthvarf Davids Beckhams til Real Madrid hafi á
enska meistaraliðið í vetur, en ef marka má 4:0-sigurinn á Bolton í
fyrstu umferðinni á laugardaginn verða aðdáendur liðsins fljótir að
gleyma enska landsliðsfyrirliðanum. Ryan Giggs tók við hlutverki
hans og skoraði glæsimark úr aukaspyrnu, og eftir 60 mínútna leik
birtist 18 ára portúgalskur piltur, Cristiano Ronaldo, í treyju Beck-
hams og heillaði áhorfendur á Old Trafford upp úr skónum.
Reuters
Cristiano Ronaldo, nýja stjarnan á Old Trafford.