Morgunblaðið - 26.09.2003, Blaðsíða 13
MORGUNBLAÐIÐ FÖSTUDAGUR 26|9|2003 | FÓLKÐ | 13
Úlpur
Mikið úrval
Verð frá 5.990
Gallabuxur
áður 5.990
nú 3.990
Peysur
áður 5.990
nú 3.990
Bolir
frá 1.990
Laugavegi 54, sími 552 5201
bíóvefur mbl.is
• Upplýsingar
• Sýningar tími
• Söguþráður
• Myndskeið
Kíktu á
mbl.is
Fylgstu með hvað er að gerast í bíó
Morgunblaðið/Jim Smart
„Það kemur allavega fólk. Einu sinni var SS að taka
auglýsingu og byrjuðum við fimm á sunnudagsmorgni.
Það var ekki opið og við vorum ekki með neinar pylsur
eða neitt. Þá var enn fólk í bænum og um sjöleytið
kom mjög lágvaxinn maður, sem náði ekki upp fyrir
lúguna og vildi kaupa pylsu. Ég sagði honum að það
væri ekki opið, því það væri verið að taka auglýsingu.
Þá sagði hann: „Heyrðu ég er svo lítill að ég sést ekki í
mynd. Get ég ekki fengið pylsu? Hann hélt að það væri
í lagi af því að hann sæist ekki í mynd.“
„Fyrir mörgum árum var strákur að
vinna hjá mér, sem var líka í námi í sál-
fræði í Háskólanum. Nýir starfsmenn
eru alltaf í þjálfun hjá öðrum fyrstu
nóttina. Fyrstu nóttina skildi leiðbein-
andinn ekkert í því að strákurinn var
sestur á koll og gerði ekki neitt. Þeg-
ar hann var spurður af hverju, þá sagð-
ist hann hafa uppgötvað meira um
hegðun mannskepnunnar á þessu
eina kvöldi en í öllu náminu í Háskól-
anum. Honum féllust hendur.“
„Það hafa alveg örugglega komið
börn undir við vagninn. Stundum
þegar ég hef komið klukkan sex
eða sjö á morgnana hefur fólk verið
að gera ýmislegt, sem er nú ekki
prenthæft. Fyrir nokkrum árum
voru ítölsk herskip í höfn. Þeir
vöktu rosalega lukku, dátarnir, hjá
íslensku stelpunum. Það var svo-
leiðis traffíkin. Þeir sem voru að
vinna þessa helgi kvörtuðu yfir því
að nokkrar stelpur vildu athuga
hvort þeir töluðu ítölsku. Þá voru
dátarnir ekki sleipir í ensku og þær
vildu geta tjáð sig betur.“
„Það er svo margt sem hefur gerst þarna. Ég hef voða-
lega gaman af útlendingunum á næturlífinu. Þeir koma
kannski til að djamma, en við höfum lent í því að út-
lendingarnir komi tvisvar til þrisvar á nóttu af því þeim
hefur þótt pylsan svo rosalega góð.“
„Mannlífið þarna getur verið ofsalega skemmtilegt,
svona framan af. Ég veit til þess að fólk hefur kynnst
þarna í biðröð og úr því orðið hjónaband og börn. Ég veit
meira að segja um hjón sem komu beint úr kirkjunni,
hún í hefðbundnum brúðarkjól og hann í kjólfötum, af
því þau kynntust í röðinni. Ég á mynd af þeim þar sem
þau eru að fá sér pylsu áður en þau fóru í veisluna.“
STAÐURINN | Bæjarins beztu | Miðbænum
„Það hefur nú ýmislegt gerst þarna,“ segir Guðrún Kristmundsdóttir, eigandi
Bæjarins beztu, sem skrifað er með zetu „því pylsuvagninn er svo gamall“. Hann
var opnaður fyrst árið 1934 í Austurstræti við gamla kolasundið og fluttist á planið
við Tryggvagötu upp úr 1960. Um helgar er opið til milli fjögur og sex á næturnar,
eftir því hvernig traffíkin er í bænum.“ |pebl@mbl.is
MANNLÍFIÐ EFTIR MIÐNÆTTI