Morgunblaðið - 29.09.2003, Blaðsíða 8

ÍÞRÓTTIR
8 B MÁNUDAGUR 29. SEPTEMBER 2003 MORGUNBLAÐIÐ
ERLINGUR Richardsson, þjálfari karlaliðs ÍBV í
handknattleik, heldur því fram að það vanti eft-
irfylgni hjá dómurum landsins. „Það þarf að
þjálfa þá eins og við erum að þjálfa leikmenn.
Eins og þessir dómarar hérna í dag, [í gær gegn
HK] þá eru þetta ungir og efnilegir strákar en
hver er að þjálfa þá? Við eigum eitt besta dóm-
arapar í heiminum en hvar eru þeir, eru þeir að
miðla til yngri dómara? Eftirlitsdómararnir,
hvað gera þeir? Við erum að horfa upp á sömu
dómarapörin að dæma hérna í þrjú ár en hjá
þeim eru engarframfarir. Ég veit að menn eru
að reyna og gera sitt besta en það er bara lé-
legt,“ sagði Erlingur og var ómyrkur í máli í
samtali við Morgunblaðið síðdegis í gær að lokn-
um leik ÍBV og HK.
Erlingur sagði ennfremur að til þess að hjálpa
þessum strákum sem vilja dæma þurfi einhver
að vera þeim innan handar til að segja þeim til
og skamma þá ef það þarf. „Öðruvísi taka þeir
engum framförum. Strax og við förum að sjá ein-
hver markviss vinnubrögð þá förum við að bera
meiri virðingu fyrir þeim,“ sagði Erlingur enn-
fremur.
Erlingur sagði að handboltinn á Íslandi væri í
háum gæðaflokki og liðin væru að skila af sér
mjög góðum leikmönnum. „Við sjáum það á ár-
angri Gróttu/KR og Hauka í Evrópukeppninni,
landsliðinu okkar og nýkrýndum Evrópumeist-
urum undir 18 ára. Við erum að skila flottum
leikmönnum en þurfum að skila betri dómurum
svo það sé einhver mælikvarði á það hver er
bestur og hver er lélegastur.“
Erlingur spyr sig líka að því hvort sömu dóm-
ararnir séu alltaf að dæma hjá sömu liðunum.
„Ég hef svo sem ekkert fyrir mér í því en maður
hefur það á tilfinningunni, við sjáum sum dóm-
ararapörin aldrei. Ég held að menn þurfi að taka
til þarna eins og við erum að reyna að gera með
leikmenn.“
Það þarf að taka til í dómara-
málum í handboltanum
SUÐUR-Kórea tryggði sér um helgina farseð-
ilinn í handknattleikskeppni Ólympíuleikanna í
Aþenu í karlaflokki og verður þar með fulltrúi
Asíu í keppninni. Suður-Kóreumenn háðu
harða keppni við Japani um sætið og tryggðu
sér keppnisréttinn með því að hafa betri
markatölu en Japanir þegar upp var staðið, en
þjóðirnar gerðu jafntefli í innbyrðisleik, 22:22.
Þar með hafa ellefu þjóðir tryggt sér sæti á í
handknattleikskeppni Ólympíuleikanna, aðeins
eitt sæti Evrópu er óráðstafað og það skýrist
ekki fyrr en á Evrópumótinu í Slóveníu í byrj-
un næsta árs hvaða þjóð það verður. Þjóðirnar
ellefu eru; Króatía, Þýskaland, Frakkland,
Spánn, Rússland, Ungverjaland, Ísland,
Egyptaland, Brasilía, Suður-Kórea og gestgjaf-
arnir Grikkir.
Suður-Kórea
tryggði sér
ÓL-farseðil
CIUDAD Real, lið Ólafs Stefáns-
sonar, heldur sínu striki í spænsku
1. deildinni í handknattleik. Um
helgina vann það sinn fjórða leik er
það mætti Cantabria á heimavelli,
lokatölur, 28:18. Ciudad er þar með
eitt í efsta sæti deildarinnar með
fullt hús stiga, átta. Barcelona fylgir
fast á eftir með sjö stig. Ólafur skor-
aði 4 mörk, þar af tvö úr vítakasti
auk þess sem hann var rekinn einu
sinni af velli.
Bidasoa, lið þeirra Heiðmars Fel-
ixsonar og Patreks Jóhannessonar á
hinsvegar á brattan að sækja. Það
tapaði á heimavelli fyrir Teucro,
31:24, eftir að hafa verið 16:13 undir
í hálfleik. Bidasoa var undir allan
leikinn og tókst aðeins að minnka
muninn einu sinni í eitt mark, 19:18.
Fyrst og fremst var slakur varnar-
leikur Bidasoa að falli.
Patrekur Jóhannesson er meidd-
ur á hné og kom hann ekki við sögu í
leiknum fyrr en á 24. mínútu af
þeim sökum. Eftir því sem vefútgáfa
