Morgunblaðið - 29.09.2003, Blaðsíða 9
HANDKNATTLEIKUR
MORGUNBLAÐIÐ MÁNUDAGUR 29. SEPTEMBER 2003 B 9
SNORRI Steinn Guðjónsson var
besti maður Grosswallstadt þegar
lið hans fékk skell á heimavelli
gegn Nordhorn, 28:19, eftir að hafa
verið 15:9 undir í hálfleik. Sænski
markvörðurinn Peter Gentzel hjá
Nordhorn, reyndist leikmönnum
Grosswallstad einkar óþægur ljár í
þúfu. Snorri skoraði 6 mörk, þar af
voru tvö úr vítakasti í þessum
fyrsta tapleik liðsins á leiktíðinni.
Nordhorn er hins vegar í hópi efstu
liða með fullt hús stiga úr fimm
leikjum.
Guðjón Valur Sigurðsson var
með 3 mörk þegar Essen vann fyr-
irhafnarlítinn sigur á Minden á
heimavelli, 27:23, þrátt fyrir að
Oleg Velyky, helsta skytta Essen
hafi ekki leikið með vegna meiðsla.
Essen er í sjöunda sæti með sex
stig. Gunnar Berg Viktorsson og
Róbert Sighvatsson hjá Wetzlar
áttu á brattann að sækja í heimsókn
sinni til Kiel. Heimamenn, sem voru
vel studdir af 10.000 áhorfendum,
réðu lögum og lofum frá upphafi til
enda. Unnu þeir öruggan ellefu
marka sigur, 38:27, eftir að hafa
verið 19:11 yfir í hálfleik. Gunnar
Berg skoraði 4 mörk og Róbert
þrjú.
Göppingen, lið Jaliesky Garcia
fyrrverandi HK-manns, tapaði
fimmta leik sínum í þýsku 1. deild-
inni þegar það heimsótti Hamburg.
Heimamenn unnu með tveimur
mörkum, 21:19, og tróna á toppi
deildarinnar með 12 stig eftir sjö
leiki. Garcia skoraði eitt mark.
Sex mörk hjá Snorra
Steini dugðu skammt
GUÐLAUGUR Hauksson,
handknattleiksmaðurinn efni-
legi úr ÍR, hefur neyðst til að
leggja skóna á hilluna vegna
slæmra hnémeiðsla. Þetta var
tilkynnt á heimasíðu ÍR um
helgina.
Guðlaugur, sem er 21 árs,
var valinn efnilegasti leik-
maður Íslandsmótsins fyrir
tveimur árum en þá lék hann
með Víkingi. Hann varð jafn-
framt markahæsti leikmaður
1. deildar þann vetur, skoraði
185 mörk í 26 leikjum. Guð-
laugur gekk til liðs við ÍR fyrir
síðasta tímabil og spilaði tals-
vert með liðinu, auk þess sem
hann var í 21-árs landsliði Ís-
lands fyrr á þessu ári.
Guðlaugur
hættur
vegna
meiðsla
Liðin skiptust á að skora fyrstumínúturnar en leikurinn var
samt ekki mikil skemmtun, hægur
og varla merkjan-
legur baráttuandi.
Eftir nokkrar mín-
útur tóku markverð-
ir sig til og hófu að
verja og það kom niður á skapi leik-
manna, harka jókst og dómarar
byrjuðu að tína leikmenn útaf.
Hafnfirðingar náðu samt að halda
naumri forystu en hún var tæp og
þegar ÍR-ingar brettu aðeins upp
ermarnar dugði það til að skora
fimm mörk í röð. Taflið snerist því
við og nú þurftu FH-ingar að bretta
upp ermar en gerðu það ekki og ÍR
hafði 15:11 í leikhléi.
