Morgunblaðið - 18.08.2003, Blaðsíða 8
KNATTSPYRNA
8 B MÁNUDAGUR 18. ÁGÚST 2003 MORGUNBLAÐIÐ
RAKEL Logadóttir mætti fyrrverandi félögum sín-
um úr ÍBV en hún og Laufey Ólafsdóttir fögnuðu titl-
inum með félögum sínum í Val, en léku með ÍBV á
síðasta leiktímabili. „Maður leggur meira í sölurnar
þegar gamlir félagar eiga í hlut og sigur í þessum
leik hefur meira gildi fyrir mig þess vegna. Bara af
því að þetta var ÍBV þá var þetta meira gaman,“
sagði Rakel. „Það var ágætt að fá þetta mark á okk-
ur strax í byrjun. Það er eins og við þurfum svona
skell til að við náum okkur á strik. Þetta kostaði
smáorku en það hafðist. Við fengum ekki mörg færi
en við nýttum þau og það er það sem telur. Við ætl-
uðum að sækja stíft á þær en eftir að við skoruðum
mörkin þá bökkum við ósjálfrátt og þær komast
meira inní leikinn. En bikarinn er okkar og við mun-
um fagna í kvöld,“ sagði Rakel Logadóttir.
Meira gaman
gegn gömlum
félögum „VIÐ ætluðum að byrja af krafti með því að sækja á Vals-stúlkur og gefa engan frið,“ sagði Heimir Hallgrímsson
þjálfari Eyjastúlkna eftir leikinn. „Það gerðum við og það
gekk vel í byrjun svo Valsliðið færði sig aftar á völlinn en
þegar við fengum jöfnunarmarkið á okkur fannst mér lið-
ið gjörsamlega slegið útaf laginu. Það tók síðan allan fyrri
hálfleikinn að jafna sig af því. Leikmenn urðu óöruggir og
hættu að vanda sendingar í stað þess að spila boltanum
eins og við eigum að gera. Við gátum alveg gert betur og
gátum líka bætt við marki – úrslit ultu á því hvor skoraði
það mark, það myndi gera út um leikinn og ég er viss um
að ef það hefðum verið við hefðum við unnið. Ég vona
samt að þetta hafi verið skemmtilegur leikur.“
Vestmanneyingar slógu bæði KR og Breiðablik út úr
bikarnum á leið sinni í úrslitaleikinn. „Valsliðið er ekki
betra en þessi tvö svo það er jafnvel bara leikurinn sjálfur
sem skiptir öllu. Það gekk vel að ná upp baráttuanda og
leikmenn voru kannski ekki alveg tilbúnir í svona leik en
þær hafa nú reynsluna,“ bætti Heimir við.
Jöfnunarmarkið sló
okkur út af laginu
„VIÐ byrjuðum vel en svo þegar þær
jöfnuðu var eins og það hlypi í okkur
eitthvað stress. Það var alltof ódýrt að
fá á okkur þrjú mörk í fyrri hálfleik og
eftir það komumst við engan vegin inn
í leikinn. Við fengum nokkur ágæt færi
í seinni hálfleik til að minnka muninn
og komast inn í leikinn aftur en því
miður féll þetta ekki með okkur í dag,“
sagði Íris Sæmundsdóttir, leikmaður
ÍBV.
Það var rætt um það fyrir leikinn að
örfáir leikmenn ÍBV hefðu komið inn á
Laugardalsvöllinn áður og þið fóruð
m.a. með einhverja leikmenn í skoð-
unarferð á völlinn fyrir helgi. Hafið
þetta einhver áhrif á ykkar leik?
„Ég held ekki. Við vorum vel
Sárt að
tómhent
Mikið var hlaupið fyrstu mínút-urnar, helst þegar Vestmanna-
eyingar freistuðu þess að koma bolt-
anum aftur fyrir vörn
Vals á markadrottn-
inguna Olgu Færseth
og Karen Burke í
fremstu víglínu. Það
gekk hinsvegar ekki sem skyldi því
vörn Vals var vel á verði, fjölmennti
aftur þegar með þurfti og náði að lesa
út fyrirætlanir mótherjanna auk þess
að Guðbjörg Gunnarsdóttir mark-
vörður Vals var dugleg við að hirða
boltann rétt á undan Olgu. Sjálfar
reyndu Valsstúlkur að byggja upp
þungar sóknir með mörgum leik-
mönnum. Engu að síður skoraði Kar-
en Burke fyrir ÍBV á 5. mínútu þegar
hún vann boltann af varnarmanni
Vals, lék síðan á hann til hægri og
skoraði af öryggi í vinstra hornið en
áður en Eyjastúlkur voru búnar að
nota það mark til að bæta í baráttuna
jafnaði Nína Ósk Kristinsdóttir á 11.