spænska dagblaðsins Marca greinir
frá þá breytti innkoma Patreks öllu
til hins betra í sóknarleik Bidasoa
þrátt fyrir að hann væri meiddur.
Hann var hinsvegar tekinn af velli
snemma í síðari hálfleik sökum
meiðslanna og þá hrundi leikur
Bidasoa algjörlega. Patrekur skor-
aði fjögur mörk í leiknum og sömu
sögu er að segja af Heiðmari, hann
gerði einnig fjögur mörk. Bidasoa
er í þriðja neðsta sæti með eitt stig.
Gestirnir úr Kópavoginum vorumeð forystuna mest allan fyrri
hálfleik en Eyjamenn gerðu hvað
þeir gátu til að ná
þeim og kannski
heldur til of ákafir á
köflum, alltént var
Davíð Óskarssyni
sýnt rauða spjaldið undir lok fyrri
hálfleiks fyrir ljótt brot á Samúel
Árnasyni. Reyndar vísaði annar
dómari leiksins Davíð út af í tvær
mínútur en eftir stutta rekistefnu
um gang mála sýndi hinn dómarinn
Davíð rauða spjaldið. Haukur Sigur-
vinsson fór mikinn í liði HK í fyrri
hálfleik og skoraði helming marka
HK-liðsins í fyrri hálfleik. Eyjamenn
mættu mjög ákveðnir til síðari hálf-
leiks og söxuðu hægt og rólega á for-
skot gestanna. Sigurður Bragason,
fyrirliði ÍBV, skoraði mikið á þessum
kafla og áður en Árni Stefánsson tók
leikhlé voru Eyjamenn komnir
tveimur mörkum yfir. „Þá fór um
mig, enda þeir komnir yfir og með
stemninguna með sér en okkur tókst
að komast aftur yfir með góðri mark-
vörslu Björgvins og skynsemi í sókn-
arleiknum. Við höfðum verið heldur
stressaðir í sóknarleiknum en svo
fórum við aðeins að hugsa og róa
þetta niður og klára sóknirnar af
skynsemi,“ sagði Árni og gerði mikið
úr hlut Björgvins Gústavssonar
markvarðar á lokakaflanum. „Hörð-
ur Flóki fór í sprautu eftir síðasta
leik og var ekki tilbúinn en þá koma
þessir strákar bara inn í staðinn, við
höfum þrjá frábæra markverði úr að
velja og það er góð staða fyrir þjálf-
ara.“ Eyjamenn voru yfir 27:26 og
rétt rúmar tíu mínútur eftir, gest-
irnir skoruðu næstu fjögur mörk og
eftir það létu þeir forystuna ekki af
hendi og sigruðu 34:32.
Erlingur Richardsson, þjálfari
Eyjamanna, var ekki sáttur eftir
leikinn. „Ég er ekki sáttur við stiga-
leysið hjá okkur en það var ákveðin
stígandi í þessu, seinni hálfleikurinn
var miklu betri. Það var jákvætt að
ná að jafna svona snemma í seinni
hálfleik en það vantaði svolítið upp á
þetta í dag. Markvarslan var til að
mynda ekki nógu góð.“ Spurður
hvort það séu ekki vonbrigði að vera
aðeins með eitt stig eftir þrjá heima-
leiki segir hann það vissulega vera
„Ég tel að við séum aðeins búnir
spila einn leik sem er einhver mæli-
kvarði á getu okkar, fyrsti leikurinn
var algjör skandall hjá dómurunum,
fyrri hálfleikur í dag segi ég var al-
veg það sama. Það hallar virkilega á
okkur í dómgæslunni og sérstaklega
hérna á heimavelli og það er spurn-
ing hvort sumir dómarar þoli ekki
pressuna að vera hérna fyrir framan
200 manns. En þeir dæmdu vel
seinni hálfleikinn núna, það var eins
og svart og hvítt.“ Hann sagði einnig
að leikmenn ÍBV séu að láta þetta
fara of mikið í skapið á sér. „Við
verðum bara að fara að átta okkur á
því að annar hver leikur verður
svona,“ sagði Erlingur.
Eins og létt æfing hjá Haukum
Íslandsmeistarar Hauka töpuðu ádögunum fyrir HK en í gærkvöldi
tóku þeir hitt Kópavogsliðið í netta
kennslustund á Ás-
völlum þar sem þeir
gjörsigruðu slakt lið
Breiðabliks, 39:24.
Eins og úrslitin gefa
til kynna voru yfirburðir Hauka al-
gjörir og þeir gátu leyft sér að hvíla
lykilmenn og til að mynda sat fyr-
irliðinn Halldór Ingólfsson á vara-
mannabekknum allan leikinn.
„Það er lítið um leikinn að segja.
Við gerðum það sem við þurftum að
gera og þetta var bara spurning um
þolinmæði. Við fengum kannski full
