Pressan - 25.10.1990, Side 13

FIMMTUDAGUR PRESSAN 25. OKTÓBER
Starfsmadur fór ad fyrirmœlum byggingarfulltrúa
wm Ecifii
VERDLAUSl
MED EINUl
PENNASTRIKI
Með vafasamri þinglýsingu borgarfógeta á yfirlýsintju
starfsmanns Byggingarfulltrúans í Reykjavík breyttist séreign í
sameign og íbúð varð að óseljanlesjum, aðtjreindum herberijjum.
Þegar starfsmaður byggingarfulltrúans í Reykjavík
gekk í júlí 1989 inn á skrifstofur borgarfógetans og
þinglýsti þar yfirlýsingu um að hann hefði skipt um
skoðun gerði hann um leið hjón með tvö börn svo til
eignalaus. Með sakleysislegri yfirlýsingu breytti hann
2,5 milljóna króna kjallaraíbúð í verðlítil herbergi á
stangli.
Starfsmaðurinn gaf hjónunum síðar skriflega yfir-
lýsingu um að þetta hefði hann gert að beiðni sjálfs
byggingarfulltrúa, en hjá embœttinu er þessu neitað,
því borið við að viðkomandi starfsmaður hafi gefið út
yfirlýsingu sína á eigin vegum. Til að ná rétti sínum
þurfa hjónin að likindum að leggja út í dómsmál.
Hjónin Árni Ó. Þórisson og
Þjóðbjörg H. Jónsdóttir keyptu
í desember 1987 ósamþykkta
tveggja herbergja kjallaraíbúð á
Snorrabraut. Kaupverðið var um
2,5 milljónir króna að núvirði.
Þegar þau keyptu íbúðina var
ágreiningslaust, að veggur sem
skipti gangi í tvennt væri mörk
sameignar og séreignar þeirra (sjá
teikningu). Aðeins frá séreignar-
hluta gangsins er hægt að komast
inn í önnur herbergi íbúðarinnar.
NÁGRANNI MÓTMÆLIR
FIMMTÁN ÁRA GÖMLUM
VEGG
Þessu lá til grundvallar þinglýst
eignaskiptayfirlýsing frá 1975,
sem gerð var eftir útreikningi
sama starfsmanns byggingarfull-
trúa. Áðurnefndur veggur hafði
verið reistur fyrr það árið.
Eftir að Árni og Þjóðbjörg
keyptu íbúðina vildu þau fá hana
samþykkta og hugðu á fram-
kvæmdir í því skyni. Til að taka af
öll tvímæli fengu fyrri eigendur,
sem rituðu undir yfirlýsinguna
1975, áðurnefndan starfsmann
byggingarfulltrúa til að staðfesta
með undirskrift að þá hefði verið
gengið út frá því að rýmið innan
veggjarins væri séreign kjallara-
íbúðarinnar. Þessari staðfestingu
var þinglýst í ágúst 1988.
Þegar framkvæmdir voru hafn-
ar gerðist það hins vegar að eigin-
maður eiganda fyrstu hæðarinnar
mótmælti framkvæmdunum og
sagði nauðsynlegt að rafmagns-
tafla, sem var í séreignarhluta
hjónanna, yrði í sameign. Hjónin
buðust til að flytja töfluna á sinn
kostnað, en maðurinn krafðist
þess hins vegar að veggurinn yrði
fjarlægður og séreignarhlutinn
yrði sameign. Orðalag kaupsamn-
ings tekur af öll tvímæli um að tafl-
an telst staðsett í séreign þeirra
hjóna — að öðrum kosti væri ekki
um íbúð að ræða, heldur aðgreind
herbergi án sameiginlegs inn-
gangs.