mínútu með góðu skoti upp í hornið
eftir þunga sókn Vals. Jöfnunarmark-
ið var meira en Eyjastúlkur réðu við,
það fjaraði undan sjálfstraustinu og
sóknarleiknum. Vörnin hélt þó lengi
vel þrátt fyrir að sóknir Vals þyngd-
ust. Dóra Stefánsdóttir skaut í
þverslá ÍBV og Íris Andrésdóttir rétt
framhjá áður en Laufey Ólafsdóttir
gaf hárnákvæma sendingu inn fyrir
vörn ÍBV á Nínu Ósk, sem skoraði af
öryggi á 40. mínútu. Aðeins þremur
mínútu síðar fékk Valur tvær horn-
spyrnur í röð, eftir þá síðari hrökk
boltinn út í teig á Laufeyju Jóhanns-
dóttur, sem gaf boltann inn á miðjan
markteig þar sem Kristín Ýr Bjarna-
dóttir skallaði inn þriðja mark Vals.
Eftir hlé færðu Valsstúlkur sig aft-
ar á völlinn og biðu þolinmóðar eftir
því að Eyjastúlkur hættu sér of fram-
arlega svo hægt væri að skjótast
framhjá þeim upp völlinn. Það gekk
þó ekki alveg upp því Eyjastúlkur
voru ákveðnar í að minnka muninn en
oft var meira kapp en forsjá því sókn-
ir þeirra voru ekki nógu yfirvegaðar.
ÍBV fékk þó gott færi á 63. mínútu
þegar minnstu munaði að Margét
Lára Viðarsdóttir næði að skora eftir
góða sendingu Olgu. Sjö mínútum síð-
ar kom eina umtalsverða færi Vals
eftir hlé þegar Nína Ósk var nokkra
metra frá endamörkunum og skaut í
slána, hvort sem það átti að vera skot
eða fyrirgjöf. Nokkuð var dregið af
leikmönnum er leið að lokum en Vals-
stúlkur náðu þó betur að halda haus.
Eyjastúlkur voru þó alveg búnar að
syngja sitt síðasta og Margrét Lára
fékk opið færi eftir góða sendingu
Olgu á 80. mínútu en skaut yfir í óða-
gotinu.
Eyjastúlkur voru alveg slegnar út-
af laginu við að fá á sig jöfnunarmark.
Það vantaði broddinn í sóknina og að-
eins voru tvö skot skráð fyrir hlé, ann-
að þeirra var markið. Varla er hægt
að kenna um lítilli leikreynslu því
samtals hafa þær 246 landsleiki á
móti 25 Valsstúlkna. Olga og Karen
Burke fengu úr litlu að moða, fleiri
leikmenn verða að leggja eitthvað í
púkkið ef þær eiga að gera rósir.
Michelle Barr var ágæt í vörninni en
eins og fleiri var dregið af henni í lok-
in eftir marga erfiða spretti í vörn-
inni.
Hjá Val bar mesta á góðri baráttu
og einbeitingu, leikmenn virtust
sjaldan gleyma hlutverkum sínum og
héldu sínu striki. Vörnin var mjög góð
með Írísi og Pálu Marie Einarsdóttur
fremstar í flokki og náði að halda aft-
ur af skæðum sóknarmönnum ÍBV.
Laufey Ólafsdóttir og Dóra Stefáns-
dóttir voru einnig duglegar á miðj-
unni. Þegar kom að sóknum fylgdu
margir leikmenn vel með sem skapaði
oft hættu og Nína Ósk sýndi góð til-
þrif við bæði mörkin sín.
Helena Ólafsdóttir þjálfari Vals var á
bikarmeistaratitli með Kristínu Arnþ
Morgunblaðið/Jim Smart
Valsstúlkur fögnuðu hverju marki sínu rækilega á sunnudag-
inn. Hér eru Nína Ósk Kristinsdóttir, Rakel Logadóttir, Mál-
fríður Erna Sigurðardóttir og fyrirliðinn Írís Andrésdóttir.
Eitt mark
stöðvar ekki
Valsstúlkur
ÞAÐ þurfti meira en mark ÍBV á fimmtu mínútu til að slá Valsstúlkur
útaf laginu á Laugardalsvelli í gærdag – fimm mínútum síðar jafnaði
Valur. Það var meira en Eyjastúlkur réðu við því Valsstúlkur náðu
undirtökunum, bættu við tveimur mörkum og urðu sannfærandi
bikarmeistarar í 3:1 sigri. Það er í níunda sinn eftir 14 tilraunir sem
Valur hampar bikarnum en í fyrsta sinn sem Eyjastúlkur spreyta sig
í úrslitaleik og það hafði jafnvel einhver áhrif þó innan raða ÍBV séu
þrautreyndir leikmenn.
Stefán
Stefánsson
skrifar
Morgunblaðið/Jim Smart
Olga Færseth var í strangri gæslu Valskvenna og reynir hér að
hrista tvær þeirra af sér.