Morgunblaðið - 13.10.2003, Blaðsíða 8
ÍÞRÓTTIR
8 B MÁNUDAGUR 13. OKTÓBER 2003 MORGUNBLAÐIÐ
DARREN Fletcher, leikmaðurinn
ungi frá Manchester United, er
þjóðhetja í Skotlandi þessa dagana.
Hann tryggði Skotum sigur á
Litháen, 1:0, á Hampden Park á
laugardaginn, kom með því skoska
landsliðinu í umspilið um sæti í
lokakeppni EM og gerði um leið
vonir Íslendinga um að ná þangað
að engu. Fletcher kom inn á sem
varamaður hjá Skotum um miðjan
síðari hálfleik og aðeins fjórum
mínútum síðar var hann réttur
maður á réttum stað – fékk bolt-
ann á miðri vítateigslínunni og
þrumaði honum með jörðunni í
markhornið vinstra megin.
Markið bætti upp köflótta
frammistöðu skoska liðsins en
Litháar sóttu meira á köflum og
virtust líklegri til að skora lengi
vel. Jafntefli hefði nægt Íslandi til
að hreppa annað sætið í riðlinum
og komast í umspilið. Skotar virt-
ust ekki líklegir til að skora mark
fyrr en Fletcher tók til sinna ráða.
Draumur allra að skora
sigurmark á Hampden
„Það er draumur allra skoskra
knattspyrnumanna að skora sig-
urmark á Hampden. Þetta var
fyrsti leikur minn á vellinum og
þar með verður þetta enn eftir-
minnilegra. Ég held að markið hafi
róað taugar áhorfenda og þeir
voru svo sannarlega í góðu skapi
eftir það. En það var talsvert eftir
af leiknum og taugarnar voru
þandar á lokakaflanum en okkur
tókst að halda þetta út,“ sagði
Fletcher.
Berti Vogts, þjálfari Skota, sagði
fyrir leik að hann vildi ekki vita
stöðuna í leik Þýskalands og Ís-
lands fyrr en í leikslok. Þegar á
hólminn var komið vissi hann vel
hvað á gekk í Hamborg. „Ég sagði
við strákana í hálfleik að Þýska-
land væri að vinna 1:0 í Hamborg
og það blés þeim baráttuanda í
brjóst,“ sagði þýski þjálfarinn. „Ég
er sérstaklega ánægður fyrir hönd
leikmannanna. Þetta var ekki auð-
velt, það var mikið álag á þeim en
þeir stóðust það. Nú er annað sætið
okkar og við bíðum spenntir eftir
drættinum á mánudag,“ sagði
Vogts en í dag verður dregið um
hvaða lið mætast í um spilinu.
Varamaðurinn Fletcher
gerði vonir Íslands að engu
SVEN-GÖRAN Eriksson, hinn
sænski landsliðsþjálfari Eng-
lands í knattspyrnu, staðfesti í
gær að hann myndi halda
áfram störfum og stýra enska
liðinu í lokakeppni Evrópu-
mótsins í Portúgal næsta sum-
ar. Að undanförnu hefur verið
sterklega látið að því liggja að
hann hætti innan skamms og
taka við stöðu knattspyrnu-
stjóra Chelsea.
„Það hefur ekkert breyst,
þið verðið að trúa mér,“ sagði
Eriksson við enska frétta-
menn þegar þeir höfðu þrá-
spurt hann um málið eftir
jafnteflisleikinn í Tyrklandi á
laugardaginn sem tryggði
enska liðinu sætið í loka-
keppni EM.
Eriksson var mjög ánægður
með frammistöðu enska liðs-
ins í Tyrklandi en það þurfti á
stiginu að halda til að vinna
sigur í 7. riðli.
„Við höfum sýnt hvað eftir
annað undanfarin tvö ár að
við þurfum ekki að óttast
neina mótherja. Ég ætla ekki
að lýsa því yfir að við verðum
Evrópumeistarar, en ég tel að
við séum nógu góðir til þess.
Við erum eitt af nokkrum lið-
um sem eiga möguleika á að
vinna keppnina í Portúgal,“
sagði Sven-Göran Eriksson
um stöðuna hjá enska lands-
liðinu.
Eriksson
heldur
áfram
ATLI Eðvaldsson, fyrrverandi
landsliðsþjálfari í knattspyrnu, var á
meðal áhorfenda á landsleiknum í
Hamborg á laugardaginn þegar Ís-
lendingar öttu kappi við Þjóðverja
en Atli er öllum hnútum kunnugur í
Þýskalandi enda lék hann þar árum
saman á sínum ferli sem knatt-
spyrnumaður.
