NT - 05.05.1985, Blaðsíða 2

m? Sunnudagur 5. maí 1985 2
LL Myndlist
Umsjónarmenn Helgar-
blaðs:
Atli Magnusson,
Birgir Guðmundsson
og
Jón Arsæll Þórðarson
■ Forsíðumynd: Við opnun
sýningar hjá Andy Warhole.
Ljósm,: Eve Arnold.
■ Um þessar mundir er verið að rífa Melavöllinn, sem er
samofinn sögu íþróttanna í Reykjavík og á landinu öllu.
Helgarblaðið ræðir við Baldur Jónsson vallarstjóra en hann hóf
störf á Melavellinum árið 1950.
■ Hnupl úr búðum er ótrú-
lega algengt og eru kaupmenn
orðnir mikið kvekktir á þessu ■ Nú er það orðið úrelt að geyma kjarnasprengjur í
fyrirbæri. Á bls. 8-9 getur að jarðhýsum.Tilþessaðaukaáöryggivarnarogárásarbúnað-
líta samantekt um búðarhnupl ar síns hafa stórveldin sprengjurnar á stöðugri ferð milli
á íslandi. landsvæða. Sjá bls. 14-15.
■ Sigrún Eldjárn hjá grafikmyndunum sínum í Listmunahúsinu.
(NT-mynd: Ari)
Sigrún Eldjárn
með 41 grafikmynd
í Listmunahúsinu
■ Sigrún Eldjárn opnár sýn-
ingu á verkum sínum í List-
munahúsinu í dag klukkan 14.
Það eru 41 mynd sem hún sýnir
að þessu sinni. grafikmyndir
unnar á sl. 2 árum. Myndirnar
liefur Sigrún unnið með þrenns
konar tækni, -messotintu, sáld-
þrykki og koparstungu.
Sigrún er fædd árið 1954 í
Reykjavík. Hún stundaði nám
við Myndlista og handíðaskóla
íslands 1974-1977 og lærði
nressotintu í Póllandi 1978.
Einkasýningar hefur hún
haldið í Gallerí Langbrók 1980,
á ísafirði 1980, í Rauða húsinu
á Akureyri 1981, og í Jónshúsi í
Kaupmannahöfn 1984. Hún
hefur tekið þátt í samsýningum
á íslandi, á öllum Norður-
löndunum, í Póllandi, V-
Þýskalandi og í Bandaríkjun-
um.
Hún fckk styrk úr Menning-
arsjóði 1981, listamannalaun
1981, starfslaun listamanna
1982 og starfslaun rithöfunda
1985.
Verk eftir Sigrúnu Eldjárn
eru í eigu Listasafns ASÍ, Lista-
safns Kópavogs, Norræna
hússins, Statens Konstrad í Sví-
þjóð og í Sveaborg í Finnlandi.
Einn af gömlu „Súmm-
urunum“ á heimaslóð
/
Tryggvi Olafsson opnar sýningu á 40 málverkum og klippi-
myndum í dag
■ Einn af gömlu „Súmmurun-
um“, opnar sýningu sína í Lista-
safni ASÍ nú í dag, laugardag,
en sá er Tryggvi Olafsson. Eins
og menn vita hafði SÚM hópur-
inn veruleg áhrif á þróun nú-
tímalistar á íslandi og hann rak
um skeið eigin sýningarsal í
Reykjavík. Um þann hóp hefur
verið sagt með réttu að hann
hafi skapað íslendingum nauð-
synlega viðmiðun innan listar
annarra landa og starf hans varð
að forsendu þess sem nú er að
gerast í íslenskri list. Tryggvi
Olafsson var félagi í SÚM á
þessum árum og hann sýndi oft
með hópnum.
Tryggvi er Austfirðingur,
fæddur á Neskaupstað 1940.
Hann stundaði nám í Myndlista
og Handíðaskólanum 1960-61,
en fékk þá inngöngu í Listahá-
skólann í Kaupmannahöfn og
dvaldist þar við nám næstu sex
árin. Þar var helsti kennari hans
prófessor Hjorth Nielsen. Hann
tók þátt í haustsýningu lista-
manna, „Den Frie“ í Kaup-
mannahöfn 1963 og hélt sína
fyrstu einkasýningu í Gallerie
Jensen 1966. Þá átti hann að
sjálfsögðu myndir á flestum
samsýningum SÚM grúppunnar
1969-79 og í SÚM salnum hélt
hann fimm einkasýningar, þ.e.
árin 1969, 1973, 1974, 1975 og
1977. Tvær einkasýningar í List-
munahúsinu 1980 og 1982. Þá er
að nefna átta einkasýningar í
Kaupmannahöfn. Tryggvi hefur
líka tekið þátt í fjölda samsýn-
inga í öllum höfuðborgum
Norðurlanda og sýnt í Hollandi
og Þýskalandi.
Auk alls þessa má geta um
að Tryggvi Ólafsson hefur
skreytt byggingar á íslandi og í
Danmörku og hann hefur gert
heimildarmynd um sinn gamla
kennara Hjorth Nielsen ásamt
leikstjóranum H.H. Jörgensen,
en það var árið 1977.
Tryggvi hefur verið búsettur í
Höfn í 23 ár.
Um Tryggva og verk hans
hefur danski myndlistargagn-
rýnandinn Öystein Hjort sagt:
„Lýsing á list T.Ó. gæti byrj-
að á pop-listaverkum hans.
Kímin notkun á ýmsum fyrir-
bærum velferðarþjóðfélagsins
og dýrkun þess á blessun neysl-
unnar, virðist hafa orðið honum
mikilvæg kveikja. En það er
eftirtektarvert, að litanotkun
T.Ó. er allt önnur en poplista-
mannanna bandarísku. Hann
velur sér dýpri og fyllri liti. Hér
er á ferðinni frábrugðin litameð-
ferð, sem ef til vill á rætur að
rekja til hefðar og þess norræna
landslags, sem hann er kunnug-
ur.
Myndir hans láta í ljósi ýmis
samtvinnuð hugsanatengsl; þær
eru fullar af hlutum sem virðast
gegna óskyldum hlutverkum,
þeir grípa hver inní annan,
skáskjótast ýmist eða rekast á
saman. Hann dregur þessa hluti
upp með þróttmiklum línum; á
myndfletinum eru þeir skýrir
eins og útskurður.
í myndunum má greina tengsl
til ýmissa átta, og það er Ijóst,
að sambands manns og náttúru
er mikilvægt þema. List T.Ó. er
af fastri, kímnibundinni viðmið-
un við líðandi stund og hið
undarlega mannlíf okkar tíma.“
■ Það eru 40 málverk og klippimyndir sem Tryggvi Ólafsson sýnir í Listasafni ASÍ. Síðustu
einkasýningu sína hér á landi hélt hann 1983. Sýningin er opin til 27. maí, kl. 14-20 virka daga, en kl.
14-22 um helgar. (NT.mynd: ah)