STARFSMAÐUR
BYGGINGARFULLTRÚA
SKIPTIR UM SKOÐUN
í júlí 1989 tók málið síðan
óvænta stefnu. Svo virðist sem
maðurinn á fyrstu hæðinni hafi
gert sér ferð til embættis bygging-
arfulltrúans í Reykjavík og krafist
þess að starfsmaðurinn drægi yfir-
lýsingu sína til baka og umræddur
veggur yrði fjarlægður. 5. júlí
þinglýsir starfsmaðurinn yfirlýs-
ingu þess efnis að fyrri yfirlýsing
hafi verið röng og henni beri að af-
lýsa, á þeim grundvelli að „veggur
er átti að skipta ganginum var þá
ekki til“.
Þetta gerði starfsmaðurinn án
samráðs við eigendur kjallara-
íbúðarinnar. Lagalega hafði hann
ritað undir og þinglýst yfirlýsingu
ura að veggurinn ætti ekki lengur
rétt á sér þar sem hann stendur.
Fimmtán ára tilvist veggjarins hef-
ur fyrrverandi eigandi kjallara-
íbúðarinnar staðfest með sérstakri
yfirlýsingu, þar sem viðkomandi
segir um leið fullyrðingu starfs-
manns byggingarfulltrúa um
vegginn ranga.
1 málinu liggur fyrir sú umsögn
skrifstofustjóra borgarverkfræð-
ings frá febrúar síðastliðnum að
deiluaðilar verði að leita til dóm-
stóla til að fá málið útkljáð, ef sætt-
ir takast ekki. Skrifstofustjórinn
undirstrikar að yfirlýsingarnar
hafi starfsmaðurinn áðurnefndi
„ekki gefið út sem starfsmaður
byggingarfulltrúaembættisins,
heldur á eigin vegum". Skrifstofu-
stjórinn bendir hjónunum með
öðrum orðum á að leggja út í
dómsmál, sem gæti tekið jafnvel
2—3 ár að afgreiða.
BYGGINGARFULLTRÚI
NEITAR ÁBENDINGU
STARFSMANNS SÍNS
Árni og Þjóðbjörg hafa hins veg-
ar í höndunum skriflega staðfest-
ingu frá starfsmanni þessum, und-
irritaða í nóvember síðastliðnum,
um hið gagnstæða. Þar segir hann
meðal annars:
„... samkvæmt tilmælum
byggingarfulltrúa skrifaði ég bréf
5/7 '89 þar sem ég lýsti því yfir að
þetta bæri að fella úr gildi. Ég
skrifa þessar línur vegna þess að
byggingarfulltrúi taldi ómögulegt
að eigendur hæðarinnar hefðu
ekki óhindraðan aðgang að raf-
magnstöflu, sem er inni í kjallara-
íbúðinni."
Gunnar Sigurðsson bygging-
arfulltrúi sagði hins vegar að
starfsmaðurinn hefði örugglega
verið á eigin vegum í þessu máli.
„Ég skipti mér ekki af hans prívat-
málum í þessu sambandi. Hins
vegar kom þessi maður til mín og
það sem ég vil að starfsmenn mín-
ir tryggi, þegar þeir eru að reikna
eignaskiptasamninga, er að sam-
komulag sé milli eigenda um
hvernig eignaskiptin eru í húsum.
Ég lagði engan dóm á það hvernig
þetta ætti að vera og gaf engin fyr-
irmæli. Og ég vil undirstrika að
eignaskiptaútreikningur er ekkert
bindandi, hann gengur út frá ein-
hverjum forsendum, og fyrst og
fremst þurfa þær forsendur að
vera réttar.“
BORGARFÓGETI: ÞINGLÝSING
ER EKKI DÓMUR
Þessu mótmæla hjónin og
benda á að umræddur maður hafi
ekki verið aðili að upprunalegu og
síðar staðfestu samkomulagi, hafi
ekki verið þinglýstur eigandi sjálf-
ur og því hafi alls ekki átt að taka
tillit til einhliða sjónarmiða hans.
