Pressan - 13.04.1989, Blaðsíða 27

•S6ér ihqe .Ci H>Qsi>utiTimR
Fimmtudagur 13. apríl 1989
sjonvarp
FIMMTUDAGUR
13. apríl
Stöð 2 kl. 23.05
HÆTTUÁSTAND*
(Critical Condition)
Bandarísk mynd frá 1986. Leik-
stjóri: Michael Apted. Aðalhlut-
verk: Richard Pryor, Rachel Pico-
un, Ruben Blades og Joe Man-
tegna.
Það er varla verjandi að mæla
með þessari mynd sem grínmynd,
svo slöpp er hún. Richard Pryor er
eini Ijósi punkturinn í myndinni,
sem fjallar um smáafbrotamann
sem freistar þess að strjúka úr fang-
elsi, en án árangurs. Heppnin verð-
ur honum loks hliðholl þegar hann
dulbýr sig sem lækni í fangelsis-
sjúkrahúsinu og hyggst sleppa út.
Fyrirætlanir hans verða samt að
bíða því sjúklingarnir heimta um-
önnun. Því miður nær Pryor ekki
að bjarga myndinni frá þvi að verða
Iélegu og væmnu handriti að bráð.
Ekki við hæfi barna.
FÖSTUDAGUR
14. apríl.
Stöð 2 kl. 21.55
ÓKINDIN IV**
(Jaws — The Revenge)
Bandarísk spennumynd frá 1987.
Leikstjóri: Joseph Sargent. Aðal-
hlutverk: Michael Caine og Lorra-
ine Gary.
Fjórða útgáfan af sögunni um há-
karlinn sem elskar mennina svo
mikið að hann verður að éta þá.
Myndin fjallar um ekkju lögreglu-
stjórans sem hrelldi ókindina í
fyrstu myndinni. Hún er sannfærð
um að hákarlinn sé að elta hana
uppi og fjölskyldu hennar til að
leita hefnda. Afskaplega hæpinn
söguþráður í mynd sem getur ekki
talist meira en miðlungs spennu-
mynd. Michael Caine nýtur sín illa
í litlausu aukahlutverki.
Ríkissjónvarpið kl. 22.30
ÁSTARÓRAR*
(Story of a Love Story)
Frönsk frá árinu 1973. Leikstjóri:
John Frankenheimer. Aðalhlut-
verk: Alan Bates og Dominique
Sanda.
Myndin fjallar um rithöfund sem á
í leynilegu ástarsambandi við
stúlku eina, en þjáist af ímyndunar-
veiki, svo stundum leikur jafnvel
vefi á því hvort ástarsambandið sé
raunveruleiki. Skemmtileg hug-
mynd og kemur ágætlega út í fram-
kvæmd. Handritið er mátulega
flókið og Alan Bates stendur fyrir
sínu eins og venjulega.
Stöð 2 kl. 23.30
GIFTING TIL FJÁR* * *
(How to Marry a Millionaire)
Bandarísk gamanmynd frá 1953
Leikstjóri: Jean Negulesco. Aðal-
hlutverk: Marilyn Monroe, Betty
Grable, Lauren Bacall og David
fVayne.
Ein af bestu myndum kynbomb-
unnar Marilyn Monroe þar sem
hún þótti sýna óvenjumikla leik-
ræna tilburði. Myndin segir frá
þrem fyrirsætum í New York sem
afráða að næla sér í ríkan eigin-
mann með öllum tiltækum ráðum.
Stórskemmtilegt samspil aðalleik-
ara gerir þessa gamanmynd eftir-
minnilega, jafnvel þótt Monroe
nyti ekki við.
Stöð 2 kl. 01.00
AF ÓÞEKKTUM TOGA**
(Of Unknown Origin)
Kanadísk hrollvekja frá 1983,
Leikstjóri: George Cosmatos. Aðal-
hlutverk: Peter fVeller, Jennifer
Dale, Lawrence Dane og Kenneth
Welsh.
Ef þú ert þannig manneskja sem
stekkur upp á stóla þegar mús birt-
ist skaltu varast þessa spennumynd.
Hún fjallar um ungan kaupsýslu-
mann sem einangrar sig frá kon-
unni til að einbeita sér að vinnunni
í friði. Fljótlega verður hann var við
að íbúð hans hýsir torkennilegt nag-
dýr sem dundar sér við að valda
hinum unga athafnamanna maga-
sári (bókstaflega). AIls ekki við
hæfi barna.
LAUGARDAGUR
15. apríl
Stöð 2 kl. 13.05
DÁÐADRENGIR*
(The Whoopee Boys)
Bandarísk gamanmynd frá 1986.
