NT - 29.12.1984, Page 3

Laugardagur 29. desember 1984 3
Sæbjörgin:
Velta henni á bakborða
■ Félagar úr björgunar-
sveit SVFÍ vinna nú að
björgun verðmæta úr Vest-
mannaeyjabátnum Sæ-
björg. Er ætlunin að reyna
að velta skipinu við nú um
helgina þannig að ekki gefi
eins á bátinn og til þess að
auðvelda björgunarstörf.
Helgina fyrir jól var nokkru
af tækjabúnaði úr brúnni og
fleiru bjargað í land en
ókannað er hversu heillegt
það er. í fyrradag var aftur
farið um borð í eftirlitsferð
án þess að nokkuð væri haft
með í land.
Skipinu verður veit með
aðstoð kraftblakka og jarð-
ýtu þannig að það liggi þá á
bakborða og ættu þá að sjást
skemmdir sem orðið hafa á
stjórnborða. Ekki verður
reynt að draga Sæbjörgina á
sjó aftur. Að sögn Gunnars
Felixsonar hjá Trygginga-
miðstöðinni eru litlar líkur á
að nokkur veruleg verðmæti
liggi í því sem tekst að
bjarga.
■ Félagar úr SVFÍ ásamt fulltrúum Tryggingamiðstöðvarinnar fóru um borð í Sæbjörgina helgina
fyrir jól og björguðu þaðan nokkru af tækjabúnaði. NT-nywi: Eð*«id
■ Magnús Þ. Torfason hæstaréttardóm-
ari.
Nýr forseti
Hæstaréttar
■ Magnús t>. Torfason hæstaréttardómari
hefur verið kjörinn forseti Hæstaréttar frá
áramótum til ársloka 1986 og tekur hann við
af fór Vilhjálmssyni. Sigurgeir Jónsson
hæstaréttardómari hefur verið kjörinn vara-
forseti frá sama tíma.
Eimskip:
Opnar nýja
skrifstofu
- í Rotterdam
■ Fyrsta janúar opnar Eimskip umboðs-
skrifstofu í Rotterdam. Forstöðumaður
skrifstofunnar hefur verið ráðinn Guð-
mundur Halldórsson.
Á skrifstofunni munu starfa níu manns,
þar af 2 íslendingar, en auk Guðmundar
hefur Hulda Hákonardóttir verið ráðin á
skrifstofuna.
í fréttatilkynningu frá Eimskip segir að
Rotterdam sé lykilhöfn í flutningakeðju
Eimskips, en tvö skipa Eimskips sigla viku-
lega á Rotterdam.
Sökudólgurinn
enn ófundinn
■ Enn hefur ekki tekist að hafa upp á
skemmdarvarginum sem fór inn í hús Korp-
us við Ármúia í fyrrinótt og talinn er
valdur að eldi sem þar kom upp. Tjónið
nemur milljónum.
Rannsóknarlögreglan hafði tvo pilta í
yfirheyrslum í gærdag en þeim var sleppt að
þeim loknum. Eru líkur á því að þeir tengist
þessu taldar hverfandi.