Pressan - 18.10.1990, Blaðsíða 10

10
FIMMTUDAGUR PRESSAN 18. OKTÓBER
RÍKISSJÓÐIR OG RÍKISBANKI
Skuldir fyrirtækja
Einars Guðfinnssonar
lækkaðarum600
milljónir króna. Þar af
um 290 milljónir
vegna útstrikunar
skulda og breytingar
skulda í hlutafé.
290 MIUJONIR
AfSKULDUM
HNARS GUÐFINNSSONAR
ARFTAKARNIR FÁ AÐ HALDA ÖLL-
UM VÖLDUM ÞRÁTT FYRIR
KROFU ATVINNUTRYGGINGA-
SJÓÐS UM HIÐ GAGNSTÆÐA.
Einar Jónatansson, talsmaöur fyrir-
taekja Einars Guðfinnssonar, útilok-
ar ekki að fyrirtækin verði opnuð
fyrir nýjum hluthöfum „einhvern
tímann í framtíðinni".
Að tilstuðlan opinberra sjóða og banka verður með
einföldum pennastrikum þurrkað yfir hluta afskuld-
um fyrirtœkja Einars Guðfinnssonar og co. íBolungar-
vík. Alls verða skuldirnar lœkkaðar um 600 milljónir
króna. Þar af vega þyngst skuldir sem losna vegna
sölu togarans Sólrúnar, en einnig kemur til hrein
skuldaniðurfelling af hálfu Byggðasjóðs og eftirgjöf
dráttarvaxta af hálfu Landsbankans ogjafnvel útstrik-
un skulda. Að auki þurfa nokkrir lánardrottnar að
breyta skuldum í hlutafé. Með pennastrikunum og
þessari breytingu í hlutafé er œtlunin að losa fyrirtœk-
ið við skuldir sem nema 290 milljónum. Til viðbótar
þessu þarf atvinnutryggingasjóður að veita lán að
upphœð 200 milljónir króna, en á síðasta ári lánaði
sjóðurinn fyrirtœkjunum 126 milljónir. Ekkert fyrir-
tœki hefur fengið jafnmikið lánað hjá sjóðnum.
í kjölfar aðgerðanna er ætlunin
að sameina fyrirtæki Einars Guð-
finnssonar í Bolungarvík, að versl-
unardeildinni undanskilinni, og
flest bendir til að eiginfjárstaða
verði jákvæð að sögn forsvars-
manna fyrirtækisins, en aðgerð-
irnar voru ákveðnar án þess að
uppgjör lægi fyrir um reksturinn
það sem af er þessu ári og án þess
að stjórnendur fyrirtækisins legðu
fram áætlanir um rekstur næstu
árin.
SALA SÓLRÚNAR LOSAR
340 MILUÓNIR
Fyrirtæki sem tilheyra Einars
Guðfinnssonar-fjölskyldunni í
Bolungarvík (EG) eru fimm talsins,
auk þess sem fjölskyldan á 47,5%
í útgerðarfyrirtækinu Júpíter hf. á
móti hlut Hrólfs Gunnarssonar,
útgerðarmanns og skipstjóra. I
kjölfar aðgerða lánardrottna nú er
ætlunin að sameina í eitt fyrirtæki
Ishúsfélag Bolungarvíkur hf., sem
rekur frystihús og rækjuvinnslu,
Baldur hf„ sem gerir út togarann
Dagrúnu, Völustein hf„ sem gerir
út togarann Heiðrúnu, og loðnu-
verksmiðjuna og saltfiskverkun-
ina, sem heyra undir móðurfyrir-
tækið Einar Guðfinnsson hf. Hins
vegar verður stofnað sérstakt fyr-
irtæki um rekstur verslunardeild-
ar Einars Guðfinnssonar, en ekki
er ákveðið hve mikið af skuldum
það fyrirtæki yfirtekur. Forsvars-
menn EG stefna að formlegri sam-
einingu fyrirtækjanna um áramót.
Þá hefur verið gengið frá sam-
komulagi um sölu á frystitogaran-
um Sólrúnu til Frosta hf. í Súðavík
og útgerðarfélagsins Rastar hf.
