Morgunblaðið - 13.02.2004, Side 29

LISTIR
MORGUNBLAÐIÐ FÖSTUDAGUR 13. FEBRÚAR 2004 29
1. flokkur 1989: Nafnverð:
500.000 kr.
50.000 kr.
5.000 kr.
Innlausnarverð:
1,870,991 kr.
187,099 kr.
18,710 kr.
1. flokkur 1990: Nafnverð:
500.000 kr.
50.000 kr.
5.000 kr.
Innlausnarverð:
1,651,855 kr.
165,186 kr.
16,519 kr.
2. flokkur 1990: Nafnverð:
1.000.000 kr.
100.000 kr.
10.000 kr.
Innlausnarverð:
3,346,522 kr.
334,652 kr.
33,465 kr.
2. flokkur 1991: Nafnverð:
1.000.000 kr.
100.000 kr.
10.000 kr.
Innlausnarverð:
3,110,671 kr.
311,067 kr.
31,107 kr.
3. flokkur 1992: Nafnverð:
5.000.000 kr.
1.000.000 kr.
100.000 kr.
10.000 kr.
Innlausnarverð:
13,727,460 kr.
2,745,492 kr.
274,549 kr.
27,455 kr.
2. flokkur 1993: Nafnverð:
5.000.000 kr.
1.000.000 kr.
100.000 kr.
10.000 kr.
Innlausnarverð:
12,664,561 kr.
2,532,912 kr.
253,291 kr.
25,329 kr.
2. flokkur 1994: Nafnverð:
5.000.000 kr.
1.000.000 kr.
100.000 kr.
10.000 kr.
Innlausnarverð:
10,669,863 kr.
2,133,973 kr.
213,397 kr.
21,340 kr.
3. flokkur 1994: Nafnverð:
5.000.000 kr.
1.000.000 kr.
100.000 kr.
10.000 kr.
Innlausnarverð:
10,474,810 kr.
2,094,962 kr.
209,496 kr.
20,950 kr.
Innlausnardagur 15. febrúar 2004
Innlausnarverð
húsbréfa
Innlausn húsbréfa fer fram hjá Íbúðalánasjóði, í bönkum,
sparisjóðum og verðbréfafyrirtækjum og liggja þar einnig
frammi upplýsingar um útdregin húsbréf.
Húsbréf
FURÐULEIKHÚSIÐ frumsýnir í
dag leikritið Eins og fuglar himins-
ins eftir Ólöfu Sverrisdóttur, í
Álftamýrarskóla. Að sögn aðstand-
enda er þetta lítil og falleg leiksýn-
ing sem fjallar um traust. Anna og
Gulla eru vinkonur, þótt þær séu
ólíkar. Þær eru mættar á æfingu á
leikriti í skólanum sínum, og
ákveða að byrja á traustsæfingum
meðan þær bíða eftir að æfingin
byrji, og úr þeim spinnast vanga-
veltur um traust og trú. Á milli
þess sem þær velta fyrir sér mik-
ilvægum heimspekilegum spurn-
ingum fíflast þær, syngja og dansa.
Þær komast að því að fullorðna
fólkið hefur smitast af hræðilegri
veiki, áhyggjuveiki, og smita
stundum börnin sín af óværunni.
Höfundurinn, Ólöf Sverrisdóttir,
segir að hugmyndin að verkinu
hafi kviknað út frá hennar eigin
vangaveltum um traust og trú. „Ég
fór að velta fyrir mér óttanum í
samfélaginu í dag, og hvað allir eru
hræddir um að standa sig ekki.
Kvíðinn er mikill, og smitar oft
börnin, og kröfur fullorðinna eru
miklar. Það rifjaðist líka upp fyrir
mér frásögn Jesú úr biblíunni:
„Verið ekki áhyggjufullir um líf
ykkar ... Lítið til fugla himinsins.