BRÓÐIR Atla og fyrrverandi
fyrirliði landsliðsins, Jóhannes,
fylgdist hins vegar grannt með leik
Skota og Litháa í Glasgow þar sem
hann býr.
ATLI var reglulega í sambandi við
bróður sinn til að fá fréttir frá Glas-
gow. „Ég var í stöðugu sambandi við
Búbba bróður á meðan leikurinn hér
í Hamborg fór fram. Ég var á vell-
inum, en hann horfði á leik Skota og
Litháa í sjónvarpi. Lengi vel vorum
við inni en Skotar úti. Það var þá
sem ungur strákur frá Manchester
United, Darren Fletcher, var settur
inn á og hann skoraði sigurmarkið
með sinni fyrstu snertingu við knött-
inn. Það var áfall fyrir mig og aðra
Íslendinga,“ sagði Atli Eðvaldsson,
fyrrverandi landsliðsþjálfari Ís-
lands.
HANS Krankl, landsliðsþjálfari
Austurríkis í knattspyrnu, ætlar að
halda áfram starfi sínu fram yfir
undankeppni HM eftir tvö ár, en
Krankl þótti valtur í sessi eftir að
honum tókst ekki að stýra Austur-
ríkismönnum inn í úrslitakeppni EM
í knattspyrnu. Krankl tók við starf-
inu í mars.
NILS Johan Semb, landsliðsþjálf-
ari Norðmanna, hefur sent löndum
sínum þau skilaboð að þeir þurfi
ekki að vænta þess að landslið þeirra
leiki „samba“-knattspyrnu í leikjun-
um tveimur í umspilinu fyrir und-
ankeppni EM. Semb segist ætla að
tryggja sér farseðilinn til Portúgals
og til þess að það megi takast verði
landsliðið að leika varnarsinnaða
knattspyrnu, af því verði væntan-
lega lítil skemmtun en Semb væntir
þess að árangurinn verði þeim mun
ánægjulegri.
BÆÐI karla- og kvennalandsliðið í
skylmingum er úr leik í liðakeppni á
heimsmeistaramótinu í skylmingum
með höggsverði sem stendur nú yfir
á Kúbu. Karlasveitin tapaði fyrir
Grikkjum 41:25 í fyrstu umferð og
kvennasveitin beið lægri hlut fyrir
Rúmenum, 45:31, einnig í fyrstu um-
ferð.
RAGNA Ingólfsdóttir og Sara
Jónsdóttir komust í undanúrslit á
Opna Slóvakíu-meistaramótinu í
badminton um helgina. Þar féllu
þær úr keppni gegn rússnesku
stúlkunum, töpuðu 3:15, og 4:15.
Áður höfðu þær unnið Olsen og
Kristensen frá Danmörku í átta
manna úrslitum, 15:10 og 17:15.
FÓLK
Englendingar náðu stiginu semþeir þurftu í úrslitaleiknum
margumtalaða gegn Tyrkjum í Ist-
anbúl. Leikurinn endaði 0:0 en var
samt nokkuð líflegur og talsvert var
um marktækifæri á báða bóga. Eng-
land fékk besta færið, vítaspyrnu
þegar Steven Gerrard var felldur á
35. mínútu. David Beckham tók
spyrnuna en brást illilega bogalistin
því hann rann til um leið og hann
spyrnti og boltinn fór himinhátt yfir
markið.
„Ég er afar stoltur af mínum
mönnum og óska þeim innilega til
hamingju. Síðasta vika var mjög sér-
stök og viðbrögð þeirra í leiknum í
dag voru nákvæmlega þau sem ég
vonaðist eftir. Þeir léku sem heil-
steypt og reynslumikið lið,“ sagði
Sven-Göran Eriksson, landsliðs-
þjálfari Englendinga.
Danir náðu stiginu og
Norðmenn skriðu í umspil
Danir gerðu jafntefli við Bosníu-
menn í Sarajevo, 1:1, en með sigri
hefðu heimamenn unnið riðilinn.
Thomas Gravesen var rekinn af velli
undir lokin en Danir héldu fengnum
hlut.
„Þetta var mjög erfiður leikur en
mínir menn léku nákvæmlega eins
og við vonuðumst eftir. Við stóðumst
líka pressuna sem þessir mögnuðu
áhorfendur settu á okkur,“ sagði
Morten Olsen, þjálfari Dana.
Norðmenn þurftu á þessum úrslit-
um að halda, og þeir náðu öðru sæt-
inu með 1:0 sigri á Lúxemborg á
heimavelli þar sem Tore Andre Flo
skoraði sigurmarkið.