Samkvæmt heimildum PRESS-
UNNAR er ætlunin að losa skuldir
að upphæð 340 milljónir króna
með þeim hætti. Samkomulag er
um að Frosti leggi 400 tonn af
botnfiski til vinnslunnar í Bolung-
arvík næstu fimm árin.
Hvað varðar Júpíter er gert ráð
fyrir 20 milljóna króna aukningu
hlutafjár, sem verður að líkindum
fjármögnuð með láni frá atvinnu-
tryggingasjóði. Ennfremur er gert
ráð fyrir 14 milljóna króna skulda-
lækkun Júpíters hjá Landsbankan-
um, en nokkuð er á reiki hvort það
verður gert með niðurfellingu
dráttarvaxta eða beinlínis útstrik-
un skulda. í viðræðum milli lánar-
drottna hefur m.a. komið til tals að
Landsbankinn taki á sig allt að 80
milljónum króna af skuldum
EG-fyrirtækjanna hjá bankanum,
en bankinn á líka þann möguleika
að breyta þeim í hlutafé. Fyrir-
greiðsla til íshúsfélags Bolungar-
víkur, Baldurs og Völusteins og
loðnuverksmiðju er talin nema
um 225 milljónum af heildarpakk-
anum. Auk skuldalækkunar hjá
Landsbankanum er reiknað með
hlutafé frá Skeljungi og Trygginga-
miðstöðinni, að upphæð um 35
milljónir samkvæmt heimildum
PRESSUNNAR, en hér yrði líka
um að ræða breytingu á skuldum
í hlutafé. EG-fyrirtækin eru í mikl-
um viðskiptum við bæði þessi fyr-
irtæki, kaupa t.d. olíu af Skeljungi
fyrir allt að 12 milljónum króna á
mánuði.
BYGGINGASTOFNUN
STRIKAR YFIR 52 MILLJÓNIR
Pennastrik Byggðastofnunar
nema 52 milljónum króna. Þar af
eru 23 milljónir hrein niðurfelling
skulda, en 29 milljónum verður
breytt í víkjandi lán, sem engin
vissa er fyrir að greiðist nokkurn
tímann. Framkvæmdasjóður
strikar 10 milljónir út, samkvæmt
heimildum PRESSUNNAR, og
ákveðið er að eigendur leggi til 30
milljónir. Einar Jónatansson segir
ekki ákveðið hvar lán verði tekið
vegna þessa og segir ekki hafa
komið til umræðu hvort núver-
andi eigendur leggi fram persónu-
leg veð til að fjármagna aukningu
hlutafjár.
Eins og áður sagði nemur,
skuldalækkun samtals 600 millj-
ónum króna. Að auki kemur til
lánveiting atvinnutryggingasjóðs
upp á 200 milljónir og er áætlað
að 140 milljónir fari til EG-fyrir-
tækja en 60 milljónir til Júpíters,
þar af 20 milljónir vegna hlutafjár-
aukningar.
Landsbankinn hefur haft forystu
um aðgerðir til hjálpar fyrirtæk-
inu. Ólíkt því sem oft hefur verið í
samskiptum Landsbankans og at-
vinnutryggingasjóðs var það ekki
bankinn sem gekk harðar fram
um skilyrði. Landsbankinn naut
fulltingis Byggðastofnunar, sem
tók af skarið um útstrikun skulda
og hjó ásamt Landsbankanum á
þann hnút sem málið var komið í
vegna skilyrða atvinnutrygginga-
sjóðs.
ATVINNUTRYGGINGASJÓÐI
STILLT UPP VIÐ VEGG
Atvinnutryggingasjóði ber ein-
ungis að lána til útflutningsfyrir-
tækja og því þurfti m.a. að skoða
öll fyrirtækin í Bolungarvík sem
heild, til að uppfylla að sem mestu
leyti skilyrði reglugerða. Slíkt hef-
ur reyndar líka verið gert vegna
lána til KEA og Kaupfélags Aust-
ur-Skaftfellinga á Höfn, þar sem
um blandaðan rekstur er að ræða.
í fyrra hafði sjóðurinn lánað 126
milljónir til Ishúsfélagsins, með
Byggðastofnun kýs
frekar að gefa eftir 52
milljónir króna af
skuldum fyrirtækj-
anna en breyta þeim í
hlutafé. Samkvæmt
heimildum PRESS-
UNNAR hafa Lands-
bankinn og Byggða-
stofnun leynt og Ijóst
stefnt að því að
tryggja völd núver-
andi eigenda, þrátt
fyrir kröfu atvinnu-
tryggingasjóðs um
aukna þátttöku ann-
arra aðila.
