NT - 15.12.1984, Blaðsíða 20

v-ívs'.
•' 'r'S' V-' ^
Útlönd
Árangurslausar viðræður
um verkfall námumanna
verkfallsbörn fá öllsömul leikföng
London-Rcuter
■ Embættismenn og verka-
lýðsleiðtogar úr TUC, sem er
einskonar alþýðusamband
þeirra Breta, áttu í gær viðræð-
ur um verkfall kolanámu-
manna, sem nú hefur staðið í
níu mánuði. TUC hefur lýst yfír
stuðningi við námumenn, þótt
ekki hafi þeir gengið hart fram í
að sýna hann. Viðræðurnar
voru að sögn árangurslitlar.
Markmið viðræðnanna var að
reyna að fá leiðtoga námu-
manna og fulltrúa hins opinbera
til að setjast aftur við samninga-
.borðið, en engar beinar samn-
ingaviðræður hafa farið fram
milli þessara aðila síðan í okt-
óber.
Viðræðurnar fóru út um þúf-
ur eftir tvo tíma og að þeim
loknum sagði Norman Willis,
aðalritari TUC, að hann hefði
því miður „engar góðar fréttir
að færa“. Peter Walker, orku-
málaráðherra, sagði þó að við-
ræðurnar hefðu verið gagnleg-
ar.
Nú stendur yfir mikil söfnun
í Bretlandi til þess að fjölskyld-
ur námumanna geti haldið jól,
en vitaskuld er orðið þröngt í
búi hjá mörgum þeirra. Fjöl-
margt þekkt fólk hefur lagt
söfnuninni lið. Að sögn Glenys
Kinnock, eiginkonu Kinnocks
formanns Verkamannaflokks-
ins, hafa nú safnast 263 þúsund
sterlingspund og peningar halda
enn áfram að streyma inn víða
að úr heiminum - til dæmis frá
Kuwait, Qatar, Sviss, Banda-
ríkjunum og Noregi.
„Við viljum að hvert einasta
barn verkfallsmanna fái nýtt
leikfang um jólin,“ segir Glenys
Kinnock.
Hjartaþega hrakar
■ Hann varð ern fíjótt eftir stóraðgerðina Bandríkjamaðurinn William Schroecr, sem fékk
grætt í sig gervihjarta hinn 25. nóvember. En nú virðist heilsu hans fara hrakandi og í gær fékk
hann hjartaslag að sögn talsmanns Humana Heart Institute í Louisville í Kentucky, þar sem
hann liggur. Myndin er tekin af Schroeer á fímmtudaginn þcgar hann var enn við sæmilega heilsu.
Símamynd-Polfoto.
Samstöðuleiðtogi
tekur strætó heim
Varsjá-Reuter
Fieiri
erlendir
nemendur
íKína
Pekin(>-Reuter
■ Menntamálaráðherra Kína,
He Dongchang, segir að nú sé
stefnt að því að fjölga erlendum
háskólanemendum í Kína í um
5000 á næstu fimm árum. Nú
munu um 2.500 erlendir
nemendur stunda langskólanám
í Kína auk um 4000 nemenda
sem sækja skemmri námskeið.
Flestir erlendir nemendur í
Kína hafa verið frá þriðjaheims-
löndum fram til þessa. Menning
þeirra og hegðun er í mörgum
tilvikum mjög frábrugðin því
sem Kínverjar eiga að venjast
og hefur stundum komið til
árekstra milli erlendra nemenda
og kínversks almennings.
Menntamálaráðherrann segir
að nú verði að leggja sérstaka
rækt við bætt samskipti við er-
lendu nemendurna. Það verði
að bera virðingu fyrir siðum
þeirra og venjum.
Jafnframt því sem lang-
skólanemendum fjölgar stendur
einnig til að fjölga nemendum í
styttra námi sem flestir koma
frá vestrænum ríkjum. Það er
stefnt að því að þeir verði um
6000 árið 1990 í stað 4000 nú.
Sumir þeirra greiða sjálfir náms-
kostnað sinn í Kína en einnig er
nokkuð um skiptinema sem fá
ókeypis skólavist í Kína gegn
því að kínverskir nemendur fái
styrki frá löndum viðkomandi
nemenda.
Á síðastliðnum sex árum hafa
Kínverjar eytt 116 milljónum
dollara til að senda 26.000 nem-
endur til náms erlendis, auk
þess sem um 7000 kínverskir
nemendur hafa farið til útlanda
til að læra með stuðningi ætt-
ingja og vina erlendis.
■ Zbigniew Janas, cinn helsti
leiðtogi Samstöðu, hinna bönn-
uðu verkalýðsfélaga í Póllandi
kom úr felum í dag og hyggst að
sögn vina sinna njóta boðs
pólskra stjórnvalda um sakar-
uppgjöf, sem rennur út um
áramótin. Fyrir skömmu kom
annar Samstöðuleiðtogi, Eug-
eniusz Szumiejko, einnig úr fel-
um í sama skyni.
Janas er 33ja ára gamall og
einn helsti leiðtogi neðanjarðar-
hreyfingar Samstöðu í Varsjá.
Að sögn vina hans liggja pers-
ónulegar ástæður að baki
ákvörðunar hans, hann sé enn
sömu skoðunar. Kona Janas
mun vera barnshafandi.
Janas mun ekki hafa gefið sig
fram við lögreglu, eins og Szum-
iejko. gerði, heldur tók hann
einfaldlega strætisvagn i mið-
borg Varsjár og fór heim.
Helsti leiðtogi neðanjarðar-
hreyfingar Samstöðu, Zbigniew
Bujak, er enn í felum og ekkert
bendir til þess að hann ætli að
gefa sig fram.
