Morgunblaðið - 29.09.2003, Blaðsíða 3

KNATTSPYRNA
MORGUNBLAÐIÐ MÁNUDAGUR 29. SEPTEMBER 2003 B 3
„ÞAÐ eru mikil vonbrigði að tapa
þessum leik því eftir erfiða byrjun
fyrri hálfleiks, þegar þeir fengu
nokkur færi, náðum við okkur á
strik og spiluðum betri knatt-
spyrnu. Það átti að skila okkur
mörkum en okkur tókst ekki að
skapa nóg af færum og fá góð
skot,“ sagði Allan Borgvardt, hinn
skæði danski framherji hjá FH, sem
sá að mestu um að hrella varn-
armenn ÍA. Hann tók þátt í sínum
fyrsta bikarúrslitaleik á Laug-
ardalsvellinum á laugardaginn og
varð að sætta sig við tap fyrir
Skagamönnum, 1:0.
„Ég veit ekki hvort við vorum
óstyrkir í byrjun. Við vorum góðir á
tveimur þriðju hlutum vallarins en
þegar við nálguðumst vítateiginn
vorum við ekki nógu góðir. Okkar
lið er frekar ungt og aðeins Heimir
hefur spilað bikarúrslitaleik áður –
svo að þetta var frekar mikill leikur
fyrir flesta leikmenn okkar. Akra-
nes hefur átján sinnum spilað úr-
slitaleik og örugglega fleiri hjá
þeim spilað svona leiki. Það skipti
samt ekki máli, við áttum að skora
mörk til að vinna og ég óska Skaga-
mönnum til hamingju með sigurinn.
Ég er samt ánægður með sumarið
að öðru leyti. Mér skilst að þetta sé
besta lið sem FH hefur teflt fram
síðustu árin og því sérlega sárt að
hafa ekki landað titli.“
„Náðum ekki að
skapa okkur færi“
FÓLKÞAÐ virtust lengi vel vera
álög á Skagamönnum að þeir
gætu ekki unnið bikarúr-
slitaleiki. Þeir biðu lægri
hlut í fyrstu átta tilraunum
sínum, frá 1961 til 1976. En
frá árinu 1978, þegar Pétur
Pétursson tryggði Skaga-
mönnum sigur á Val, 1:0, í
úrslitaleiknum, hafa þeir
verið nánast óstöðvandi. Sig-
urinn á FH-ingum á laug-
ardaginn var þeirra níundi í
tíu úrslitaleikjum frá þessum
tíma. Eini ósigurinn frá 1978
var árið 1999, þá gegn KR-
ingum, 3:1.
Með sigrinum á laugardag
komust Skagamenn í annað
sætið yfir sigursælustu bik-
arliðin frá upphafi. KR hefur
oftast unnið bikarinn, 10
sinnum, Skagamenn 9 sinn-
um, Valsmenn 8 sinnum og
Framarar 7 sinnum. Þar á
eftir koma síðan Eyjamenn
sem fjórum sinnum hafa orð-
ið bikarmeistarar.
Níundi sig-
urinn í tíu úr-
slitaleikjum
AÐSÓKNIN á leik ÍA og FH,
4.723 áhorfendur, er sú besta á
úrslitaleik bikarkeppninnar í
fjögur ár. Árið 1999 sá 7.401
áhorfandi KR sigra ÍA 3:1 á
Laugardalsvellinum en undan-
farin þrjú ár hafa þeir verið
færri.
Í síðustu 20 bikarúrslitaleikjum
hafa áhorfendur fimm sinnum
verið fleiri en 5.000. Næstflestir
voru þeir árið 1997 þegar 6.260
manns sáu Keflavík og ÍBV skilja
jöfn, 1:1, en síðan mættu aðeins
3.741 fimm vikum síðar þegar lið-
in mættust aftur og Keflavík
vann, 1:0.
Árið 1993 sáu 5.717 áhorfendur
ÍA vinna Keflavík 2:1, árið 1994
sáu 5.339 áhorfendur KR vinna
Grindavík 2:0 og árið 1996 sáu
5.200 manns ÍA vinna ÍBV, 2:1.
Besta aðsókn í fjögur ár
Ólafur sagði áætlanir sínar hafagengið upp. „Byrjunin var al-
veg eins og við höfðum ætlað okk-
ur, við ætluðum að
taka FH-inga strax í
byrjun leiks og
pressa á þá framar-
lega á vellinum því
það gekk vel á móti þeim í fyrri
leikjum okkar í sumar þó að við
höfum ekki gert út um þá leiki. Við
vorum vissir um að við myndum
vinna þennan leik með því að halda
áfram því sem við vorum að gera í
fyrri hálfleik. Við verðum að hafa í
huga að sóknarmenn okkar hafa
komið sterkari inn eftir því sem lið-
ið hefur á sumarið og við treystum
á að þeir myndu gera út um leikinn
með þessari pressu. FH-ingar voru
svolítið óöruggir í byrjun og það
hefur verið erfitt fyrir þá að missa
Sverri út úr vörninni í fyrri hálfleik
svo að skipulag þeirra riðlaðist en
mér fannst við vera sterkari í heild-
ina þó svo að leikurinn hafi verið
jafnari í seinni hálfleik,“ sagði Ólaf-
ur, sem verður að öllum líkindum
áfram við völd hjá Skaganum.
„Ég er með samning í eitt ár í
viðbót – nema þeir reki mig eftir
þetta. Við erum þokkalega sáttir
við árangur okkar í sumar, að vera
í bikarúrslitum og öðru til þriðja
sæti í deildinni. Við unnum líka
deildabikarinn í vor. Auðvitað hefði
verið hægt að uppskera meira en ef
við skoðum hvernig staðan var á
miðju Íslandsmótinu, þegar við vor-
um mjög neðarlega og ekki gengið
nógu vel að skora mörk þó að við
höfum verið að spila vel fram eftir
sumri. Það fór að ganga þegar leið
á tímabilið og við stóðum uppi sem
besta liðið í lok tímabilsins. Það er
alltaf ljúft að vera á Skaganum
þegar búið er að vinna bikar, þegar
það kemur enginn bikar er líka
ljúft, bara ekki alveg eins ljúft.
Fyrst við unnum þennan bikar get
ég verið ánægður með sumarið.
Auðvitað hefði ég viljað halda öðru
sæti deildarinnar en því miður held
ég að menn hafi verið farnir að
hugsa of mikið um þennan leik,“
sagði Ólafur.
■ Enn bætist…/B6
Morgunblaðið/Kristinn
Stefán Þórðarson hefur tekið frænda sinn Ólaf Þórðarson, þjálfara Skagamanna, á háhest.
„Við höfðum meiri
vilja til að sigra“
„VIÐ ætluðum að fara út á völl og njóta dagsins eins og menn,“
sagði Ólafur Þórðarson, þjálfari ÍA, eftir að bikarinn var kominn
í höfn á Laugardalsvellinum á laugardaginn, þar sem Skaga-
menn lögðu FH-inga í bikarúrslitaleik, 1:0. „Við höfðum meiri
vilja til að sigra, þessi titill veltur á því og við sýndum það frá
fyrstu mínútu. Við spáðum ekkert í hefð og slíkt, þessir strákar
þekkja þetta allt saman og menn vinna ekkert á hefðinni, hún
getur hjálpað eitthvað til að taka stressið úr manni en þegar í
leikinn er komið vinnur sá sem gefur meira í leikinn.“
Stefán
Stefánsson
skrifar
Ólafur Þórðarson, þjálfari Skagamanna, var ánægður með sína menn