30 þúsund sungu
afmælissönginn
Sviss vann Írland, 2:0, og skákaði
þar með Rússum sem unnu Georgíu,
3:1, en fara í umspilið. Köbi Kuhn,
þjálfari Svisslendinga, varð sextugur
í gær og var afar hamingjusamur.
„Ég fékk afmælisgjöfina fyrirfram,
það fá ekki margir að upplifa það að
30 þúsund manns syngi fyrir þá af-
mælissönginn,“ sagði Kahn.
Rehhagel ætlar Grikkjum
stóra hluti
Grikkir verða í lokakeppninni í
fyrsta skipti í 24 ár. Þeir voru lengi
að brjóta Norður-Íra á bak aftur en
Vassilios Tsartas skoraði markið
sem dugði, 1:0, úr vítaspyrnu 20 mín-
útum fyrir leikslok. „Við vorum
betri, en þegar illa gengur að skora
getur margt farið úrskeiðis. Við ætl-
um ekki til Portúgals bara til að vera
með, heldur til að ná árangri,“ sagði
Otto Rehhagel, Þjóðverjinn reyndi,
sem nú stýrir liði Grikkja.
Spánverjar fara í umspilið en þeir
urðu að vonast eftir því að Grikkir
misstigju sig. Spánverjar unnu Arm-
ena auðveldlega í Yerevan, 4:0.
Auðvelt hjá Ítölum
Ítölum nægði að vinna Aserbaíd-
sjan á heimavelli og þeir gerðu það á
sannfærandi hátt, 4:0. Filippo Inz-
aghi skoraði tvö markanna. „Þetta
var góður leikur, vorum frábærir í
vörn og á miðju,“ sagði Giovanni
Trapattoni, þjálfari Ítala.
Lettar komu á óvart
Lettar komu verulega á óvart með
því að ná öðru sætinu í 4. riðli og
komast í umspilið. Þeir unnu Svía,
1:0, í Stokkhólmi og skákuðu með því
Pólverjum sem unnu í Ungverja-
landi, 2:1. Svíar höfðu þegar unnið
riðilinn og máttu þola sitt fyrsta tap í
undankeppni stórmóts frá 1997.
„Hróður lettneskrar knattspyrnu
eykst verulega með þessum sigri og
það er ég afar ánægður með,“ sagði
Aleksandr Starkov, þjálfari Letta.
Króatar náðu að vinna Búlgara,
1:0, og komust með því í umspilið á
kostnað Belga, sem unnu Eistlend-
inga, 2:0.
Frakkar og Tékkar, sem þegar
voru komnir áfram, unnu góða sigra.
Frakkar 3:0 heima gegn Ísrael og
Tékkar 3:2 í Austurríki.
Geimskot Beckhams
kom ekki að sök
DANIR, Englendingar og Svisslendingar tryggðu sér sæti í loka-
keppni Evrópumótsins í hreinum úrslitaviðureignum í síðustu um-
ferð riðlakeppninnar á laugardaginn. Grikkir og Ítalir gerðu það
sem þeir þurftu á heimavelli gegn lægra skrifuðum mótherjum til
að vinna sína riðla og verða sömuleiðis í hópi þeirra 16 þjóða sem
leika um Evrópumeistaratitilinn í Portúgal næsta sumar.
Reuters
Leikmenn enska landsliðsins fögnuðu að leikslokum í Istanbúl er ljóst var að þeir hefðu tryggt
sér farseðilinn á EM í Portúgal á kostnað heimamanna sem voru að vonum vonsviknir.
■ Úrslit / B10
ÞJÓÐIRNAR tíu sem tryggðu sér
þátttökurétt í lokakeppni Evrópu-
mótsins í Portúgal næsta sumar
með því að vinna riðlana tíu eru
eftirtaldar: Frakkland, Danmörk,
Tékkland, Svíþjóð, Þýskaland,
Grikkland, Búlgaría, Sviss, Eng-
land og Ítalía.
Portúgal öðlaðist sjálfkrafa þátt-
tökurétt sem gestgjafi.
Liðin tíu sem lentu í öðru sæti
leika um fimm síðustu EM-sætin
dagana 16.–20. nóvember, heima og
heiman. Dregið verður í dag um
hvaða lið mætast en þau eru eftir-
talin: Slóvenía, Noregur, Holland,
Lettland, Skotland, Spánn, Tyrk-
land, Króatía, Wales og Rússland.
Ellefu EM-
sæti ráðin,
fimm eftir