Fyrstu tíu mínútur síðari hálf-
leiks fór Magnús Sigmundsson á
kostum í marki Hafnfirðinga, varði
oft vel en félagar hans voru ekki al-
veg með á nótunum því ÍR-ingar
náðu alltaf boltanum þegar hann
hrökk af Magnúsi. Það dugði samt
til að FH-ingar næðu forystu ÍR
niður í tvö mörk, 18:16. Þá kom
hrina brottrekstra hjá FH og ÍR-
ingar notuðu tækifærið til að skora
fjögur mörk í röð. En FH-ingar
lögðu ekki árar í bát, þegar fjölgaði
í liði þeirra á ný tókst þeim með ær-
inni fyrirhöfn að saxa forskot ÍR
aftur niður í tvö mörk, 24:22. En
þar við sat, þeir gerðu nokkur slæm
mistök í sókninni og heimamenn
gengu strax á lagið með sex mörk-
um í röð án þess að gestirnir úr
Hafnarfirði fengju rönd við reist.
Vörnin og markvarslan
hjálpuðu okkur mest
„Ég held að vörn okkar og mark-
varsla hafi hjálpað okkur mest í
gegnum þetta,“ sagði Júlíus Jón-
asson leikmaður og þjálfari ÍR eftir
leikinn. „Við áttum góða kafla í
sókninni og héldum haus þrátt fyrir
að það hafi hitnað í kolunum um
tíma. Við náðum fjögurra marka
forystu með góðum kafla þegar FH-
ingar eru með mörg ótímabær skot
og hjálpuðu okkur þannig mikið að
komast inn í leikinn. Komnir með
þetta forskot vorum við staðráðnir í
að bæta við það og það gekk. Fyrst
og fremst var það þessi kafli sem
hjálpaði okkur að ná yfirhöndinni.“
Breiðhyltingar hafa unnið alla fjóra
leiki sína í suður-riðlinum. „Lið mitt
er í fínu formi, að vísu eru einhver
meiðsli en við spilum með þá menn
sem við höfum. Við misstum Guð-
laug Hauksson endanlega í meiðsli,
sem er slæmt fyrir okkur en þó
verst fyrir hann sjálfan,“ sagði Júl-
íus. Ólafur H. Gíslason markvörður
var góður og Hannes Jón Jónsson
dreif liðið áfram af krafti. Einar
Hólmgeirsson átti að venju nokkur
þrumuskotin en sást á köflum lítið.
Það skipti sköpum þessum leik að
ÍR-ingar náðu að einbeita sér betur
að leiknum og rífa upp baráttuna
þegar slaknaði aðeins á henni.
„Við áttum aldrei möguleika á að
komast inn í leikinn því þegar við
vorum að nálgast að jafna kom
syrpa með brottrekstrum,“ sagði
Þorbergur Aðalsteinsson, þjálfari
FH, eftir leikinn. „Dómgæsla getur
verið misjöfn á milli dómararpara
og það er í lagi en ef dómarar vilja
reka svona ört útaf verða þeir að
dæma eins á bæði lið. Svo var ekki í
dag, það hallaði mikið á okkur og
með svona dómgæslu áttum við
aldrei möguleika. Okkur tókst að
minnka muninn niður í tvö mörk
þegar sex mínútur voru eftir en
höfðum ekki orku í meira,“ bætti
Þorbergur við, en telur að liðið
muni ná sér á strik. „Við komumst
eiginlega aldrei almennilega í gang
en ég hef engar áhyggjur af því að
við náum okkur ekki á strik. Þessi
leikur var ágætis lexía útaf fyrir sig
en þurfti samt ekki að fara svona.“
Magnús markvörður var bestur
Hafnfirðinga. Nokkur deyfð var yf-
ir liðinu og leikmönnum tókst ekki
að komast í gang. Að vísu fengu
þeir margar brottvísanir, sumar
hverjar tæplega réttlætanlegar en
áttu að taka sér tak. Hjörtur Hin-
riksson og Guðmundur Pedersen
gerðu stundum góða hluti úr horn-
unum.
Morgunblaðið/Kristinn
Logi Geirsson, leikmaður FH, í klóm Fannars Þorbjörnssonar, í viðureign ÍR og FH í Austurbergi.
ÍR hristi FH af sér
og tók efsta sætið
ENGINN má við margnum og það fengu FH-ingar að sannreyna í
heimsókn sinni til ÍR í Breiðholtið í gærkvöldi. Þeim var vísað af velli
við minnstu yfirsjón og oft einum eða tveimur færri en hvort það
felldi þá eða einbeitingarleysi í sóknarleiknum er erfitt að segja.
