Pressan - 06.07.1989, Blaðsíða 8
8
Fimmtudagur 6. júlí 1989
Jll—1iHM
PRESSAN
VIKUBLAD A FIMMTUDOGUM
Útgefandi Blað hf.
Framkvæmdastjóri Hákon Hákonarson
Ritstjórar Jónína Leósdóttir
j Ómar Friðriksson
Auglýsingastjóri Hinrik Gunnar Hilmarsson
Ritstjórn og skrifstofur: Ármúla 38, sfmi: 68 18 66. Auglýsingasími:
68 18 66. Áskrift og dreifing: Ármúla 38, sími 68 18 66. Setning og
umbrot: Filmur og prent. Prentun: Blaöaprent hf.
Áskriftargjald: 400 kr. á mánuði. Áskriftargjald: Pressan og Alþýöu-
blaðið: 900 kr. á mánuði. Verð í lausasölu: 125 kr. eintakið.
VERKJATAFLA EÐA
VARANLEGAR AÐGERÐIR
Það er löngu orðið ljóst að íslendingar geta ekki eingöngu treyst
á fiskinn í sjónum sér til framfærslu. Fiskurinn kemur og fer eftir
aðstæðum, bæði náttúrulegum og af mannavöldum, og hver veit
hvar næsta kafbátaslys verður eða hverjar afleiðingar þess verða...
Það hlýtur þess vegna að vera eitt mikilvægasta verkefni stjórn-
valda að hlúa að öðrum gjaldeyrisskapandi atvinnugreinum og
skapa þannig ákveðið öryggisnet fyrir afkomu þjóðarinnar í fram-
tíðinni.
í þessu sambandi er ekki um ýkja marga kosti að ræða í okkar
harðbýla landi, en ein þeirra atvinnugreina, sem í framtíðinni gætu
ef til vill bjargað þjóðarhag, er ferðamannaiðnaðurinn. Raunar fá-
um við þegar dágóðar tekjur af erlendum ferðamönnum, en æski-
legt væri að þær yrðu enn meiri. Til að svo megi verða þurfa stjórn-
völd hins vegar að verða af — eða jafnvel leggja út — fé, sem ekki
skilar sér aftur fyrr en að nokkrum árum liðnum. En það hefur
löngum vafist fyrir íslenskum ráðamönnum úr öllum flokkum að
gera ráðstafanir fyrir framtíðina. Hér á landi snýst pólitíkin gjarnan
um að sefa óánægð atkvæði með dúsum af ýmsu tagi, hugsa ein-
ungis um þrautir dagsins í dag og gefa skít í morgundaginn. Gefin
er verkjatafla, en ekki reynt að greina meinið og ráðast að rótum
þess.
PRESSAN greinir í þessari viku frá þeirri bláköldu staðreynd að
hátt verð á bílaleigubílum hér á landi veldur því að fjöldi ferða-
manna hættir hreinlega við að koma hingað. Það er blóðtaka, sem
íslenskur ferðamannaiðnaður má ekki við, en orsakarinnar er m.a.
að leita í háum söluskatti á þjónustu bílaleiga og háum innflutn-
ingsgjöldum og tollum á bifreiðum. Stjórnvöld hafa það þess vegna
í hendi sér að gera eitthvað í málinu — a.m.k. tímabundið — t.d.
í samráði við bílaleigufyrirtækin, sem hugsanlega legðu sitt af
mörkum með því að sníða lítið eitt af eigin gróða. Þegar til skamms
tíma er litið yrði ríkiskassinn af einhverjum tekjum, en sá missir
gæti margborgað sig síðar meir.
„Það er fyllsta ástæða til að
benda ferðamönnum á, sérstaklega
ungu fólki, að maður sér ekki utan á
strandljónunum eða íturvöxnu
meyjunum hvort þar séu hugsan-
lega smitberar á ferð.“
— Guöjón Magnússon aðstoóarland-
læknir í Alþýöublaðinu.
„Til að forða rakamyndun i kirkj-
unni er hún kæld niður eftir guðs-
þjónustur."
— Frétt í Timanum
„Spánverjar eru
alltaf á móti öllum
yfirvöldum, alveg frá
fœðingu; vilja t.d. alls
ekki borga skatta. “
— Guöbergur Bergsson rithöfundur i
Morgunblaðinu.
## Reagan meiddist.##
— Fyrirsögn í Morgunblaöinu
„Hér skulum við staldra við og
biðja guð á himnum að koma í veg
fyrir með einhverjum þeim ráðum
sem hann kann að finna upp, að það
verði ekki fyrst og fremst okurkarlar
með alla sina finu sjóði, sem græða
á húsbréfunum...“
— Oddur Ólafsson aóstoðarritstjóri í
Tfmanum.
„Megn óánægja hjá krókódíla-
eigendum á Húsavík..."
— Fyrirsögn i Tímanum
„Þaö er líka ákaflega margt
óvenjulegt meö Jón Baldvin."
— Friörik Sophusson i Þjóóviljanum.
FANGAPRESTISPARKAÐ ÚR STEININUM
hfn pressan
„Gísli (Alfreðsson, Þjóðleikhús-
stjóri) sagðist ekki vita nákvæm-
iega hversu mikið væri eftir af
fjárveitingunni.“
— Frétt i Tímanum.
„Trúlega er ástæðan fyrir óbeit
manna á bláa litnum sú hvað hann
er i rauninni kaldur."
— Garri i Timanum.
„Eg geng þess þó ekki dulinn að
manneskjurnar eru flóknar og mót-
sagnakenndar verur.“
— Sigurður Þór Guöjónsson rithöfund-
ur í Morgunblaöinu.
„Jón sagði sjaldgæft að kynsjúk-
dómasmit hér á landi væri rakið til
annarra ferðamanna en Græn-
lendinga."
— Frétt i Timanum.
„Flestir þeirra sem stóðu að inn-
flulningnum eru háskólanemar eða
háskólagengnir.“
— Arnar Jensson, fikniefnadeild lög-
reglunnar, i DV.
„ Ha waii-skyrturnar
eru minnisvarði um
þá sköpunargetu sem
býr í fólki skapist
réttar aðstœður. “
— Örn D. Jónsson i Alþýðublaðinu.
„Nautið í greinarskrifara hefur
glaðst yfir úthaldi, en Hrúturinn er
farinn aö segja: Er ekki kominn timi
til breytinga?“
— Gunnlaugur Guðmundsson stjörnu-
spekingur í Morgunblaðinu.
„Við upphaf eldisæðisins var svo
aö heyra að út um allar jarðir biðu
verslanir og veitingahús þess eins
að fá islenskan eldislax handa við-
skiptavinum sinum...“
— Sæmundur Guðvinsson i Alþýðu-
blaðinu.
„Utanrikisráðherra hefur hupað að
því hvernig hann geti fengið meiri tima
til að velta fyrir sér stjórnmálum hér
heima fyrir."
— Jón Sigurðsson viðskiptaráðherra i DV.
„Kindurnar á Akri hafa gengið með öðru fé undanfarin ár...“
— Frétt í Timanum.
„Ég veit aö svona tal er i gangi
manna á meðal en halinn eftir Hrafn
er eölilegur.“
— Pétur Guðfinnsson, framkvæmda-
stjóri rlkissjónvarpsins, i DV.
„Túnþökur með heilbrigöis-
vottorð.“
— Fyrirsögn i Timanum.
„Þaö hefur ekki hvarflaö að
nokkrum manni að skipa annan ut-
anrikisráöherra.“
— Jón Baldvin Hannibalsson i Morgun-
blaðinu.