Morgunblaðið - 29.09.2003, Blaðsíða 12

Sif skoraði
í lokin og
Ísland
í milliriðil
ÍSLAND er komið áfram í
milliriðil í Evrópukeppni
unglingalandsliða kvenna,
undir 19 ára, eftir sigur á
Tékklandi, 1:0, í Slóvakíu á
laugardaginn. Það var
þriðji og síðasti leikur ís-
lenska liðsins, sem þar með
vann alla þrjá leiki sína í
riðlinum. Áður höfðu stúlk-
urnar borið sigurorð af
Lettum, 4:0, og Slóvökum,
5:3.
Það var Sif Atladóttir sem
skoraði sigurmarkið gegn
Tékkum, einni mínútu fyrir
leikslok.
Milliriðillinn verður leik-
inn dagana 19.–25. apríl
næsta vor og þar verður Ís-
land í riðli með Þjóðverjum,
Pólverjum og Ungverjum.
Pólverjar urðu í öðru sæti í
sínum riðli um helgina, á
eftir Svíum en á undan
Tyrkjum og Slóvenum. Ung-
verjar urðu í öðru sæti í sín-
um riðli, á eftir Sviss en á
undan Ísrael og Búlgaríu.
Þjóðverjar fara hins vegar
beint í milliriðilinn.
Íslandsmeistarar ÍBV áttu ekki íteljandi vandræðum með FH á
laugardaginn í 1. deild kvenna í
handknattleik, 24:15.
Gestirnir mættu þó
ákveðnar til leiks og
héldu forystu fyrstu
fimm mínúturnar í
leiknum. Eyjastúlkur skelltu svo
vörninni hjá sér í lás og skoruðu sjö
mörk í röð og breyttu stöðunni úr 3:4
í 10:4. Sá munur hélst svo út hálfleik-
inn og staðan 14:7 í leikhlé. Íslands-
meistararnir héldu svo áfram að
auka við forskot sitt hægt og rólega
út leikinn og þegar flautað var til
leiksloka var munurinn níu mörk,
24:15.
Guðbjörg Guðmannsdóttir fann
sig vel í leiknum, þó sérstaklega í síð-
ari hálfleik þar sem hún skoraði
fimm af sínum sex mörkum í leikn-
um. Yfirburðamanneskja í liði gest-
anna var fyrirliði þeirra, Kristín
Guðjónsdóttir markvörður, sem
varði oft á tíðum glæsilega og til að
mynda sex sinnum í leiknum varði
hún í stöðunni einn á einn. „Þetta var
frábært og gekk loksins upp það sem
við ætluðum okkur. Við vorum að
spila kerfin rétt og vörnin gekk upp í
dag,“ sagði Guðbjörg Guðmanns-
dóttir kampakát eftir leikinn. Eftir
frekar rólegan fyrri hálfleik var hún
öflug í þeim síðari og raðaði inn
mörkum eftir hraðaupphlaup. „Þetta
var ágætt hjá mér, við erum með
sterkan og góðan bekk þannig að
maður verður bara að standa sig.“
Átakalítill
Eyjasigur
Sigursveinn
Þórðarson
skrifar

KR-INGAR sigruðu bandarískt
úrvalslið, 90:73, á alþjóðlega körfu-
knattleiksmótinu í Kaupmanna-
höfn á laugardaginn. Reyndar eru
KR-ingar sagðir vera aukalið á
heimasíðu mótsins, níunda liðið í
átta liða móti, og þeir léku ekki um
sæti á mótinu í gær þegar spilað
var um sæti eitt til átta. Chris
Woods var stigahæstur gegn
bandaríska liðinu, skoraði 29 stig,
og Baldur Ólafsson gerði 25.

WOODS var líka atkvæðamestur
á föstudagskvöldið þegar KR vann
danska úrvalsdeildarliðið Glostrup,
107:78, á föstudagskvöldið. Hann
gerði 16 stig og Steinar Kaldal 13.

PAUL Tergat, frá Kenýa, náði
besta tíma sögunnar í maraþon-
hlaupi karla í gær þegar hann rann
skeiðið um götur Berlínar á 2
klukkustundum, 4 mínútum og 55
sekúndum. Með því bætti hann
tíma Bandaríkjamannsins Khalids
Khannouchi, sem sett var í Lund-
únum á síðasta ári, um 43 sekúnd-
ur.

TERGAT var aðeins einni sek-
úndu á undan landa sínum Sammy
Korir en þeir hlupu nánast samsíða
allt hlaupið. Tergat, sem oft hefur
endað í öðru sæti í helstu maraþon-
hlaupunum, tókst að halda Korir
fyrir aftan sig þegar hann kom í
mark við Brandenborgarhliðið.
Yasuko Hashimoto frá Japan vann
í kvennaflokki á tímanum 2:26.32 og
er þetta fjórða árið í röð sem jap-
önsk kona vinnur þetta hlaup.

