Morgunblaðið - 02.03.2004, Qupperneq 27

UMRÆÐAN
MORGUNBLAÐIÐ ÞRIÐJUDAGUR 2. MARS 2004 27
Í GREIN í Mbl. 24. febrúar svar-
ar Hafsteinn Karlsson, bæj-
arfulltrúi Samfylkingarinnar í
Kópavogi, grein minni,
sem birtist 19. s.m.,
um útsvarshækkun í
Kópavogi. Um leið og
ég þakka Hafsteini
fyrir gott yfirlit yfir
störf Samfylking-
arinnar í Kópavogi þá
finnst mér áhyggju-
efni ef samfylking-
armenn fara jafn illa
með staðreyndir og
Hafsteinn gerir í grein
sinni. Í grein Haf-
steins kemur fram:
„Það er rétt hjá Jóni
að fjármál bæjarins stefna í óefni,
skuldir og útgjöld vaxa og þjón-
ustugjöld og skattar fara hækk-
andi.“ Mér er ekki alveg ljóst hvaða
grein Hafsteinn hefur lesið en þessi
fullyrðing kemur hvergi fram í
grein minni. Þvert á móti stóð þar:
„Þá er óumdeilt að rekstur Kópa-
vogs hefur tekið stakkaskiptum í
tíð núverandi meirihluta sem ber
helst að þakka ráðdeild í rekstri
vegna áhrifa sjálfstæðismanna í
bæjarstjórn.“ Tilgangur greinar
minnar var hins vegar að óska eftir
skýringum frá bæjarfulltrúum
Sjálfstæðisflokksins af hverju út-
svar var hækkað í Kópavogi þrátt
fyrir ráðdeild í rekstri bæjarfélags-
ins. Það eru mér vonbrigði að ekk-
ert slíkt svar hefur borist.
Ég sló á veikan blett í lok greinar
minnar þegar ég gagnrýndi Sam-
fylkinguna í Kópavogi fyrir slaka
frammistöðu í að veita bæjarstjórn-
armeirihlutanum eðlilegt aðhald og
fannst Hafsteini ég slá þar fyrir
neðan beltisstað. Í ljósi þess sem
rakið var hér á undan þá dæmi hver
fyrir sig hver tíðki slíka iðju. Þá
óska ég eftir að Hafsteinn færi rök
fyrir máli sínu ef það er rétt að
fjármál bæjarins stefni í óefni. Þess
sér hvergi stað í grein hans.
Með og á móti
útsvarshækkun
Einnig vöktu athygli mína viðbrögð
samfylkingarmanna við útsvars-
hækkuninni. Voru þeir afdrátt-
arlaust á móti? Nei, þeim fannst
hún réttlætanleg ef hún færi í að
bæta þjónustu við bæjarbúa. Sem
sagt bæði með og á móti sem því
miður er einkennandi fyrir Sam-
fylkinguna og gerir hana ekki trú-
verðugan valkost fyrir
kjósendur. Þarna kem-
ur ennfremur fram sá
reginmisskilningur
stjórnlyndra stjórn-
málamanna að setja
jafnaðarmerki á milli
hækkunar á skattpró-
sentu og hærri skatt-
tekna. Lækkun rík-
isstjórnar Davíðs
Oddssonar á skattpró-
sentu fyrirtækja sýnir
ótvírætt að rífleg
lækkun skatta skilar
sér í hækkun á skatt-
tekjum. Drifkraftur atvinnulífsins
var vakinn úr dróma og því er mik-
ilvægt að efna loforð um umtals-
verðar skattalækkanir á launafólk
sem fyrst.
Sigur í
Lundarmálinu?
Hafsteinn telur það Samfylking-
unni að þakka að bæjarmeirihlutinn
í Kópavogi bakkaði með skipulags-
tillögur í landi Lundar. Í mínum
huga var það sigur skynseminnar
fyrst og fremst að skipulagsnefnd
ákvað að standa rétt að þessum
málum. Vissulega vakti bæj-
arfulltrúi Samfylkingarinnar
snemma athygli á málinu en það
var aðallega samtakamáttur
óbreyttra Kópavogsbúa sem gerði
gæfumuninn. Þá ber að þakka
skipulagsnefnd Kópavogs og for-
manni hennar Gunnsteini Sigurðs-
syni að hafa kjark til að bakka með
„skuggamúrsskipulagið“ og taka
upp fagmannlegri vinnubrögð í
málinu. Nýtt skipulag kemur mjög
til móts við athugasemdir bæjarbúa
og kynning á því hefur verið til fyr-
irmyndar, þó ég persónulega hefði
viljað sjá lægri blokkir og færri
íbúðir.
Vandaður málflutningur?
