Morgunblaðið - 13.10.2003, Blaðsíða 9

ÍÞRÓTTIR
MORGUNBLAÐIÐ MÁNUDAGUR 13. OKTÓBER 2003 B 9
LEIKMENN Þórs Þorlákshöfn hafa
sýnt að þá ber að taka alvarlega á
sviði körfuknattleiksins. Þeir eru
komnir í hóp þeirra
bestu til að berjast
og bera enga óþarfa
virðingu fyrir and-
stæðingunum. Það
sýndu þeir gegn ÍR í fyrstu umferð
úrvalsdeildar karla á fimmtudags-
kvöldið og undirstrikuðu þá stað-
reynd með því að leggja Hauka að
velli, 85:79, í fyrstu deildabikar-
keppni KKÍ í Þorlákshöfn í gær-
kvöldi. Gestirnir úr Hafnarfirði
voru einu stigi yfir í hálfleik, 39:38.
Billy Dreher, þjálfari og leik-
maður Þórs, sagði að leik loknum
að sigur á Haukum hefði verið sæt-
ur en ekki komið sér á óvart. „Ég
var búinn að sjá þá leika og vissi að
við ættum góða möguleika gegn
þeim. Áhorfendur í Þorlákshöfn
eru frábærir og ekki hægt annað en
að vinna heimaleikina enda er það
stefnan. Síðari viðureignin við
Hauka verður baráttuleikur sem
við eigum að geta unnið en gott
hefði verið að hafa fleiri stig upp á
að hlaupa. Við töpuðum boltanum
of oft í fyrri hálfleik, vorum of
taugaspenntir en í síðari hálfleikur
var mun,“ sagði Billy Dreher. Leik-
urinn var jafn og spennandi frá
upphafi til enda. Nokkuð bar á að
leikmenn gerðu athugasemdir við
dómgæsluna. Dómarar leiksins
höfðu góð tök á leiknum.
Þórsarar halda áfram
að sýna tennurnar
FJÁRHAGUR norska liðsins
Rosenborg hefur undanfarin
ár verið með ágætum enda
hafa tekjur liðsins af Meistara-
deild Evrópu verið miklar
undanfarin sjö ár. Sömu sögu
er ekki hægt að segja af öðr-
um liðum í norsku úrvalsdeild-
inni en norska knattspyrnu-
sambandið hefur tekið saman
skuldir þeirra 14 liða sem
leika í efstu deild. Alls nema
skuldirnar um 9 milljörðum ís-
lenskra króna og er fyrirséð
að mörg þeirra liða sem
skulda hvað mest eiga í erfið-
leikum með að uppfylla kröf-
urnar sem atvinnumannalið-
um í Noregi eru settar. Ef
Rosenborg er undanskilið
skuldar hvert lið um 693 millj.
kr. að meðaltali. Rosenborg á
hins vegar sjóði upp á hundr-
uðir milljóna króna
Norsku liðin
skulda um 9
milljarða

RAGNAR Óskarsson var með
fimm mörk fyrir Dunkerque þegar
liðið vann Istres, 29:20, á heimavelli í
frönsku 1. deildinni í handknattleik
um helgina. Dunkerque er í öðru til
fjórða sæti deildarinnar.

HEIÐMAR Felixson skoraði tvö
mörk þegar Bidasoa vann sinn
fyrsta leik á keppnistíðinni í
spænsku 1. deildinni í handknattleik
í gær. Þá vann liðið Pilotes Posada,
26:21, á heimavelli. Patrekur Jó-
hannesson var fjarri góðu gamni í
liði Bidasoa vegna meiðsla í hné.

RÓBERT Gunnarsson skoraði 10
mörk þegar lið hans Århus GF beið
algjört skipbrot í heimsókn sinni til
AaB í dönsku úrvalsdeildinni í hand-
knattleik, 37:22. Þorvarður Tjörvi
Ólafsson skoraði tvö mörk fyrir Ár-
ósaliðið. Þrátt fyrir tapið er Århus
GF í sjötta sæti deildarinnar.

