NT - 22.06.1984, Qupperneq 9
Keppendur í skoska rallinu komnir heim:
Eiga fullt erindi
í erlend röll
„Framkvæmdin frábær, förum aftur næsta ár“
■ Þeir voru þreyttir en
ánægðir íslensku rallararnir
sem komu frá Glasgow í Skot-
landi í síðustu viku. Það væri
þó synd að segja að allt hefði
gengið áfallalaust hjá þeim.
NT hefur þegar sagt frá undir-
búningserfiðleikunum, en þeg-
ar út var komið tók varla betra
við. Þegar Jón S. Halldórsson
og Bragi Guðmundsson ætluðu
að hefja keppni kom í ljós að
Opel Kadettinn sem þeir höfðu
keypt var ekki löglegur í
keppni vegna þess að á vélinni
voru blöndungar en ekki inn-
spýting sem bíllinn var fram-
leiddur með.
Þeir fengu þó kost á að vera
með sem gestir gegn því að
leggja af stað síðastir í stað
númer 27 eins og upphaflega
var ætlað. Þegar 70 kraftmiklir
bílar eru búnir að róta upp 1-5
sentimetrum af yfirborði veg-
arins hver er orðið útilokað að
ætla sér að sýna góðan árang-
ur, þeir Jón S. og Bragi létu sér
því allt í léttu rúmi liggja, og
það líka þótt þeir ættu við
bilaniraðstríða. Þegaralterna-
torinn brann tók breski herinn
að sér að draga ljóslausan
bílinn milli sérleiða, sem þeir
óku síðan ljóslausir í nætur-
myrkrinu!
Kom það til vegna þess að
næstir á undan Jóni og Braga
voru ræstir 3 Land Rover her-
bílar frá breska hernum og
urðu dátarnir og íslendingarnir
strax hinir mestu mátar þannig
að her Hennar Hátignar gerð-
ist einkahjálparsveit lslending-
anna sem ekki tóku í mál að
gefast upp þótt þeir væru í
rauninni ekki með í keppninni.
Kláruðu þeir alla þrjá áfanga
þótt þeir væru ekki reiknaðir
með í heildar úrslitunum, og
voru kjörnir vinsælustu kepp-
endurnir af öðrum keppendum
fyrir að hjálpa öðrum sem
voru í vandræðum, að láta
aldrei deigan síga og yfirleitt
fyrir gott keppnisskap.
Hinar tvær áhafnirnar voru
ekki svo heppnar að geta lokið
keppni. Birgi Bragasyni og
Eiríki Friðrikssyni var farið að
ganga æ betur á Escortnum
eftir því sem leið á fyrsta
áfangangann sem var sama
sem stanslaus 28 tíma akstur.
Þeir hafa keppt á svipuðum
Ford Escort hér heima en bíll-
inn sem þeir fengu leigðan úti
Varmun fullkomnari, sérstak-
lega vélin sem er 90 hestöflum
kraftmeiri og 60 kílóum léttari.
Þar sem þessi bíllvarlíka mun
þyngri að aftan segist Birgir
hafa verið þó nokkrum tíma
að venjast honum og eins að-
stæðum öllum semerutalsvert
ólíkar þeim sem við eigum að
venjast hér heima, enda bætti
hann tímana sína jafnt og þétt
þar til öruggt þótti að þeir
myndu klára í topp tíu. En á
síðustu ferjuleið fyrsta áfanga
skeði óhappið, vélin sprakk,
stimpilstöng gekkút úr blokk-
inni. Þessi 260 hestafla Cosw-
orht vél sem kostar nálægt
10.000 enskum pundum (um
450.000 ísl.kr!) er smíðuð úr
áli og gerð fyrir 9500 sn/mín.að
staðaldri og þolir 10.500 sn/
mín. en samkvæmt ökurita
sem var í bílnum vegna leigu-
starfseminnar var hún aðeins í
7200 snúningum þegar hún
sprakk, þannig að Birgi varð
ekki kennt um. Fyrir þessa leið
ræddu Birgir og Eiríkur við
eiganda bílsins sem fylgdist
með rallinu og var hann þá
hæst ánægður með frammi-
stöuna og hve litlar skemmdir
hefðu orðið á bílnum. „Við
skulum klára núna hvað sem
það kostar,“ sagði hann.
Einu skemmdirnar fyrir utan
UQIQÍ
nliV
c.AMBANO_
vélina urðu þegar Birgir krækti
öðru framhjóinu út í hátt gras
við vegkantinn og lenti á steini
sem leyndist þar. Við höggið
bognaði stýrisstöng og spyrna
en hið frábæra viðgerðarlið
sem fylgdi með í leigunni skipti
um það á næstu ferjuleiðum.