Leikstjóri: John Bryum. Aðalhlut-
verk: Michael O’Keefe og Paul
Rodriguez.
Ef þú hefur ekkert annað að gera
við tímann en horfa á sjónvarpið
má kannski horfa á þessa mis-
heppnuðu gamanmynd. Hún fjall-
ar um tvo framagosa sem ætla sér
að komast inn í innsta hring ríka
fólksins á Palm Beach. Afar slöpp
mynd sem stendur varla undir
nafni. Reyndu a.m.kjað nota tím-
ann í eitthvað annað.
Stöð 2 kl. 21.50
HERRERGI MEÐ
ÚTSÝNI* * *
(A Room with a View)
Bresk mynd frá 1985. Leikstjóri:
James Ivory. Aðalhlutverk: Helena
Bonham-Carter, Maggie Smith,
Denholm Elliot og Julian Sands.
Þessi smekklega mynd er byggð á
sögu breska rithöfundarins E.M.
Forster og fjallar um breskar hefðir
og á stundum skringileg gildi.
Myndin segir frá ungri stúlku,
Lucy, sem ferðast til Feneyja og
verður þar ástfangin af ungum
manni. Hún neyðist þó til að hverfa
til heimalandsins burt frá ástmanni
sínum. Fyrir tilviljun hittast þau
nokkru síðar í Bretlandi, en hún er
þá heitbundin öðrum manni úr
sinni stétt. Hún verður að gera upp
við sig hvort hún vill halda virðingu
sinni meðal ættingja og vanda-
manna með því að gleyma fornri
ást, eða láta það sig engu varða og
giftast fátækum elskhuga sínum.
Einstaklega falleg kvikmynd þar
sem kvikmyndataka, búningar og
handrit eru óaðfinnanleg. Myndin
vann m.a. Óskarsverðlaun fyrir
besta handrit byggt á skáldsögu.
Ríkissjónvarpið kl. 21.35
Rjartskeggur*
(Yellowbeard)
Bandarísk gamanmynd frá 1983.
Leikstjóri Mel Damski. Aðalhlut-
verk: Peter Boyle, Cheech Martin,
Tommy Chong, Marty Feldman,
John Cleese.
Það eina sem kemur þessari mynd á
spjöld kvikmyndasögunnar er að
þetta var síðasta mynd rangeygða
grínleikarans Martys Feldman. Að
öðru leyti er þetta hlægilega ófynd-
inn sjóræningjafarsi sem skríður
ekki einu sinni upp í meðalmennsk-
una. Það er einnig með ólíkindum
hvað stjörnuúrval myndarinnar
getur Iítið gert til að bjarga henni.
Tvímælalaust betri dagskrá á hinni
stöðinni að þessu sinni.
Ríkissjónvarpið kl. 23.10
Ár drekans***
(The Year of the Dragon).
Bandarísk sakamálamynd frá 1985.
Leikstjóri: Michael Cimino. Aðal-
hlutverk: Mickey Rourke, John
Lone og Ariane.
Mögnuð spennumynd um verð-
launaðan lögreglumann í New York
sem fær það erfiða verkefni að ráð-
ast til atlögu við kínversku mafíuna
þar í borg. Lögregluþjónninn, sem
er leikinn af Mickey Rourke, á erfitt
með að sætta sig við hlutskipti sitt
eftir Víetnamstyrjöldina og leggur
sig aðeins of ötullega fram í starf-
inu. Myndinni er leikstýrt af Mi-
chael Cimino, sem segir þessa mynd
vera óbeint framhald af The Deer
Hunter sem hann leikstýrði einnig.
Handritið, sem er mátulega hasar-
kennt, er skrifað af Oliver Stone
sem síðar leikstýrði Platoon. Góð
mynd í alla staði. Alls ekki við
hæfi barna.
Stöð 2 kl. 00.40
Heilinn* *
(The Brain)
Frönsk gamanmynd frá 1969. Leik-
stjóri: Gerard Oury. Aðalhlutverk:
David Niven, Jean-Paul Belmondo
og Eli Wallach.
Ágætis gamanmynd um breskan
ofursta sem hefur í hyggju að ræna
lest. Þegar ætlunarverk. hans hefur
tekist uppgötvar hann, kér til mikill-
ar hrellingar, að aðrir þjófar eru á
eftir honum. Góðir leikarar með
hinn klassíska Breta David Niven í
forystu. Ekki við hæfi barna.
SUNNUDAGUR
16. apríl
Stöð 2 kl. 23.10
Pixote* * * *
Brasilísk kvikmynd frá 1981. Leik-
stjóri: Hector Babenco. Aðalhlut-
verk: Eernando Ramos Da Silva,
Marilia Jorge Juliao og Gilbert
Moura.
