Morgunblaðið - 16.01.2004, Qupperneq 33

UMRÆÐAN
MORGUNBLAÐIÐ FÖSTUDAGUR 16. JANÚAR 2004 33
Greiðsluáskorun
Innheimtumenn ríkissjóðs skora hér með á gjaldendur
eftirtalinna gjalda að gera skil nú þegar eða í síðasta lagi
innan 15 daga frá dagsetningu áskorunar þessarar:
Gjöldin eru: Staðgreiðsla og tryggingagjald sem fallið hafa í eindaga til og með 15. janúar 2004,
virðisaukaskattur sem fallið hefur í eindaga til og með 5. janúar 2004 og önnur gjaldfallin álögð
gjöld og ógreiddar hækkanir er fallið hafa í eindaga til og með 15.janúar 2004 á staðgreiðslu, trygg-
ingagjaldi og virðisaukaskatti, virðisaukaskatti í tolli, vanskilum launagreiðenda utan staðgreiðslu,
áfengisgjaldi, launaskatti, bifreiðagjaldi, úrvinnslugjaldi, slysatryggingagjaldi ökumanna, föstu ár-
gjaldi þungaskatts, þungaskatti skv. ökumælum, viðbótar- og aukaálagningu söluskatts vegna fyrri
tímabila, skemmtanaskatti og miðagjaldi, virðisaukaskatti af skemmtunum, tryggingagjaldi af
skipshöfnum ásamt skráningargjöldum, búnaðargjaldi, iðgjaldi í Lífeyrissjóð bænda, vinnueftirlits-
gjaldi, vörugjaldi af innlendri framleiðslu, vörugjaldi af ökutækjum, eftirlitsgjöldum, aðflutnings-
gjöldum og útflutningsgjöldum, skilagjaldi á umbúðir, verðbótum á ógreiddan tekjuskatt og verð-
bótum á ógreitt útsvar, fasteignagjöldum, skipulagsgjaldi, skipagjaldi, fisksjúkdómagjaldi, jarðaraf-
gjaldi og álögðum opinberum gjöldum, sem eru:
Tekjuskattur, útsvar, aðstöðugjald, sérstakur tekjuskattur manna, eignarskattur,
sérstakur eignarskattur, slysatryggingagjald vegna heimilisstarfa, tryggingagjald,
iðnlánasjóðs- og iðnaðarmálagjald, þróunarsjóðsgjald, kirkjugarðsgjald, markaðs-
gjald, gjald í framkvæmdasjóð aldraðra og skattur af verslunar- og skrifstofuhús-
næði, ofgreiddar barnabætur, ofgreiddur barnabótaauki og ofgreiddar vaxtabætur.
Fjárnáms verður krafist án frekari fyrirvara að þeim tíma liðnum fyrir vangoldnum eftirstöðvum
gjaldanna ásamt dráttarvöxtum og öllum kostnaði, sem af innheimtu skuldarinnar kann að leiða, á
kostnað gjaldenda.
Athygli skal vakin á því að auk óþæginda hefur fjárnám í för með sér verulegan kostnað fyrir gjald-
anda. Fjárnámsgjald í ríkissjóð er allt að 11.500 kr. fyrir hvert fjárnám. Þinglýsingargjald er 1.200
kr. og stimpilgjald 1,5% af heildarskuldinni, auk útlagðs kostnaðar eftir atvikum. Eru gjaldendur
hvattir til að gera full skil sem fyrst til að forðast óþægindi og kostnað.
Þá mega þeir gjaldendur, sem skulda staðgreiðslu, staðgreiðslu tryggingagjalds, vörugjald, afdreg-
inn fjármagnstekjuskatt og virðisaukaskatt, búast við því að starfsemi þeirra verði stöðvuð án frek-
ari fyrirvara. Loks mega þeir gjaldendur er skulda bifreiðagjöld og þungaskatt eiga von á að skrán-
ingarnúmer verði tekin af ökutækjum þeirra án frekari fyrirvara. Fyrrgreindur 15 daga frestur frá
dagsetningu áskorunar þessarar gildir ekki í þessum tilvikum.
Reykjavík, 16. janúar 2004.
Tollstjórinn í Reykjavík
Sýslumaðurinn í Kópavogi
Sýslumaðurinn í Hafnarfirði
Sýslumaðurinn í Keflavík
Sýslumaðurinn á Keflavíkurflugvelli
Sýslumaðurinn á Akranesi
Sýslumaðurinn í Borgarnesi
Sýslumaðurinn í Stykkishólmi
Sýslumaðurinn í Búðardal
Sýslumaðurinn á Ísafirði
Sýslumaðurinn í Bolungarvík
Sýslumaðurinn á Patreksfirði
Sýslumaðurinn á Hólmavík
Sýslumaðurinn á Siglufirði
Sýslumaðurinn á Sauðárkróki
Sýslumaðurinn á Blönduósi
Sýslumaðurinn á Akureyri
Sýslumaðurinn á Húsavík
Sýslumaðurinn á Ólafsfirði
Sýslumaðurinn á Seyðisfirði
Sýslumaðurinn á Eskifirði
Sýslumaðurinn á Höfn
Sýslumaðurinn í Vestmannaeyjum
Sýslumaðurinn á Selfossi
Sýslumaðurinn í Vík
Sýslumaðurinn á Hvolsvelli
Gjaldheimta Vestfjarða
Gjaldheimta Austurlands
Gjaldheimtan í Vestmannaeyjum
Útsala - Útsala
Klapparstíg 44 - sími 562 3614
Þessi röksemdafærsla er ekki
traust. Hægt er að fá margvíslegar
niðurstöður í könnunum, eftir því
hvernig spurt er, t.d.: Ert þú hlynnt
(ur) því að greiða lægri skatta en fá
um leið meiri opinbera þjónustu?
