Pressan - 23.05.1991, Blaðsíða 7
7
FIMMTUDAGUR PRESSAN 23. MAÍ 1991
Mikil ólga er nú innan Handknattleikssambands ís-
lands og beinist óánægjan ekki síst að störfum formanns-
ins Jóns Hjaltalíns Magnússonar. Jón hefur verið formað-
ur frá árinu 1984 og þykir mörgum sem hann sé orðinn
heldur einráður innan sambandsins. Þá hafa menn gagn-
rýnt að það gerist oft að hann taki afdrifaríkar og út-
gjaldasamar ákvarðanir án samráðs við aðra stjórnar-
meðlimi.
Þá hefur formaðurinn verið gagnrýndur fyrir að dvelj-
ast langtímum erlendis á kostnað sambandsins þar sem
hann sé jafnframt að sinna einkaerindum. Jón hefur ekki
verið í formlegu starfi hjá sambandinu en þáði á síðasta
ári um 1700 þúsund í greiðslur samkvæmt áreiðanlegum
heimildum PRESSUNNAR. Þessar greiðslur munu vera
fyrir ýmiss konar verkefni sem hann tók að sér fyrir sam-
bandið. Þetta mun vera nokkru lægri upphæð en Jón
hafði í greiðslur frá sambandinu árið á undan. Þá ofbýður
mönnum orðið skuldahali sambandsins sem nú nemur
um 45 milljónum króna.
Þrátt fyrir margítrekaðar tilraunir
PRESSUNNAR til að fá til athugunar
ársreikninga þessa árs tókst það
ekki. Samkvæmt lögum félagsins
ber að leggja ársreikningana fram
minnst viku fyrir ársþingið en að
sögn gjaldkerans Helgu H. Magnús-
dóttur munu þeir ekki liggja fyrir
fyrr en á föstudag.
RÁÐRÍKI FORMANNSINS,
SKYNDIÁKVARÐANIR OG
ÍMYNDIN ÚT Á VIÐ
Lengi hefur kraumað undir yfir-
borðinu megn óánægja með stjórn-
unarhætti Jóns. Samstarfsmenn
hans segja að oftsinnis hafi það
komið fyrir að hann hafi tekið
ákvarðanir sem síðan hafi verið
kynntar samstarfsaðilum og þá hafi
ekki verið um annað að ræða en
samþykkja þær til að forða málum
frá klúðri. í þessu sambandi nefndu
menn heimsóknir erlendra gesta
sem Jón hafi tekið ákvörðun um án
nokkurs samráðs við aðra.
Mörgum forystumönnum í hand-
boltahreyfingunni sem PRESSAN
hafði samband við bar saman um að
ímynd handboltahreyfingarinnar
væri orðin þannig út á við að fyrir-
tæki væru orðin tortryggin í garð
sambandsins og hefðu dregið úr
auglýsingum og fjárstuðningi af
þessum sökum.
ATKVÆÐASNAP í AFRÍKU OG
FERÐIR TIL ÚTLANDA
Á undanförnum árum hefur
mörgum þótt tíð ferðalög formanns-
ins til útlanda í hæsta máta óeðlileg.
Hvergi var að fá nákvæmar upplýs-
ingar um ferðir formannsins til út-
landa en heimildarmenn innan
handboltahreyfingarinnar sögðu
ekki ofreiknað þó um væri að ræða
10—12 ferðir á ári að meðaltali. Og
að í sumum þessara ferða hefði Jón
fyrst gert grein fyrir erindunum að
ferð lokinni.
Pá benda menn á að oftar en ekki
sé erfitt að greina á milli þess hvort
‘Jón var í ferðalagi vegna einkaer-
inda eða erinda á vegum handbolta-
hreyfingarinnar. Mönnum var tíð-
rætt um ferðir formannsins til Afr-
íku og þróunaraðstoðina sem Hand-
knattleikssambandið hefur staðið
fyrir þar. Eru þær ferðir sagðar farn-
ar í þeim tilgangi að tryggja íslend-
ingum stuðning við að halda heims-
meistarakeppnina hér á landi.
Á árunum 1989—1990 var t.d.
tæpum 1200 þúsundum eytt í þá að-
stoð þrátt fyrir slæma fjárhagsstöðu
sambandsins.
PRÓSENTUR AF AUGLÝSINGUM
OG YFIRGANGUR
FORMANNSINS
Margir hafa gagnrýnt og talið
óeðlilegt að formaðurinn skuli hafa
fengið prósentur af auglýsinga-
samningum sem hann hefur gert
við ýmis fyrirtæki. Á síðasta ári er
talið að þessar greiðslur hafi numið
allt að 500 þúsund krónum. Það
mun ekki hafa tíðkast hjá öðrum
sem fengist hafa við auglýsingasöfn-
un að þiggja laun fyrir störf sín.
í samtölum við ýmsa forystu-
menn í handboltaheiminum kom
fram að margir eru orðnir lang-
þreyttir á samskiptum við Jón.
Hann þykir mjög ráðríkur og valtar
hiklaust yfir menn eins og gamall
forystumaður í handboltahreyfing-
unni orðaði það.
FRAMBOÐ, EKKI FRAMBOÐ,
UPPSTILLINGARNEFND
SKILAR UMBOÐI SÍNU
Fyrir skömmu lét Jón Hjaltalín
hafa það eftir sér að hann væri tilbú-
inn að víkja úr formannssætinu
næði uppstillingarnefnd samstöðu
um eftirmann sem nyti trausts. Upp-
stillingarnefnd mun hafa fengið
Árna Gunnarsson fyrrverandi al-
þingismann til að gefa því jáyrði að
hann væri tilbúinn til að gefa kost á
sér yrði Jón ekki í framboði.
Þá mun og hafa komið til tals að fá
Þorgils Óttar Mathiesen til að vera í
framboði til varaformanns, hann
mun hafa sett það skilyrði að hann
fengi launað starf innan sambands-
ins en að því vildu menn ekki
ganga.
A fundi sem haldinn var á þriðju-
dag skilaði uppstillingarnefnd sam-
bandsins umboði sínu. í nefndinni
sátu Kristján S. Sigmundsson Vík-
ingi, Örn Magnússon FH og Guðjón
Friðriksson Stjörnunni. Þeir munu
hafa verið mjög óánægðir með að
Jón skyldi ekki vilja standa við fyrri
yfirlýsingu sína um að segja af sér
fyndist frambærilegt formannsefni
sem sátt væri um.
í nýju nefndinni sitja þeir séra
Pálmi Matthíasson sem settur var
inn sem einskonar sáttamaður,
Gunnar Þór Jónsson formaður
landsliðsnefndar og Sigurður Tóm-
asson fyrrverandi formaður Fram.
Enginn þeirra sem rætt var við
dró í efa að Jón hefði unnið hand-
boltahreyfingunni hér á landi mikið
gagn, en takmörk væru fyrir því
hvað hægt væri að líða mönnum að
spila upp á eigin spýtur. Því væri
þessi óánægja sem lengi hefur
kraumað undir að koma upp á yfir-
borðið að menn gætu ekki lengur
varið það að einn maður tæki nán-
ast allar ákvarðanir sem sneru að
starfsemi þessa stóra íþróttasam-
bands.
Björn E Hafberg