Sjónvarpsdagskrá helgarinnar Iýk-
ur með sannkallaðri perlu sem
reyndar er ekki mjög fögur ásýndar.
Hector Babenco, sem leikstýrði
m.a. Kossi kóngulóarkonunnar,
gefur okkur innsýn í ömurlegan
heim heimilislausra ungmenna í
Brasílíu. Aðalpersóna myndarinn-
ar, hinn tíu ára gamli Pixote, lendir
í alls kyns raunum í leit sinni að ein-
hvers konar hlýju eða umhyggju.
Áður en myndinni Iýkur hefur hann
gengið í gegnum eiturlyfjaneyslu,
vændi og myrt þrjár manneskjur.
Átakanleg mynd og ekki fyrir þá
sem vilja eingöngu sjá bjartar
hliðar mannlífsins. Alls ekki við
hæfi barna.
27
dagbókin
hennar
Kcera dagbók.
Ég get svo svarið það að hann
pabbi þrætir fyrir að halda framhjá
henni mömmu, þó ég hafi sjálf séð
hann með eigin augum með ein-
hverri glæsigellu á Laugaveginum
um daginn. Maðurinn er ekki nor-
mal. Hann heldur greinilega að ég
trúi hverju sem er... En ég þarf nú
ekki endilega að vera fædd í gær, þó
ég sé ekki nákvæmlega inni í pólitík
og alls konar svoleiðis. Það inter-
essar mig barasta ekki, eins og
mamma segir þegar einhver fer að
tala um tískuföt og hárgreiðslur og
þannig. Amma á Einimelnum segir
líka að hana mömmu vanti sko al-
veg kvenlegan „sans“, en það kem-
ur reyndar þessu máli ekkert við.
Og þó... Ég hef soldið verið að
pæla í því af hverju pabbi er með
þessari kellingu (Ég tek nú ná-
kvæmlega ekkert mark á einhverj-
um lélegum þrætum hjá honum,
maður. Hann hefði heldur ekki gef-
ið mér fimmþúsundkall og beðið
mig í Guðs bænum um að ræða
ekki þetta slúður við mömmu, ef
hann væri svona svaka saklaus!
Glætan...) En sem sagt, þá held ég
að þetta sé allt út af þessu Kvenna-
listastússi á henni móður minni.
Það er náttúrulega ekki hægt að
bjóða karlmanni upp á svona lagað.
Sérstaklega þar sem hún var allt
öðruvísi, þegar hann kynntist
henni, svo kallgreyið vissi ekkert á
hverju hann átti von.
Mamma var einu sinni voða
venjuleg húsmóðir, sem sá barasta
um sína familíu og hafði það gott.
Fékk sér meira að segja smákennslu
í Hagaskólanum, þegar við krakk-
arnir vorum öll byrjuð í skóla, og
þurfti þess vegna ekki að biðja
pabba lengur um pening fyrir lagn-
ingu, sokkabuxum og maskara og
ýmsu svona smálegu. Þetta var al-
veg idealt líf. Heitur matur á hverju
kvöldi og allt... En svo kom þessi
Kvennalisti og klúðraði öllu. Fundir
alla daga og eilífar símhringingar
langt fram á kvöld — og svo tók hún
bara að sér fulla vinnu, án þess að
spyrja pabba.
Hún hefur auðvitað engan tíma
lengur fyrir lagningu og þannig
„pjatt“ og það er algjört lottó hvort
maður fær heitan mat á kvöldin.
Henni finnst svo mikilvægt að
fórna sér fyrir allar konur á landinu
að ein vesalings fjölskylda vestur í
bæ er algjört aukaatriði. Samt veit
ég um fullt af kellingum, sem er
skítsama um þetta jafnréttistal og
vilja ekkert láta ókunnugar konur
vera að berjast fyrir einu eða neinu
fyrir sig. Þetta eru svona venjulegar
konur, sem búa til rifsberjasultu á
haustin og smyrja skólanestið fyrir
krakkana sína, og kjósa örugglega
eitthvað allt annað en Kvennalist-
ann.
Þetta ruglástand hefur leitt
pabba greyið út í framhjáhaldið. Ég
er alveg handviss um það. Það
þyrfti nú einhver að skrifa grein um
þetta í blöðin. Fólk gerir sér nefni-
lega ekki grein fyrir því hvað það er
stórhættulegt, þegar konur fara að
pæla í pólitík. Kannski amma á
Einimelnum væri til í að skrifa um
þetta. Hún segist hvort sem er vera
besta vinkona allra kallanna á
Mogganum.
Bless, Dúlla.