BRYNJAR Björn Gunnarsson
var fjarri liði sínu, Nottingham
Forest, þegar það gerði jafntefli við
Derby, 1:1, í ensku 1. deildinni á
laugardaginn. Enginn Íslendingur
lék í deildinni um helgina því Lárus
Orri Sigurðsson hjá WBA og Heið-
ar Helguson hjá Watford eru báðir
frá keppni næstu vikur og mánuði.

GUÐJÓN Þórðarson og læri-
sveinar hans í Barnsley töpuðu á
útivelli fyrir Plymouth, 2:0. Eftir
ágæta byrjun í 2. deildinni þá er
Barnsley nú fallið niður í 8. sætið.

HELGI Kolviðsson var í liði
Kärnten sem tapaði, 3:0, fyrir
Austria Vín í austurrísku úrvals-
deildinni í gær. Hann fór af velli 8
mínútum fyrir leikslok. Illa hefur
gengið hjá Kärnten að undanförnu
og liðið er komið í næstneðsta sæti
deildarinnar.

ANDRIY Shevchenko skoraði
tvö mörk fyrir Evrópumeistara AC
Milan þegar þeir lögðu Lecce í
ítölsku 1. deildinni í knattspyrnu í
gær. Daninn Jon Dahl Tomasson
gerði síðan þriðja mark AC Milan
en það var jafnframt hans fyrsta
mark á leiktíðinni.

VINCENZO Montella, Franc-
esco Totti og Marco Delvecchio
tryggðu Roma öruggan sigur á
Ancona, 3:0, og um leið efsta sæti
deildarinnar ásamt Juventus og AC
Milan. Öll hafa liðin tíu stig.

JUVENTUS vann Reggina 2:0 á
útivelli á laugardaginn með mörk-
um frá Marco Di Vaio á 12. mínútu
og Tékkanum Pavel Nedved á 50.
mínútu. Andrea Sottil leikmaður
Reggina var rekinn af leikvelli sex
mínútum fyrir leikslok.

EKKERT mark var skorað í leik
Udinese og Inter Milan en hins-
vegar fékk einn leikmaður í hvoru
liði að fjúka út af með rautt spjald á
baki. Siqueira Luciano, leikmaður
Inter, var aðeins inn á fyrstu 17
mínútur leiksins og kollegi hans hjá
Udinese, Per Billeskov Kroldrup,
var rekinn af leikvelli þegar tvær
mínútur voru eftir af leiknum. Int-
er er í fjórða til fimmta sæti ítölsku
1. deildarinnar ásamt Parma.

LEITE Adriano jafnaði metin á
78. mínútu fyrir Parma gegn Siena
þar sem Nikola Lazetic kom Siena
yfir í Parma á 40. mínútu.

DEJAN Stankovic skoraði eina
mark Lazio í sigri liðsins á Empoli
á útivelli. Stankovic skoraði mark
sitt á 37. mínútu.

NIKOLA Lazetic tryggði Samp-
doria 2:1 sigur á Brescia á heima-
velli með marki úr vítaspyrnu.
Tveimur mínútum áður hafði Fabio
Bazzani jafnaði metin fyrir heima-
menn. Stefano Mauri hafði komið
gestunum yfir á 69. mínútu. Þegar
vítaspyrnan var dæmd á síðustu
mínútu leiksins var Fabio Petruzzi,
leikmanni Brescia, vikið af leik-
velli.