mikið af mörkum á okkur en strák-
arnir gerðu margt gott í leiknum.
Við lékum illa á móti HK en í kvöld
spiluðu menn á fullu og lögðu sig í
verkefnið,“ sagði Viggó Sigurðsson,
þjálfari Hauka, við Morgunblaðið
eftir leikinn.
Haukarnir verða ekki dæmdir af
þessum leik. Til þess var mótspyrn-
an allt of lítil frá afar slöku Breiða-
bliksliði. Blikarnir héngu í Haukun-
um fyrstu 10–12 mínúturnar en um
leið og Haukarnir keyrðu upp hrað-
ann kom styrkleikamunurinn glögg-
lega í ljós. Haukar stungu gesti sína
af undir lok fyrri hálfleiks og byrjun
þess síðari. Á meðan Birkir Ívar
Guðmundsson varði hvert skotið á
fætur öðru í marki Hauka skoruðu
Haukarnir grimmt úr hraðaupp-
hlaupum og ná 15 marka forskoti.
Þessi munur hélst allt til leiksloka en
Viggó var duglegur að gefa yngri og
óreyndari mönnum tækifæri í síðari
hálfleik sem varð til þess að Blikar
náðu að halda í horfinu.
Birkir Ívar var bestur í jöfnu liði
Hauka. Þó svo að sum skot leik-
manna Breiðabliks hafi ekki verið
merkileg þá hélt Birkir einbeitingu
allan leikinn og áður en yfir lauk
hafði hann varið 30 skot, þar af fjög-
ur vítaköst og mörg skot úr dauða-
færum. Af útileikmönnum Hauka
voru Dalius Rasikevicius, Ásgeir
Örn Hallgrímsson og Andri Stefan
fremstir á meðal jafningja.
Ekki var mikið spunnið í leik
Breiðabliksmanna og með álíka
spilamennsku fá þeir varla mikið
fleiri stig í deildinni. Sóknarleikur-
inn var afar tilviljunarkenndur og
ómarkviss, vörnin götótt og mark-
varslan döpur.
„Kunnum að spila
handknattleik“
Við spiluðum illa síðustu tíu mín-úturnar í fyrri hálfleik – gerðum
ódýr sóknarmistök – og töpuðum
leiknum á því,“ sagði
Haraldur Þorvarð-
arson, leikmaður
Selfoss, en hann
skoraði ellefu mörk
fyrir lið sitt þegar það sótti Stjörn-
una heim í Ásgarð. Lokastaðan varð
27:25, og var sigurinn sá fyrsti hjá
Stjörnunni á Íslandsmótinu. Selfyss-
ingar eru hins vegar enn án stiga.
Stjarnan fór með sex marka forskot
inn í búningsklefann í hálfleik, 16:10,
eftir góðan tíu mínútna leikkafla þar
sem liðið skoraði níu mörk en fékk
aðeins eitt á sig. Bjuggust þá flestir
við auðveldum síðari hálfleik fyrir
Stjörnuna en annað kom á daginn.
Selfyssingar sóttu í sig veðrið og
höfðu jafnað leikinn, 19:19, þegar 12
mínútur voru liðnar af hálfleiknum.
Við tók spennandi leikur. „Það mun-
aði litlu í kvöld og ég er ánægður
með hversu vel við komum til baka,“
sagði Haraldur og bætti svo við; „Við
ætluðum að sýna fram á það að við
kunnum að spila handbolta og ég tel
okkur hafa verið betri aðilann í leikn-
um.“
Stjörnumenn mega þakka mark-
manni sínum, Jacek Kowal, fyrir sig-
urinn því hann varði nítján skot í
leiknum, þar af tvö vítaskot. Ásamt
Jacek spiluðu Arnar Jón Agnarsson
og Gústaf Bjarnarson vel.
„Við vorum með góða stöðu í hálf-
leik og það kom mér á óvart hversu
værukærir við komum í seinni hálf-
leikinn. Við gerðum okkur þetta
mjög erfitt fyrir. Það er búið að vera
mikið mótlæti hjá Selfyssingum
þannig að ég bjóst við þeim brjál-
uðum í þennan leik og þeir voru ekki
á því að gefast upp. Ég er ánægður
með að við héldum haus í lokin, það
er gott að hafa unnið fyrsta leikinn,“
sagði Gústaf.
HK sterkari á
lokakaflanum
„ÉG er mjög ánægður og er hreinlega feginn að sleppa héðan með
tvö stig. Þeir sýndu það hérna í dag að þeir eiga eftir að stríða öllum
liðunum í riðlinum,“ sagði Árni Stefánsson, þjálfari HK, eftir að hafa
hrósað sigri í Eyjum í gær, 34:32. Það var boðið upp á ágætis hand-
knattleik í leiknum.
Sigursveinn
Þórðarson
skrifar
Guðmundur
Hilmarsson
skrifar
Andri
Karl
skrifar
Ciudad
heldur
sínu striki