Með báðum leigubílunum,
Ford Escort RE 2000 þeirra
Birgis og Eiríks og Talbot
Sunbeam 1600 Ti þeirra Ás-
geirs og Loga fylgdu stórir
sérútbúnir sendibílar með
öllum hugsanlegum vara-
hlutum, öllum verkfærum,
meira að segja rafmagnsverk-
færum sem gengu fyrir raf-
magni sem framleitt var í
bílunum. Viðgerðarmennirnir
reyndust líka vanir og snöggir,
þegar gírkassinní Talbotnum
gaf sig var skipt um hann á
næstu ferjuleið á aðeins 26
mínútum þannig að ekki töp-
uðust nema 3 mínútur í ferju-
leiðarmínus. Spyrnur og slíkt
skiptu þeir um á svipstundu og
jafnvel bensíntanksleki olli
engum töfum, tankurinn var
tekinn undan, þéttur og settur
undir aftur svo hratt að Ásgeir
og Logi komust á réttum tíma
inn á næstu leið.
Þar fóru þeir lítillega útaf og
ók Ásgeir svo grimmt það sem
eftir var leiðarinnar að í sfð-
ustu beygjunni fór bíllinn útaf
og á hliðina í endamarkinu
ofan á skiltið sern merkti enda
sérleiðarinnar og var flaggaður
út þar, liggjandi á hliðinni!
Sögðu blöðin á eftir að „two
carloads of lcelanders", tveir
bílfarmar af íslendingum,
hefðu stokkið til og rétt bílinn
við, sem ekki var fjarri sanni.
Kláruðu þeir fyrsta áfang-
ann, helming rallsins, í 33.sæti,
en höfðu þá verið með 25. til
30. besta tíma og 18.besta tíma
á einu leiðinni þar sem Ásgeir
segist hafa slegið aðeins í.
Eftir 14 tíma hlé héldu þeir
aftur af stað en villtust strax á
fyrstu ferjuleið og „týndu rall-
inu“ eins og Ásgeir segir
sjálfur, fundu aldrei fyrstu
sérleið. Hvorugur kílómetra-
teljari bílsins var í lagi og kort
höfu þeir ekki heldur, þannig
að þeir fundu ekki réttan stað
til að beygja út af hraðbraut-
inni.
Þrátt fyrir þessa óheppni nú
í fyrstu eru allir þrír ökumenn
og fleiri staðráðnir í því að fara
aftur næsta ár og gera þá
betur, reynslunni ríkari.
Þeir skotar sem íslending-
arnir kynntust voru yfirmáta
gestrisnir og hjálplegir og hafa
margir þeirra nú áform uppi
um að koma til íslands í haust
til þess að keppa í Ljómarall-
inu í september.
Þótt íslendingarnir hafi ekki
haft árangur til jafns við allt
erfiðið í þessari fyrstu tilraun
er ekki ofsögunj sagt að tengsl
íslendinga og Skota hafi
styrkst verulega og von til þess
að úr þessu verði betri land-
kynning en franska „rallið“ í
fyrra.
Að lokum vilja þeir félagar
koma á framfæri kæru þakklæti
til allra þeirra stórhuga ein-
staklinga og fyrirtækja sem
styrktu þá með auglýsingum
og fleiru, eins og t.d. Hafrafell,
Talbotumboðið á íslandi sem
gerði ferð Ásgeirs og Loga í
raun mögulega. Ennfremur
allra velunnara og auglýsendur
Birgis og Eiríks. .aa.
EV í FIATHÚSINU
SÉRVERSLUN í BÍLA-
VIÐSKIPTUM
Við bjóðum notaða bíla í eigu Fiatumboðsins. Bílaúrvalið er síbreyti-
legt frá degi til dags. Allir þekkja hin sívinsælu EV-kjör. EV-
salurinn er sérverslun, sú eina sinnar tegundar hér á landi sem býður
upp á skiptiverslun á öllum notuðum bílum. Þú kemur á þeim gamla
og ekur i burtu á nýrri bíl. EV er líka eina bílaverslun landsins er
býður jafnvel enga útborgun. Við lánum þér jafnvel líka milligjöfina.
Við lánum í 3,6,9, jafnvel 12 mánuði. Allir bílarnir eru á staðnum.
Komið, skoðið og semjið ykkur að kostnaðarlausu því við lánum þér
líka ábyrgðartryggingu hjá einu sterkasta og virtasta tryggingar-
félagi landsins. Þú greiðir engin sölulaun af gamla bílnum. Opið alla
virka daga kl. 9—18.30. Opið laugardaga kl. 10—16.
1929
BILAURVALIÐ
ER SÍBREYTILEGT
FRÁ DEGITILDAGS.
notodir bílor i eigu umbodssins
EGILL.
VILHJALMSSON HF
Smiðjuvegi 4c — Kópavogi — Sími 79944— 79775
1984
MUNIÐ EV-KJÖRIN
VINSÆLU,
AÐ ÓGLEYMDRI
SKIPTIVERSLUNINNI.