ENSKI kylfingurinn Lee
Westwood sigraði á stórmótinu í
golfi sem lauk á St. Andrews í
Skotlandi í gær. Hann lék loka-
hringinn á 67 höggum og lék á sam-
tals 21 höggi undir pari keppnis-
dagana fjóra og var einu höggi á
undan Ernie Els, sem varð annar.
Þetta var í annað sinn í þessum
mánuði sem Westwood fagnar
sigri, en hann vann óvænt á Opna
þýska mótinu í byrjun mánaðarins.
FÓLK
Jafnræði var með liðunum í fyrrihálfleik en Haukar voru þó
lengst af með yfirhöndina. Valsliðinu
gekk illa að eiga vð
Ramune Pekar-
akyté, hægrihandar
stórskyttu í liði
Hauka. Guðríður
Guðjónsdóttir, þjáfari Vals, brá á
það ráð að láta taka Ramune úr um-
ferð og lét Brynju Steinsen um það.
En það breytti litlu því Pekarakyté
fann ætíð leið til að koma boltanum í
markið. Undir lok fyrri hálfleiks
komust Valsstúlkur yfir og í hálfleik
höfðu þær naumt forskot, 14:13.
Valur hóf síðari hálfleik með látum
og náði fljótlega fjögurra marka for-
ystu sem liðið lét aldrei af hendi.
Haukar voru þó aldrei langt undan
og fengu Valsstúlkur að hafa fyrir
sigrinum allt til loka.
Í liði Hauka sáu Ramune Pekar-
akyté og Harpa Melsteð um marka-
skorun. Ramune gerði 13 mörk og
Harpa 8. Ramune, sem kemur frá
Litháen, er einhver öflugasti leik-
maður sem komið hefur hingað á
land. Hún er mjög hávaxin og hefur
yfir góðum skotum að ráða. Harpa
átti einnig mjög góðan leik og var sú
eina sem lét til sín taka þegar Ram-
une var tekin úr umferð. Það hlýtur
að vera Ragnari Hermannssyni,
þjálfara Hauka, áhyggjuefni hversu
mikla ábyrgð þessir tveir leikmenn
bera í liðinu og ljóst að aðrir leik-
menn verða að taka meira af skarið í
leikjum liðsins.
Sigur Vals var sigur öflugrar liðs-
heildar eins og áður hefur verið vikið
að. Valur hefur breiðan leikmanna-
hóp fram yfir mörg önnur lið í deild-
inni, ef leikmaður stendur sig ekki er
ætíð einhver á bekknum sem getur
fyllt skarðið. Það væri ósanngjarnt
að taka einhverja leikmenn fyrir í
Valsliðinu og hrósa sérstaklega því
allar stóðu þær sig vel. Í fljótu bragði
virðist Valur vera með það lið sem
geti veitt ÍBV hvað mesta keppni í
ár.
Guðríði Guðjónsdóttur þjálfara
Vals var létt í lund í leikslok. „Þetta
var góður sigur. Markmið okkar í
Val er að fara í alla leiki til að vinna
þá og það tókst hér á Ásvöllum. Við
áttum í miklum erfiðleikum með
Ramune í liði Haukanna. Satt best
að segja veit ég ekkert hvað hún er
að gera hér á landi. Hún er líklega
besti leikmaður sem ég hef séð leika
hér á landi og með ólíkindum að hún
sé ekki að leika í Danmörku eða Nor-
egi þar sem deildarkeppnin er sterk-
ari en hjá okkur,“ sagði Guðríður
Guðjónsdóttir, þjálfari Vals.
Morgunblaðið/Kristinn
Hafrún Kristjánsdóttir, línumaður Vals, komin í upplagt marktækifæri og skorar eitt fjögurra
marka sinna án þess að Ramone Pekarekyté og Harpa Melsted komi vörnum við.
Sigur sterkrar
liðsheildar Vals
á Ásvöllum
VALSSTÚLKUR fylgdu eftir góðum sigri á Íslandsmeisturum ÍBV,
með því að leggja bikarmeistara Hauka að velli, 29:27, á Ásvöllum í
gær í RE/MAX-deild kvenna í handknattleik. Valur er þar með komið
í efsta sæti deildarinnar, eina liðið sem unnið hefur alla sína leiki.
Óhætt er að segja að sigurinn hafi verið sigur sterkrar liðsheildar
Vals því alls komust níu leikmenn liðsins á blað í markaskorun.
Hjörvar
Hafliðason
skrifar