Pressan - 30.12.1992, Blaðsíða 6

6
MIÐVIKUDAGUR PRESSAN 30. DESEMBER 1992
Sorpeyðingarstöðin á Gufunesi:
Eiginlegur rekstur Sorpu kemur
í ár út með 37 til 38 milljón
króna halla. Fyrirtækið skuldar
mikið og eru fjármagnsgjöld í ár
áætluð 65,5 milljónir.
Allt að 10 prósent
minna sorp skilaði
sér til Gufuness-
stöðvarinnar á ár-
inu en áætlað var.
Greiðslur sveitarfé-
laga vegna húsa-
sorps og greiðslur
vegna óflokkaðs
sorps hækka um 12
prósent og opnun-
artími gámastöðva
verður verulega
styttur.
Sorpa dregur saman
seglin og hækkar
verðið á bjónustunni
Stjórn Sorpu, Sorpeyðingar-
stöðvar höfuðborgarsvæðisins að
Gufunesi, hefur ákveðið að grípa
til aðgerða til að draga úr kostnaði
og breyta gjaldskrá sinni til að
mæta allt að 10 prósenta sam-
drætti í tekjum frá því sem áætíað
var. Meðal aðgerða er að hækka
verulega gjaldskrá vegna húsa-
sorps og óflokkaðs sorps og stytta
opnunartíma gámastöðvanna.
MIKLAR SKULDIR: 65
MILLJÓN KRÓNA FJÁR-
MAGNSKOSTNAÐUR
Samkvæmt heimildum PRESS-
UNNAR er áætlað að eiginlegur
rekstur Sorpu komi í ár út með 37
til 38 milljón króna halla. Gjöld
verði um 360 milljónir en tekjur
stöðvarinnar um 323 milljónir.
Hér eru ekki innifaldar ýmsar
greiðslur og gjöld frá sveitarfélög-
unum vegna húsasorps. Án fjár-
magnsliða eru heildartekjur Sorpu
áætlaðar um 547 milljónir og
heildargjöld um 436 milljónir.
Fjármagnsgjöld eru síðan talin
nema 65,5 milljónum króna, en
fjármagnstekjur hverfandi á móti.
I heild stefnir því í hagnað, en
vegna mikilla skulda Sorpu er sá
hagnaður ekki talinn nægjanlegur
til að standa undir væntingum
forsvarsmanna fyrirtækisins.
Forsendur fjárhagsáætlunar
stöðvarinnar voru að reksturinn
stæði undir afborgunum á lang-
tímalánum og skilaði auk þess
hagnaði upp á 8 prósent af tekj-
um. Ljóst er að þær áætlanir
standast ekki og er skýringanna
fýrst og fremst að leita í því að 8 til
10 prósent minna sorp barst til
stöðvarinnar á Gufúnesi en áætíað
var. Gert var ráð fyrir 94 til 95 þús-
und tonnum en útlit fyrir að þar
komi til með að vanta á bilinu 6 til
7 þúsund tonn.
REYNT AÐ STÖÐVA MIS-
NOTKUN FYRIRTÆKJ A Á
GÁMASTÖÐVUNUM
Samkvæmt þessu er ljóst að
sveitarfélögin, sem að Sorpu
standa, koma til með að þurfa að
leggja fram talsverð „hallafram-
lög“ á nýju ári. Að óbreyttu lá fyrir
að um 60 milljónir myndi skorta á
næsta ári til að standa undir áður-
nefndum forsendum rekstrarins.
Til að mæta þessu hefur verið
ákveðið að hækka greiðslur sveit-
arfélaga vegna húsasorps svo og
greiðslur fyrir óflokkað sorp um
tæp 12 prósent um áramótin. Á
móti á að fella niður fastagjald af
smáförmum í Gufunesi og halda
gjaldskrá vegna flokkaðs sorps
óbreyttri. Eiga tekjur Sorpu með
þessu að aukast um 4,5 prósent.
Þetta felur nánar tiltekið í sér
aukna hvatningu til að flokka
sorp. Fyrirtæki hafa freistast til að
aka með sorp í smáskömmtum á
gámastöðvarnar, þar sem engin
gjaldtaka fer fram. Þetta á að
banna, með undantekningum þó.
Nú verður hægt að fara með allt
niður í 50 kíló af sorpi upp á Gufu-
nes og borga samkvæmt vikt, en
ffam að þessu hefúr lágmarksgjald
verið um 4.500 krónur.
OPNUNARTÍMINN
STYTTUR TIL MUNA
Til að draga úr kostnaði hefúr
verið ákveðið að stytta opnunar-
tíma gámastöðvanna átta. Fram
að þessu hafa þær verið opnar frá
kl. 10 til kl. 22, en frá og með ára-
mótum verða þær opnar frá kl. 13.
Um leið eiga tvær gámastöðvar í
senn að vera lokaðar einn dag í
viku til skiptis í tilraunaskyni.
Samkvæmt heimildum PRESS-
UNNAR var mönnum hætt að lít-
ast á blikuna þegar ofangreind
þróun fór að verða ljós. Meðal
annars samþykkti borgarráð að
beina því til stjórnar Sorpu að
beita sér fyrir því að þjónusta við
allar gámastöðvar fyrirtækisins
verði boðin út og að kostnaður við
hveija stöð verði sérstaklega bók-
færður. Það er ekki síst hjá gáma-
stöðvunum sem kostnaður hefur
reynst meiri en áætíað var. Þegar
fyrirtækin „misnota“ þær minnk-
uðu um leið tekjur stöðvarinnar á
Gufunesi. Auk þessa varð kostn-
aður vegna spilliefna meiri en
áætíað var._____________
Friðrik Þór Guðmundsson
Á UPPLEIÐ...
Flugeldar eru svo
sannarlega á uppleið,
að minnsta kosti ef
trúa má því að lands-
menn hyggist skjóta
upp tundri fyrir millj-
ónatugi.
• Kristján Jóhannsson
er á uppleið, því Vig-
dís forseti ætlar að
næla í hann fálkaorðu.
Jólasveinar eru
á uppleið, upp í
fjöll á nýjan leik.
Kampavínstappar eru á
uppleið enda undanfarið
ár svo hörmulegt að
hinu nýja verður að
fagna með duglegum
hætti!
Kári í Garði
hækkarenn í
áliti, því aðrir
bændur vilja
ólmirfá hann í
hvern þjófabálk
iandbúnaðarins á
fætur öðrum, en
Kári afþakkar pent svo
vondan félagsskap.
Á NIÐURLEIÐ...
Jónas Hallgrímsson er á nið-
urleið eftir að Ríkissjón-
varpið slátraði endanlega
mýtunni um listaskáldið
Nú veit enginn lengur
er satt og hvað er log-
ið um foringjann.
Útskýringar Páls Hall-
dórssonar á jarðskjálft-
um reyndust jafnvel enn
leiðinlegri en útskýringar
hans á málefnum BHMR,
svo menn fóru jafnvel að
sakna Ragga skjálfta.
Þingmenn eru enn á
niðurleið eða sýnist
mönnum þessir karlar
hafa afkastað svo
miklu að þeir þurfi
ekki að mæta til vinnu
milli jóla og nýárs eins
og heiðariegtfólk?
Áfengi er enn
sem fyrr á
niðurleið um meltingarveg lands-
manna og við skálum fyrir því.
Bóksala, sem dróst saman
um 15% — svona svipað og
önnur verslun í landinu
gerði miðað við jólin í fyrra.