RÓBERT Gunnarsson þótti leika
afar vel þegar lið hans, Århus GF,
tapaði naumlega, 37:36, fyrir dönsku
meisturunum Kolding á þeirra
heimavelli. Það var Claus Flensburg
sem tryggði Kolding sigur þegar
tvær sekúndur voru til leiksloka. Ró-
bert skoraði 7 mörk og var marka-
hæstur liðsmanna Århus GF. Tjörvi
Ólafsson var með þrjú mörk, þótti
leika vel og vera traustur í vinstra
horninu. Þetta var fyrsta tap Århus
GF á leiktíðinni.

PETER Gentzel, landsliðsmark-
vörður Svía, segist alvarlega vera að
íhuga að hætta að leika með landslið-
inu strax og vera ekki með á EM í
Slóveníu. Landsliðið taki orðið of
mikið af frítíma hans.

HELGA Rut Svanbergsdóttir
varð í áttunda sæti á Norðurlanda-
móti áhugamanna í golfi í Noregi um
helgina. Helga lék á 237 höggum og
var 22 höggum á eftir Mineu Blom-
qvist, Finnlandi, sem varð Norður-
landameistari. Blomqvist hafði
mikla yfirburði og var t.d. þrettán
höggum á undan löndu sinni sem
hafnaði í öðru sæti.

HELENA Árnadóttir varð í 14.
sæti á 245 höggum, Nína Björk
Geirsdóttir varð í átjánda sæti á 252
höggum og Kristín Rós Kristjáns-
dóttir rak lestina af nítján keppend-
um á 271 höggi.

TINNA Jóhannsdóttir hreppti
sjötta sætið í stúlknaflokki á Norð-
urlandamótinu, lék á 238 höggum,
var 13 höggum á eftir Christine
Frick frá Svíþjóð sem varð Norður-
landameistari í þessum flokki.

MARÍA Ósk Jónsdóttir hlaut 9.
sætið á 241 höggi og Arna Rún
Oddsdóttir varð í 14. sæti á 255
höggum. Súsanna Sævarsdóttir
varð í 19. sæti á 281 höggi.

EFTIR góða byrjun á mótinu náði
Magnús Lárusson sér ekki á strik
tvo síðari keppnisdaga á Norður-
landamóti pilta og varð í 15. sæti sem
var besti árangur íslensku piltanna.
Magnús lék á 235 höggum. Rikard
Karlberg, frá Svíþjóð, varð Norður-
landameistari á 210 höggum.

HJÖRTUR Brynjarsson hafnaði í
átjánda sæti á 245 höggum. Næstur
á eftir honum kom Kristján Þór Ein-
arsson sem einnig lék á 245 höggum.
Sigurður Pétur Oddsson varð síð-
astur 20 keppenda á 246 höggum.

ÖRN Ævar Hjartarson var með
forystu eftir tvo hringi í karlaflokki á
Norðurlandamóti áhugamanna.
Hann lék á 78 höggum á föstudag, en
var á 69 höggum á laugardag og var
samtals á 147 höggum. Örn hafnaði í
öðru sæti þegar upp var staðið að
keppni lokinni í gær en því miður var
ekki hægt að nálgast nánari upplýs-
ingar um árangur hans né annarra
íslenskra kylfinga í þessum flokki.
FÓLK