Niðurstaða úr slíkri skoðanakönnun
er ekki mikils virði. Skoðanakann-
anir geta eflaust verið fróðlegar, t.d.
áhugamönnum um stjórnmál, en
þær eru ekki heppilegar í sæmilega
vitrænum rökræðum um mennta-
mál.
6) Þá hafa menn sagt, að háskólar
hér á landi séu hlynntir stytting-
unni, m.a. Háskóli Íslands. Rétt er
að íhuga afstöðu hans. Í umsögn HÍ,
dags. 8. nóv. 2002, kom fram, að
hann styddi styttingu námstíma til
stúdentsprófs að því gefnu, að það
rýrði ekki undirbúning nemenda.
Margt mælti og með því að innleiða
kerfi, sem fæli í sér sveigjanleika,
þannig að fólk gæti valið á milli
þriggja og fjögurra ára náms, „sem
er í takt við þann sveigjanleika sem
er í danska kerfinu“. – Fyrirvarinn
er hér umdeilanlegur, en ábendingin
um sveigjanleika danska kerfisins
er athyglisverð. Framhaldsskólar
okkar þurfa að vera sveigjanlegir í
kennsluaðferðum, lengd námsins,
samskiptum við nemendur og
mörgu öðru, því að nemendur eru
ólíkir, og misjafnt er, hvað hentar
hverjum þeirra. Aukinn sveigj-
anleiki er og talinn „lykilforsenda“ í
væntanlegum umbótum í dönskum
og sænskum skólakerfum (Sam-
anburðarkönnun, bls. 47). – En HÍ
sendi frá sér nýtt og breytt álit ári
síðar, þ.e. „Umsögn um skýrslu
menntamálaráðuneytisins um stytt-
ingu námstíma til stúdentsprófs“,
dags. 18. nóv. 2003. Í umsögninni
eru þessi mál litin öðrum augum en
áður, enda hafði HÍ þá fengið til-
lögur ráðuneytisins. Í umsögninni
segir m.a.: „Öllum má vera ljóst að
ekki er hægt að stytta nám í fram-
haldsskóla um eitt ár án þess að
breytingar verði á grundvall-
arkröfum til stúdenta. Þessu má
mæta á ýmsan hátt. Til dæmis með
því að færa eitthvað af námsefni
framhaldsskólans til grunnskólans.
Einnig verður að telja að skyn-
samlegt sé að fækka námseiningum
til stúdentsprófs eins lítið og hægt
er, þar sem einingarnar eiga að end-
urspegla ákveðna þekkingu og
kunnáttu.“
Í umsögn HÍ er bent á, að há-
skóladeildir hafi „lagt sérstaka
áherslu á nauðsyn þess að stúdentar
hafi góð tök á íslenskri tungu, bæði
talmáli og ritmáli“. Þar sem þetta er
mikilvægt málefni skal nánar fjallað
um það. – Í fyrrnefndri samanburð-
arkönnun er vikið að móðurmáls-
kennslunni og stöðu hennar. Þótt
furðulegt sé er staðan þessi: Í ís-
lenskum grunnskólum er mun minni
tíma varið til kennslu móðurmálsins
en gert er í Danmörku og Svíþjóð.
Íslenskan fær alls 1.296 stundir
(16% af stundum í heild), danskan
1.800 stundir (26%) og sænskan
1.490 stundir (22%). Í grunnskólum
og framhaldsskólum (kjarna) til
samans eru tölurnar þessar: Ís-
lenskan fær 1.586 stundir (17%),
danskan 2.602 stundir (25%) og
sænskan 1.662 stundir (22%) (bls.
65–67 og 139). – Þetta eru athygl-
isverðar tölur um raunveruleikann,
þótt menn tali oft um mikilvægi
móðurmálskennslunnar. E.t.v. telja
sumir menn brýnt, að slík kennsla
sé ekki of mikil. En ekki er það álit
norrænna frænda vorra, því að þeir
stefna að því að auka hana. – Í til-
lögum verkefnisstjórnar ráðuneyt-
isins sl. sumar (hugmynd I) var lagt
til að skerða íslenskuna (og aðrar
greinar) í framhaldsskólum um 20%,
þ.e. hún fari úr 290 klst. í 232 klst.
(bls. 26). Þetta er nú kaldur raun-
veruleikinn hjá okkur þrátt fyrir allt
talið um gildi íslenskunnar. E.t.v.
telja sumir menn, að of mikið sé
kennt í framhaldsskólum í ástkæra
og ylhýra málinu.
HÍ gerir einnig ákveðnar at-
hugasemdir við mikilvægan þátt í
skýrslu ráðuneytisins. Að því verður
vikið síðar. – Eins og hér hefur verið
rakið tel ég ýmis rök, sem færð hafa
verið fyrir styttingu náms í fram-
haldsskólum, harla ótraust, og að
metnaður fyrir hönd íslensks skóla-
starfs, og þá ekki síst móðurmáls-
kennslunnar, sé heldur rýr.
Nánar verður fjallað um þetta
efni í næstu grein.
Höfundur er kennari.