Hvorki sá þeir né uppskera ... Haf-
ið því ekki áhyggjur af morg-
undeginum. Hverjum degi nægir
sín þjáning.“ Þegar ég heyrði þessi
orð var ég alltaf viss um að full-
orðnum þætti svolítið kæruleysi í
þeim, og prestar vitna ekki oft í
þau. En kannski er þetta einmitt
það sem við ættum að gera í ríkari
mæli, dvelja í deginum í dag, í stað
þess að hafa endalausar áhyggjur
af morgundeginum.“
Ólöf segir að stelpurnar í leikrit-
inu hugsi talsvert um guð, meðan
þær velta þessum málum fyrir sér,
og spyrji sjálfar sig hvort hann sé
refsiglaður eða algóður. „Þær kom-
ast að þeirri niðurstöðu að það
borgi sig að treysta því að eitthvað
gott komi út úr hlutunum, og að
það sé í lagi að gera mistök. Þeim
finnst það áberandi hvað fullorðna
fólkið er áhyggjufullt, og eru stað-
ráðnar í að smitast ekki af þeirri
veiki. Það eru miklar kröfur gerðar
um sjáanlegan árangur, en það
vantar að árangur á andlega svið-
inu sé metinn. Þá meina ég að þó
þú þroskist sem manneskja tekur
engin eftir því nema að það sjáist í
einkunnum eða áþreifanlegum
verkum. Verkið endar í bjartsýni.“
Tvær forsýningar á verkinu voru
í Hlíðaskóla á dögunum, og segir
Ólöf að þær hafi gengið mjög vel.
Krakkarnir hafi tekið mjög vel eft-
ir, og kennararnir talað um að eftir
sýninguna hefðu spunnist miklar
umræður um hana. „Krakkarnir
kveiktu alveg á þessum hug-
myndum. Þau vita, að það vill eng-
inn verða undir, en eru kannski
samt að svíkja vini sína til að vera
með einhverjum sem eru flottari
og skemmtilegri. Þau skilja óttann
við það að lenda í hópi með ein-
hverjum sem ekki eru gjaldgengir
og sterkir. Þau finna líka fyrir
kvíða yfir því að standa sig ekki
nógu vel.“
Leikstjóri sýningarinnar er Ólaf-
ur Guðmundsson, en vinkonurnar
leika þær Ásta Sighvats Ólafsdóttir
og Ingibjörg Stefánsdóttir, sem
jafnframt semur tónlistina. Verkið
verður sýnt í skólum á höfuðborg-
arsvæðinu, og að sögn Ólafar getur
verið að sýningin fari líka út á
land.
Furðuleikhúsið er tíu ára um
þessar mundir. Upphaflega var það
götuleikhús sem hét Furðu-
fjölskyldan og kom fram í Hús-
dýragarðinum. Ólöf Sverrisdóttir
er ein eftir af þeim sem stofnuðu
leikhúsið. En nýtt fólk kemur í
stað þeirra sem hverfa brott og nú
hafa Ólafur Guðmundsson og Ólöf
haldið utan um sýningar leikhúss-
ins. „Börn þurfa fallegan boðskap,
án þess að það sé prédikað yfir
þeim. Mér finnst sýningar okkar
hafa heppnast svo vel sem raunin
er, vegna þess að í þeim er líka
andlegt fóður, ekki bara glens og
gaman, sem er þó auðvitað nauð-
synlegt með.“
Enga áhyggjuveiki
Morgunblaðið/Sverrir
Höfundur og leikstjóri, Ólöf Sverrisdóttir og Ólafur Guðmundsson.
Ingibjörg Stefánsdóttir og Ásta Sighvats Ólafsdóttir í hlutverkum sínum.
LEIKRITIÐ Píkusögur hefur verið
bannað í Kína en frumsýna átti
verkið í Peking í gær. Að sögn
Shang Fang, talsmanns listasafns-
ins í borginni, þar sem sýna átti
verkið, hefur sýningum verið frest-
að og ekki sé ljóst hvenær þær
verði. Sýna átti verkið í gær og í
dag til að afla fjár fyrir góðgerð-
arhópa sem berjast gegn heimilis-
ofbeldi í Kína.
