NT - 02.11.1985, Blaðsíða 12

■ Enginn dottar í Lindarbæ á sýningum Nemendaleikhússins á
Hvenær kemurðu aftur rauðhærði riddari.
Amerískur
stormsveipur
M Nemendaleikhúsið, Lindarbæ:
Hvenær kemurðu aftur, rauðhærði
riddari? eftir Mark Medoff. Þýðandi
og leikstjóri: Stefán Baldursson.
Leikmynd: Guðný B. Richards.
Þetta er amerískt Ieikrit, „gerist í
lok sjöunda áratugarins í veitinga-
vagni í suðurhluta Nýju Mexíkó “
eins og stendur í leikskránni. Inn í-
daufa tilveru fólksins þar berst gustur
dag einn, maður sem með óvægileg-
um aðferðum storkar umhverfinu og
rífur menn upp úr sínu vanafari svo
að fólkið er ekki hið sama að lokum.
Þetta mætti kalla meginefni leiksins.
Og best að segja strax að Rauðhærði
ríddarinn er haglega samið leikrit og
varð áhrifarík sýning í meðförum
Nemendaleikhússins. Eins og fyrri
daginn er gaman að sjá til þess unga
fólks sem hér er að öðlast sína
lokaþjálfun í Leiklistarskóla íslands.
í leikskránni er grein um það
tímaskeið sem Rauðhærði riddarinn
lýsir. Það er tími unglingauppreisna,
Víetnamstríðs, stúdentahreyfinga,
o.s.frv. Teddy er þá líklega eins
konar fulltrúi hinnar uppreisnar-
gjörnu æsku, með sinn fádæma
ruddaskap og ofbeldi, maður sem er
fullur af hatri á öllu og öllum. Persón-
ur leiksins eru skýrum dráttum
dregnar: í upphafi kynnumst við
Stephen og Angel, starfsfólki á veit-
ingavagninum. Stephen erdæmigerð-
ur kjaftfor strákur sem h'tið verður úr
þegar á reynir. Hann talar sífellt um
að komast burt og verða mikill maður
en hangir á barnum og þusar við
stúlkuna. Hann vill ekki kannast við
sjálfan sig, ætlast til að hann sé
nefndur Rauðhaus og er brjóstum-
kennanlegur í dagdraumum sínum.
Stúlkan Angel heldur sér gangandi
með hnýsni um náungann, lífgar
þannig hina snauðu tilveru sína. Skúli
Gautason skilaði hlutverki Stephens
einkar vel, setti persónuna okkur
fyrir sjónir á Ijóslifandi hátt. Inga
Hildur Haraldsdóttir var prýðilega
tóm og tilgerðarleg í fasi í hlutverki
Angel.
Mest mæddi á Valdimar Erni Flyg-
enring í hlutverki „stormsveipsins“
Teddys. Hann lék af miklum krafti og
tókst að gæða leikinn þeirri ógn sem
nauðsynleg var. Samleikur þeirra
Skúla náði sér vel á strik í atriðinu
þegar Stephen leikur Rauðhærða
riddarann.
Gestir í veitingavagninum, Richard
og Clarisse, Eiríkur Guðmundsson
og Bryndís Petra Bragadóttir, eru af
öðru sauðahúsi en hitt fólkið, penir
smáborgarar, konan ann að vísu fiðlu
sinni umfram annað og hefur víst
aldrei sýnt eiginmanninum álíka
blíðu. Meðferð hins stríðsbrjálaða
Teddys á þessu fólki öllu er nöturleg
í mesta máta, og það má segja
aðstandendum /sýningarinnar til
marklegs lofs að samleikurinn var
hnökralaus, sýningin í heild sinni
minnisverð leikhúsreynsla. Þá er
ónefnd Guðbjörg Þórisdóttir sem iék
lagaskonu Teddys skemmlega.
Tveir atvinnuleikarar taka þátt í
sýningunni.Hlutverk Sigmundar
Arnar Arngrímssonar, Clarks, er
lítið, en þeim mun meira mæddi á
Gunnari Eyjólfssyni, sem lék hinn
bæklaða afgreiðslumann Lyle. Gunn-
ar lék af mikilli kúnst, en það segir
sína sögu um hve jafnvíg sýningin er,
að Gunnar yfirskyggði ekki hina
leikarana, samleikur hans og Valdi-
mars var áhrifaríkur.
Stefán Baldursson á lof skilið fyrir
stjórn sína og þýðingu á þessu verki.
Og hvetja má þá sem hafa lifandi
leiklistaráhuga að bregða sér í Lind-
arbæ á næstunni. Það er að minnsta
kosti ekki hætta á að neinn dotti.
Gunnar Stefánsson
Norðurlandsbyggð
framtíðarinnar
■ í tilefni af ári æskunnar gekkst
Fjórðungssamband Norðlendinga
fyrir að haldnir voru á Sauðárkróki
Norðurlandsleikar æskunnar,
íþrótta- og æskulýðsmót fyrir yngri
aldurshópana. Leikir þessir þóttu tak-
ast með afbrigðum vel.
Nú er í ráði að halda á vegum
Menningarsamtaka Norðlendinga í
samráði við skólana og fræðslustjóra
á Norðurlandi, tónlistarkynningu í
grunnskólum Norðurlands, m.a. í
tilefni af ári æskunnar. Síðasta fjórð-
ungsþing Norðlendinga fól nefnd
þeirri er undirbjó Norðurlandsleik-
ana að gangast fyrir einskonar ráð-
stefnum í skólum á framhaldsskóla-
stigi, þar sem fjallað yrði um byggð-
amálefni og framtíð norðlenskra
byggða. Gert er ráð fyrir forgöngu
skólastjóra og kennara um þetta verk-
efni í samráði við undirbúningsncfnd-
ina, en að nemendur sjálfir leggi til
umræðuefnið og mestan málatilbún-
að. Síðan sendi hver skóli fulltrúa
sinn á sameiginlega ráðstefnu, sem
haldin yrði síðari hluta nóvember-
mánaðar, einskonar fjórðungsþing
æskunnar, þarsem æska Norðurlands
ræðir sín málefni um framtíð norð-
lenskra byggða.
Tilgangur þessarar ráðstefnu er að
vekja sterka byggðarvitund þeirrar
kynslóðar sme á næstu árum mun
koma til áhrifa á Norðurlandi og fá
hana til að taka fangbrögðum þann
vanda, sem steðjar að landsbyggð-
inni. Vakning sern síðar leiðir til
sóknar og nýrra sigra.
Undirbúningsnefndina skipa:
Björn Sigurbjörnsson skólastjóri á
Sauðárkróki formaður, Arnaldur
Bjarnason sveitarstjóri Skútustaða-
hrepps og Hermann Sigtryggsson
æskulýðsfulltrúi Akureyri.
Laugardagur 2. nóvember 1985 12
lyftutengda heyskera á dráttarvélar. Þessir
heyskerar létta bændum stórlega störfin við
losun, flutning og fóðrun úr flatgryfjum.
G/obusf“
Rafmagns- heyskerinn
Oleo Mac heyskerarnir hafa farið sigurförmeðal
bænda og eru nú enn uppseldir. Næsta sending
væntanleg í desember. Pöntunum veitt mót-
taka. Tvímælalaust ódýrasti rafmagnsheysker-
inn á markaðnum, fyrir vothey, þurrhey og
sértaklega handhægur til að skera i sundur
rúllubagga.
Getum einnig boðið frá
LÁGMÚLI 5, SIMI 81555