Í lok greinar Hafsteins stendur:
„Málflutningur okkar er vandaður
og traustur og við veitum meirihlut-
anum öflugt aðhald“. Ef grein Haf-
steins er dæmi um þetta þá þarf
meirihlutinn lítið að óttast. Haf-
steinn nefnir að fjármál bæjarins
stefni í óefni án þess að rökstyðja
það frekar. Hann nefnir einkavina-
væðingu þar sem meirihlutinn út-
hlutar verkefnum til gæðinga sinna
án útboðs. Væri ekki ástæða til að
gera bæjarbúum grein fyrir öllum
athugasemdum Samfylkingarinnar
í þessu efni enda um alvarlegt mál
að ræða ef satt reynist?
Samfylkingin í Kópavogi
Jón B. Lorange svarar
Hafsteini Karlssyni ’Sem sagt bæði með ogá móti sem því miður er
einkennandi fyrir Sam-
fylkinguna …‘
Jón B. Lorange
Höfundur er kerfisfræðingur
og íbúi í Kópavogi.
GUNNAR Smári Egilsson, rit-
stjóri Fréttablaðsins, segist ekki
birta augljós ósannindi. Þess vegna
hafi Fréttablaðið ekki birt grein sem
ég bað það fyrir. Athygli vert. Pravda
birti bara „sannleika“
Stalíns. „Augljós
ósannindi“ voru gerð
brottræk af blaðinu
sem kenndi sig við
sannleika. Við vitum öll
hvernig gerska æv-
intýrið endaði. Styrj-
aldir hafa verið háðar
fyrir rétti manna til
þess að birta – ef út í
það er farið – vaðal og
vitleysu. Ritstjórinn
skrifar undarlegan
vaðal í blað sitt um
helgina; segir sama
hvað hann hafi sagt eða
gert, ég bara breyti
staðreyndum eða búi til
nýjar. Við höfum aldrei
átt orðaskipti, hann
hefur aldrei svarað og
ég hef ekki breytt einu
né einu. Staðreyndin er
einföld: öflugasti við-
skiptamaður landsins,
Jón Ásgeir Jóhann-
esson, tók það upp hjá
sjálfum sér að ætla að
skipta um forsætisráð-
herra í Stjórnarráði Íslands. Lak
trúnaðarplöggum úr Baugi í blað sitt
sem enginn vissi þá hver átti. Linnu-
litlar dylgjur og árásir áttu að grafa
undan Davíð Oddssyni. Þetta var læ-
vísleg tilraun til stjórnarbyltingar.
Hársbreidd munaði að þeim tækist
ætlunarverk sitt, sem kunnugt er.
Í öllum vestrænum lýðræðisríkjum
væri þetta mál fyrsta frétt, hverjum
steini velt. En því miður, ekki á Ís-
landi.
Sá tími mun koma – þegar nýir
menn hafa tekið við og hagsmunir úr
sögunni – að málið verður kortlagt.
Sjálfsagt þurfa að líða nokkur ár.
Vegtylla sem ég ekki á
Stöð 2 færði mér nýja vegtyllu fyrir
helgi. Ég er sagður starfsmaður for-
sætisráðuneytisins. Það er nú svo.
Hið rétta er að ég er starfsmaður fyr-
irtækis sem heitir Menn og málefni.
Það hefur unnið fyrir fjölmarga aðila
hér á landi og erlendis. Þar á meðal
forsætisráðuneytið. Sjálfsagt að
greina frá þeim. Árið 1996 bað einka-
væðingarnefnd Menn og málefni að
taka þátt í hugmyndasamkeppni um
einkavæðingu sem þá sat pikkföst.
Ég skilaði tillögum sem
voru valdar. Markmiðið
var að fá umræðuna úr
því heimóttarlega fari
sem tíðkast hafði hér á
landi. Þá var Hreinn
Loftsson formaður
einkavæðingarnefndar
og Skarphéðinn Berg
Steinarsson skrif-
stofustjóri í ráðuneyt-
inu. Hreinn varð sem
kunnugt er stjórnar-
formaður Baugs Group
og Skarphéðinn ma.
stjórnarformaður
Norðurljósa. Við áttum
fínt samstarf, enda fínir
menn. Vaclav Klaus, for-
sætisráðherra Tékk-
lands – þá helsti hug-
myndafræðingur
einkavæðingar – var
fenginn hingað til þess
að taka þátt í ráðstefnu í
Perlunni árið 1997.
Tókst allt fádæma vel.
Síðar fékk Skarphéð-
inn Berg mig til þess að
annast um kynning-
armál í tilefni komu Hillary Clinton á
Kvennaráðstefnu 1999. Og árið 2000
fékk Júlíus Hafstein mig til þess að
annast um kynningarmál vegna
Kristnihátíðar. Það samstarf gekk af-
ar vel og þegar Júlíus var beðinn fyrir
afmæli heimastjórnar, fékk hann mig
til liðs við sig. Þar eru upptalin verk-
efni sem forsætisráðuneytið kom að,
aldrei átti ég fund með ráðherra.
Rétt skal vera rétt.