Það verður samt ekki tekið af ÍR-ingum að þeir lögðu sitt af mörk-
um, náðu að einbeita sér meira að leiknum og unnu 31:23 með góð-
um endaspretti. Fyrir vikið tylltu Breiðhyltingar sér ósigraðir á topp
suður-riðils Íslandsmótsins eftir fjórar umferðir en Hafnfirðingar
eru í öðru sæti.
Stefán
Stefánsson
skrifar
■ Úrslit/B10
■ Staðan/B10
GYLFI Gylfason skoraði fjögur
mörk þegar lið hans, Wilhelmshav-
ener HV, tapaði fyrir Eisenach á úti-
velli, 28:26, í þýsku 1. deildinni í hand-
knattleik á laugardaginn. Þetta var
fyrsti sigur Eisenach á leiktíðinni.
Wilhelmshavener HV hefur hins veg-
ar unnið tvo leiki en tapað fjórum.
GUÐMUNDUR Hrafnkelsson,
landsliðsmarkvörður í handknattleik,
og samherjar hans í þýsku 1. deild-
arliðinu Kronau/Östringen unnu
sinn fyrsta leik í deildarkeppninni
þegar þeir lögðu Pfullingen á heima-
velli, 34:25, á laugardaginn. Fram til
þessa hafði Kronau/Östringen tapað
fimm fyrstu viðureignum sínum á
leiktíðinni. Pfullingen hefur hins veg-
ar unnið tvo leiki en tapað fjórum.
Guðmundur stóð í marki Kronau/
Östringen að vanda.
HALLDÓR Sigfússon skoraði 2
mörk, þar af annað úr vítakasti, þeg-
ar lið hans Friesenheim vann
Erlangen, 26:19, í suðurhluta þýsku
2. deildarinnar í handknattleik á
laugardaginn. Friesenheim er í 9.
sæti með 3 stig.
ALEXANDERS Petersons átti
stórleik og skoraði 10 mörk þegar
Düsseldorf lék við Bayer Dormagen
í suðurhluta þýsku 2. deildarinnar á
sunnudaginn. Stórleikur Petersons
dugði þó ekki til því Düsseldorf tap-
aði í fyrsta sinn á leiktíðinni, 26:23, og
það á heimavelli. Leikmenn Dorm-
agen skoruðu fjögur síðustu mörkin í
leiknum. Düsseldorf er í öðru til
þriðja sæti í deildinni með 6 stig eftir
fjóra leiki.
RAGNAR Óskarsson og samherjar
hans í Dunkerque gerði jafntefli,
19:19, við Créteil í frönsku 1. deild-
inni í handknattleik í gær. Ragnar
var markahæstur hjá Dunkerque,
skoraði 8 mörk. Dunkerque er í 8.
sæti af 14 liðum en Créteil er í öðru
sæti.
DAGUR Sigurðsson, þjálfari og
leikmaður Bregenz, skoraði tvö mörk
þegar lið hans vann UHK Krems,
29:24, á útivelli í austurrísku 1. deild-
inni í handknattleik. Bregenz hefur
unnið alla fjóra leiki sína til þessa á
leiktíðinni.
ÁSDÍS Sigurðardóttir, fyrrver-
andi leikmaður KA/Þórs, var í liði
TuS Weibern sem gerði jafntefli við
HC Leipzig, 20:20, í þýsku 1.deildinni
í handknattleik. Ásdísi tókst ekki að
skora. TuS Weibern hefur fengið
þrjú stig úr fyrstu fjórum leikjum
sínum í deildinni en það er nýliðinn í
henni.
DAGNÝ Skúladóttir skoraði fjög-
ur mörk fyrir Lützellinden í þýsku 1.
deildinni í handknattleik þegar liðið
lagði Buntekuh Lübeck, 27:21 á
heimavelli. Þetta var fyrsti sigur
Lützellinden á leiktíðinni en það hef-
ur tapað þremur leikjum.
FÓLK