Pressan - 13.04.1989, Page 19

Fimmtudagur 13. apríl 1989
19
..Prinsippmál aö vera i svona fín
um fötum," sagói Þórhallur Sig-
urósson. sem átti fyrsta lagið
sem tekið var upp fyrir Stöó 2.
Sönglagakeppni Pressunnar
og fleiri aðila
LAN DSLAGIÐ
FILMU
Frá og með næsta laugardagskvöldi kynnir Stöð 2 /ögin tíu
sem keppa til úrslita í Sönglagakeppni Islands 1989.
Lag Þórhalls Sigurðssonar, Prinsippmál, var fyrsta lagið sem
tekið var upp. PRESSAN fylgdist með hluta úr degi.
Þórhallur Sigurðsson í Valentino-fatnaði.
Glerfínn með klút i hólsinn. Hvorki líkur Eiríki
Fjalari né Soxa lækni. Segist i þetta sinn vera
í hlutverki Þórhalls Sigurðssonar, ekki einu
sinni í hlutverki Ladda. Gengur um í reyk, Ijós-
in breyta um lit og Þórhallur syngur lagið
„Prinsippmól".
EFTIR: ÖNNU KRISTINE MAGNÚSDÓTTUR — MYNDIR: EINAR ÓLASON
Hann er í stúdíói Stöðvar 2, þar
sem undanfarna daga hefur verið
unnið að upptökum á lögunum tíu
sem keppa til úrslita í Sönglaga-
keppni íslands. Hljóðverið Stöðin
hafði áður tekið lögin upp, nema
Iag Jóhanns G. Jóhannssonar, sem
tekið var upp hjá Hljóðrita í Hafn-
arfirði. Stöðin er einn fram-
kvæmdaaðila keppninnar, en hinir
tveir eru Hótel Saga og Pressan.
Aðrir aðstandendur eru Bylgjan og
Stöð 2, sem kynna lögin fyrir úr-
slitakvöldið og senda jafnframt
beint út frá keppninni 28. apríl, Víf-
ilfell — Coca Cola, sem veitir verð-
laun til gerðar myndbands, Ferða-
miðstöðin Veröld og Norræna
ferðaskrifstofan, sem veita ferða-
verðlaun, Kjötmiðstöðin Garðabæ,
sem gefur höfundi vinningslagsins
200.000 króna peningaverðlaun, ív-
ar Þ. Björnsson gullsmiður, sem
gefur verðlaunagripi, og íslenska
auglýsingastofan, sem hannar allar
auglýsingar og merki keppninnar.
Það var þvi eftir nokkru að
slægjast að taka þátt í keppninni.
Aðeins tíu lög af rúmlega þrjú
hundruð komust í úrslitakeppnina,
og þau tíu lög fá áhorfendur Stöðv-
ar 2 að heyra frá og með næsta laug-
ardagskvöldi, þar sem þau verða
flutt 'í fréttaþættinum 19.19. Mar-
ianna Friðjónsdóttir er upptöku-
stjóri, en sjálf segir hún að hlutirnir
gætu ekki gengið upp nema með
góðri samvinnu: „Þetta er auðvitað
fyrst og fremst samvinna allra
þeirra sem að upptökunni standa,“
segir hún.
Með Þórhalli í stúdíóinu eru þrír
myndatökumenn og tveir sviðs-
stjórar. í herberginu innaf situr
Maríanna með sínu fólki, þeim sem
sjá um ljóshönnun, myndblöndun,
tæknistjóranum og aðstoðarstúlku
upptökustjóra. Þar fyrir innan
kemur þriðja herbergið þar sem
hljóðmeistarinn situr. „Fimm, fjór-
ir, þrír, tveir, einn, tónlist . . .“
„þrír, tveir, einn, söngur,“ Birna
Björgvinsdóttir, aðstoðarmann-
eskja Maríönnu, telur aftur og aft-
ur, aftur og aftur. Þau prófa nokkr-
um sinnum. „Kamera tvö, geturðu
verið svolítið nær?“ „Eyþór, get-
urðu látið reykinn flæða meira inn
í botninn?" „Þetta var frábært hjá
ykkur strákar.“ „Segiði Ladda að
hann hafi verið mjög góður.“ Mar-
íanna er greinilega hvorki stressuð
né óþolinmóð, enda virðist slíkt
ekki há einum einasta manni sem
vinnur að upptökunni. Hönnuður
sviðsmyndanna, Jón Árnason,
deildarstjóri leikmyndadeildarinn-
ar, er að sjálfsögðu með í ráðum og
leggur sitt til málanna.
Þórhallur þiggur að fá sér frískt
Sviðsstjórarnir Kristinn Karlsson og EyþórÁrnason hafa að ýmsu að huga.
Ragnheiður Olafsdóttir, búningamanneskja á Stöð 2, gætir þess að söngv-
ararnir séu tipp topp i klæðnaði. Hér lagar hún hálsklútinn á Ladda. Bak við
hann stendur Elin Sveinsdóttir, sem sér um förðun.
loft eftir að hafa verið í upptökunni
í nærri tvo tíma: „Það er orðið svo-
lítið heitt hérna inni!“ segir hann,
enda hitastigið farið að líkjast því
sem tíðkast á sólarströndum. Krist-
inn Karlsson sviðsstjóri segir þetta
nú ekkert miðað við hvernig hitinn
verði síðar um daginn og hinn
sviðsstjórinn, Eyþór Árnason, seg-
ir hlæjandi að þá séu menn nú farn-
ir að lykta skemmtilega!
