Morgunblaðið - 26.09.2003, Blaðsíða 6
6 | FÓLKIÐ | FÖSTUDAGUR 26|9|2003 MORGUNBLAÐIÐ
Sævar Guðmundsson hefur leikið sér að því að
hanna boli, eða öllu heldur myndir framan á þá. Það
gerir hann með því að nýta sér vefsíðuna cafepress-
.com. Þangað getur hver sem er sent inn mynd, sem
síðan er sett framan á ýmiskonar varning, aðallega
boli. Hver hönnuður fær eigin síðu og hægt er að
panta allar tegundir af bolum, töskur, bangsa og
margt fleira með skreytingu hönnuðarins. Hönnuð-
urinn ræður álagningunni og fær hana í eigin vasa.
Hvernig datt þér þetta í hug?
„Ég var búinn að vera að kaupa boli úr Rúmfata-
lagernum og straua mynd framan á þá, þegar ég
rakst á þessa síðu. Ég sá að þetta var mun auðveld-
ari leið við bolaframleiðsluna og sendi inn mynd sem
ég hafði verið að vinna við, með hring utan um þessa
frægu Che Guevara mynd og strik yfir.“
Hvað hefurðu á móti Che Guevara?
„Ég held að flestir viti lítið um þennan mann og
telji hann jafnvel vera frelsishetju, en sannleikurinn
er sá að hann lét taka fólk af lífi án dóms og laga.
Hann átti stóran þátt í að koma á kommúnista-
stjórninni sem er enn á Kúbu. Eðli kommúnismans
er að drepa niður allt frumkvæði fólksins og beita til
þess harðstjórn. Maður sem stuðlar að því getur
aldrei verið hetja í mínum augum.“
Geturðu hugsað þér framtíð í fatahönnun?
„Nei.“
Ert þú þessi dæmigerði ungi íslenski fatahönnuður?
„Alls ekki.“
|ivarpall@mbl.is
Þeir sem hafa gengið fram hjá Nonnabúð á
horni Laugavegar og Smiðjustígs hafa ef-
laust tekið eftir bolum með áprentuðum
hauskúpum í glugganum. Bolirnir hafa verið
vinsælir svo og fleiri hlutir með hauskúpum,
sem eru hannaðir af eigandanum Jóni Sæ-
mundi Auðarsyni undir nafninu Dead. Strák-
arnir í Singapore Sling skörtuðu t.d. svörtum
bindum frá honum með röð af hvítum haus-
kúpum á tónleikum á Grand Rokki nýlega.
Hauskúpur eru líka óneitanlega tákn sjó-
ræningja og geta vinsældir þeirra líka tengst
hinum óvænta sumarsmelli Sjóræningjum
Karíbahafsins, sem skartar Johnny Depp í
aðalhlutverki en hann er óneitanlega rokk-
aður og mikill töffari í hlutverki sínu sem
skipstjórinn Jack Sparrow.
„Góð auglýsing fyrir mig,“ segir Jón Sæ-
mundur um sjóræningjamyndina. „Ég hef
alltaf reynt að vera á réttum stað á réttum
tíma,“ segir hann en það eru nýir jakkar á
leiðinni í búðina sem hann segir frekar sjó-
ræningjalega.
„Merkið heitir Dead og þar er hauskúpan aðaltáknið. Ég er að vinna bæði boli, jakka, húfur,
bindi og alls kyns dót,“ segir Jón Sæmundur en merkið er um ársgamalt en búðin opnaði
snemmsumars og hefur hlotið góðar viðtökur.
Svo vel gengur hjá honum að hann ætlar að opna sölusíðu á slóðinni Dead.is um mán-
aðamótin en sem stendur er þar aðeins að finna ýmsar upplýsingar um búðina. „Ég geri þetta
aðallega vegna eftirspurnar frá Færeyjum,
ég hef verið að selja svolítið þar. Og líka frá
útlendingum alls staðar að sem hafa komið
hérna við og finnst þetta flottasta búð á Ís-
landi,“ segir Jón Sæmundur.
„Búðina sjálfa lít ég á sem gjörning, inn-
setningu og skúlptur. Allt sem er hérna inni
hannaði ég sjálfur.“
Jón Sæmundur hefur líka vakið athygli fyr-
ir störf sín sem myndlistarmaður. „Ég hef
verið að vinna með dauðann í myndlistinni
hjá mér. Þar kemur þetta nafn inn,“ segir
hann. „Og hauskúpan er tákn fyrir dauðann.
Hann bendir á að dauðinn sé allt í kring-
um okkur og „aðalfréttamaturinn“. „Það
verður ekki hjá því komist að lítill drengur
hérna uppi á Íslandi verði fyrir áhrifum af
þessu.“
Jón Sæmundur hefur greinilega hugsað
mikið um hvað hauskúpan táknar. „Á bak við
grímuna erum við öll eins burtséð frá kyn-
þætti, litarhætti eða trúarbrögðum. Þá hlýtur
hauskúpan að vera sameiningartákn alls
mannkyns.“ |ingarun@mbl.is
Morgunblaðið/Jim Smart
Morgunblaðið/Þorkell
BOLA-
BRÖGÐ CAFEPRESS.COM
SAMEININGARTÁKN
ALLS MANNKYNS
HAUSKÚPUBOLIR Í NONNABÚÐ
Það er búið að stökkbreyta íslensku sauðkindinni í íslensku ókindina. Það gerði hópur
hönnuða sem hefur yfirskriftina Icelandic Killer Sheep og selur boli með sömu áletrun.
„Þetta er selt í einni búð við Laugaveginn, Dixie Company, og gengur vel,“ segir Valur
Þór Gunnarsson, sem er einn af hugmyndasmiðunum. „Við erum rétt að byrja, fórum ró-
lega af stað, en höfum fengið góðar viðtökur. Bolirnir áttu að vera nýr valkostur í flóru
stuttermabola með víkinga eða lunda fram-
an á og voru fyrst og fremst hugsaðir fyrir
ferðamenn, en síðan hefur unga fólkið líka
sótt mikið í þá. Það er eitthvað sem hittir í
mark, hjartað á fólki; það er greinilega
sauðkindin.“
Hópurinn stóð einnig að samkeppni með
Reykjavik Grapevine um hugmyndir að
stuttermabolum og vann strákur frá Amst-
erdam. „Hann var með hugmynd að bol
með áletruninni Gambling in Iceland og
mynd af spilakassa með hjólum sem snú-
ast í þremur gluggum og upp koma ólík af-
brigði af veðri.“
Hópurinn setur markið hátt. „Á stefnu-
skránni eru umhverfismál; við viljum vernda
hálendið og koma í veg fyrir að fleiri kindum
verði stökkbreytt í íslensku ókindina.“
|pebl@mbl.is
Morgunblaðið/Árni Sæberg
ÍSLENSKA ÓKINDIN
ICELANDIC KILLER SHEEP
HRAFNHILDUR MAGN-
ÚSDÓTTIR VERSLUNAREIG-
ANDI MEÐ BOLINA GÓÐU