NT - 15.01.1985, Blaðsíða 3

Þriðjudagur 15. janúar 1985 3
Fréttir
Ratsjárstöðvar eru
hernaðarmannvirki
-segir 1. des. hópurinn á Vestfjörðum
■ „Við lítum á ratsjárstöðvar sem hern-
uðarmannvirki og óttumst slíkt mannvirki
við okkar heimabyggð. Við teljum slíka
framkvæmd lið í vígbúnaðarkapphlaupinu
og því siölausa stefnu og ranga. Samviska
okkar býður okkur því að tjá andstöðu
okkar og er sú andstaða í samræmi við
vaxandi friðarumræðu og friðarvilja al-
mennings um allan heim." Pannig segir í
tilkynningu frá friðarhóp á ísafirði sem
kalíar sig 1. desember hópinn og myndað-
ur var á fullveldisdaginn í haust af fólki á
norðanverðum Vestfjörðum.
í tilkynningunni er mótmælt því sem
kallað er fráleit vinnubrögð utanríkisráðu-
neytisins í ratsjárstöðvamálinu. Þess er
krafist að Alþingi fjalli um málið og það
fái málefnalega umræðu á Alþingi. Þá segir í
tilkynningunni að utanríkisráðuneytið hafi
breytt um áherslur í áróðri sínum og snúið
hlutum þannig við að á hernaðarlegt gildi
stöðvanna, scm upphaflega hafi verið nteg-
inforsendan fyrir byggingu þeirra, sé ekki
minnst nú, heldur gert sem mest úr „almenn-
um notum“ sem af stöðvunum megi hafa.
Menntaskólinn við Hamrahlíð:
Útskrifaði 74 stúdenta
■ Sjötíu og fjórir stúdentar brautskráðust
frá Menntaskólanum við Hamrahlíð laugar-
daginn 12. janúar, þar af 17 úr öldungadeild.
Hæstar einkunnir á stúdentsprófi hlutu
Freysteinn Sigmundsson, stúdent af eðlis-
fræði- og náttúrufræðibraut, Garðar Guðna-
son af eðlisfræðibraut og Vilhjálmur Þor-
steinsson af eðlisfræðibraut. Flestar náms-
einingar, eða 164 (en 132 er krafist til
stúdentsprófs) hafði Kjartan Halldórsson
stúdent af náttúrufræðwig nýmálabraut.
Við brautskráninguna söng kór skólans
undir stjórn Þorgerðar Ingólfsdóttur. Örn-
ólfur Thorlacius rektor minntist tveggja
ungmenna, sem létust á haustönninni,
þeirra Grétars Magnússonar nemanda
skólans, og Þórs Sandholt, sem lauk stúd-
entsprófi þaðan s.l. vor.
Engin kjarna-
vopn á íslandi
■ Fundur í Alþýðusambandi hér-
aðsmanna, sem haldinn var á Egils-
stöðum 5. janúar, skorar á það Al-
þingi sem nú situr að marka um það
afdráttarlausa stefnu að aldrei komi
til greina að leyfa flutning kjarna-
vopna til íslands eða staðsetningu
slíkra vopna hérlendis.
Fundurinn vekur athygli á að fram-
kvæmdir sem unnið er að og áformað-
ar eru á vegum Bandaríkjahers og
Nato hérlendis tengjast augljóslega
kjarnorkuvígbúnaðaráætlunum á Is-
landiog nálægum hafsvæðum. Fund-
urinn mótmælir sérstaklega fram-
komnum áformum um byggingu
nýrra ratsjárstöðva á Vestfjörðum og
Langanesi og telur það grófa blekk-
ingu að tengja umræðu um þau efni
við öryggismál sjómanna og farþega í
innanlandsflugi.
Nafnaskrá líf-
eyrissjóðanna
■ Fjármálaráðuneytið hefur tekið saman
nafnaskrá lífeyrissjóða og tekur nafnaskrá
þessi til allra lífeyrissjóða landsins, miðað
við árslok 1983.
Á skránni kemur fram til hvaða lífeyris-
sjóða hver einstakur hefur greitt og þar með
hjá hvaða sjóði eða sjóðum viðkomandi eða
aðstandendur hans hafa réttindi.
Fjármálaráðuneytið mun gefa einstak-
lingunt upplýsingar um í hvaða lífeyrissjóð-
urn nafnnúmer þeirra hefur komið fram ef
óskað er og er tekið á móti slíkum fyrir-
spurnum í sírna 91-25000 en svarað verður
hinsvegar bréflega vegna reglna um per-
sónuvernd. Þessa vitneskju ætti einstak-
lingurinn líka að geta fengið með því að
snúa sér til einhvers þess lífeyrissjóðs sem
hann veit sig skráðan í.
IMý vél með reimdrifnum, yfirliggjandi knastásum, sparneytnari,
þýðari og kraftmeiri en gamla vélin.
Nú fimm gíra í stað fjögurra áður og auðvitað með háu og lágu
drifi að auki. Eiginlega er SUBARU með tíu gíra áfram og tvo glra
afturábak. Slaglöng, sjálfstæð gormafjöðrun að aftan I stað
flexitora áður. Endurbætt fjöðrun að framan.
Stærri að ytra og innra máli en áður, óneitanlega fallegri.
Nýtt og fjölbreytt litaúrval.
Hlaðinn alls konar þægindaaukum; svo sem aflstýri, „central"
hurðalæsingar, skuthurð og bensínlok eru opnanleg innanfrá,
hæðarstilling á bllstjórasæti, stilling á stuðningi við bakið á
bílstjórasæti, rafknúin fjarstýring útispegla, stillanleg
stýrishæð, snúningshraðamælir, tölvuklukka og margt fleira.
20.000 kr. staðgreiðsluafsláttur sé bíllinn greiddur upp innan mánaðar.
Tökum flesta notaða bíla upp I nýja.
Munið bílasýningar okkar allar helgar kl. 14-
17.
AKIÐ EKKI ÚT i ÓVISSUNA
AKIÐ Á SUBARU.
INGVAR HELGASON HF.
Sýningarsalurinn/Rauðagerði, sími 33560.
AÐ ÖLLU LEYTI NÝR
BÍLLEN
BYGGÐURÁ LANGRI REYNSLU