Á Þórhalli er enga óþolinmæði
að finna. Hann segist vanur því að
syngja lög inn fyrir sjónvarp og
þetta sé allt eins. Nema hvað nú sé
hann í eigin hlutverki og það megi
segja að það hafi verið prinsippmá!
hjá honum að vera svona fínn og
strokinn.
Maríanna segir þau á Stöð 2 hafa
fengið frumtökur á lögunum tíu til
að setja sig inn í þann andblæ sem
í þeim ríkti: „Sviðsmyndirnar hér
verða þrjár. Við setjum inn rauð
ljós og reyk í lagi Ladda, enda næt-
urklúbbsstemmning í því. í upp-
töku á öðru lagi munum við dæla
inn einu tonni af vatni og í enn öðru
verður ísing á gólfinu. Við gætum
þess að gera öllum flytjendunum
jafnhátt undir höfði og það hvernig
hver og einn hreyfir sig, hvar hvaða
sviðsmynd er og annað í þeim dúr er
unnið í sameiningu af okkur öllum.
Góð upptaka byggist fyrst og
fremst á góðri samvinnu."
Upptökustjórnin að störfum. Þau eru: Alfreö Böðvarsson Ijóshönnuður,
Birna Björgvinsdóttir, aðstoðarstúlka við upptöku, Marianna Friðjónsdótt-
ir upptökustjóri, Þór Freysson, sem sér um myndblöndun, og Sverrir Karls-
son tæknistjóri. Fyrir aftan þau er Jón Árnason, deildarstjóri leikmynda-
deildar.
Magnús Egilsson sér um hljóðiðog eins gott aðekkert fari þarúrskeiðis ...
Kynningarkvöld Sönglagakeppni íslands á morgun, föstudag:
LÖGIN TÍU FRUMFLUTT
t SÚLNASALNUM
Kynning á lögunum tíu sem keppa til úrslita
í Sönglagakeppni íslands fer fram i Súlnasal
Hótels Sögu annað kvöld, 14. apríl. Ungversk-
ir meistarakokkar munu sjá til þess að gestir
fái bragðgóðan mat og meðan á borðhaldi
stendur leikur fjögurra manna sígaunahljóm-
sveit frá Ungverjalandi.
EFTIR: ÖNNU KRISTINE MAGNÚSDÓTTUR
Kynningarkvöldið hefst milli kl.
19.30 og 20 með því að kvöldverður
að hætti Ungverja verður borinn á
borð og stundvíslega kl. 21.15 hefst
kynning á lögunum tíu. Ástæða
þess að tíminn hefur verið svo
nákvæmlega ákveðinn er sú að
margir keppendanna þurfa að
mæta til vinnu kl. 22 og flutningur
laganna tíu tekur um klukkustund.
Lögin tíu og flytjendur þeirra á
kynningar- og úrslitakvöldinu eru:
Brotnar myndir eftir Rúnar Þór
Pétursson sem flytur lagið ásamt
Andreu Gylfadóttur. Dúnmjúka
dimma eftir Ólaf Ragnarsson sem
Ólafur flytur ásamt bræðrum sín-
um Ágústi og Jóni. Ég sigli í nótt
eftir Bjarna Hafþór Helgason sem
Júlíus Guðmundsson flytur Ég úti-
loka ekkert eftir sama höfund, flutt
af Ingu Eydal. Bergþóra Árnadóttir
söngkona kom til landsins í gær frá
Danmörku, þar sem hún er búsett,
gagngert til að syngja lag sitt inn á
plötu og á kynningarkvöldinu. Lag
Bergþóru heitir Fugl í búri. Þórhall-
ur Sigurðsson, Laddi, flytur sjálfur
lag sitt Prinsippmál og Ágúst Ragn-
arsson ásamt hljómsveitinni Sveitin
milli sanda flytur lag Ágústs, Ráð-
húsið. Ekki er ólíklegt að borgar-
stjórinn, Davíð Oddsson, taki
einhvern þátt í flutningi lagsins, ef
ekki með söng, þá með ræðu. Lag
Jóhanns G. Jóhannssonar, Við eig-
um samleið, verður væntanlega bú-
ið að fá nýtt nafn áður en að
kynningarkvöldinu kemur, þar eð
annað lag ber sama nafn. Sigríður
Beinteinsdóttir og Grétar Örvars-
son ásamt Stjórninni flytja það lag.
Júlíus Guðmundsson flytur annað
lag þetta kvöld, lag Sigfúsar E.
Arnþórssonar, Við fljótið, og Ingi
Gunnar Jóhannsson flytur sitt lag,
Við tvö, ásamt Evu Albertsdóttur.
Flutningur laganna tíu á Hótel
Sögu annað kvöld verður frum-
flutningur, en frá og með laugar-
deginum munu þau hljóma á
Bylgjunni og á Stöð 2 þar sem þau
verða flutt í þættinum 19.19.
Eftir að lögin tíu hafa verið
kynnt verða Karon-samtökin
með skrautsýningu og hljómsveitin
Einsdæmi og söngkonan Helga J.
Möller sjá urn tónlist til klukkan
þrjú um nóttina. Það er ástæða
til að hvetja unnendur góðrar tón-
listar til að fjölmenna á Hótel Sögu
annað kvöld og heyra lögin í keppn-
inni um Landslagið, keppni sem öll-
um landsmönnum gafst kostur á að
taka þátt í.