Pressan - 07.09.1989, Blaðsíða 15

Fimmtudagur 7. sept. 1989
15
kynlifsdálkurinn
„Dónó"-simtöl
Eftir sýningu sjónvarpsþáttar
um daginn fékk umsjónarkona
hans leiðinlegan kaupbæti —
nefnilega ,,dónó"-símtöl eins og
hún orðaði það. Það fannst henni
ákaflega hvimleitt og hún sagðist
vera farin að hætta að svara í síma
á kvöldin. „Þér hefur ekki dottið í
hug að fjalla um, ,,dónó“-símtöl?"
spurði hún mig um daginn. Ég
ætla að taka hana á orðinu og
helga pistilinn því máli. Við íslend-
ingar trúum oft á eigið sakleysi
þegar kemur að ýmsum afbrotum
sem við höldum að eigi sér ein-
ungis stað meðal fólks í fjarlægum
löndum eða stórborgum. Skýrt
dæmi um þetta var viðhorf fólks til
sifjaspella (og margra annarra
kynferðisafbrota) áður en umræð-
ur jukust um þau síðustu árin.
Dónasímtöl þekkjast sömuleiðis
hér á landi en hversu algeng þau
eru veit enginn. Mörg okkar hafa
þó orðið fyrir slíku eða viö þekkj-
um einhvern sem hefur gert það.
Lungun eru í lagi
Síðastliðinn vetur, þegar ég hóf
starf mitt sem kynfræðingur, fékk
ég svona að meðaltali eitt leið-
indasímtal í hverjum mánuði. Nú
virðast þau koma sjaldnar, en í
morgun var á símsvaranum hjá
mér heilt ,,partý“ sem hafði greini-
lega skemmt sér við að setja inn
ýmis skilaboð. Þetta eru yfirleitt
karlmenn eða einhverjir strák-
ormar undir kynþroska, sem eru
að gantast með því að spyrja fár-
ánlegra spurninga sem beinast að
því að reyna að „sjokkera" mig
eða einhverjir að reyna að vera
fyndnir. Ef ég er við á skrifstofunni
legg ég bara símtólið rólega niður
og gef ekki færi á frekari umræð-
um. Eftir að hafa heyrt fólk spjalla
við mig um allt milli himins og
jarðar hvað viðkemur kynlífi er ég
farin að þekkja á augabragði úr þá
sem eru bara að fíflast.
Bréf til kynlífsdálksins má skrifa undir dulnéfni.
Utanáskriftin er: PRESSAN — kynlífsdálkurinn, Ár-
múla 36, 108 Reykjavík.
„Grínsímtölin" eru algengasta
tegund dónasímtala, en þau stuða
ekki eins mikið og „lungnasímtöl-
in", „fróunarsímtölin" og „blygð-
unarsímtölin". í lungnasímtölum
andar viðkomandi í símann og
hermir oft eftir kynferðislegum
andardrætti. I fróunarsímtölunum
æsist viðkomandi upp kynferðis-
lega við að hringja á svona forboð-
inn hátt og fróar sér á meðan. Ef
verið er að hringja blygðunarsím-
tal er spurt einhverra spurninga
sem greinilega stuða eða eru
móðgandi, s.s. „hvernig eru nær-
buxurnar þínar á litinn?" eða
„hvað ertu með stór brjóst?"
Flautadu hressilega!
Það sem er óþægilegast við öll
dónasímtöl er að maður veit ekk-
ert hver er að hringja og hefur
ekkert tækifæri á að verja sig. Þeir
sem hringja dónasímtöl hafa sjald-
an samband að öðru leyti við
„fórnarlömbin", jafnvel þó þeir
hóti því. Langbest er að bregðast
við á þann hátt að leggja rólega á.
Maður ætti heldur aldrei að gefa
upplýsingar í síma um sjálfan sig
fyrr en sá sem hringir hefur kynnt
sig. Ef barn er eitt heima og ein-
hver ókunnugur hringir er best að
kenna því að svara því til að
„pabbi/mamma kemst ekki í sím-
ann núna". Ef dónasímtölin halda
áfram er hægt að láta rekja þau.
Þá leggur maður tólið við hliðina
á símanum, fer síðan í annan síma
og biður um að láta rekja símtalið.
Ef í hart fer og ekkert lát verður á
dónasímtölum hafa sumir brugðið
á það ráð að láta ekki skrá síma-
númer sitt og þá er hvorki hægt að
finna viðkomandi í símaskránni
né í upplýsingum. Einnig er hægt
að hafa stóra flautu við höndina
og gefa asnanum á hinum enda
línunnar ærlegt flaut. Það ætti að
vekja hann!
Bara eitt
sjúkdómseinkenniö
Skemmtikraftar og frægt fólk fá
stundum dónasímtöl og allskonar
símtöl frá fólki sem kann sig ekki,
í svona litlu þjóðfélagi eins og okk-
ar má varla bera á nokkrum
manni og þá fær hann athygli nær
allrar þjóðarinnar — ýmist já-
kvæða eða neikvæða. Dónasímtöl
ná hámarki eftir nokkur skipti líkt
og hjá konunni sem ég minntist á
hér í upphafi. í tilvikum eins og
hennar fækkar símtölum eftir því
sem lengra líður og þau deyja loks
út — nema ný „athygli" komi til.
Aðrir velja sér „fórnarlömb" sem
þeir þekkja, s.s. vinnufélaga eða
þá sem þeir sjá oft, til dæmis stelp-
una í næsta húsi.
En hverjir eru þetta? Hvers
vegna gera þeir þetta og hvað er
eiginlega að þeim? Karlkynið
stundar þetta aðallega en kven-
kynið virðist einna helst taka þátt
í'grínsímtölunum. í alvarlegri at-
vikum, til dæmis hjá þeim sem
stunda þetta mikið, eru dónasím-
tölin talin eitt einkenni kynlífs-
áráttu eða kynlífsfíknar. Kynlífs-
fíkn á sér margar hliðar, en eitt
einkennið virðist vera þörf fyrir
að vera alltaf viss um næsta kyn-
lífstækifæri — líkt og alkinn sem
felur flöskur alls staðar. í staðinn
fyrir flöskuna tekur þú bara upp
(sím)tólið.
JÓNA INGIBJÖRG
JÓNSDÓTTIR
KYNFRÆDINGUR
Ja,hver
þrefaldur!
Þrefaldur
íyrsti vinningur
á laugardag!
Þreföld ástæða
til að vera með!
VERZLUNARSKÓLI
ÖLDUNGADEILD
ISLANDS
Innritun á haustönn öldungadeildar Verzlunarskóla
íslands ferfram dagana 31. ágúst
og 4.-6. september kl. 09.00-18.30.
Kenndarverða eftirfarandi námsgreinar:
Auglýsingasálfræði
Bókfærsla
Bókmenntir
Danska
Efna- og eðlisfræði
Enska
Farseðlaútgáfa
Ferðaþjónusta
Franska
íslenska
Markaðsfræði
Reksturshagfræði
Ritvinnsla
Saga
Stjórnun
Stærðfræði
Tölvubókhald
Tölvufræði
Vélritun
Verslunarréttur
Þýska
Áföngum ofangreindra námsgreina er hægt að
safna saman og láta mynda eftirtalin prófstig:
Próf af bókhaldsbraut
Próf af ferðamálabraut
Próf af skrifstofubraut
Verslunarpróf
Stúdentspróf