DAGUR Sigurðsson og lærisvein-
ar hans í austurríska liðinu Bregenz
unnu Wisla Plock, 27:22, í fyrri leik
liðanna í annarri umferð Evrópu-
keppni bikarhafa í handknattleik, en
leikurinn fór fram á heimavelli
Bregenz. Dagur skoraði þrjú mörk í
leiknum. Síðari leikur liðanna fer
fram í Póllandi um næstu helgi.

LOGI Gunnarsson skoraði 5 stig á
laugardaginn þegar lið hans, Gies-
sen 46ers, sigraði þýsku meistarana
Alba Berlín, 98:96, í fyrstu umferð
þýsku 1. deildarinnar í körfuknatt-
leik. Logi spilaði í 16 mínútur í leikn-
um.

BJÖRN Hólmþórsson, marka-
hæsti leikmaður Breiðabliks í fyrstu
leikjum liðsins í 1. deild karla í hand-
knattleik í vetur, spilar ekki meira
með á þessu tímabili. Björn mun
dvelja erlendis í vetur vegna atvinnu
sinnar.

MATTHÍAS Stephensen og Hall-
dóra Ólafs úr Víkingi sigruðu í
meistaraflokkum karla og kvenna á
fyrsta stigamóti vetrarins í borð-
tennis sem fram fór í íþróttahúsi
TBR í gær. Matthías vann Magnús
F. Magnússon, Víkingi, 3:0, í úrslita-
leik í karlaflokki og Halldóra bar
sigurorð af Jóhönnu Elíasdóttur,
Víkingi.

JÓHANNA sigraði síðan í 1. flokki
kvenna, Einar Geirsson úr KR í 1.
flokki karla og Ragnar Ragnarsson
úr Erninum sigraði í eldri flokki
karla.

HEIMIR Guðjónsson hefur skrifað
undir nýjan samning við knatt-
spyrnulið FH-inga um að leika með
því næstu tvö árin. Heimir, sem er
34 ára, var fyrirliði FH í sumar.