því skilyrði að rekstri þess yrði
haldið aðskildum frá Einari Guð-
finnssyni og co„ sem er að mestu
verslunarfyrirtæki. Samkvæmt
heimildum PRESSUNNAR komust
stjórnarmenn sjóðsins hins vegar
að því á fundi í Bolungarvík í sum-
ar að þetta hafði lítt eða ekki kom-
ið til framkvæmda. Nú hafa þeir
hins vegar tekið ákvörðun um allt
að 200 milljóna króna lán til við-
bótar án þess að geta fylgst með
að sameining fyrirtækjanna gangi
eftir, sem er forsenda þess að ekki
sé verið að brjóta gegn reglugerð
um starfsemi sjóðsins. Hlutverki
atvinnutryggingasjóðs lýkur í
haust og eftir það verður ekki á
færi stjórnarmanna að fylgjast
með framvindunni.
Samkvæmt heimildum PRESS-
UNNAR komu Byggðastofnun og
Landsbankinn í veg fyrir að krafa
atvinnutryggingasjóðs, um nýtt
hlutafé frá aðilum í Bolungarvík,
næði fram að ganga sem skýlaust
skilyrði. Hingað til hefur atvinnu-
tryggingasjóður lagt áherslu á til-
komu nýs hlutafjár við endur-
skipulagningu svipaðra fyrir-
tækja. Einar Jónatansson, tals-
maður EG og sonarsonur Einars
Guðfinnssonar, stofnanda fyrir-
tækjanna, segist þó ekki vilja úti-
loka þann möguleika einhvern
tímann í framtíðinni og bendir á
að með sameiningu fyrirtækjanna
fjölgi í rauninni hluthöfum sem
standi að heildarrekstrinum, þar
sem fjölmargir utan fjölskyldunn-
ar séu einnig eignaraðilar að ís-
húsfélaginu.
MILLJARÐUR SITUR EFTIR
Matthías Bjarnason, formað-
ur stjórnar Byggðastofnunar og
þingmaður Vestfirðinga, mun
hafa þrýst á um að Byggðastofnun
breytti hluta af skuldum í hlutafé.
Matthías vildi ekki staðfesta þetta
í samtali við PRESSUNA, en sagði
að ekki hefði náðst samkomulag
innan stjórnar, menn hefðu talið
að ef það kæmi til fylgdi á eftir hol-
skefla frá öðrum sjávarútvegsfyr-
irtækjum. Þrátt fyrir þetta benda
nokkrir viðmælenda PRESSUNN-
AR á að Byggðastofnun og hluta-
fjársjóður hafi t.d. breytt hluta af
skuldum Freyju á Suðureyri í
hlutafé á sínum tíma. Því virðist
sem Byggðastofnun hafi mun
minni trú á fyrirtækjunum í Bol-
ungarvík en Freyju á Suðureyri
eða stofnunin hafi beinlínis viljað
tryggja óbreytta eignaraðild að
fyrirtækinu. Nokkrir viðmælenda
PRESSUNNAR segja að í rauninni
hafi leynt og ljóst verið unnið að
því að halda fyrirtækinu í höndum
núverandi eigenda.
Nettóskuldir EG-fyrirtækjanna
allra um síðustu áramót námu um
2 milljörðum króna, voru um 2,4
milljarðar brúttó, samkvæmt
heimildum PRESSUNNAR. Einar
Jónatansson segir hins vegar að
raunskuldir nemi um 1500 millj-
ónum. Eftir aðgerðir nú segir Ein-
ar að skuldir sameinaða fyrirtæk-
isins muni nema ríflega 900 millj-
ónum króna. Hann segir að í góðu
árferði eigi fyrirtækið eftir sam-
einingu að geta velt um 1400 millj-
ónum. Nettótekjur í hlutfalli við
skuldir verði því þokkalegar mið-
að við stöðu sjávarútvegsfyrir-
tækja almennt.
Kristján Þorvaldsson
Bolungarvík
verður áfram í
greipum
fyrirtækja Einars
Guðfinnssonar
samkvæmt vilja
lánardrottna.