Í síðustu viku bönnuðu stjórnvöld
í borginni Shanghai að verkið yrði
sýnt þar í borg en frumsýna átti
Píkusögur þar 5. febrúar sl. Starfs-
maður leikhússins í Shanghai sagði
að það hefði verið tekið af dagskrá
vegna þess að kínversk stjórnvöld
teldu það ekki vera viðeigandi í
ljósi stöðu mála í landinu.
Morgunblaðið/Kristinn
Píkusögur í Borgarleikhúsinu.
Píkusögur
bannaðar
í Kína
Í TILEFNI af aldarafmæli sínu fær-
ir prentsmiðjan Gutenberg Lista-
safni Reykjavíkur að gjöf bók um
sýningu Ólafs Elíassonar, Frost
Activity, sem nú stendur yfir í Hafn-
arhúsinu.
Páll Gíslason, framkvæmdastjóri
Gutenbergs, Friðrik I. Friðriksson
prentráðgjafi og Jón Hermannsson,
framleiðslustjóri fyrirtækisins, af-
hentu Eiríki Þorlákssyni, forstöðu-
manni Listasafns Reykjavíkur,
fyrsta eintak bókarinnar við athöfn í
Listasafninu í gær, að viðstöddum
fjölda gesta.
Bókin, sem jafnframt er sýning-
arskrá um Frost Activity er framlag
Gutenbergs til sýningarinnar í tilefni
af afmæli fyrirtækisins. Gutenberg
er einn af styrktaraðilum sýningar-
innar og gefur safninu prentun á
1.500 eintökum af bókinni. Sýningin
er eitt stærsta og umfangsmesta
verkefni Listasafns Reykjavíkur frá
upphafi. Hún hefur vakið mikla at-
hygli hér heima og erlendis og hafa
um 13.000 manns séð hana til þessa.
Sýningarskránni verður dreift
víða, m.a. hafa þegar borist margar
pantanir erlendis frá og hún fer á yf-
ir 80 alþjóðleg listabókasöfn víða um
heim, að því er fram kemur í tilkynn-
ingu frá Listasafninu.
Gunnar J. Árnason skrifaði texta
bókarinnar, Ari Magg og Einar Fal-
ur Ingólfsson tóku ljósmyndirnar og
Börkur Arnarson hannaði bókina.
Gutenberg prentaði sem fyrr segir
en Prentsmiðjan Oddi annaðist bók-
band að mestu.
Páll Gíslason, framkvæmdastjóri
Gutenbergs, segir að prentsmiðjan
hafi lengi unnið fyrir listamenn og
með listamönnum. Prentsmiðjan
hafi ákveðið gera sér dagamun í til-
efni aldarafmælis síns með því að
styrkja merkan menningarviðburð
og Listasafn Reykjavíkur á sinn
hátt: prenta bók um sýningu Ólafs
Elíassonar endurgjaldslaust fyrir
safnið.
Eiríkur Þorláksson, forstöðumað-
ur Listasafns Reykjavíkur, segir af-
ar mikilvægt fyrir safnið að geta
boðið upp á sýningarskrá í hæsta
gæðaflokki. Bókin verði góð heimild
og minnisvarði um merka sýningu
um ókomna tíð.
Í nýju bókinni er texti á íslensku
og ensku um Frost Activity í
tengslum við feril listamannsins og
hugmyndir sem hann byggir á. Meg-
ináhersla er samt lögð á ljósmyndir
af sýningunni og öðrum verkum og
verkefnum sem Ólafur Elíasson hef-
ur unnið að á Íslandi.
Gutenberg gefur
gjöf á eigin afmæli
Morgunblaðið/Golli
Páll Gíslason, framkvæmdastjóri Gutenbergs (l.t.h.), og Friðrik I. Frið-
riksson prentráðgjafi (l.t.v.) afhentu Eiríki Þorlákssyni, forstöðumanni
Listasafns Reykjavíkur, fyrsta eintak bókarinnar við athöfn í listasafninu.