Síðast kom ég í Stjórnarráðið
snemma árs 2002. Þá til að kynna
embættismönnum stöðu Keikós. Við
vorum að hugsa um að flytja Keikó til
Stykkishólms. En Keikó synti til
Noregs um sumarið og er allur. Hefði
betur aldrei farið.
Hve hratt flýgur stund!
Rétt skal vera rétt
Hallur Hallsson skrifar
um fjölmiðla
Hallur Hallsson
’Sá tími munkoma – þegar
nýir menn hafa
tekið við og
hagsmunir úr
sögunni – að
málið verður
kortlagt.‘
Höfundur er fyrrverandi
fréttamaður.
SAMKVÆMT viðmiðum Alþjóða-
heilbrigðismálastofnunarinnar,
WHO, telst það við-
unandi munnheilsa að
hafa ekki verki eða al-
varlega sjúkdóma í
munninum, geta tugg-
ið án erfiðleika og
geta haft samskipti
við fólk án erfiðleika
sem stafa af tönn-
unum.Til að tryggja
þetta verða að vera
góð tengsl á milli al-
mennings, tann-
heilsugæslufólks og
annars hjúkr-
unarfólks. Er til dæm-
is hugsað nógu vel um
tannheilsu aldraðra á
Íslandi?
Þau kynni sem ég
hef haft af hjúkr-
unarfólki gegnum árin
eru yfirleitt góð, og
mér finnst stundum að
þetta fólk hljóti að
vera „englar“. Mér
finnst ég verða að
betri manneskju við að
umgangast þetta fólk. En hver eru
markmið hjúkrunarfólks gagnvart
sjúklingum? Hvert er hlutverk
hjúkrunarfólks? Hjúkrunarfræðing-
urinn og hugsuðurinn Virginia A.
Henderson telur að „hlutverk hjúkr-
unarfólks sé að hjálpa einstakling-
um, sjúkum eða frískum, við að
halda góðri heilsu, ná heilsu (eða við
að deyja á friðsælan hátt), sem hann
hefði gert án hjálpar ef hann hefði
haft orku, menntun og vilja til; og að
gera þetta á þann hátt að ein-
staklingurinn verði sjálfbjarga sem
allra fyrst“.
Til að geta sinnt starfi
sínu af kostgæfni hefur
hjúkrunarfólk lagt á sig
langt og strangt nám,
sem gerir það hæfara til
að sinna starfi sínu af
öryggi, sem skiptir svo
miklu máli þegar maður
er að vinna með fólk. En
er hjúkrunarfólki veitt
næg fræðsla um tann-
heilsu? Getum við vænst
þess, að þetta fólk hugsi
nógu vel um tannheilsu
þeirra sem búa á elli-
heimilunum, heimilum
fyrir þroskahefta eða
njóta heimahjúkrunar?
Henderson skil-
greinir 14 grundvall-
arþarfir allra sjúklinga,
og meðal þeirra er „að
halda líkamanum hrein-
um og vel til höfðum og
vernda húðina“. Þetta á
við um munninn líka. Á
Norðurlöndum sjá
tannfræðingar meðal annars um
fræðslu fyrir hjúkrunarfólk, bæði í
skólum og inni á stofnunum. Ég hef
verið svo heppin að fá að sinna slíkri
fræðslu í Noregi um nokkurt skeið,
og tel brýna nauðsyn á svipuðu fyr-
irkomulagi á Íslandi.
Tannheilsugæsla
Bryndís Arngímsdóttir
skrifar um tannheilsu
Bryndís Arngrímsdóttir
’Á Norður-löndum sjá
tannfræðingar
meðal annars
um fræðslu
fyrir hjúkr-
unarfólk…‘
Höfundur er tannfræðingur.
Ást og umhyggja
Barnavörur
www.chicco.com
Dagskrá:
1. Venjuleg aðalfundarstörf skv. 8. gr. samþykkta félagsins.
2. Tillaga stjórnar um að félaginu sé heimilt að kaupa eigin hluti samkvæmt 55. grein
laga nr. 2 frá 1995 um hlutafélög.
3. Önnur mál, löglega upp borin.
Aðalfundur Samskipa hf. verður haldinn
þann 4. mars í Salnum, Kópavogi kl. 17.00.
Aðalfundur
Holtabakka við Holtaveg 104 Reykjavík Sími 569 8300 Fax 569 8327 samskip@samskip.is samskip.is
Tillögur frá hluthöfum, sem bera á fram á aðalfundi, þurfa að berast stjórn eigi síðar
en sjö dögum fyrir aðalfund.
Dagskrá, endanlegar tillögur og ársreikningur mun liggja frammi á skrifstofu félagsins
sjö dögum fyrir aðalfund.
Atkvæðaseðlar og önnur fundargögn verða afhent á fundarstað við upphaf fundarins.
Stjórn Samskipa hf.
ar
gu
s
–
0
4-
00
86