—
Fólk streymir unnvörpum frá Bhopal
Bhopal-Reuter
■ Ofsahrætt fólk heldur
áfram að streyma frá Bhopal
á Indlandi, þar sem vísinda-
menn munu um helgina
reyna að gera mikið magn af
eiturefnum skaðlaus. I dag
herma fréttir að um 50 þús- j
und manns hafí flúið borgina
og er þá fjöldi flóttamanna
orðinn um 150 þúsund.
Eins og kunnugt er varð
mikill leki í verksmiðju Un-
ion Carbide í Bhopal á
dögunum og kostaði hann
meira en 2500 manns lífið og
olli meira en 100 þúsund
manns heilsutjóni.
Yfirvöld hafa komið upp
flóttamannabúðum í ná-
grenni Bhopal, en flestir
sniðganga þær og kjósa að
komast eins langt burt frá
borginni og kostur er.
Aðgerðir vísindamann-
anna hefjast á sunnudag og
munu taka fimm daga. Yfir-
völd í Bhopal hafa sent út
bæklinga þar sem sagt er
hvað gera skuli ef eitthvað
fer úrskeiðis.
Lögregla og her hefur mik-
inn viðbúnað í Bhopal af ótta
við að einhverjir freistist til
að fara ránshendi um yfirgef-
in heimili.
Laugardagur 15. desember 1984 20
NATO-ráðstefna
■ Utanríkisráðherra-
fundi NATO-ríkja lauk í
höfuðstöðvum Atlants-
hafsbandalagsins í gær. í
lok fundarins sagði Ge-
orge Schultz, utanríkisráð-
herra Bandaríkjanna að
hann værí reiðubúinn að
eiga „alvarlegar, jákvæð-
ar og uppbyggilegar" við-
ræður við Gromyko, mót-
herja sinn í Sovétríkjun-
um, en fundur þeirra er
ráðgerður í janúar. Að
venju lauk ráðherrafund-
inum með blaðamanna-
fundi og var þá þessi mynd
tekin af Carrington lá-
varði, aðalritara NATO.
SímamyHd-POLFOTO
Ísrael:
Verdbólga þrátt
fyrir verðstöðvun
Jerúsalem-Reuter
■ Verðstöðvun í nóvember
virðist hafa haft lítil áhrif á
verðbólguna í ísrael. Verðlag
hækkaði þá á einum mánuði um
19,5% sem þýðir um 800 prós-
ent verðbólgu á ársgrundvelli.
En ríkisstjórn ísraels og
verkalýðsleiðtogar halda því
fram að verðstöðvunin sé núna
byrjuð að hafa áhrif og verð-
hækkanir á næstu tveim mánuð-
um verði ekki eins miklar.
Verðstöðvunin nær aðeins til
ákveðinna vörutegunda og hef-
ur stjórnin neyðst til að greiða
háar upphæðir vegna niður-
greiðslna á þeim.
Niðurgreislurnar hafa leitt til
gífurlegrar aukningar á seðla-
prentun í ísrael. Hagfræðingar
seðlabankans hafa beðið stjórn-
völd um að minnka eitthvað
niðrugreiðslurnar áður en land-
ið verður kaffært í nýprentuðum
seðlum. Nú hafa verkalýðs-
leiðtogar einnig viðurkennt að
líklega verði að hækka verð á
sumum vörutegundum sem
verðstöðvunin nær til.
Brasilíustjórn lofar að
sultarólin verði hert
- vegna tilmæla frá Alþjóðagjaldeyrissjóðnum
Sao Paulo-Reutcr
■ Alþjóðagjaldeyrissjóðurínn
hefur fengið Brasilíustjórn til
að samþykkja aukinn samdrátt í
rikisútgjöldum og aðhaldsað-
gerðir í efnahagsmálum á næsta
ári.
Fjármálaráðherra Brasilíu
segir að með strangri fjármála-
stefnu sé stefnt að því að
minnka verðbólguna niður í um
120 prósent á næsta ári en hún
er nú um 215%. Brasilíumenn
segjast ekki ætla að taka nein ný
erlend bankalán á næsta ári.
Þess í stað ætlar stjórnin að
reyna að fá greiðslufrest á hluta
þeirra 50 milljarða dollara sem
Brasilíumenn eiga að greiða í
afborganir fram til ársins 1990.
Bankamenn segja að þær
ströngu aðhaldsaðgerðir sem
Alþjóðagjaldeyrissjóðurinn
hafi fengið stjórnina til að sam-
þykkja muni leiða til hægari hag-
vaxtar á næsta ári en upphaflega
var stefnt að. Einnig muni reyn-
ast erfitt fyrir stjórnina að upp-
fylla loforð um að minnka at-
vinnuleysi.
Hjálpaði vin-
konu sinni yfir
móðuna miklu
London-Reuter
■ Kona sem hjálpaði gam-
alli vinkonu sinni að binda
enda á líf sitt með því að setja
plastpoka yfír hausinn á
henni var í gær dæmd í níu
mánaða fangelsi í London.
Helen Hough, sem er sex-
tíu ára gömul og barnabóka-
höfundur, hafði lofað Anette
Harding, 84 ára gamalli
konu, að hjálpa henni að
komast yfir landamærin
miklu. Harding tók stóran
skammt af lyfjum, en þegar
þau dugðu ekki tók Helen
Hough til sinna ráða. „Ég
gat ekki gengið bak orða
rninna," sagði hún lögregl-
unni.
Hough játaði á sig morðtil-
raun, en ekki var hægt að
ákæra hana fyrir morð vegna
þess að ekki var hægt að færa
sönnun á dánarorsökina.
Dómarinn sagði að samúð
hefði ráðið gerðum Helen
Hougt, en sagði að nauðsyn-
legt væri að dæma hana í
fangelsi fordæmisins vegna.