Lesbók Morgunblaðsins - 11.01.2003, Qupperneq 12

12 LESBÓK MORGUNBLAÐSINS ˜ MENNING/LISTIR 11. JANÚAR 2003
Við kirkjuna mína, sem kennd er við Nes,
tveir klerkar í einingu þjóna.
Þar sönginn ég heyri og sálmana les
og sætustu hlýði á tóna.
Þar líður mér vel eina léttfleyga stund,
þótt löng finnist ræðan á stundum.
Mér finnst, að það gefi mér gleði í lund;
ég glaðari kem af þeim fundum.
Þar klerkum við heilsum við kirkjunnar dyr,
og kaffi á eftir við gleypum.
Til altaris göngum við allmörg sem fyrr,
og oblátu í vínið við dreypum.
Við rísum á fætur, þó fótur sé sár,
og fegin við setjumst á bekki,
sem finnum til þreytu með öll okkar ár,
þótt ungir ei hana þekki.
Til kirkju ég hraða mér, held mínum stíl;
þar hitti ég nokkra af vinum,
sem fresta því aðeins að bóna sinn bíl,
svo beri af allflestum hinum.
AUÐUNN BRAGI SVEINSSON
Höfundur er rithöfundur í Reykjavík
Í NESKIRKJU