JÓN Arnór Stefánsson lék ekki
með Dallas á laugardagskvöldið
þegar liðið lék æfingaleik á heima-
velli við Charlotte Hornets. Dallas
vann leikinn með ellefu stiga mun,
100:89.
FÓLK
Svíar voru mun betri aðilinn í fyrrihálfleik og náðu forystunni þeg-
ar fjórar mínútur voru eftir af hon-
um. Þá slapp Hanna Ljungberg inn
fyrir þýsku vörnina eftir sendingu
frá Victoriu Svensson og skoraði af
yfirvegun. Staðan var því 1:0 í hálf-
leik.
Það voru aðeins 45 sekúndur liðn-
ar af síðari hálfleik þegar Þjóðverjar
jöfnuðu metin. Maren Meinert fékk
þá sendingu í gegnum vörn Svía frá
Birgit Prinz og skoraði með hörku-
skoti. Þýska liðið tók völdin eftir það
og sótti stíft í síðari hálfleiknum en
Caroline Jönsson lék mjög vel í
sænska markinu og varði nokkrum
sinnum glæsilega. Á lokamínútunum
í venjulegum leiktíma fékk síðan
sænska liðið nokkur góð færi en náði
ekki að knýja fram sigur.
Nia Künzer kom inn á sem vara-
maður þegar tvær mínútur voru eftir
af venjulegum leiktíma og það var
hún sem færði Þýskalandi heimsbik-
arinn, við gífurlegan fögnuð. Þó ekki
nærri því allra því Svíar nutu stuðn-
ings mikils meirihluta áhorfenda á
leiknum.
„Við erum gífurlega ánægðar og
allir leikmennirnir eiga hrós skilið
fyrir að láta mótlætið ekki buga sig.
Bæði liðin fengu góð færi í leiknum
og við höfðum heppnina með okkur,“
sagði Tina Theune-Meyer, þjálfari
þýska liðsins.
Fyrirliðinn leggur
skóna á hilluna
„Þetta var frábær leikur sem bauð
upp á allt. Fjölda marktækifæra,
hörku, jafnræði og spennu. Við lék-
um góða knattspyrnu í síðari hálfleik
og sköpuðum okkur mörg góð færi.
Ég á von á því að fjölmargar ungar
knattspyrnustúlkur hafi fylgst með
leiknum í sjónvarpi og vilji komast í
þessi spor. Þetta var minn síðasti
leikur, það er ekki hægt að velja
betri tíma til að leggja skóna á hill-
una en eftir að hafa unnið heimsbik-
arinn,“ sagði Bettina Wiegmann,
fyrirliði Þjóðverja, en hún var valin
besti leikmaður úrslitaleiksins. Auk
hennar hyggst Maren Meinert draga
sig í hlé frá knattspyrnunni að þess-
ari keppni lokinni.
Prinz best og markahæst og
fimm þýskar í liði mótsins
Birgit Prinz frá Þýskalandi varð
markadrotting keppninnar, skoraði
7 mörk, og hún var jafnframt valin
besti leikmaður keppninnar. Næstar
komu löndur hennar, Maren Meinert
og Kerstin Garefrekes ásamt Katiu
hinni brasilísku en þær gerðu 4 mörk
hver.
Þýskaland átti síðan fimm leik-
menn í úrvalsliði keppninnar sem til-
kynnt var í gær. Markvörðinn Silke
Rottenberg, varnarmanninn Sandra
Minnert, miðjumennina Bettina
Wiegmann, Maren Meinert og hina
marksæknu Birgit Prinz. Aðrar í lið-
inu eru þær Victoria Svensson og
Malin Moström frá Svíþjóð, Shan-
non Boxx og Joy Fawcett frá Banda-
ríkjunum, Charmaine Hooper frá
Kanada og Liping Wang frá Kína.
Þær sænsku óhressar
með dómarann
„Þetta eru vonbrigði, gífurleg von-
brigði. En þetta var frábært mót hjá
okkur,“ sagði hin sænska Victoria
Svensson eftir leikinn. Svíar voru
óhressir með dómarann, Christina
Ionescu frá Rúmeníu, og töldu að
hún hefði gefið Þjóðverjum auka-
spyrnuna sem leiddi af sér gullmark-
ið.
„Ég er afar stolt af okkar leik í dag
og hvernig við spiluðum í allri keppn-
inni. En ég er mjög sár yfir auka-
spyrnunni sem dæmd var á okkur og
réð úrslitum. Þýska liðið spilar mjög
skipulega og býr yfir mikilli knatt-
tækni, en mínar stúlkur börðust af
krafti allan tímann og gáfu sig
hvergi. Þetta er í annað skipti sem
við töpum úrslitaleik gegn Þýska-
landi á gullmarki en ég vona bara að
við komumst í úrslitaleikinn á
Ólympíuleikunum á næsta ári,“ sagði
Marika Domanski-Lyfors, þjálfari
sænska liðsins.
Bronsið til
Bandaríkjanna
Bandaríkin sigruðu Kanada, 3:1, í
leiknum um bronsverðlaunin á laug-
ardagskvöldið. Kristine Lilly kom
Bandaríkjunum yfir en Christine
Sinclair jafnaði fyrir hlé. Shannon
Boxx og Tiffeny Milbrett skoruðu
síðan í síðari hálfleiknum og tryggðu
bandaríska liðinu sigur og sárabót
fyrir að missa af því að komast í úr-
slitaleikinn.
AP
Bettina Wiegmann, fyrirliði Þjóðverja, lyftir heimsbikarnum í Carson í gærkvöld. Hún var kjörin
besti leikmaður úrslitaleiksins gegn Svíum en hún leggur nú skóna á hilluna.
Þýskaland er heims-
meistari í fyrsta sinn
ÞÝSKALAND varð í gær fyrsta þjóðin til að hampa heimsbikarnum í
knattspyrnu, bæði í karla- og kvennaflokki, með því að sigra Sví-
þjóð, 2:1, í úrslitaleik heimsmeistarakeppninnar sem fram fór í Car-
son í Kaliforníu-ríki í Bandaríkjunum. Áhorfendur þar voru 26 þús-
und. Það var varmaðurinn Nia Künzer sem skoraði sigurmarkið,
gullmark, þegar átta mínútur voru liðnar af framlengingu – með
hörkuskalla eftir aukaspyrnu frá Renate Lingor. Þýskaland hefur
fimm sinnum orðið Evrópumeistari en náði nú í fyrsta skipti að fara
alla leið í heimsmeistarakeppninni.
Jón
Sigurmundsson
skrifar
■ Úrslit / B10