Hjá embætti borgarfógeta fékk
PRÉSSAN þær upplýsingar að
ekkert stæði í vegi fyrir því að
starfsmaðurinn þinglýsti á þennan
hátt yfirlýsingu um breyttan skiln-
ing sinn, en annað mál væri hvaða
gildi slík yfirlýsing hefði. „Það
þótti rétt að maðurinn fengi að
koma nýjum skilningi sínum að.
Fyrri yfirlýsingu hefur hins vegar
ekki verið aflýst, en það er ekki
embættisins að skera úr um rétt-
indi og skyldur fólks í slíkum mál-
um. Þinglýsing er langt frá því að
vera endanlegur dómur. Mér sýn-
ist að það sé dómstólanna að
dæma í máli þessu, nái fólk ekki
sáttum," segir Sigurður Sveins-
son borgarfógeti, sem undirritaði
þinglýsta breytingu starfsmanns-
ins á fyrri skilningi.
Lögfræðingur hjónanna segir
hins vegar að ákvörðun embættis-
ins hafi verið varhugaverð, vegna
þess að þar sem yfirlýsingarnar
stönguðust á hafi ekki mátt þing-
lýsa síðari yfirlýsingunni, sem
hafði þær afdrifaríku afleiðingar
að íbúð varð að verðlitlum, að-
greindum herbergjum.
ÁRANGURSLAUS HRINGFERÐ
UM KERFIÐ
„Það er furðulegt að einn mað-
ur, sem er í raun málinu óviðkom-
andi, vegna þess að hann var ekki
sjálfur þinglýstur eigandi, geti
fengið þessar stofnanir til að gefa
út og þinglýsa slíkri yfirlýsingu,"
segja þau Árni og Þjóðbjörg. „Það
virðast engar hömlur á því hvað
embættismönnum kerfisins leyfist
að gera á kostnað saklauss fólks.
Þeir virðast hafa farið að vilja
þessa tiltekna íbúa, án þess að
taka okkur með í reikninginn."
Þau segja að með einu penna-
striki hafi fasteignin verið gerð
verðlaus og íbúðin orðið herbergi
á stangli. Þau segjast hafa leitað til
eða málið komið til kasta félags-
málaráðherra, borgarstjóra, borg-
arráðs, formanns byggingarnefnd-
ar, skrifstofustjóra borgarverk-
fræðings og loks til Umboðs-
manns Alþingis, en hann kvaðst
ekki geta tekið á málinu, þótt
starfssvið hans taki til stjórnsýslu
ríkis og sveitarfélaga.
Það skal tekið fram að eigendur
fyrstu hæðarinnar, sem mótmæltu
veggnum, eru nú fluttir úr húsinu.
Nýir eigendur hæðarinnar eru
deilunni óviðkomandi og lausn
um leið í sjónmáii. Það breytir
ekki viðhorfi hjónanna til „kerfis-
ins“.
„Manni sárnar það mest að eng-1
inn skuli geta virðurkennt mistök,
heldur benda menn hver á annan.
Það virðist ríkjandi algert sinnu-
leysi hjá þessum embættismönn-
um. Þetta hefur haft hrikaleg áhrif
á fjölskyldulíf okkar. Við ætluðum
að fá íbúðina samþykkta og selja
hana, því fjögurra manna fjöl-
skyldu dugir ekki 50 fermetra
íbúð. Málið hefur haft mikil sálræn
áhrif á okkur, ekki síst á börnin.
Auk þess hefur þetta haft mikil út-
gjöld í för með sér og geysilegt
vinnutap — enda full vinna að
eiga við hið þunga kerfi.“
Friörik Þór Guðmundsson
inngangur
geymsla
geymsla
eldhús
11
1

■ Þv« ttahús
wc
stofa
svefnherbergi
Ekki lenaur
íbúð heldur
nokkur
herberai
á stanali
íbúðin er neðst á
myndinni.
Strikaöa svæðið
er gangurinn sem
deilt er um.
Skyggða svæðið
er sameign og
geymsla íbúa á
efri hæðinni
V
i